استفسار عن طباعة النماذج

[Reem.AB]

السلام عليكم ورحمة الله
مبروك القبول للكل واللي ما نقبلوا الله يوفقهم ويقبلون الترم الجاي

معليش ابي اسالكم سؤال عااااااااااااااااجل
نموذج الرسوم ما رضى ينطبع مع اخوي الا بالعرض يعني الصفحة انقسمت جزئين فوق وتحت ينفع كذا ولا اقوله يحاول يطبعها مره ثانية بالطول ؟؟؟؟؟؟؟؟؟

نفس الشيء في نموذج البريد الممتاز


ثاني شيء ابي اسال ضروري ختم البنك ولا مو ضروري على النموذج لان شرحهم يخربط في هالنقطه

ومشكورييييييييييييييييييييييييين على التعاون والاهتمام

[Mr.M]

اذا هو حق بنك الرياض مايحتاج حتى لو كان مهو واضح

لكن اذا هو حق البريد لازم يكون واضح شعار البريد يمين فوق


يعني الصفحة انقسمت جزئين

اذا تقصدين ورقة البريد عادي اساسا لازم تكون جزيئين
علشأن اذا سلمتيه البريد هم ياخذون جزء وجزء لك

[Reem.AB]

قسمين بالعرض مو بالطول
ومشكوووووووووووووووووووور من الاعماق على الرد يامستر إم

[Mr.M]

قسمين بالعرض مو بالطول

اجل المشكله يمكن من اعدادات الطباعه
حاولي تغيرين حجم الطباعه واذا مانفع
جربي مكاتب الطباعه هم يقومون باللازم

[Reem.AB]

جزاك الله خير اخووووووووي
باقي السؤال الثاني ما جاوبتوني عليه
معليش ابلشتكم

[Mr.M]

ختم البنك مهو بضروري الأيصال الأزرق فقط هو اللي يبونه

[Reem.AB]

الله يجزاك خير مستر m ويعطيك فوق ما تتمنى يارب
محد عطاني فيس غيرك
ربي يسخر لك وين ما توجه وجهك

[رضاك ياربي]

اختي ريم نموذج السداد خلاص الغوه يكفي بداله الايصال من البنك
ثاني شي نموذج البريد الممتاز اصلا لازم تقصينه واحد ترسلينه مع باقي المستندات والثاني يختمونه في البريد ويقعد معاك

[أوراق منثورة]

بالتووفيق ..

[Reem.AB]

يعي ما اخذ نموذج السداد ؟ اللللللللللللله يجزاك خير يا اخت رضاك ربي



ويااااااااااك يا اوراق منثوره

[لين 24]

بالتوووفيق خيتووو

[Reem.AB]

الله يوفقك ويسعدك ياليونه

[رورو البطه]

باقي لي نموذج البريد ...
طبعت انا نموذج السداد ..

[رورو البطه]

اللي عنده الرابط حق نموذج البريد ... يقطه هني

[Reem.AB]

ما نقدر نقطه هني ياحلوه
لأن لكل طالب نموذج خاص فيه محد يقدر يدخل عليه الا هو
الا اذا عطيتيني بيناتك الخاصه


بالتوفيق رورو

[halah ali]

نموذج سداد الرسوم مهم جداً ولازم يكون فيه الختم وتوقيع العميد
اللي مايظهر عندهم الختم والتوقيع يغيرون المتصفح وان شاء الله يضبط أنا استخدم متصفح اكسبلوورر 8 وكل شي ضابط

[Reem.AB]

ياناس الختم يظهر وكل شيء بس المشكله انه مقسوم نصين بالعرض مو بالطوووووووووووووول

[Mr.M]

طيب جربي تغيرين نمط الطباعه
بعد مايطلع لك النموذج
تروحين لــ
file
وبعدها
page setup
وبعدها تغييرين من portrait الى landscape

او بالعربي

ملف
وبعدها
خيارات الصفحه الظاهر
وتغيرين الأعدادات حق شكل الطباعه

يمكن تضبط معك

[Reem.AB]

الله يجزاك خي يا مستر ام بجررررررررررررررب نصيحتك

[Reem.AB]

عشان انهي القصة الاسطورية حقتي هذي
بقولكم اني حاولت بشتى الطرق ورحت مكتب وكل ابو الاشياء مانفع :(175):
مالقيت غير اني ارسل الاوراق زي ماهي والله يستر
سألنا موظف البنك وموظف البريد قالو عادي والله مدري عنهم

ومشكورين من كل قلبي اللي ساعدوني وخااااااااااااصة مستر M


يالله قفلوا الموضوع عاد
:mh318: