مستعجل :اريد نبذة عن محتوى المواد للمعادلة

[مبتعثة كوريا]

:sdfgdsf:السلام عليكم
انا خريجة كلية المجتمع بالاحساء ومبتعثة الى كوريا الجنوبية لاكمال دراستي
يريدون معادلة المواد التي درستها فيسالوني عن محتوى المادة ليرو الماده المطابقة لها ويحذفوها لي
والمشكله انا متخرجه من سنتين تقريبا لذا نسيت محتوى المواد
فقط افيدوني عن ماذا تتكلم المواد المدروسه في الكليه
هذه المواد لا اذكرها :
1- الحاسبات في التعليم
2-الاتصالات والشبكات
3- هندسة البرمجيات
4- ادارة الشبكات
5- مهارات الاتصال

رجاءا الامر في غاية الاهميه لاني بدأت دراسة والى الان لم تتم المعادلة لي

[بنوته ناعمه]

أنا مستجدة وماقدر أفيدك أن شاء الله البنات يفيدوك
بالتوفيق أن شاء الله..

[ابتسامه خجوله]

موفقه ياررررب
إن شاءالله البنات يفيدونك ياعمري

[مبتعثة كوريا]

تسلمو يارب

[ذابـحهم غـروري]

البرمجة

والاتمتة


حبيبتي بسألش شلون تم ابتعاثك وعن طريق اي جهة وكم المعدل الي يبون ابي التفاصيل الله يعافيك

[مبتعثة كوريا]

هلا والله
البرمجة والاتمتة اذكرهم
بس هذول المواد لانهم متشابهه ما اذكرهم وخصوصا مهارات الاتصال ولاااا اذكر اني درست ماده اسمها كذا
بالله تكفي قوليلي عن المواد اذا تعرفي لازم ارد لهم خبر هاليومين


اما عن البعثه المعدل المطلوب على ما اذكر 4/3,5

وانا مبتعثه من قِبَل برنامج خادم الحرمين الشريفين للابتعاث
الله يحفظه لنا

[ذابـحهم غـروري]

هلا حبيبتي

انا بروح سنة ثاانية

بتأكد لش من المواد وبكتبهم لش

بس ممكن تعطيني تفاصيل البعثة يعني هي تكملة للدبلوم او تدرسي من جديد ؟
وبأي لغة الانجليزية او الكورية

وهذا البرنامج الي لخادم الحرمين مستمر للسنة الجاية او لا ؟؟

[η✿ησ]

ربي يوفقك ان ششاء الله

[ذابـحهم غـروري]

نظم قواعد البيانات

والانجليزي

[مبتعثة كوريا]

ذابحهم غروري
هلا فيك حبيبتي
والله الظاهر ان تكملة مو من البدايه لكن ماعبيت اوراقي مضبوط انا مقدمه للجامعه شهادة الثانويه لانها مطلوبه وشهادة كلية المجتمع فاعتقدت انهم من نفسهم بعادلو لي لكن تم تسجيلي كطالبة جديده لاني اخترت اثناء تعبئة بيانات التسجيل freshman اي طالبة مستجده وانا ماكنت عارفه معناها مضبوط لكن زين لحقت على الموضوع من البدايه لاني دوبي 4 اسابيع من بديت دراسة الجامعه
كلمتهم وشفت بعض المواد الموجوده معهم عشان يحذفوها لي وباقي بيبحثو عن باقي المواد الثانيه اذا موجوده او لا وبعدها بردو عليي اذا بعادلو او لا بس اتوقع يعادلو
اما بالنسبه للغه خليها على الله يختي
انا درست اللغه الكوريه لمدة سنه لكن اعرفها فقط في المعاملات العاديه في الشارع وغيره او هرة اصحاب هذره بسيطه اما لما دخلت الجامعه ما انصدمت من الوضع كنت متوقعته ما افهم شي من الخرابيط اللي اسمعها بعض المواد كتب انجليزي والبعض الاخر كتب كوري اما الشرح كله بالكوري
وانا ما اعتمد على الشرح لاني ما افهم
اترجم الكتب وافهم نفسي بنفسي الوضع مره صعب ودوبي اول سمستر من الجامعه بشوف حالي ان مشيت بكمل ان مامشيت ماراح اتعب نفسي اكثر من كذا لان الوضع في كوريا لا يحتمل نسبة المسلمين 1 بالمئه اذا مو اقل بعد
وشعب كل حياته خمر وصديق وصديقه
مو بس كذا حتى مناهجهم اللي درستها في اللغه مناهج وسخه كل امثلتهم للقاعدات والعياذ بالله عن الخمر والاصدقاء
الواحد اذا سافر بره يحمد الله مليون مره على نعمة الاسلام ويحس اكثر بصعوبة المهمه اللي قام بها النبي محمد صل الله عليه واله
طولت عليك بس من القهر اللي في قلبي حبيت اتكلم

[مبتعثة كوريا]

ذابحهم غروروي
اما بالنسبة لاستمرار البرنامج ماعندي علم بس اتوقع اي

ونظم قواعد البيانات والانجليزي اذكرهم عن ايش
اما المواد اللي كتبتها بالاحمر ما اذكر عن ايش تتكلم افيديني بنبذة بس عن ويش هالمادة

[حلا العيون]

:150:اختي مبتعثه عبري عبري طلعي كل الي بقلبك وادعي من الله انه :(204):يثبتش على الدين ويستر عليك ويحفظك واخلصي نيتك بالدراسه لله والله يوفقش حبيبتي وترفعين راسنا:(164): وانصحك تقرين الكهف كل جمعه عشان الله يحفظك حبيبتي واذكار الصباح والمساء وصلاتك لا تنسينها وموبعدين لا تخرجتي وجيتي موطنك وتوضفتي احسن وظيفه :tj4:تصيرين مغروره انتبهي عمري ومشكلتي:d1: انا اي وحده تشوفني تقول عني مغروره لاني هاديه وثقيله اشوي عشا ن الهموم الي ماتخلص ماادري من وين تجيني يحسبوني مغروره :24_asmilies-com:معليه اختي طولت عليك بس ارتحتلك كثير:g18:

[ذابـحهم غـروري]

هلا حبيبتي

يعني الحين انتي في كورياا والوضع مو حلوو ؟؟


1- الحاسبات في التعليم
كانت تتكلم عن انواع الحواسيب في العالم واحجامها وابرز المخترعين وصفات الحواسيب ومميزاتها وترتيبها من الأقدم الى الاحدث
2-الاتصالات والشبكات
كانت تتكلم اتوقع انه عن شبكات الحاسب وكيفية اتصالها مع بعض وانواع الشبكات
3- هندسة البرمجيات
لسى مابعد ندرسهاا هالسمستر ان شالله
4- ادارة الشبكات

لسى مادرسنااها

5- مهارات الاتصال

لسى ....


اتمنى لش التوفيق حبيبتي وبس يعطوونا الكتب بحاول افيدك عن مواد هالسنة

[مبتعثة كوريا]

حلا العيون تسلمي حبيبتي والله يصبر الجميع
ذابحهم غروري
لاعاااااد اهم شي مهارات الاتصال يمكن مايعطوكم الكتب الى نهاية الاسبوع اسالي معلمة او طالبه متخرجة

وشدو حيلكم وجيبو ممتاز عشان ماتوقفو على الكليه وتبتعثو وتكملو
احسن شي من سفرتي انا اني اكتسبت لغة جديده ونقلت القليل عن الاسلام لصاحباتي ومعلماتي خصوصا انهم مايعرفو عنه وعندهم شي غريب مو الكل طبعا البعض الاخر يعرف كل شي عن الاسلام ويستهزئ سوالف كثيره وبعضها ماتنقال

[نبض خــــاص]

أختي الله يوفقك أن شاء الله
انا بسأل ان شاء الله لو لقيت معلومه تفيدك بأكتبها لك :(204):

[مبتعثة كوريا]

:g9:نبض خاص
مشكورة خيتي

[بحور الاسرار]

ذابحهم غروري
هلا فيك حبيبتي
والله الظاهر ان تكملة مو من البدايه لكن ماعبيت اوراقي مضبوط انا مقدمه للجامعه شهادة الثانويه لانها مطلوبه وشهادة كلية المجتمع فاعتقدت انهم من نفسهم بعادلو لي لكن تم تسجيلي كطالبة جديده لاني اخترت اثناء تعبئة بيانات التسجيل freshman اي طالبة مستجده وانا ماكنت عارفه معناها مضبوط لكن زين لحقت على الموضوع من البدايه لاني دوبي 4 اسابيع من بديت دراسة الجامعه
كلمتهم وشفت بعض المواد الموجوده معهم عشان يحذفوها لي وباقي بيبحثو عن باقي المواد الثانيه اذا موجوده او لا وبعدها بردو عليي اذا بعادلو او لا بس اتوقع يعادلو
اما بالنسبه للغه خليها على الله يختي
انا درست اللغه الكوريه لمدة سنه لكن اعرفها فقط في المعاملات العاديه في الشارع وغيره او هرة اصحاب هذره بسيطه اما لما دخلت الجامعه ما انصدمت من الوضع كنت متوقعته ما افهم شي من الخرابيط اللي اسمعها بعض المواد كتب انجليزي والبعض الاخر كتب كوري اما الشرح كله بالكوري
وانا ما اعتمد على الشرح لاني ما افهم
اترجم الكتب وافهم نفسي بنفسي الوضع مره صعب ودوبي اول سمستر من الجامعه بشوف حالي ان مشيت بكمل ان مامشيت ماراح اتعب نفسي اكثر من كذا لان الوضع في كوريا لا يحتمل نسبة المسلمين 1 بالمئه اذا مو اقل بعد
وشعب كل حياته خمر وصديق وصديقه
مو بس كذا حتى مناهجهم اللي درستها في اللغه مناهج وسخه كل امثلتهم للقاعدات والعياذ بالله عن الخمر والاصدقاء
الواحد اذا سافر بره يحمد الله مليون مره على نعمة الاسلام ويحس اكثر بصعوبة المهمه اللي قام بها النبي محمد صل الله عليه واله
طولت عليك بس من القهر اللي في قلبي حبيت اتكلم

لا حول ولا قوة الا بالله
ادعي الله ييسر لك امورك
ان شاء الله تتأقلمي مع الوضع
و تاخذي اعلى الدرجات
موفقه

[sweto]

- هندسة البرمجيات
هندسه على مااذكر ان كانت هندسه للحواسب

4- ادارة الشبكات
تتكلم عن الشبكات وكيف تتصلي من جهااز لاخر

5- مهارات الاتصال
هو انجليزي

[مبتعثة كوريا]

بحور الاسرار تسلمي حبيبتي والله يوفق الجميع

سويتو :من جدك انجليزي
انصدمت بصراحة شكلها الذااكره معي صفر لاني بالمره هالماده بالذات ناسيتها طيب بالانجليزي عن ايش يعني بس كذا تعليم لغه انجليزيه او ايش

[نبضة شوق]

مبتعثه كوريا الله يوفقك يارب وترجعين لنا بالسلامة

سؤالك عن مهارة الاتصال هي مادة الانجليزي

[نبض خــــاص]

حبيبتي ما فهمت عليك إذا كنتي تبغى المواد كلها
إذا كنتي تبغي المواد كلها فأنتي ما ذكرتي
تطبيقات الحاسب الآلي
أساسيات الحاسب الآلي
رياضيات الحاسب الآلي
البرمجه الشيئيه
النشر على الأنترنت
وهذي مواد سنه أولى
ما أدري أكون كذا أفدتك أو لا

[مبتعثة كوريا]

نبض شوق
شكرا لك

نبض خاص
انا عارفه اسماء المواد لكن مو ذاكره عن ايش المواد تتكلم المواد اللي كتبتها باللون الاحمر بداية الموضوع هي اللي ابي اعرف عن ايش هالمواد اماالمواد اللي كتبتيها لي اذكرها
شكرا لاهتمامك

[نبض خــــاص]

اهااا
والله ما عندي فكره عنهم لأني مع ذابحهم غروري بنروح سنه ثانيه
طيب أختي عندي سؤال إذا ممكن :(164):

وش هي الدول الثانيه الي ممكن الابتعاث لها غير كوريا

[مبتعثة كوريا]

انا دفعتي كانت اول دفعه تقريبا يفتحو فيها المجال لحملة الدبلوم للالتحاق ببرنامج الابتعاث من سنتين
وكانت الدول محصورة لنا في 3 دول فقط
اليابان
كوريا الجنوبية
الصين

[نبض خــــاص]

أشكرك يا قلبي لإجابتك على استفساراتنا
مع انك داخله وطالبه المساعده
ان شاء الله ربي يوفقك ويساعدك

[عنون]

.. اللله يوفقك بس انا طمووحي ياباانييه انشاء الله ..

بالنسسبه لهندسه البرمجيات هي تتكلم عن تطوير الاسس والقواعد لتحسسين التصميم .
وتطوير البرمجييات ومهارات الاتصال مثل مااقاالوا خواتي هي الانجلش .
اتمنى اني افتدك يلا عقباال مآ ابتعث لليااباان يلا ولا كوريا معك :049:

[مبتعثة كوريا]

اشكركم من كل قلبي
عنون
حيااااااااااااك حبيبتي تعالي كثري عدد البنات ترى احنا قليلين 7 بنات سعوديات هنا بس
بس اقولك وياها من الحين ترى اللغه مو ذيك السهوله .في الكتابه والقراءه اسهل من اللغه اليابانيه لكن في النطق مادري من وين يطلعو الحروف . نقول نفس اللي يعلمونا لكن مايفهمو علينا شوي صعب

[مبتعثة كوريا]

اخواتي العزيزات الف شكر لكم من جد ماقصرتو معي
ابشركم عادلو لي المواد السنتين اللي درستها في كلية المجتمع
يلا شدو حيلكم ولا تكتفو بشهادة الدبلوم
انشالله الطريق مفتوح قدامكم
اهم شي جيبو 3ونص وفوق من 4

[برنسيسهـ]

الله يوفقك مبتعثه..

وعقبالي,, بس باليابان..

[عنون]

... الله يووفقك وينجحك وترجعيين لنا بالسلامه ..
.. اوومآ عآد ع لغتهم خطييره بخلييها عليييك :mh01: ..
.. وانا خلييني بس في الانجلش ..
.

[تهزني الذكرى]

وبالتوفيق للجميع

[Sara Ali]

الله يوفقك ويسهل امورك

يمكن هذا يفيدك :)

http://www.ud.edu.sa/web/sites/default/files/%20مقررات%20دبلوم%20الحاسب%20الآلي.pdf

[مبتعثة كوريا]

شكرا لكم

[مقرودة المجتمع]

آختي هم مآراح يسآلوكي هالماده تتكلم عن شنو لآزم تآخذي
ورقه مختومه من الكليه
آنآ بعآدل كم مآده قآلوا روحي لمجتمع وآطلبي منهم وصف المقرر
وتعطيك وصف المقرر بكل المواد الي درستيهـآا بالعربي وبالانجليزي
ولآتنسين تقولين لهـآا تختمه
تطلبيه من أ / نورة الدحيلان هي رئيسة القسسم

وبالتووفيق