ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- E3 (https://vb.ckfu.org/f427)

- - للي فااااهمين بالانجلش ضروري (https://vb.ckfu.org/t487019.html)

كلـــ امل ـــي

2013- 8- 21 02:30 PM

للي فااااهمين بالانجلش ضروري

السلام عليكم ورحمة الله وبركاته

للي فاهمين بالانجلش تكفووووون والله يوفقكم ويسعدكم ممكن احد يترجم لنا محاضرات الاستماع والاستيعاب مو لازم ترجمة دقيقه اهم شي اعرف شنو يتكلم عنه يعني يصير اقراء الترجمه بعدين اشغل المحاضره واسمع عشااان ترسخ الحين اتسمع المحاضره ومدري شيقوول الله يفرج لكم فرجولي عااااارفه انه صعبه عليكم بس الحين فيه وقت قبل ماتبداء الدراسه ومعاد يجي عندكم وقت فراغ جعله يسعدكم

のя•Fάĵr

2013- 8- 21 02:58 PM

رد: للي فااااهمين بالانجلش ضروري

وعليكم السلام ورحمه الله وبركاته
نوري أساس الماده هي إتقان "مهارتي الاستماع + الاستيعاب "

إنتِ تبي الفائده لنفسج صح ؟ لتقويه هالمهاره حتى تجتازي بقيه المستويات بكل اريحيه

[glint]

~http://camilalsantos.files.wordpress...keep-going.jpg

[/glint]

بمعنى تسمعي ومن ثم تستوعبي جيداً

وحتى تتقنيها يلزمج التدرج فيها:.
أولاً لاتتوتري وثقي تماماً انج قادره ع الوصول للهدف .
قبل تشغلي المحاضره , يكون بين يدينج الكتاب , اقرأي اول محاضره , ترجمي , افهمي ... الخ
بعدها شغلي المحاضره , بهاللحظه حطي ببالج انو الدكتور راح يتكلم عن الموضوع الي حضرتيه من قبل بالكتاب سواء (محادثه - مفردات - ....) , بعد دقايق وقفي المحاضره وانتِ ماسكه قلم وورقه ~> اكتبي الي سمعتيه , وإن كان خطأ ايزي كملي وانسي امر الترجمه الى حد ماتنتهي من كتابه كل المحاضره ولو تكتبها بنفس الكتاب بيكون اسهل لج , لانه يبدأ بالمحادثه مثلاً والاجابه ع اسئلتها , إنتِ اكتبي يم المحادثه كل الي سمعتيه بخصوصها , واســـــــــــــــــــــــــتمري ع هالطريقه وحاااولي تجتهدي قد ماتقدري ’ بيطلع لج احرف خطأ وممكن كلمات سمعتيها وماقدرتِ تكتبيها لكن مو مشكله إستمري .
بالجانب الأخر :15: لو تبين اكون حاضره وياج اسمع وتجيبي لي الي انجزتيه ونقيمه ويا بعض , بيكون جداً ممتاز
- وحتى تتفهمي اجابتي بسألج / عارفه طريقه اختباره ؟

كلـــ امل ـــي

2013- 8- 21 03:07 PM

رد: للي فااااهمين بالانجلش ضروري

الحين طريقة الاختبار الي فاهمتها انو بيقراء قصه بعدين يسألنا اسئله عليها وحنا عندنا الخيارات وحنا نجاوب عليها

وبااقي طريقة الاختبار مافهمته
وهل بيكون نموذج الاسئله موحد وكيف ندري ان السؤال هذا حق فقرة كذا يعني بيقوله اثناء اسئلته ؟؟

وهذي المادة مالها ملخص يعني لازم اشتري كتابها وهل كل الي بالكتاب معنا ؟؟
ممكن اجابه شافيه :43:

Ahmad240

2013- 8- 21 03:20 PM

رد: للي فااااهمين بالانجلش ضروري

طريقة الإختبار حسب ما شفتهم الفصل اللي فات (والله ما كنت اغشش احد :4::4:)
السؤال مش مكتوب على الورقة فقط الاجوبة والاسئلة بالاستماع ولازم تستوعبين اللي ينقال علشان تختاري الاجابة الصحيحة.

のя•Fάĵr

2013- 8- 21 05:43 PM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة &n& (المشاركة 9417591)

الحين طريقة الاختبار الي فاهمتها انو بيقراء قصه بعدين يسألنا اسئله عليها وحنا عندنا الخيارات وحنا نجاوب عليها

وبااقي طريقة الاختبار مافهمته
وهل بيكون نموذج الاسئله موحد وكيف ندري ان السؤال هذا حق فقرة كذا يعني بيقوله اثناء اسئلته ؟؟
ايوه موحد
يب راح يوضح (رقم 3) ويقرأ السؤال ) وايد ميسرلاتحاتي
وهذي المادة مالها ملخص يعني لازم اشتري كتابها وهل كل الي بالكتاب معنا ؟؟
ممكن اجابه شافيه :43:

الكتاب افضل شي لها , يا تشتريه او تحمليه الكتروني :21:
مالقيت لحد الان اي ملخص كامل
لا نوري مو كل الكتاب . راح تحددي وياه بالمسجله وبعد بالمباشره راح يحدد لكم زود
شو بعد تبين اعلمج انا :1:

trook8

2013- 8- 21 05:46 PM

رد: للي فااااهمين بالانجلش ضروري

2 مرفق

فيه شروحات مترجمة للمادة ,, مثل الملخص .. ( بالمرفقات )
في البدايه فيه شرح عن طريقة الاختبار .. واللي شرحها الدكتور في اخر محاضرتين للمقرر

ايضا كان فيه ورشة للمقرر الترم الماضي .. ممكن تستفيدي منها
هنا http://www.ckfu.org/vb/t430582.html

لكن لابد اختي انك تكثفي من الاستماع للمحاضرات حتى تتعودي على كلام الدكتور وتفهمي معه
والاختبار كان من اسهل اختبارات المستوى .. يعني لا تخافين ..

ايضا ارفقت لك ملف عن طريقة الاختبار ..

الموضوع فقط محتاج تعود وممارسه للاستماع ..

بالتوفيق

のя•Fάĵr

2013- 8- 21 06:18 PM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة ahmad240 (المشاركة 9417620)

صح
وعشان تستوعبو وتقدرو تجاوبو بالاختبار مانصحكم تاخذوها كترجمه حرفيه بالعربي .

のя•Fάĵr

2013- 8- 21 06:19 PM

رد: للي فااااهمين بالانجلش ضروري

سلمت يمناك تركي
هنا نوري كل ماتحتاجيه
http://www.ckfu.org/vb/t480828.html

نهرالعطا

2013- 8- 21 06:24 PM

رد: للي فااااهمين بالانجلش ضروري

وعليكم السلام ورحمة الله وبركاته
الموضوع جدا هام ي اختي
لابد نشد حيلنا لو ترجمنا الان
لن نستطيع الترجمه في الامتحان
لابد ان نتعود على الاستماع له
اسأل الله ان يوفقنا

جمال3 KFMC

2013- 8- 21 07:09 PM

رد: للي فااااهمين بالانجلش ضروري

هههههههههههههاااي

والله انه سهل ، وش فيكم متخوفين من هالماده :19:

のя•Fάĵr

2013- 8- 21 07:23 PM

رد: للي فااااهمين بالانجلش ضروري

^
سهله + ممتعه
نورتنا جمال

Mr.kook

2013- 8- 21 08:46 PM

رد: للي فااااهمين بالانجلش ضروري

عفواً أختي طريقتك هذه ماتفيد في نهج المقرر هذا ... لازم تستوعبين ماتسمعين المقرر سهل جداً جداً جداً للي يفهم ويذاكر وينتبه

والدعوه كلها 14 محاضره كل اسبوع محاضرة اسمعي المحاضرة مرتين ثلاث اربع أهم شي تعودين سمعك على المفردة والجمله والنطق وتستوعبين المطلوب بس

مثال: احمد طالب جامعي منتسب في تخصص الانجليزي يتلقى
( 3محاضرات كل اسبوع)
(وذلك لمدة 14 اسبوع)
(ويجيب على التمارين كل اسبوع رابع من إجمالي الكورس)

ذكرنا كلمة اسبوع 3 مرات ولكن بعد استيعابنا للجمله فهمنا المطلوب
سؤال / كم اسبوع يدرس محمد؟

بعد الاستيعاب من سرد الكلام سهل الإجابه ولكن دون الاستيعاب قد تجيبين بأي جمله ورد فيها كلمة اسبوع

وعلى فكرة بعد تجاوز مقرر ( استماع واستيعاب)
هناك مقرر ( استماع وتحدث) في المستوى الرابع

اللهم لاسهل إلا ماجعلته سهلاً وأسألك أن تجعل الصعب سهلا

بالتوفيق للجميع..

hour	2013- 8- 21 10:48 PM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة のя•fάĵr (المشاركة 9417570)

وعليكم السلام ورحمه الله وبركاته

نوري أساس الماده هي إتقان "مهارتي الاستماع + الاستيعاب "

إنتِ تبي الفائده لنفسج صح ؟ لتقويه هالمهاره حتى تجتازي بقيه المستويات بكل اريحيه

[glint]

~http://camilalsantos.files.wordpress...keep-going.jpg

[/glint]

بمعنى تسمعي ومن ثم تستوعبي جيداً

وحتى تتقنيها يلزمج التدرج فيها:.
أولاً لاتتوتري وثقي تماماً انج قادره ع الوصول للهدف .
قبل تشغلي المحاضره , يكون بين يدينج الكتاب , اقرأي اول محاضره , ترجمي , افهمي ... الخ
بعدها شغلي المحاضره , بهاللحظه حطي ببالج انو الدكتور راح يتكلم عن الموضوع الي حضرتيه من قبل بالكتاب سواء (محادثه - مفردات - ....) , بعد دقايق وقفي المحاضره وانتِ ماسكه قلم وورقه ~> اكتبي الي سمعتيه , وإن كان خطأ ايزي كملي وانسي امر الترجمه الى حد ماتنتهي من كتابه كل المحاضره ولو تكتبها بنفس الكتاب بيكون اسهل لج , لانه يبدأ بالمحادثه مثلاً والاجابه ع اسئلتها , إنتِ اكتبي يم المحادثه كل الي سمعتيه بخصوصها , واســـــــــــــــــــــــــتمري ع هالطريقه وحاااولي تجتهدي قد ماتقدري ’ بيطلع لج احرف خطأ وممكن كلمات سمعتيها وماقدرتِ تكتبيها لكن مو مشكله إستمري .
بالجانب الأخر :15: لو تبين اكون حاضره وياج اسمع وتجيبي لي الي انجزتيه ونقيمه ويا بعض , بيكون جداً ممتاز

- وحتى تتفهمي اجابتي بسألج / عارفه طريقه اختباره ؟

ي / حبني لك ي / قلب :16::1:

كلـــ امل ـــي

2013- 8- 22 06:06 AM

رد: للي فااااهمين بالانجلش ضروري

كل من رد اسأل الله ان يوفقكـــــم وينولكم مبتغاكم بالدنيا والاخره

والله ياذا المادة شايلها همها الله يعين

لكن عندي استفسار بعد الحين القصه الي بيقراءها في الاختبار بتكون من ضمن المحاضرات ولا خارجيه ؟؟

Gayda'a @

2013- 8- 22 06:10 AM

رد: للي فااااهمين بالانجلش ضروري

يعني المادة الي حذفتها من هالمستوى ماشالله تبارك الله
شرحتوها شرح وافي هههه
الله يسعدكم يارب أختي فجر واخ تروك ..
والبقية المتابعين ..

الله يعطيكم العافية والله من كلامكم عنها < حسيتها ممتعة بجد :34:
يأ عسانا ماننحرم من مساعدتكم ربي يحفظكم ...

وبالتوفيق للجميع يآرب ..

:16:

Pure Lady

2013- 8- 22 08:50 AM

رد: للي فااااهمين بالانجلش ضروري

الله يوفقنا والله أنا معاكم أبي ابتدئ من الحين

ابوررتيل11

2013- 8- 22 04:44 PM

رد: للي فااااهمين بالانجلش ضروري

الله يوفق الجميع. اسمع نبض قلبي من شدت الخوف.but توها الاختبارات يمدينا نحفض الحروف ونتعلم انقلش بمساعدتكم الله يكتب لكم الاجر والثواب
اخوكم

✶ جُمان ✶

2013- 8- 22 05:35 PM

رد: للي فااااهمين بالانجلش ضروري

نصيحة لك اسمعي الدكتور ألن وهو يشرح

أكثر من مرة قبل لاتقرين أي ترجمة

ولتعودت اذنك على سماع لغته بتفهمين بسهولة

خصوصا انه الدكتور ألن يشرح بطريقة واضحة

وموفقة خيتووووو

のя•Fάĵr

2013- 8- 22 07:30 PM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة &n& (المشاركة 9420461)

كل من رد اسأل الله ان يوفقكـــــم وينولكم مبتغاكم بالدنيا والاخره
آمين
والله ياذا المادة شايلها همها الله يعين
يبه ممتعه بعد :27: لاتحاتين
لكن عندي استفسار بعد الحين القصه الي بيقراءها في الاختبار بتكون من ضمن المحاضرات ولا خارجيه ؟؟

الفصول السابقه ماخرج عن المحتوى , إسألوه بالمباشره للتأكد :21:

عايش الدور

2013- 8- 22 08:17 PM

رد: للي فااااهمين بالانجلش ضروري

فجر اسعد الله مساءك بكل خير

وش تنصحيني ااجل الانجلش كتابه للصيفي

وش رأيك بهالماده أسهلها ولا ال أنجلش قراءه

のя•Fάĵr

2013- 8- 22 08:45 PM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة عايش الدور (المشاركة 9423500)

فجر اسعد الله مساءك بكل خير

وش تنصحيني ااجل الانجلش كتابه للصيفي

وش رأيك بهالماده أسهلها ولا ال أنجلش قراءه

ومسائك يارب
الانجل قرأه مو خلاص اختبرته ؟
الانجل كتابه يبي له دراسه وشوي جهد دامه مو تخصصك , فكره حلوه تأجله بالصيفي , وبعد لو تقدر تدرسه هالفصل ويا موادك وتوازن بين الجميع بعد بيكون حلو
- الماده عباره عن :
- قطع 0حفظ0
- قواعد لاساسيات الكتابه باللغه .
شنو كمان تبي تعرف :)

Explorer

2013- 8- 23 05:08 AM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة عايش الدور (المشاركة 9423500)

فجر اسعد الله مساءك بكل خير

وش تنصحيني ااجل الانجلش كتابه للصيفي

وش رأيك بهالماده أسهلها ولا ال أنجلش قراءه

السلام عليكم .. بالنسبه لمادة انجلش كتابه جدا جدا سهله كلها قواعد مرت علينا

والقراءه بعد بس يبيلها تكون عندك حصيله من الفوكابرلي عشان تعدي منها :42:

موفق اخوي :29:

عايش الدور

2013- 8- 23 06:21 AM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة のя•Fάĵr (المشاركة 9423680)

ومسائك يارب
الانجل قرأه مو خلاص اختبرته ؟
الانجل كتابه يبي له دراسه وشوي جهد دامه مو تخصصك , فكره حلوه تأجله بالصيفي , وبعد لو تقدر تدرسه هالفصل ويا موادك وتوازن بين الجميع بعد بيكون حلو
- الماده عباره عن :
- قطع 0حفظ0
- قواعد لاساسيات الكتابه باللغه .
شنو كمان تبي تعرف :)

الا مخلص الا أنجل قراءه بس حبيت أتأكد هل الكتابه أسهل ولا القراءة

انا مشكلتي مع ال أنجلش عامه في القطع القرمر والفوكابلري احس ابدع فيه الا القطع حتى لو احفظ الترجمة

زي اسمي ماحس اني راح أحل كويس الانجليزي قراءه بدعت في الكلمات ولكن وجدت عرقله في القطع وجبت فيها B+

ويعلم الله اني حاولت جاهدا أجيب ال A+ بس مالله كتب كله من هالقططع أخذت هالترم 18 ساعه يعني شوي مضغوط الجدول وأتوقع راح اجل أنجل كتابه في الصيفي حتى أخذ راحتي وأشد ع نفسي اقل شيء اختم أنجل ب a+

سؤالي هو شلون اطور من نفسي وافهم القطع حتى تكون الأجوبة سهله بالنسبه لي < هذا السؤال الي مالقيت له حل:39:

نهرالعطا

2013- 8- 23 06:34 AM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة عايش الدور (المشاركة 9427352)

الا مخلص الا أنجل قراءه بس حبيت أتأكد هل الكتابه أسهل ولا القراءة

انا مشكلتي مع ال أنجلش عامه في القطع القرمر والفوكابلري احس ابدع فيه الا القطع حتى لو احفظ الترجمة

زي اسمي ماحس اني راح أحل كويس الانجليزي قراءه بدعت في الكلمات ولكن وجدت عرقله في القطع وجبت فيها b+

ويعلم الله اني حاولت جاهدا أجيب ال a+ بس مالله كتب كله من هالقططع أخذت هالترم 18 ساعه يعني شوي مضغوط الجدول وأتوقع راح اجل أنجل كتابه في الصيفي حتى أخذ راحتي وأشد ع نفسي اقل شيء اختم أنجل ب a+

سؤالي هو شلون اطور من نفسي وافهم القطع حتى تكون الأجوبة سهله بالنسبه لي < هذا السؤال الي مالقيت له حل:39:

لابد ان تكون لديك دخيره لغويه حتى تتمكن من فهم القطعه والاجابه على الاسئله
ولكن لا يمنع ان تجتهد في قرائتها كم مره بدون اي توتر وفهم السؤال جيدا
ثم مطابقته بأي سطر يواجهك في القطعه وحاولو قدر الامكان ان تبدوء في حل القطعه حتى لا تستنفد طاقتك وعند وصولك اليها تبدئ طاقتك في الانخفاض في الحل وتتجنب التوتر في نهاية الوقت
وان شاء الله تجد في السؤال مدولولات وكلمات ترشدك الى الاجابه الصحيحه
ولا تنسو الدعاء لله دائما ان يوفقنا
بين الادان والاقامه وفي السجود
فسبحانه وتعالى قادر على ذلك
انوي وادعي الله واجتهد وبإذن الله a+ لن تخيبك

المعيده ساره

2013- 8- 23 07:37 AM

رد: للي فااااهمين بالانجلش ضروري

^
:16:

のя•Fάĵr

2013- 8- 23 02:55 PM

رد: للي فااااهمين بالانجلش ضروري

اقتباس:

المشاركة الأصلية كتبت بواسطة عايش الدور (المشاركة 9427352)

الا مخلص الا أنجل قراءه بس حبيت أتأكد هل الكتابه أسهل ولا القراءة
- يعتمد ع قدراتك انت /
الانجل كتابه (نسبه الفهم اكبر)
الانجل قراه (نسبه الحفظ اكبر)

انا مشكلتي مع ال أنجلش عامه في القطع القرمر والفوكابلري احس ابدع فيه الا القطع حتى لو احفظ الترجمة

زي اسمي ماحس اني راح أحل كويس الانجليزي قراءه بدعت في الكلمات ولكن وجدت عرقله في القطع وجبت فيها B+

ماشاء الله B+ احييك على تميزك خصوصاً صايره 50 سؤال .

ويعلم الله اني حاولت جاهدا أجيب ال A+ بس مالله كتب كله من هالقططع أخذت هالترم 18 ساعه يعني شوي مضغوط الجدول وأتوقع راح اجل أنجل كتابه في الصيفي حتى أخذ راحتي وأشد ع نفسي اقل شيء اختم أنجل ب a+

اوك عيل سجل الانجل كتابه بالصيفي افضل

سؤالي هو شلون اطور من نفسي وافهم القطع حتى تكون الأجوبة سهله بالنسبه لي < هذا السؤال الي مالقيت له حل:39:

بالنسبه للانجل كتابه ماراح تواجه وايد اسئله ع القطع مثل القراه .
هو مجرد تحفظ القطعه وراح تجيك ع فراغات وانت تكمل النقص :21:

* كيفيه فهم القطعه والاجابه على اسئلتها :
لا أحبذ أن نقرأ القطعة قبل التوجه للأسئلة. السبب لذلك هو بسيط-توفير وقت. على الأرجح أننا سنكرس وقت كبير لقراءة القطعة كلها وبالنهاية نتذكر فقط القليل مما قرأنا. بالإضافة, لدينا أفضلية كبيرة بأن الأسئلة مرتبة حسب تقدم القراءة. على سبيل المثال, الجواب للسؤال الأول على الأغلب يكون في الفقرة الأولى, بينما الجواب للسؤال الأخير موجود في الفقرة الأخيرة. لذلك, دائما نبدأ من قراءة السؤال الأول, وفقط بعد ذلك ننتقل لقراءة القسم الملائم في القطعة. مثلا, سئلنا " لمن تعود الكلمة himفي السطر 9 ؟" نتوجه للسطر 9, نحدد موقع الكلمة Him, نقرأ الجملة التي موجودة فيها هذه الكلمة من أولها وحتى نصل إلى الجواب. بعدئذ نتوجه للسؤال الذي يليه. إذا فيه توجيه لمكان معين – نتوجه مباشرة لهذا المكان. إذا لم يكن بالسؤال توجيه, نواصل القراءة من النقطة التي توقفنا بها حتى إيجاد الجواب.
كل الدعوات لك (:

عايش الدور

2013- 8- 23 08:26 PM

رد: للي فااااهمين بالانجلش ضروري

ياشيخه روحي الله يفتح عليك

ماتقصرين دائماً معنا والله يسهلها علينا

SAMAH SA

2013- 8- 24 01:17 PM

رد: للي فااااهمين بالانجلش ضروري

نصيحه للجميع .. لا يكون تركيزكم على الاختبار فقط .. المواد ان شاءالله انها تكون ممتعه للي حاب يتعلم اللغه ويتقنها و كلنا ان شاءالله بنكون مع بعض و نستفيد من بعض :16:

3looosh

2013- 8- 26 08:12 PM

رد: للي فااااهمين بالانجلش ضروري

عندي مذكرات شرح للأنقلش كتابه من اعداد مدرس خاص

اللي يبي منها يبلغني احطها له بأي مكتبة

ام جوريتي

2013- 8- 27 02:30 AM

رد: للي فااااهمين بالانجلش ضروري

الله يكون بعوننا

الأخت نويل

2013- 10- 28 01:26 AM

رد: للي فااااهمين بالانجلش ضروري

رفع

All times are GMT +3. الوقت الآن حسب توقيت السعودية: 02:13 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه