|
رد: التحويل من الجامعة
انا توني محول للقسم الجديد الانجليزي يجب ان يكون المعدل لايقل عن 2.5 من أصل 5 وإكمال ترمين على الاقل .
أما بنسبة للنصيحة :1-إذ كنتي مقتنعة بتخصص من أول فيجب التمسك به 2- إذا كان عمار معاني له دور في القرار فعلمي أن بكل قسم فيه من هذه الفصيلة |
رد: التحويل من الجامعة
اقتباس:
أحسب قصدك تحويل من قسم الي قسم بنفس الجامعة |
رد: التحويل من الجامعة
ولد عمي يدرس في جامعة الملك عبدالعزيز .. متأذي و ذايق الويل !!
يكفي إنها كل ترم لازم 3000 ريال درستي ساعة والا 18 ساعة !! تكاليف الطيران للي ساكن بالشرقية + تكاليف السكن + تكاليف الأكل والشرب = أغلى من بيع السوق !! ------------ الثلاثين درجة اللي نحصلها من كل مادة ( حضور المحاضرات + حل الواجبات + المشاركة في منتديات الحوار ) أنسيها ! والاختبار من 100 !! شغلة اختبارات تخصص اللغة الإنجليزية موضوعي انسيها بعد ! .. مقالي في مقالي وتخيلي درجة صعوبة مواد التخصص المتقدمة وانتي بتحلينها مقالي .. !! بصراحة انا مخلص التوفل ودارس برا مو مستعد أروح أدرس بجامعة الملك عبد العزيز :119: |
رد: التحويل من الجامعة
على فكره جامعه عبد العزيز افضل بكثير من جامعه فيصل في كل شى حتى الشهاده:hhheeeart4:
|
رد: التحويل من الجامعة
اقتباس:
إذا فيه تصنيف جامعي في السعودية نورينا فيه نبي نشوف .. كلنا نطمح للأفضل :119: إذا قلتي الكلمة هذي جزافاً فكلامك لا مصداقية له .. |
رد: التحويل من الجامعة
المشكله مسلسل النكبات مستمر
يعني بالعربي يبون يجيبون لنا نفسيه ويقولون نظام مطور ابي اسال متطور بايش يعني جيب واحد يدمر معدلات الطلاب ويقولون له اثبت وجودك ما الوم المعاني لانه في مثل ينقال من امن العقاب اساء الادب والعميد زي العسل على قلبه ويقولون ارسلو على الايميل ونرد عليكم ونرسل ومحد يرد يعني المصداقيه بقاره والواقع بمجره ثانيه ونصيحه حتى وان كلنا حملنا الماده لحد ياخذ ماده للمعاني لان مواده في التخصص انا لاحضت شيء غريب وتسالت كثير مدرس استماع واستيعاب غير مسلم لكنه طلع اطلق بمليار مره من المعاني سؤال يتوجه للمعاني وثاني سؤال بعد اختبار القراءه والمطالعه حصلت مشرفه بالملتقى تتحلف وتهدد الكل وتقول من علمها حرف صارت له عبده ابيها ترد على الموظوع وتدافع عن سيدها انا والله العظيم قفلت وياي من الي يجامل بكذب حشاكم ويبي يثبت وجوده على حساب الاخرين مشرف او مدير او مراقب انت موظوع لخدمه المنتدى والاعضاء مو للتهديد ترا زمن اول ابتدائي ولى للابد وصار هذا الزمن ادب وتقدير واحترام والي تهدد ترى الي بالمنتدى مو اصغر عيالك وتذب عليهم كلام لسانك حصانك والباقي معروف وارسلت رساله لقسم الشكاوى للحين محد رد يعني الجامعه والملتقى نفس المشكله تشتكي لا حياه لمن تنادي وفوق كل هذا يقولون عادي هدوء دعيت بكل مكان على الجامعه وعلى المعاني ومابي ادعي على المشرفه الي بالقسم ويانا او مدير الملتقى دمتم بود ايها الاعضاء الكرام |
رد: التحويل من الجامعة
أزيدك من الشعر بيت ..
نزلت موضوع يتكلم عن سؤال غلط في مادة الدكتور عمار المعاني .. والدكتور اللي جنبي قال لي يحذف السؤال .. إدارة المنتدى مشكورة قامت حذفت الموضوع !! مو متعطلين على المشرفين والمشرفات اللي يسلبون حرية كتابتنا وآراء الأعضاء .. آنا شخصياً مو عاجز أسوي منتدى للطلاب !! .. احترمونا ولا تحذفون مواضيعنا وإن دعينا وتحسبنا على دكاتره مالكم حق تحذفون مشاركاتنا .. حذفوا السباب والشتايم بس مواضيع تحسب ودعوات مالكم حق أبداً ! :119: |
رد: التحويل من الجامعة
تسلمون والله هذا العشم فيكم
ماقصرتو جميعا :106: للاسف سعود مافيها انتساب مطور و عبد العزيز خوفتوني منها اقضب مجنونك لا يجيك اجن منه :icon9: :106: |
رد: التحويل من الجامعة
اللي خلاني ما أفكر في جامعة الملك عبد العزيز هو ما سمعته من سوء تعامل الدكاترة مع الطلاب
والدراسة ترى مو بس جد واجتهاد, هي صبر وصبر وصبر الطريق إلى الشهادة ليس مفروشا بالورود في الأترام الأولى احنا زباين جدد, لازم الجامعة تدللنا بالمواد السهلة علشان ما نشرد في الأترام الأخيرة, يعني لما نوصل المستوى السادس والسابع والثامن راح نصير احنا اللي في موقف الضعف, وأي شي تسويه الجامعة راح نقول حاضر وممنون لأننا مستحيل نفرط في ثلاث سنوات دراسة وننسحب. مو لازم يكون هالشي مقصود من الجامعة, بس هي كذا لما موازين القوى تنعكس. فنصيحتي لكم, جهزوا أنفسكم لظروف صعبة, ما أقول أن السنوات القادمة هي سنوات عجاف, لكن أتوقع تمر علينا بعض الأزمات تعكر صفو السير الدراسي وعلى فكرة, حسب معرفتي ببعض الجامعات تعتبر جامعة الملك فيصل متميزة في اهتمامها بمشاكل الطلاب, ولا يمنع ذلك من وجود الكثير من الأخطاء بس علشان نعرف لما واحد يقول أنا عندي شهادة بكالوريوس, مو معناه أني إنسان متخصص بس, لأ, معناها إني عانيت علشان أحصل هالشهادة اللي أقوله استهدوا بالله ياجماعة, ولو - لاسمح الله - ما شافوا لنا حل لهذا الموضوع, مش نهاية العالم. وبالهدوء راح نفكر بشكل أفضل. :106::106::106: |
رد: التحويل من الجامعة
:106:شجون ياقلبي ياحياتي ياروحي انتي
انثبري مكانك:017:<<خربتها لاتروحين ولاتجين ولاتتركين اي شي يهزك كلنا معاكي يافتاة العرب واذا على المعاني عسى الله يجبر خواطرنا لانه الواحد القادر على كل شي فديتك |
| All times are GMT +3. الوقت الآن حسب توقيت السعودية: 12:14 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام