ملتقى طلاب وطالبات جامعة الملك فيصل,جامعة الدمام
صفحة 1 من 3 1 23
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   E3 (https://vb.ckfu.org/f427)
-   -   [ استفسار ] احتاج مساعدتكم اخواني وخواتي (https://vb.ckfu.org/t495022.html)

Ahmad240 2013- 9- 7 10:11 AM
احتاج مساعدتكم اخواني وخواتي
 
السلام عليكم ورحمة رالله وبركاته،

الحمد لله شفت كتاب القراءات والمطالعات في جرير (Reading. strategies) ب90 ريال تقريبا.

وحاب اسوي ليكم شرح مبسط عليه المحتوى اللي يغطيها الدكتور في المحاضرات المسجلة. انا ابحث عن طريقة مناسبة للشرح غير السبورة لان ما ينفع للمادة هذه لكن للحين ما فيه شي في بالي. فإذا احد عنده اقتراح لا يبخل عليي.

شكرا لكم مقدما :)

Heart story 2013- 9- 7 10:19 AM
رد: احتاج مساعدتكم اخواني وخواتي
 
ودي كان افيدك باقتراح بس لان ما اخذنا القراءات مع الدكتور عمار ..

بس للمنفعه الدكتور شرحه رائع وممتع جدا ويعتمد دائما في طريقة الاسئله على فهمك وكتابة ملاحظاته هذا من خلال تدريسه لنا في بقية مواده الاخرى

تحياتي لك ولجهودك اخ أحمد
:21:

ســــلآف 2013- 9- 7 10:32 AM
رد: احتاج مساعدتكم اخواني وخواتي
 
بسطي اجل لنا انجليزي كتابه مستوى ثاني

المعيده ساره 2013- 9- 7 10:36 AM
رد: احتاج مساعدتكم اخواني وخواتي
 
يعطيك العافيه اخوي احمد على مجهوداتك وعلى الدعوه الجميله لموضوعك الاجمل ،،
بالنسبه للماده انا عن نفسي اشوف شرحك ع السبوره جدا رااائع ،،
واذا حاب تجدد في طريقة الشرح انا عندي اقتراح ،،ايش رايك نشوف احنا المحاضره مع الدكتور وتنزل لنا انت جميع الاسئله اللي على نفس المحاضره وتكون شامله ،،
امممم وبس وهذا مجرد اقتراح ليس الا ،،واللي انت حابه سويه فنحن متابعين جيدين لك ،،
دمت بتوفيق من الله سبحانه ،،
كل الشكر لك على ماتقدمه لنا جعله الله في موازين حسناتك. :15:

Manali 2013- 9- 7 10:52 AM
رد: احتاج مساعدتكم اخواني وخواتي
 
والله انا للحين ماطلعت على الماده ولا ادري هي عباره عن ايش

انا بصراحه حبيت شرحك على السبوره الصوت والصوره والوضوح جميل
بس بما إنك تقول ماينفع
نروح مع اقتراح المعيده ساره
نتابع الشرح مع الدكتور وانت تنزل لنا الاسئله وتشرح لنا على السبوره < مصره على السبوره

والله افرح لاشفت اسمك على موضع اعرف ان فيه شي مهم لنا وبينفعنا
كل الشكر لك ولجتهادك لمنفعتنا
لاحرمك الله الإجر

Ahmad240 2013- 9- 7 11:23 AM
رد: احتاج مساعدتكم اخواني وخواتي
 
شكراً لكم أعزتي على تفاعلكم مع الموضوع,

وأكيد بحط كل تعليق شفته في عين الاعتبار علشان نطلع بشي مناسب للجميع. انا مشكلتي مع القطع لأن صعبة واجد احطها في السبورة, وأبي أسوي شي ليكم يكون فيه Quality "جودة" علشان كلنا نستفيد من القراءة لأنها الحصيلة في اللغة تعتمد في القراءة.

نتظر الأخوان والخوات ايش رايهم في الموضوع. شكراً على تفاعلكم الجميل.

Gayda'a @ 2013- 9- 7 12:09 PM
رد: احتاج مساعدتكم اخواني وخواتي
 
مسآء النور ..

يعطيك العافيه أخوي أحمد عالتنبيه ..
بالنسبة لـي السبووورة ممتااااااااااااااازة بصراحة ..
أنا حبيتها واحس بالعكس تاخذ راحتك في الكتابة و الشرح جميل و
و غير مكلف لكـ وأيضا واضح لنا ..

بـ النسبة لـ القطعة انا معك بان القطعة طويلة .. لذلك ..
أنت أذكر لنا أسم القطع المراد شرحها ..

واحنا اثناء شرحك نتابع معك وتكون القطعة أمامنا مفتوحة ..
أما من الكتاب في جرير او من المحتوى الدكتور
وهكذآ .. مو شرط تكتب القطعة في السبورة .. كاملة

الصراحة .. يكفي أنك تعطينا من وقتك وجهدك .. وانت غير ملزم ..
أحنا بعد لابد نتساعد معاك ونتابع معاك ..

ونتعب حبتين ماراح يجينا كل شيء جاهز ..
والتوفيق من الله سبحانه ..

الله يعافيك يآرب ويحفظك أخوي سر لـ الأمام ونحن خلفكـ :34:

Rashed 2013- 9- 7 12:26 PM
رد: احتاج مساعدتكم اخواني وخواتي
 
يعطيك العافية اخوي احمد

ومثل ما قالو الاخوان شرحك على السبورة ممتاز

هي المادة محتاجة تبسيط اكثر لانه شرح الدكتور طويل شوي وكان ممكن يختصره ويبسطه اكثر :21:

نهرالعطا 2013- 9- 7 12:40 PM
رد: احتاج مساعدتكم اخواني وخواتي
 
لن ازيد عن كلام اخواتي
بارك الله فيكم وزادكم من فضله
وفقكم الله

Ahmad240 2013- 9- 7 02:17 PM
رد: احتاج مساعدتكم اخواني وخواتي
 
اقتباس:
المشاركة الأصلية كتبت بواسطة ســــلآف (المشاركة 9522080)
بسطي اجل لنا انجليزي كتابه مستوى ثاني
ان شاء الله اذا كفا الوقت اسوي للمستوى الثاني انا سويت الفصل اللي راح بس يمكن ما بيفعكم لان احتمال (مما قرأته من تعليقات الخوات) ان يتغير شوي في المنهج. اذا صار عندي ان شاء الله ما اقصر معاكم. عارف المادة كابوس ههههههههههه


All times are GMT +3. الوقت الآن حسب توقيت السعودية: 01:50 PM.
صفحة 1 من 3 1 23
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه