ملتقى طلاب وطالبات جامعة الملك فيصل,جامعة الدمام

رجعت للموضوع علشان أجاوب على السؤال الرئيسي

بالنسبة للقراءة بشكل عام فيه عدة أنواع, أحد المواقع وهو يشرح سوى تشبيه حلو
شبه طرق القراءة من ناحية السرعة بقير السيارة, كل نوع بتعشيقة (لا تقولوا ما نفهم يا بنات, وراكم سواقة) << إي هين
وقال هم أربع تعشيقات

الأول: القراءة المتأنية, وهذي نستخدمها لما ندرس أو نقرأ شيء معقد وصعب
الثاني: القراءة العادية, وهذي نستخدمها لما نقرا الجرايد والمجلات والروايات
الثالث: القراءة السريعة, وهذي نستخدمها لما مايكون عندنا وقت نقرا المكتوب كله أو يكون الكلام كثير مرة, وما تكون القراءة بتأني

الرابع(وهو موضوعنا): المسح والاستخلاص scanning & skimming, المشترك بين الطريقتين أنا ما نقرا كل الكلام المكتوب
في طريقة المسح scanning, يكون عندنا سؤال نبي نجاوب عليه, أو نقطة محددة نبحث عنها, مثلا نبي نطلع رقم تليفون أو عبارة محددة أو فكرة معينة استعين بها في نقاش.
في طريقة الاستخلاص skimming, الأمر مختلف شوي. نستخدمها لما نحب نعرف الخلاصة أو الفكرة العامة للكلام المكتوب,أو لما نحب مثلا نستعير كتاب فنعمل skimming نظرة سريعة على مقاطع من الكتاب
انتهى كلام الموقع

يعين إذا حبينا نطبق الكلام على الامتحان, أول ما يجينا السؤال وفيه القطعة ويش نسوي؟

نستخلص skim الفكرة العامة للقطعة, ونعرف عن إيش تتكلم, بقراءة سريعة جدا ومو ضروري لكل الكلام المكتوب حتى,
بعدين نقرا أول سؤال, ونروح للقطعة ونعمل مسح scan للقطعة علشان نشوف أي شي ممكن يدل على الإجابة بدون ما نقرا القطعة كاملة

يعني ممكن نخلص الامتحان وحنا ما قرينا القطعة كاملة ومع ذلك حلينا الأسئلة

بالنسبة لكلمة skim اللي يبي يتذكرها هي نفس الكلمة المكتوبة على الحليب خالي الدسم skimmed milk أو اللي استخلص منه الدسم
و scan اللي يبي يتذكرها يتذكر السكانر اللي في السوبر ماركت (وفي جوال السامسونغ), يعمل سكان على الباركود إلى أن يصيد السعر يطلع صوت و يوقف