مصلى بنات الجامعه في خطر

[بنت الجامعه]

السلام عليكم ورحمة الله وبركاته
بس بقيت انوه ان احنا بلد الدين الاسلامي
وان النظافه من الايمان
وان مسجد الجامعه للبنات اولا اصقير طوله عشرة امتار تقريبا اذا ماصار اصغر عرضه متر ونصف
بنات الجامعه عددهم يفوق 400 طالبه اوطبعا مايحتاج اكلمكم عن النظافه اتخيلو الوضع 400 طالبه في عشر امتار طول اومتر ونصف عرض
وتمنى ان شكوتي تؤخذ بعين الاعتبار







ها نسيت اخذو من المسجد مساحه امسوين منه مكتبه تصوير يازعم

او ماخذين من المسجد قطعه حق الامن والسلامه اتخيلو الوضع
يبقى اشوي يسوه بوفيه بعد:t4: :070:

[بـــو أحــمــد]

و عليكم السلام و رحمة الله وبركاته


في البداية أهلاً و سهلاً بكِ أختي بنت الجامعة في الملتقى الأكاديمي

أتمنى صوتك يوصل لإدارة الجامعة ...

حسب رأيي ... لا تعتمدين على مصلى الجامعة إذا كان بهاذي المواصفات و الزحمة ...

جيبي معاك كل يوم السجادة و شوفي مكان مناسب و صلّي:000:

أتذكر كنا في الثانوية العامة نسوي هالطريقة:119:

[**baha**]

السلام عليكم
بالفعل اختي بنت الجامعه
كلامك صحيح بس انتي سوي زيي ما قال لك بو احمد

او سوي زينا نصلي بالمنى الثاني كانوا حاطين فرش(يعني ان الممر مسوينه مصلى بعدين شالوه)
بس احنا حاليا نصلي نصلي بنفس المكان ونجيب معنا سجادات


الله يعطيك العافيه لانك تطرقتي الى هالموضوع
تحياتي

[بنت الجامعه]

مشكورين على المروور
احنا البنات دئما انسوي كذا بس طفشنا من هالحالة

اناقصدي اذا احنا بلد الدين جامعتنا مافيها مسجد يعني المكان الي يجمعنا
والمفروض يصير فيه حلقات او ارشاد مو كذا هالمهزله الي صايرة بالمسجد
والله حرام

[Future Doctor]

الله يكون في عونكم أختي بس رأي أخوي بو أحمد هو الصح و إن كانك بتنتظرين يسوون لك مسجد فأتوقع السالفة مطولة

تحياتي لك

أخوك

Future Doctor

[رومانسية]

اختي بنت الجامعة
ذكرتييني بالمأساه
اللي اعرفه كان في غرفة في المبنى الاول
يسمونها مسجد
بس درات الدنيا وكثروا البنات
ومالقوا الا المسجد يسوونه قاعة

خليها على ربك
ولاتتأملين يسون مسجد

[ولاية]

تحية طيبة
للطرح الموفق

سابقا
كان بالجامعة مصلى بالمبنى الاول (غرفة مترين ونص في 4 امتار) تقريبا ومصلى الامن الذيالذي كان ربع المساحة التي تكلمتي عنها اخيه في حين هذه كان مكان انتظار للباصات له وكان مساحة صغيرة في المبنى الثاني والثالث للصلاة
ولكن الوضع كان لايحتمل في حين ان البعض يستغلون المكان للراة وللسوالف والكلام حتى باوقات الصلاة
واتذكر اننا رفعنا شكوى من خلال موقع الجامعة وقام بقلب مكان الانتضار الى مصلى وتعديل مساحات المبنى الثاني والثالث بادرتها بحواجز للصلاة
ولكن يضل الوضع مؤسف .. وبعدها ازيلت السجادت المخصصة للصلاة وقلب مسج المبنى الاول الى قاعة دراسية
والجامعة تحوي مساحات كبيرة ارض قحله لازرع فيها ولاشيء ولن يضر لو عملت مصلى

اتمنى الصوت يسمع
فنحن كما قالت بهاء قمنا نحضر سجاداتنا ونصلي بالمبنى الثاني

اتمنى اصوتنا تسمع وينقش هذا الشيء من قبل المسئولين

اختكم
ولاية

[علي]

مابي اقول ذاك البيت الشعري



بس اقول ان شاء الله يوصل صوتكم

[راحيل]

على الضفاف يحتضر ضياء المصلى
صورة باتت من الف صورة
ويطوي الزمن الاثر
كي لايحكي القلم ماساة تلك الصورة
التي بعثرت وصودرت من اجل صورة اخرى حلت مكان تلك الصورة

[*"الحالمة"*]

>×وعلـ*السلام ورحمة الله وبركاته*ـيكم×<

ايه والله خيتو المصــلى مأساة
في كل مبنى المفروض مسجدين ويادووب يكفون,.
زي ماذكرت الأخت ولاية
في المبنى الأول كان فيه مصلى<-----<<بس مالحقت عليه إلا وهو قاعة
هع
*
والمبنى الثالث فيه حواجز بجنب الكافتيريا (يقال لها مصلى)
والمكان اللي تكلمتي عنه اختي بجنب مكتبة الأبرار اعوذ بالله حــرام يكون اسمه مصلى
لأن حتى ريحة فيه!!
والمصلى المفروض يكون مكان نظيف,.
فيه بنات استثمروا بعض الأماكن الفاضية في الجامعة مثل الممر اللي بجنب ممر الخروج-جنب المبنى الثاني-
وسلالم الطوارئ في المبنى الأول <------<<روحي هناك وشوفي الزحمة وقت الصلاة
وبعضهن يصلون في قاعاتهن,.
غير البنات اللي يروحون للمصلى الرسمي ويصلون هناك
ويمكن فيه أماكن ثانية البنات يصلون فيها مااكتشفناها لسى :bgs18:
المشكلة حتى لو ينكتب لهم شكوى في الجامعة لازم نكتب اسمنا والرقم الأكاديمي!!
:000: يخوفونا ونقول ذولي ناوي يشرشحونا
ايه هااااااه..
خليها على ربكـ..
كلها اربع او سبع سنوات وتطلعين :lllolll:
*
.
مشكــورة خيتو بنت الجامعة على اللفته الحلوة

*"مع خالـص محبتي"*

[ربي زدني علما]

أهلا اختي العزيزة

اتمنى ان يوجد حل سريع

لكن اتذكر كنا بالجامعه نصلي بالقاعات بعد الفراغ من المحاضرات

لا تستسلمي للوضع

حاولي ان توجدي الحلول السريعه دائما


تحياتي

[maryam_m7md]

والله صاااااااااادزه اوخيتي بنت الجامعه

انا واعوذ بالله من كلمة انا <== فكيناا بس

مستحيييييييييييلللللللل نوووو وييييي من خامس عاشر ثامن اول المستحيلات ان اصلي به:s11:

ليه انا بايعه منخاري
:011:
وبيني وبينتز للحين مانويت انتحر عشان اصلي به
:000:
مالله كثر من القاعات :222g:

وعشان اصير صريحه
وعلى قول المثل البنغالي : الصراحتو كنزون لايفنى:c8:
أأخرها شوي واصلي بغريفتي

واكيد الله مطلع وشايف الوضع

وماحد يلوووومن

انا زودن عالروايح يوم اني دخلت به في احد الايام البرتقاليه عيوني شوي ويطلعن مع نظارتي بيني وبينتز شفت مناظر مرعبه
يامثبت العقل والدين:017:

عموما يابنت الجامعه اصرخي وذا الاااود فويس لعل وعسى كيف وهل وكان واخواتها انهم يسمعونتس
:t2:
ولو بكيفي كان ارتب اضراب ومظاهرات بس البنات كمخ ودجه ولجه مع احترامي لي ولهم :003:
<== لا يارامبو ياهقهوقن مشالله عليتس قوووييييه مراا:mh35:

من جد ليته بس حد يطاوعن كان زلزلت عرش الجامعه وفصلت نص طاقم الاشراف والتدريس والامن بس وش اقولتس العين بصيره واليد (ودها تعطي مخمسات):lllolll:

موضوع رائع بس ليتوه يؤخذ بعين الاعتبار:bawling:
سلااام
أختس : مريوم ويدلعونها سونيا:bye:

[★ NiGhT AnGeL ★]

السلام عليكم ورحمة الله وبركاته

اشكرك اختي على طرح الموضوع..

~*¤ô§ô¤*~*¤ô§ô¤*~بغاية الأهمــــــــيه~*¤ô§ô¤*~*¤ô§ô¤*~

لاإعتمــاد على الجامعه

لأن كان عندنا مصلى بالمبنى الاول واستغلوه كقاعه

ولمصلى اللي مابين المباني استغلت للأمن والجزء الاكبر منها للمكتبه وهي بالأصل جدآ مصلى صغير

المبنى الثاني..كانوا البنات يصلون على الفرش بالقرب من الكفتيريا والآن لاوجود لها
....... لكن البنات بدأو يصلون بهذا المكان على مصلاتهم

المبنى الثالث مصلى جدآ جدآ صغير وبالممر:011:

بدأت الطالبات تستغل الدرج الموجود بالمبنى الاول ..
الاول .. عند المصعد
والثاني..الدرج الموجود عند المعامل

واماكن متفرقه بالإضافه الى القاعات

لاحول ولاقوه إلابالله

جامعه كبيره وببلد اسلامي تفتقر الى وجود مصلى:011:

[مرزوق]

السلام عليكم
قلت حق اختي عن سالفة مسجدكم وقالت فعلا كان على وقتها مسجد صفير وكان البنات ما يثقون بطهارته ويقولون ان العاملة الي تكنسه تكنسه بنفس المكنسة الي تكنس بها الحمام
بس تقول ان هذي سوالف الوسواسيات
مثل ما كانوا يقولون عن مطعم الجامعة انهم كانو يشوفون الدويبه الي تعيش في الرز في اكل المطعم

على فكرة ترى معظم مباني الأولاد مثلكم ما فيها مساجد بس في سجادة تنفرش وقت الصلاة في السيب ويشغلون اذان الحرم المكي ويصير المبنى كنه الحرم بس ما فيه كعبه
ما اعتقد المسؤولات في اقسامكم ما يقدرون يوفرون لكم هذه السجادة
واذا عجزت الجامعة تجيب لكم سجادة سووا قطية وجيبوا انتوا وحده تبرع لوجه الله تعالى
الله يتقبل من الجميع

[★ NiGhT AnGeL ★]

السلام عليكم

وعليكم السلام ورحمة الله وبركاته

قلت حق اختي عن سالفة مسجدكم وقالت فعلا كان على وقتها مسجد صفير وكان البنات ما يثقون بطهارته ويقولون ان العاملة الي تكنسه تكنسه بنفس المكنسة الي تكنس بها الحمام
بس تقول ان هذي سوالف الوسواسيات

سالفة المكنسه الله اعلم بيها اخي
لكــن بذاك الوقت لماكان المصلى موجود..مانثق بطهارته ابدآ
لأن كان ببعض الايام نجي ونشوف المصلى كله طابع الله يعزكم..
والفرش بعد كذا ماتتغير ولاحتى تنغسل
الله المستعان على هالحال:011:

مثل ما كانوا يقولون عن مطعم الجامعة انهم كانو يشوفون الدويبه الي تعيش في الرز في اكل المطعم
على الله
بس صدقني العاملات نفسهم يتكلمون بالقصه
ان مافي نظافه بالمحل
وخلها مستوره

على فكرة ترى معظم مباني الأولاد مثلكم ما فيها مساجد بس في سجادة تنفرش وقت الصلاة في السيب ويشغلون اذان الحرم المكي ويصير المبنى كنه الحرم بس ما فيه كعبه

ماتوقعت وضع الأولاد بالجامعه نفس وضعنا
الله يعينكم
الأذان ماينسمع..؟؟ ليه مشغلين اذان الحرم المكي..اول مره اسمع بيها:t2:


ما اعتقد المسؤولات في اقسامكم ما يقدرون يوفرون لكم هذه السجادة
واذا عجزت الجامعة تجيب لكم سجادة سووا قطية وجيبوا انتوا وحده تبرع لوجه الله تعالى
مثل ماانت شايف اخي الكريم
بس صار ان كل وحده تجيب سجادتها من بيتهم
وتخلص عمرها:119:

الله يتقبل من الجميع
ان شاء الله منان ومنكم

[فتفوته سحتوته]

آيــــــــــــه والله سآدقه بنت جامعه منجد هذا مو اسمه مسلى ممر سغيييييييييييييير

لا واغلب الوقت حق التسدح والتبطح ..
ودي اهدم الجامعه وابنيهآ على كيفي بسويهاا اطللللللللللق جآمعه بالدنيآ

<<== يمدحون الركآدهـ لاتتحمسين وآجد

اسلن الجامعه مافيها مكان ينتمشى فيه= اقسد ساحة زي العآلم والنآآس
حتى سآحة المدرسه اكبر

<<-- اقول عن الهيآط بس
قاسين علينآآآآآآآآآآآآآآآآآآآآآآآآآآآ:000: :011:

ولاعندنا كفتيريات عدله اشكثر البنات وكلهم على ثنتين تخيلو انتو الزحممممممممه


استغفر الله كنه الحجر الاسوووووووووووود من النآس نمل
:000: :000:

تقبلي مروري:sunglasses2:

[★ NiGhT AnGeL ★]

لا واغلب الوقت حق التسدح والتبطح ..
ودي اهدم الجامعه وابنيهآ على كيفي بسويهاا اطللللللللللق جآمعه بالدنيآ

اي والله صدقتي يافتفوته

اللي تنطر محاضرتها واللي تنطر اخوها ولااحد من اهلها يجي
تستغل المصلى تنسدح فيه وتنام لوحصلت فرصه

اسلن الجامعه مافيها مكان ينتمشى فيه= اقسد ساحة زي العآلم والنآآس
حتى سآحة المدرسه اكبر

يلا قمنا نتعبر روحتنا للمحاضره تمشيه
بين القاعات والمباني وفي الممرات
من زود الزحمه
البنات شوي ويتهاوشون
كل وحده مضايقه الثانيه

ولاعندنا كفتيريات عدله اشكثر البنات وكلهم على ثنتين تخيلو انتو الزحممممممممه
فتفوته
ياريت تفتحين موضوع عن الكفتريات
سيطووووووووووول الحديث عن ذلك

تحياااتي

[ريفانا]

سلالالام,,,,,,,,,,,,,,,,,,,,,,,,,,,,,,

صراحتآ يعني من دون مجامله
شرالبليه مايضحك
خخخخخخخخخخخخخخخخخخخخخخخخخخ
مره كنت بالمصلى انتظر المحاضره الحلوه>>مجامله مره حلوه
ماشوف الاالتسدح قايم
وخياااااااااااام منصوبه >>عبايات خخخ
عسى ماشر؟؟؟ماادري اتسدح زيهم خخخ
فكره حلوه
توني افكر بالموضوع..الاتصيرحركه ثنائيه
وحده تشخر والثانيه ترفسني
طلعت قروني وقمت قعدت بالحديقه
واانا اتحلطم
تسدحوا ببيوتكم,وخلوا الاوادم تصلي
لاتزحمونهم
>>وجهت رساله
يسلموا عالموضوع

[فاطمه محمد]

.. مجرد إحساس ..

أولى ايام إنقلاب مسجد المبنى الأول إلى قاعه

خُيِّل إلي ان المسجد قد اغتصب


ولكن
لا أقول إلا الله المستعان
وصلاة مقبولة وربنا يتقبل منكم صالح الأعمال




كانت هنا وشعرت بنفس الإحساس سابقاً
فاطمه محمد

[شموخ ملكه]

اي والله صدقتي ,,

وغير ريحه المكاااان أحس انها مقرررررفه ..

ناااااهيك أن بعض الطالباااااااات يناااامون .. بالمصلى ....

والبعض منهن تمشي ((بجزمتها )) << أكرمكم الله ,,

ماأقووووول الا الله يهديكن ,,

[بنت الصمان]

اايد راي الاخ ابواحمد حنا نسوي كذا بالكليه الين ماتسهلت وبنوا لنا مصلى واسع وجديد

بس المفروض مجموعه بنات يتحمول مسؤليه المصلى ينظفونه ويقفلونه ومايفتح الا بوقت الصلاه او اوقات الندوات

من باب فعل الخير لااكثر ولا اقل