ملتقى طلاب وطالبات جامعة الملك فيصل,جامعة الدمام - استفسار عام خلونا نتفق من البدايه .... (طلبين + اقتراح )

اقتباس:

المشاركة الأصلية كتبت بواسطة Ensaan 3aadi (المشاركة 11367085)

السلام عليكم ورحمة الله وبركاته
حبيت اطرح هالموضوع اللي له فتره في بالي وتقريبا من نهاية الترم الماضي ويهمني رأيكم فيه لانه موضوع يهمنا كلنا وهو عباره عن طلبين و اقتراح
انا بختصر الموضوع قد م اقدر على شان م اطيل عليكم ***
الطلب الاول : بخصوص السؤال اللي دايم يتكرر في المحاضرات المباشرة وهو ( دكتور هل بتجيب نفس اسئلة الاترام الماضيه ) !!
وشفتوا كيف بعض الدكاترة نرفزهم هالسؤال وجابوا شيء يفر المخ ويعقد الحلول
اطلب من الجميع وانا اولكم اننا مانحاول نكرر اخطاء الماضي ...
الطلب الثاني : تكرار فيسات الحزن والفيس اللي كله دموع في المواضيع :Cry111: وهالفيس البعض يشوفه مجرد فيس عادي والبعض يقول فيس استسلام واستصعاب امر ما والبعض من يشوف هالفيس يعتقد الامور معقدة ويبدأ عنده التوتر
لو تجاهلنا هالشيء وتعاوننا مع بعض واصبح فيه تفاعل من الجميع بأذن الكريم ان كل شيء بيكون سهل وميسر واستغنينا عن فيسات الحزن وعبارات التشاؤوم وتفائلنا بالخير سنجده بأذن الله ...
الاقتراح : اتمنى من المشرفين وضع ايقونة خاصه بالتنبيه عندما يتم اقتباس مشاركه لك ووضع عليها تعليق او استفسار مثل ايقونة الاعجاب.
مثلأ دائما نشوف تساؤلات داخل أي موضوع ولما نرد ونجاوب على الاستفسار يجي شخص ثاني ويقتبس ردي ويحط تحته استفسار وللاسف الغالبيه مايجيه رد لاني طلعت من الموضوع ويصعب علي الرجوع لاي موضوع شاركت فيه لكثرة المواضيع وكثرة عدد الصفحات فيضطر الشخص اللي م لقى جواب لاستفساره ان يفتح موضوع جديد وتكثر مواضيع الاستفساارت على حساب الموضوعات اللي تفيدنا في دراستنا ..
اسف جدا ع الاطالة ,, :004:

وعليكم السلآم ورحمة الله وبركاته

بالنسبه لطلب الاول والثاني اتمنى الكل يتقيد فيه لما فيه من المصلحه للجميع وعدم تضييع الوقت بشي مكرر وغير مفيد .. :rose:

الاقتراح ..! اطرحه على الاداره العليا بالملتقى الاداري ..
وان شاء الله يتجاوبوا معك لانه اقتراح رائع بيختصر اشياء كثير ..

:004::004::004: