|
استفسار عن الاعتذار ياشباب لا هنتوا
السلام عليكم و رحمه الله و بركاته
طرحت استفساري بموضوع الاستفساراات المثبت بس محد رد علي فكتبت بموضوع لعل الجميع ينتبه . انا قدمت اعتذار لهذا الفصل عن الدراسه لظروف ماديه و عائليه مع العلم اني سجلت مقرراتي بس مادفعت اي رسوم اتمنى الافاده في حاله الرجوع للدراسه الفصل اللي بعده هل يكون بسهوله او لا ؟ ياليت اجابه شامله يالغالين ~ |
رد: استفسار عن الاعتذار ياشباب لا هنتوا
هلابك اخوي عبدالعزيز
الحقيقه انا قرأت استفسارك بقسم الاستفسارات بس ماكنت موضح انه سجلت موادك ،، عموما بقولك شغله حااااول ماتأجل الترم هذا وبالنسبه للتسديد ترى معاك فرصه ووقت كبير لتسديد اخر وقت 12/26 والاكيد انهم راح يمددوا كمان الين بعد الوقت هذا ،، انت ادرى بظروفك لكن انا افضل ان تكاااافح من اجل العلم وماتفكر بالتأجيل ،، هذا اللي ممكن افيدك فيه غير كذا والله مااعرف بالنسبه للانظمه وطريقتها ،، بس ماحبيت اخرج من الموضوع بدون ماارد،، |
رد: استفسار عن الاعتذار ياشباب لا هنتوا
أنصحك لاتاجل
قدامك وقت ممكن الظروف تتسهل والمادية معاك وقت حتى لو دين اهم شي لاتاجل...ا الله يسهل |
رد: استفسار عن الاعتذار ياشباب لا هنتوا
حياك الله عبدالعزيز ظروفي مثل ظروفك إلتزامات مادية وعائلية و سجلت مقرراتي و بعدني م سددت الرسوم لكن متأمله من الله العزيز القدير ان تفرج و ت تيسر مع العلم اني موب موظفه يمكن انت حالك أفضل مني ف نصيحة لا تقدم اعتذار الآن ,,لأن م زال الوقت مبكر ع الاعتذار و نهاية تسديد الرسوم ف 12/26 هجري حاول الشهر هذا توفر لو ألف ريال من راتبك و الشهر الجاي ألف و شهر الحج بعد و تسدد ب مجرد نزول راتب شهر الحج .. الزم الاستغفار و ب إذن الله تفرج علينا جميعا و توكل ع الذي لا تغفو عينه ولا تنام سبحانه جل ف علاه :29: |
رد: استفسار عن الاعتذار ياشباب لا هنتوا
الله يعطيكم عافيه ودي تجاوبون على استفساري بخصوص الاعتذار
سجلت موادي و قدمت اعتذار هل يقبل او لا لازم اسدد ؟ و سؤال اخر هل اقدر اواصل الدراسه الترم اللي بعده او لا .. و شكرا |
رد: استفسار عن الاعتذار ياشباب لا هنتوا
اقتباس:
التأجيل يكون قبل الدراسه وتسجيل المواد الاعتذار بعد التسجيل + التسديد ... والترم الجار تنزل المواد بدون تسجيل ولا تسديد في حاله تسجيل المواد ولم تدفع الرسوم راح يعتبرونك راسب والترم الجاي راح تسجل المواد ويضاعف المبلغ عليك .. |
رد: استفسار عن الاعتذار ياشباب لا هنتوا
لاحول ولا قوة الا بالله
اسأل الله ان يفرج عنا جميعا اسأل الله من فضله في السجود وبين الاذان والاقامه كما قالت لك اختي ديما وكذلك تفضلو هذي ربما تفيدكم 1- حساب العميد الفريدان في تويتر alfraidan@ 2-ايميل العميد الفريدان afridan@kfu.edu.sa 3- الجوال الأكاديمي للعميد الفريدان 05066904024- ودا الرقم المجاني لعمادة التعليم عن بعد 8003030308 والاتصال من 8 الى 2 الان لا يوجد امامكم اي فرصه الا اتمام هذا المستوى ودراسته واختباره والتاجيل في المستوى القادم |
رد: استفسار عن الاعتذار ياشباب لا هنتوا
طيب ي شباب والي مثل وضعي فاته تسجيل المقررات وش يسوي ؟
|
رد: استفسار عن الاعتذار ياشباب لا هنتوا
لازم تسدد قبل تقدم اعتذار
ومن ناحية العودة للدراسه فسهل بس عليك تشوف التقويم الزمني عشان مايفوتك وتقدم طلب عودة للدراسه من ايقونة عودة للدراسه |
رد: استفسار عن الاعتذار ياشباب لا هنتوا
الله يجزاكم خير
و الله يوفقنا و اياكم لما يحب و يرضى و بارك الله فيكم جميعا ً |
| All times are GMT +3. الوقت الآن حسب توقيت السعودية: 04:39 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام