|
بعد صدمة القراءات - اقتراح قديم للتخفيف من حدة الصدمات المشابهة
السلام عليكم ورحمة الله وبركاته,,
الله يعطيكم الصحة والعافية ويخلف تعبكم خير, وتشوفوا النتايج اللي تسركم إن شاء الله. طبعا الأغلبية - إذ مو الكل - انصدم من امتحان القراءات المطالعات بالنسبة لمستوى ثالث, وأيضا مادة المقال لمستوى خامس, لنفس السبب, ألا وهو طول القطع وضيق الوقت. وبعد اللجوء للقنوات الرسمية (النجار) أصبنا بخيبة أمل "متوقعة" للقراءات والمطالعات: http://www.ckfu.org/vb/t274313.html وللمقال: http://www.ckfu.org/vb/t275577.html كَرَد فعل ناس اقترحت عدم التسجيل في مواد الدكتور عمار, علشان الجامعة تحس بغلطتها. الاقتراح فيه كذا مشكلة: أولا: المواد مش ثابت من يدرسها, أحيانا يتغير الدكتور وصادفتنا كذا مرة, يعني تخيل بعد ما امتنعت عن تسجيل ثلاث مواد مثلا, يطلع لك المعاني في مادتين من الأربع مواد الباقية. والسبب هنا يعود أن الدكتور عمار مش تابع لكلية الآداب مثل البقية, هو تابع مباشرة للعمادة, وهذا للي يفسر تفرغه للكثير من المواد في نفس الترم, لأن ما عنده التزامات مع الانتظام, يعني الدكتورمعين مخصوص للانتساب وراتبه ياخذة من اللي ندفعه كل ترم واحتمال يخاوينا إلى مشروع التخرج. يعني لازم نتكيف مع أسلوبه. المشكلة الثانية: عدد اللي يشاركون في المنتدى صحيح أنه كبير, بس كم يمثل نسبة من العدد الكلي للطلاب, وكم منهم يدخل بشكل مستمر ويشارك في المواضيع, وكم منهم راح يأيدون هالفكرة اللي راح تقلب الخطة الدراسية فوق تحت. هنا خطر على بالي موضوع طيحة الأسهم, الكل صار يقول لحد يبيع لا تطيح السوق, كم واحد اللي طبقوا الاقتراح المثالي هذا, في النهاية اللي خسر هو اللي ما باع, وحط أمله في إدارة سوق الأسهم أنها تمنع المتلاعبين بالأسعار, اللي أثناء سقوط الأسهم يجي واحد في نهاية اليوم يشتري عشرة أسهم من العشرين مليون المعروضين بس علشان يطيح السعر نسبة, وإدارة السوق :(269): ولا كأنها تشوف. والعالم تبيع وماعليهم من النصايح وكل واحد شايف مصلحة نفسه, وعارفين الدعوة خاربة. يعني ممكن يتجاوب مع المطلب ثلاثمية أو أربعمية واحد, وما تعجب الفكرة عشرة آلاف طالب من مختلف المستويات, وخمسة آلاف يخافون ينّكبون فيسجلون. هل راح يأثرون الثلاثمائة, يمكن يأثرون بس مش لدرجة أن الدكتور يطرد من الجامعة أو يغير أسلوبة حتى. وفي النهاية راح يخسر اللي ما سجل, ويضطر أنه يسجل بعدين عند نفس الدكتور. إللي أشوفة في هذي السالفة هو مش حل بالضبط, هو في الحقيقة إجراء وقائي, وهو اقتراح أخونا ـألساحر بأن تكون مواضيعنا ومشاركاتنا باللغة الإنجليزية بهذي الطريقة راح تتعود عيوننا على الكلام الإنجليزي وتزيد حصيلتنا اللغوية ويتحسن أداءنا العام, وراح تزيد عندنا سرعة القراءة, وإن شاء الله نوصل للمرحة اللي المفروض نكون عليها وهي: قراءة الكلمة بالشكل وليس بالحروف الموضوع صعب على الكثيرين أدري, بس نواجه صعوبة مؤقتة في المنتدى أحسن من أننا نواجه صعوبة في الامتحان تأثر على معدلنا وقراراتنا إلى التخرج ويمكن إلى ما بعد التخرج. غير أن الكتابة بالعربي مش ممنوعة, بس إن شاء الله يكون اللي حصل دافع لنا أنا نراجع أنفسنا في تطبيق الاقتراح. مجـــرد رأيـــــــ وسلامتكمـ |
رد: بعد صدمة القراءات - اقتراح قديم للتخفيف من حدة الصدمات المشابهة
في بداية كلامك رهيب الحل الوحيد توحيد الصفوف وعدم التسجيل عند الدكتور ذو الضحكه الصفراء والخبث الشديد والمراوغه وانا متأكد انه بيصير رد فعل من الاداره عليه اهم شئ عدم التسجيل عند الدكتور على الاقل في الوقت الحالي يعني لو 40 % ماسجلو بنتبهون الجامعه ....واهم شئ الدوافير يلتزمون بالا تفاقيه وخصوصا انت يارضوان:biggrin:
وفي النهايه هو اقتراح ممكن يمشي او ما يمشي |
رد: بعد صدمة القراءات - اقتراح قديم للتخفيف من حدة الصدمات المشابهة
اايد فكرة الكتابه بالانجلش ..
لكن عن نفسي ما راح اخذ ماده للمعاني السمستر الجاي مو عشان تكون مقاطعه بس لكن يمكن يتغير سواء بسببنا او من غير سبب معين .. اذا صار موجود السمستر اللي بعده مافي غير اني اخذ من مواده .. :106::106::106: |
رد: بعد صدمة القراءات - اقتراح قديم للتخفيف من حدة الصدمات المشابهة
حتى انا بصبر سمسمتر ماراح اخذها وموجوده في رابط الدكاتره والمواد اللي راح يدرسونها كامله http://www.kfu.edu.sa/ar/Deans/elear...fice_hours.pdf |
رد: بعد صدمة القراءات - اقتراح قديم للتخفيف من حدة الصدمات المشابهة
:(204): good idea
I’am with you ’, I will Take it :(177): Because i’am not sure change the DR أختتكم من مستوى ثاني لثالث لكن لتفادي الصدمه ’, :biggrin: شاركتكم |
رد: بعد صدمة القراءات - اقتراح قديم للتخفيف من حدة الصدمات المشابهة
انــا اوافقكـ الرأي اخوي رضــوان
وانا ضد فكرة التأجيل واننا نسحب على الدكتور والكلام هــذا فعلآ الحل هو محاولة تطوير لغتنا بدال محاولة الهروب من الدكتور فلان والدكتور علان مجرد رأي يحتمل الخطاء والصواب |
رد: بعد صدمة القراءات - اقتراح قديم للتخفيف من حدة الصدمات المشابهة
مستوي رابع اتوقع ان الدكتور ما يدرس اي مادة لهم
الا اذا تغير شي اذا نجحت في القراءات والمطالعات واتوقع عدم النجاح ابحاول قدر المستطاع تجنب مواد الدكتور عمار |
رد: بعد صدمة القراءات - اقتراح قديم للتخفيف من حدة الصدمات المشابهة
طيب لنفرض حملت مادة القراءات واحذت ماده له بيصيروا ثنتين وهذا انتحار وضد الانسانيه:mad:
طبعامابنجح فيهاولافي اللي قبلها اذا بتستمرالاسئله بنفس الاسلوب يعني اوصل للمستوى السابع اوالثامن وانا احمل في مواده:41jg:جعله بالماغص والله مااخذولاماده من مواده خلوها تصدي:bawling: |
رد: بعد صدمة القراءات - اقتراح قديم للتخفيف من حدة الصدمات المشابهة
صراحه بعد ماهديت ما ادري حسيت انه حل المقاطه خطأ لانه ممكن الدكتور يتغير او يغير طريقته اوتكون الماده متطلب لماده بعدها ومن حسن حظنا انه ماراح يعطينا شي الترم الجاي
وبالنسبه ل اللغه في ناس عاشت فتره من عمرها في امريكا ولغتها ممتازه ومستواها الدراسي ممتاز لكن وقت اختبار القراءه كانت كذا :000: |
رد: بعد صدمة القراءات - اقتراح قديم للتخفيف من حدة الصدمات المشابهة
ابغى افهم شلون بتعرفون اسم الدكتور قبل لا تختارون الماده ؟
اذا الادب القرن 17 تغير دكتوره علينا بعد شهر تقريبا من بداية الدراسه ؟ مافيه فايده من مقاطعته ابدا بالعكس انتم ياللي بعدنا تستفيدون من خبرتنا فيه ... وبيمشي حالكم احسن منا ... بما انه جتكم مناعه منا :bawling: الحل انكم بس تتوكلون ع الله ... و تجمدون قلوبكم وتتعودون ع اسلوب الدكتور و خلاص ... كان الله في عوننا جميعا .. |
رد: بعد صدمة القراءات - اقتراح قديم للتخفيف من حدة الصدمات المشابهة
انا اشوف ان مقاطعته غير مجدية مارح يفصلون من الجامعة بسب مقاطعتنا لها
راح يخلون يدرس طلاب الانتظام بس اشوف انا نتدرب على القطعه خارجية و احد من الاعضاء يطرح قطعه و نتناقش عليها بدل طريقة كتابة موضيعنا باللغة الانجليزيه اشوفها غير مجدية ( نجرب خلال فترة الاجازه ) |
رد: بعد صدمة القراءات - اقتراح قديم للتخفيف من حدة الصدمات المشابهة
:(107):
|
رد: بعد صدمة القراءات - اقتراح قديم للتخفيف من حدة الصدمات المشابهة
يعطيك العافيه أخوي [ رضوان ] على كلامك الطيب ورأيك بالفعل لو حطينا افتراض تغير الدكتور لأي سبب مثل ما صار بالانشاء 1 .. بعد 3 محاضرات غير الدكتور ! وهذا الشي وارد يتغير اي دكتور وممكن يجي بداله د.عمار ! لازم نتعب 3 اضاعف في تحصيل اللغه وتطوير أنفسنا بعترف انى مقصره و مانى على المستوى المطلوب بالاجتهاد والقراءه كونك عندك مفردات .. شئ غير كافي في تنمية مهارة القراءه .. لازم نبقى على تواصل مع القراءه باستمرار لذلك حطيت جنب سريري 3 كتب .. وكل يوم بقرأ فيهم قبل ما أنام .. يوم عن يوم صار عندي تحسن وسرعه أكثر في القراءه والاستيعاب وبنفس الوقت تجميع المفردات أعجبتنى نقطة [ البحث عن الحل .. مو الهروب منه ] لو سألنا أي شخص مخلص بكالريوس في أي مجال.. راح يقولنا كان عندهم دكتور ما احد ينجح عنده الا بصعوبه ! وضعنا مع د. عمار غير شاذ .. موجود في كل الكليات والأقسام والجامعات أمر طبيعى هذه الوعكه اللي مرينا فيها طبعا كلنا بنطمح يتحسن الحال ونكون أفضل من هيك الله يكون معانا وينصفنا رأيى [ يحتمل الصواب والخطأ ] كل الود ~ :106: |
رد: بعد صدمة القراءات - اقتراح قديم للتخفيف من حدة الصدمات المشابهة
:icon9: انا عكسكم
اهرب و اظل بالسلامة افضل من اواجهه و اهلك نفسي :icon9: حسبي الله على الظالمين |
رد: بعد صدمة القراءات - اقتراح قديم للتخفيف من حدة الصدمات المشابهة
اولا ان شاء الله مايخاوينا المعاني للمستويات الثانية مانبيه الله لايبي العدووو عقب سواته بنا والشي المهم اللي بالفعل فكرت به قلت احتمااال انه يغير اسلوبه وهالشي صار لنا مع أحد الدكاترة وهو موجود لما اختبرت مادته جاب لنا قطعة خارجية الترم ذا اللي طاف لما سألت عن نفس المادة تفأجأت انه نفس الدكتور جاب لهم من نفس المنهج وماجاب خارجي عشاااان كذا أقول احتمااال والله أعلم انه الدكتووور المعاني يغير من أسلوبه خصوصا انه كثير من الطلاب اشتكووا واحتجوا بالمحاضرات المسجلة لمادة القراءات والمطالعات لمتابعة أخطاء الدكتور والعلم عند الله أخيرا الله يوفق الجميع وان شاء الله مايضيع جهدنا |
رد: بعد صدمة القراءات - اقتراح قديم للتخفيف من حدة الصدمات المشابهة
يعطيك العافيه رضوان .. وكلامك سليم 100% انا ضد اني ماسجل مواد عمار .. مادة برامج الحاسب الى الآن ماسجلتها وابتلشت فيها بسبب التعارض !! الإختبـــار وهقنا اكيد بس بنفس الوقت بيكون سبب لتحسن اللغه بشكل اسرع! وفعلا لو نصير نستخدم الانجليزي هنا بكثره راح نستفيد ونتعود لأني لاحظت مشكلتي ويمكن فيه ناس مثلي .. اني اسمع اكثر من اني اقرأ او أكتب وهذا اللي وهقني في الاختبار مافهمت القطعه بس لو احد قراها لي ممكن اعرفها !! ان شاءالله بس نعدي المـاده على خيــــــــــــــــــــر :icon9: ، بـالتــوفيق للجميع :106: |
رد: بعد صدمة القراءات - اقتراح قديم للتخفيف من حدة الصدمات المشابهة
أشكركم جميعا على إبداء آراءكم
يبدوا أن البعض فهم خطأ أني أشجع على عدم التسجيل, هذا مش رايي النقطة اللي حاب أوضحها أنه ما في شي يضمن أن الكل يتفق على هالشي علشان نسويه, بالإضافة إلى أنه ممكن جدا الدكتور عمار يدرس مادة بدل أي دكتور ثاني لأنه مثل ما عرفنا جاي مخصوص للإنتساب وممكن يمسك أي مادة. كل الاخوان والأخوات اللي رايهم يأجلون, للاستعداد وترتيب الصفوف وليس بدافع الانهزام أو لمعاقبة الدكتور, رأيهم صائب إن شاء الله, وفي فترة من فترات دراستي ندمت أني ما اتخذت مثل هالقرار الشجاع والحساس أختي alyaa كلامك عين الصواب وأكثر من مرة قلته أختي Mrs.English أوافقك الرأي, وفعلا أنتوا صايرين كبش الفداء, وجربتوا الأسئلة المقالية في البداية, واستفدنا من صدماتكم في كذا شغلة ومنها الأدب عصر النهضة والمقال, مسألة أن الشخص يكون في المقدمة مش سهل, الله يثيبكم على صبركم ويعوضكم خير. أخوي al-otaibi فكرة القطعة حلوة, وفكرة الكتابة باللغة الإنجليزية تأثيرها راح ينعكس على كل المواد مو بس القراءات وهي في بدايتها ممكن تكون مزعجة بس مع التعود راح نحس بفايدتها أختي ~Queen~ شكرا على الرد في موضوعي بعد فترة الصمت الطويلة :biggrin: ونقطة أن كل مرحلة فيها دكتور ما احد ينجح عنده إلا بصعوبة أوافقك فيها ومرت علي من قبل مرة مر علي دكتور وكان ماسك مادة مهمة وصعبة في التخصص, الدكتور ماخذ البكالوريوس والماجستير والدكتوراه من أمريكا, وأحنا أول ناس يدرسهم, كان في المحاضرة يقول لنا: أنا عندي مثلث مقلوب(يعني فلتر), مش كل اللي يدخل راح يطلع وفعلا كنا أكثر من 60 طالب واللي نجحنا عنده أقل من عشرين وناس فعلا انسحبوا من الدراسة بسبب هذا الدكتور بس اللي نجح عنده نجح بدرجة حلوة لأن اللي حط في راسه أن هذا الدكتور هدفه أنه يرسب الطلاب, رسب وبقوة واللي صمد أمام التحدي, واشتغل على نفسه, الدكتور تساعد معاه وطبعا بعد كثرة الشكاوى على الدكتور, نقلوه من قسم لقسم آخر (أو هو اللي طلب نقل ما أدري) بس الرجال ماسك منصب أفضل الآن |
رد: بعد صدمة القراءات - اقتراح قديم للتخفيف من حدة الصدمات المشابهة
زي ماذكرت سابقا ً في احدى المواضيع الخاصة بمشكلة امتحان القراءات والمطالعة
انه تصرف هالدكتور الغير مقبول اصبح بمثابة صحوة عندي وراح احاول اطلع اكثر على مواضيع انجليزية تخص بعض المجالات كمواضيع طبيه وجغرافية وحتى تقنية وغيرها حتى لااتلقى مثل هالصواعق من دكاتره آخرين ، مو بس من الدكتور عمار . والله يستر من الرسوب في هالمادة :mh12: |
رد: بعد صدمة القراءات - اقتراح قديم للتخفيف من حدة الصدمات المشابهة
المشكله حتى شرحه ماينبلع يعني لو أسئله صعبه وشرح يهضمه المخ قلنا ماشي
إلا لاشرح ولا حل تمارين ولا اسئله تناسب شرحه ب المحاضرات ...بالعربي من كل الجهات خربانه التحدي ماينفع بكل الاحوال مثلا النمله مانقول لها روحي تحدي الفيل خلي عندك اراده وقوه حديديه وسالفة انه يغير اسلوبه كل شئ جايز لكن المحاضرات العقيمه بظل كما هيي الي تتغير اسئلة الاختبار فقطط وكل انسان على نفسه بصير وأدرى بقدراته:oao: |
رد: بعد صدمة القراءات - اقتراح قديم للتخفيف من حدة الصدمات المشابهة
تبون نصيحتي حنا طلاب لغة انجليزيه والمفروض اننا نطور من لغتنا ونتدرب على القراءه بشكل يومي
مثل قراءة الكتب والجرائد عشان يصير عندنا رصيد لغوي اكيد في البدايه راح نتعب ونضطر نترجم بعض الكلمات ولكن صدقوني لو نستمر لشهر مثلا راح نشوف الفرق صحيح انا تضايقت عشان الدكتور صعب عليكم الأسئله ولكن بصراحه مالنا عذر أبد لأن هذي الماده من إسمها قراءه ومطالعات وتعتمد على اطلاع الفرد والقراءه من خارج المنهج عشان نتفوق في اللغه لازم نتعب ونطلع ونقوي من لغتنا ولو كنا ندرس رياضيات مثلا كان الموضوع سهل نحفظ القوانين وبيمشي وضعنا ولكن اللغة الإنجيزيه في النهايه تعتمد على الإطلاع ومجهود الطالب بالنسبه لي راح أخذ الماده وبتوكل على الله وبستمر في القراءه والإطلاع وسماع البرامج باللغه الإنجليزيه عشان استفيد اتمنى التوفيق للجميع واتمنى محد يزعل مني هذي في النهايه وجهة نظر دمتم بألف خير ,,, :(204): |
رد: بعد صدمة القراءات - اقتراح قديم للتخفيف من حدة الصدمات المشابهة
انا عن نفسي قررت ماأخذ ولا مادة للمعاني لان اسلوبة تعجيزي
وماراح اتحمل صدمة ثانية |
رد: بعد صدمة القراءات - اقتراح قديم للتخفيف من حدة الصدمات المشابهة
أحسنت، بارك الله فيك ! :(204): في رأيي المتواضع، أرى بأن الكتابة بالإنجليزية في القسم هو جزء من الحل، و ليس الحل المطلق ! فالحل هو أن نتفاعل مع اللغة بكل السبل المتاحة لنا، سواء بقراءة الكتب، و ينبغي أن نضع في الحسبان أن نختار ما يناسب مستوانا الحالي، و إلا تسلل الملل إلى النفس و اليأس من صعوبة المفردات و التعابير و كثرتها، و يمكن أن نتفاعل مع اللغة عن طريق مشاهدة البرامج التعليمية، أو حتى الترفيهية، أو بالاستماع إلى المواد المسجلة، أنصح بزيارة موقع الـ bbc ........... و القائمة تطول. و أعتقد و بشدة بأن إلزام الجميع بالكتابة بالإنجليزية قد يجلب نتائج غير مرغوبة، كعدم المشاركة نتيجة لضعف لغة العضو و عدم تمكنه من صياغة جملته بالطريقة المقبولة. و أرى أنه من المفيد أن نقوم بتثبيت مواضيع مختلفة، في هذا القسم بالذات، نتمكن من خلالها أن نكتب و نقرأ و نستفيد من الآخرين و نفيدهم. شكرا جزيلا رضوان على مبادرتك و اهتمامك بالموضوع ليكن الرب في عونك على الدوام ! تحياتي لك |
رد: بعد صدمة القراءات - اقتراح قديم للتخفيف من حدة الصدمات المشابهة
اخ رضوان كلامك صحيح بس انا قبل درست بجامعه ثانيه وصحيح اختباراتهم كلها خارجيه بس هم من بداية السنه يدربونك على هالشي يعني اسئله على مستوى الشرح حتى الكتاب :biggrin: اللي ندرسها يحتوي قطع طويله يعني مايجي الاختبار الا احنا عندنا حصيلة مفردات كثيره المهم مالكم بالطويله الامتحان راح وبالجامعه درس نفسك بنفسك كالعاده جايبه رابط موضوع http://www.ckfu.org/vb/t275577.html واضح فيه ان النجار اساسا ماعنده المام باللغه الانجليزيه ومع المعاني حتى لو انه يجيب اسئله لمقرر ثانيه ماعنده اشكال حتى لو اسئله للنحو مو قراءه بس انا ماقهرني الا لمن سألوه اذا الشهاده معترف فيه ولا :(269): ونعم الاسلوب |
رد: بعد صدمة القراءات - اقتراح قديم للتخفيف من حدة الصدمات المشابهة
حبيت اوضح نقطه من وجهة نظري ..
حلو ان احنا نواجه ونطور نفسنا اكثر .. لكن لما انا مستواي في الانجلش مثلا ٣ وبغيت اطوره مو ٤ ولا ٥ وحاولت اطوره للـ ٦ وصار مستواي من ٣ إلى ٦ بسرعة البرق وتجيني اسئله بمستوى ١٠ خاصة ان الاسئله مفروض تجي بمستوى ٣ او ٤ او بالكثير ٥ هنا ما راح اقدر اقول انا اللي ما طورت نفسي .. وماراح اقدر اواجه ع الاقل حاليا .. وما راح اسمي عدم اختياري لمواد المعاني "هرب" لكن اسميه "تأني" |
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
تخصصه رياضيات :106: |
رد: بعد صدمة القراءات - اقتراح قديم للتخفيف من حدة الصدمات المشابهة
تدرون انكم خوفتوني:icon9:
يارب يسر لي دربي وقوي قلبي وقذف في قلبي رجائك واقطعه عمن سواك يارب العرش العظيم:106: ياليت لو تعرفونا اكثر عن مواد ثالث اذا مافيها كلافه:119: |
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
محد يقدر يقول عن اللي ما يسجل المواد أنه "هرب", هي كلها حسابات وتحتاج شجاعة, في النهاية كل واحد مسؤول عن قراراته وما عليه من كلام الآخرين أهم شي القرار يكون مدروس بهدوء وروقان وماتدرين يمكن النتائج تحمل مفاجآت الله يلهمنا الصواب في أي قرار نتخذه |
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
|
رد: بعد صدمة القراءات - اقتراح قديم للتخفيف من حدة الصدمات المشابهة
ليت من شاف اسئلته لكم
كلامكم مخيف جدا معقوله استاذ جامعي مايعرف يقيم مستوى الطلاب والطالبات ؟ :017: |
رد: بعد صدمة القراءات - اقتراح قديم للتخفيف من حدة الصدمات المشابهة
ماراح اخذ مواد للدكتور عمار
مو قضية حل للمشكة عشان نقاطعه وتلزم الجامعه بتغييره او يلزم بتغيير اسلوبه لا باجل مواده الى مستوى اكون انا على مستوى اعلى من اللي انا فيه في اللغة لان ايش الفائده اذا حملت القراءات الان وارجع اخذها واحملها ..الخ في النهاية باخذ انذارات وعليها بنطرد خل مستواي يتحسن ثم باخذها لو تطلع معي لثامن !! |
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
والله لو يجي دكتوركم نفسه عمار واقوله مصتطلحات عندنا في الطب مستحييييل يفهمها لانها كلمات عميقه في تخصص خاص والطب والجولوجيا و...الخ هذي مصتطلحات قديمه جدا اصلها كلمات اغريقيه .. فكيف يجيبها لكم :icon9: فأكيد بيجيك مغوص مو مغص واحد حتى لو انت بلبل في اللغة :icon9: الله يكون بعونا بس :icon9: |
رد: بعد صدمة القراءات - اقتراح قديم للتخفيف من حدة الصدمات المشابهة
كيف تقولون نطور انفسنا !!!!
لو بنطور انفسنا ما كنا احتجنا اننا نتعب انفسنا ونسجل بهالجامعه وندفع رسوم عشان نتعلم كان قعدنا ببيوتنا وطورنا انفسنا بانفسنا المشكله ي اخوان هي ان الدكتور حط لنا الاسئله بمستوى مو محدد اصلاً يعني : ماحط لنا الاسئله بمستوى رابع او خامس او حتى سادس عشان نعرف وش نقدر نسوي بالضبط لا هو حط لنا شيء حتى اللي مستوياتهم عاليه اعترفوا بعجزهم يعني حتى لو طورنا انفسنا ما ندري لوين بيوصلنا هالعمار المقاطعه حل مؤقت لجس النبض فقط يعني مو حل جذري ولا هو حل واقعي لأننا مستحيل نقدر نقاطع الى مالا نهايه بنكون حنا المتضررين لأننا دراستنا بكل ببساطه بتتوقف اعجبتني فكرة اننا نطرح قطع خارجيه ونتدرب عليها بس وين الوقت والمجهود لهذا كله بالقوه يكفي وقتنا لمقرراتنا ومشاغلنا ومسألة الكتابه باللغة الإنجليزيه هنا ما اعتقد انها بتفيد كثير لأن اغلبنا بيعتمد على مواقع وبرامج الترجمه في النهايه للأسف ماعندي حل لكن من وجهة نظري نسوي اللي علينا ونتوكل على الله أولاً وأخيراً ونتفاءل بالخير وأعتقد ان لا الدكتور ولا الجامعه يرضون يخسرون سمعتهم ومصالحهم و يدخلون بمواجهه مع الطلاب لسبب بسيط زي هذا واعذروني على الإطاله |
رد: بعد صدمة القراءات - اقتراح قديم للتخفيف من حدة الصدمات المشابهة
طيب ..انا ماراح اسجل.. في الاول وبشوف متى اخر موعد .. للتسجيل... واللي سجل يقول من دكاترته
|
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
|
فكرة جديدة لمواد الدكتور عمار
السلام عليكم والرحمة
اخر فكرة واتتني .. بعد المواضيع التي وضعها الزملاء.. المطالبة بزيادة وقت الامتحان الى 3 ساعات وتكون الفترة الثانية من باب انها تخصص.. ياخوفي يوافقوا وهو يتفنن |
رد: فكرة جديدة لمواد الدكتور عمار
اختي الله يحفظك موضوعك مكرر
|
رد: فكرة جديدة لمواد الدكتور عمار
اقتباس:
وبعدين الاسعار تشب اكثر |
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
|
رد: بعد صدمة القراءات - اقتراح قديم للتخفيف من حدة الصدمات المشابهة
كلامكم كله جميل ولكن !!! لن اخاطر بنسبتي عشان اسوي نفسي ضد الرصاص :biggrin: انا مقاطع حتى اشعار اخر وانا مع تطوير الذات ولكن هذا الدكتور اسألته اعلى من معدل معلوماتي الانجليزيه الاعتراف بالحق فضيلة لذلك بنأجله فتره حتى تتقوى حصيلتي اللغويه يمقن كلامي صح يمقن لا :53: |
رد: بعد صدمة القراءات - اقتراح قديم للتخفيف من حدة الصدمات المشابهة
^
^ شلون بتقاطع الدكتور ؟ وش دراك عن المواد اللي بيدرسها عشان تتفاداها؟! |
رد: بعد صدمة القراءات - اقتراح قديم للتخفيف من حدة الصدمات المشابهة
موجود في رابط المواد اللي بيدرسها وحتى لو فرضا غيروا مع ان مستحيل يغيرون ويحوسون الدنيا وكل دكتور يرجع يشرح وينزل محاضرات مسجله هم يبغون الفكه نقدر اذا سجلنا المواد في البدايه تنزل المحاضرات نشوف من هو ونتاكد واذا طلع هو في احد المواد انا عن نفسي على طول بحذفها :mad:ماعندي استعداد لو ظل اني احمل مواد او ينزل معدلي |
رد: بعد صدمة القراءات - اقتراح قديم للتخفيف من حدة الصدمات المشابهة
اقتباس:
أنا إللي أطلت اعذروني، لكن ما عرفت أوصل إللي ابغاه إلا بالطريقة هدي ! :119: أتمنى إن الفكرة وصلت !! و يشهد الله إن الغرض من الرد هو تصحيح الأفكار و المفاهيم إثبات و الدفاع عن وجهة نظري مو الغاية الأولى ! الله يحفظ و يرعاك أختي تحياتي |
رد: بعد صدمة القراءات - اقتراح قديم للتخفيف من حدة الصدمات المشابهة
أنا لاحظت شغلة
من دراستي هنا ودراستي قبل عندنا مشكلة أزلية مع مواد القراءة (حفظ الكلمات، استخدامها، استخراج الأفكار الأساسية واستيعابها، نقاشها.... إلخ) وبعد لفة ف النت لقيتها مشكلة كل لغة جديدة أو بالأصح مشكلة تعلم الجديد دققوا في الآية ( اقرأ باسم ربك الذي خلق)* والرسول صلى الله عليه وسلم قال لجبريل عليه السلام : ما أنا بقارئ ٣ مرات في كل مرة يقول له جبريل اقرأ وكان متيقن إنه مابيقرأ... خلاصة الكلام: يعني لازم نتعب ع أنفسنا ونطور قراءتنا لأن مثل هالمواد مستمرة معنا ولاهو قبول ولا منطق إننا نحفظ قطع ونجي نفرغ هالحفظ ف الورق يوم الاختبار يضل ف الاعتبار إنها لغة غرييييييبة علينا ومحتاجة جهد جبار و الدكتور الله يسامحه ماراح أقول غيرها ونعتبر ما مر علينا معه هو كبوة جواد وإنها دفعة لنا للحرص والمتابعة أول بأول وتطوير لغتنا بأنفسنا ، وسياسة مذاكرة ليلة الاختبار في قسم الإنجليزي بالذات غلللللللطة وماراح تتكرر تقبل مروري وتعقيبي |
| All times are GMT +3. الوقت الآن حسب توقيت السعودية: 06:51 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام