بنات ساعدوني ورقه البريد الممتاز اللي ادخل فيها للجامعه ضاعت ايش الحل

[ملكه رومانيه]

بنات وش اسوي عادي يدخلونني اول يوم والا لا وش الحل

[بنت اكابر]

مالك حل الا هالورقه دوريها لازم تلقينها والا ماراح يدخلونك
الله يعينك

[Ǎṁooηaђツ]

لاتتوترين خيتو دوريها على راحتك وبتلقينها انشاء الله
ولاتنسين تبشرينا اذا لقيتيها

[نقاء الثلج]

ذكرتيني باللي صار لي اللعام
دخلوني الامن بالغصب
وقالوا اليوم بندخلك بكره لا شوفي لك حل
اخدي ورقه من الاداره على انك منتسبه للجامعه
وانا كانت عامله احتياط طبعت ورقة فيها رقم السجل الاكاديمي ورحت فيها الكليه
وتالي كتبوا لي ورقه وختموها على اني منتسبه للكليه وصرت ادخل فيها الكليه كل يوم على ماطلعت البطاقه

[اسبانية]

مهمه الورقه يارب تلاقيها
دوري عليها زيين لأن هي مهمه
وإذا مالقيتيها
سوي زي كلام اختي اللي فوقي

سلااام

[Hearshey]

لاتحاتين
انا العام صار لي كذا واصلا رميتها مادريت عن اهميتها
رفضوا يدخلوني لكن مكتب البريد الممتاز جنب الكليه
اخوي اخذ النسخه اللي مافيها ختم وقال لهم يختمونها لان الاولى ضاعت
ختموها باقل من عشر دقايق وعطاني اياها ودخلت

[شديت الرحال]

وضحيلهم الامر وان شالله يتعاونون وال ماتدخلين الجامعه روحي للي يسون البطاقات

ان شالله تلاقينها

[عسولة الشرقية]

حبيبتي اقري سورة الضحى وارجعي دوري عليها


وان شاء الله باذن الله تلقينها

[♥..ЙAИa]

ان شاء الله تلاقينها

[ريـ الفلا ـم]

ارجعي للبريـد الممتـآز وقولـي لهم ورقتي ضـآعت وهي مهـمه

يمكن يعطونك غيرهـآ ^ ^

[ملقوفه]

مافيه الا حل البريد الي قالوا عليه الاخوات

[ملكه رومانيه]

بنات ابشركم حصلتها ولله الحمد

من جد ارتحت مالي خلق اشرح لهم عن ضياعها

مشكورات حبيباتي