ادخلو وشوفوا الموضوع بخصوص التركيب

[حائرة]

معليش الاختبار مو صعب بس الدكتور الله يسامحه ما خلانا نعرف وين راسنا و وين رجولنا محاضراته كانت كلها عبارة عن رؤوس اقلام و احنا ما كنا عارفين اش معانا و اش مو معانا من المنهج ,,,
و غير انه التمارين كل واحد حالها بفهمه و ما ندري اش الصح و اش الغلط ,, أنا لأول مرة اطلع من الاختبار و مدري كم نسبة الصح و الغلط عندي ,, انا و البنات اختلفنا ع الاجابات ,, الصراحة انا مقهورة احنا نعتبر في مرحلة التأسيس ودي اعرف وين غلطت عشان استفيد و اتعلم ,, و الصراحة دا الشي ما تحقق لي من دي المادة و لا متابعتي لمحاضرات الدكتور اضافت لي شي جديد ,, اعتمدت في فهمي للمنهج من شرح الدكاترة الاخرين ...
طولتها و هي قصيرة بس من قهررررررري ....

[أبو جَنىَ]

المشاركة الأصلية كتبت بواسطة حائرة

معليش الاختبار مو صعب بس الدكتور الله يسامحه ما خلانا نعرف وين راسنا و وين رجولنا محاضراته كانت كلها عبارة عن رؤوس اقلام و احنا ما كنا عارفين اش معانا و اش مو معانا من المنهج ,,,
و غير انه التمارين كل واحد حالها بفهمه و ما ندري اش الصح و اش الغلط ,, أنا لأول مرة اطلع من الاختبار و مدري كم نسبة الصح و الغلط عندي ,, انا و البنات اختلفنا ع الاجابات ,, الصراحة انا مقهورة احنا نعتبر في مرحلة التأسيس ودي اعرف وين غلطت عشان استفيد و اتعلم ,, و الصراحة دا الشي ما تحقق لي من دي المادة و لا متابعتي لمحاضرات الدكتور اضافت لي شي جديد ,, اعتمدت في فهمي للمنهج من شرح الدكاترة الاخرين ...
طولتها و هي قصيرة بس من قهررررررري ....

والله يا اختي كلامك يحتمل الصواب ويحتمل الخطأ , وأعتذر منك أولاً ..
لكن الدكتور إذا حطها سهله جداً بـ يبقى ناس ما راح يعرفون شيء ..
والمادة أسمها تركيب لغوي يعني تأسيس لشيء قادم أكثر وأقوى ..
لو ما أنتبهنا لها من الحين راح تتراكم علينا المواد بعدين وتصعب ..

أنا ما أخفيك إن عندي لغة أنجليزيّه وتأسيسي كوّيس فيها , لكن
الدكتور كان حاط خيارات الأجوبة متباعده جداً .. وكان حاط أكثر
من 35 سؤال سهل جداً يضمن الواحد فيه درجة النجاح ..

وكانت المادة كلها تدور حول من 10 إلى 15 قاعدة , لو أتقنتيها
ما راح يجيك منها معاناة بعدين , ولو تضاعف العدد مستقبلاً
مع المناهج الباقيه , بتتعبين ( شديد ) على قولة السودانيين

شدّي حيلك وأشتغلي على نفسك هذا إللي أقدر أقوله لك ..
العلم بالتعلّم , وفيه مواقع كثيره بتفيدك وتنفعك إذا عزمتي
منها يوتيوب .. والكتب الألكترونيه .. ألخ

وبعدين يا أختي الكريمة الدكتور حنّا نعتقد إنّه ملزوم 100% بـ إيصال
المعلومات للطالب , بعض الدكاتره وصل للتشبْع من الشرح ويعتقد
وهو يشرح المادة إنه قد شرحها لنا من مبطي , ولا يتعبْ نفسه و
لا يبذل أي مجهود للشرح , عشان كذا أنتي إذا مافهمتي روحي
وأكتبي مشكلتك بـ قوقل .. وراح تطلع معك وشرح بالعربي بعد

أنا كنت محتار بمعلومة قبل الإختبار وبحثت عنها ولقيت شرح
عليها بمنتدى مصري , طبعاً الدكتور ما شرحها كوّيس ولا تعبّ
نفسه فيها , لكن يوم جيت الإختبار لقيت السؤال وش كبره

الله يوفقك أنتي وكل من يبحث عن العلم ..

[ضجيج الحلم]

حائره كفيتي ووفيتي
الله يسامحه
معليش لو شرحك حلوو جيب الصعب مو مشكله
بس لاشرح ولا سهل لييييييييييييه؟؟
مو من سماحة المسلم التعسير ع المسلمين
عموما الله يسهلها ع الجميع

[رحّال]

المشاركة الأصلية كتبت بواسطة الساكت

السلام عليكم
اهلا اهلا بالعيد مرحا مرحا بالعيد

معوضين خير في التركيب كل واحد مبسوط وفرحان وكل ماجيت اشوف الحل اختلف العلماء في ذلك
الله يعديها بخير والله خويش بس فيها صعوبة شوي والمنتدى يحكم بختلاف وجهات النظر في حل الاسئلة خلونا في اللي جاي والله يخارجنا وياكم

اهلا اهلا بالعيد مرحا مرحا بالعيد

مانيب ببعيدٍ عنك في التركيب اللغوي
وانا طالع من الاختبار ودك تجيب حولي أولاد وبنات صغار لابسين ثياب العيد ويغنونها ( أهلاً أهلاً بالعيد )

[حائرة]

كلامك صحيح أخي أبوجنى أنا أوافقك الرأي في كل اللي قلته ,,

و أنا ما يهمني اني اطلع من الاختبار ناجحة و بس لانه انا ضامنه النجاح ان شاء الله , و لكن معدلي الترم الماضي كان ممتاز ولله الحمد وكنت و لا زلت اطمح للمحافظة عليه ,,
غير انه يهمني اني استفيد و افهم صح مو احفظ الاجابات حق اختبار العام الماضي و ادخل الاختبار و احلها مثل مالكثير بيعملوا ....
بس حكاية البحث في قوقل راحت عن بالي

و نظريا الدكتور ما يعتبر اعطانا شي جديد كل القرامر سبق و اخذناها مع دكاترة سابقين ,, لكن تضل اللغة الانجليزية ليست لغتنا و ما زلنا نتعلمها ,, و أحيانا تلتبس علينا بعض الاختيارات ,,

و فعلاَ القادم اصعب و لازم نضاعف الجهد و نشتغل على حالنا ,, و الله يوفقنا جميعا يارررررب

[الساكت]

شكرا على مرور الجميع وهذا يعتبر تنفيس وتفريغ للشحنات الداخلية
وبالتوفيق للجميع
واهلا اهلا بالعيد

[اروى حايل]

الاختبار ماكان سهل ابدن الي يقول سهل عشانه مذاكر اسئله العام

لاكن الاسئله موعلى شرح الدكتور ابدن

يعني في القراءات عمار تفلسف وصعب الاسئله لانه يتعب في الشرح

بس في التركيب ابدن ماكانت الاسئله على مستوى الشرح في قواعد كثير

كان يقرها قراءه فقط

[المستقبل المشرق]

انت وين كنت او كنت وين انت؟ اي الجملتين الاصح باللغه العربيه؟ اكيد راح تختارون الاولى. طيب ممكن اعرف على اساس اي قاعده؟ انا متاكده اخترتو الاجابه الاولى لانها الدارجه بالحديث .. انا بالظبط اسوي كذا بالانجليزي .. القرامر عمره مايحفظ بدراسة قوانين تحتمل كثير من القواعد الشاذه الاستماع والقراءه يقوي عندكم القرامر بدون اصلا ماتتعبون نفسكم بدراسة القرامر نفسه. خطه عبقريه جربوها الترم الجاي وبتدعون لي.