حرمان من اختبار الانشاء والتعبير والسبب الجوال

[ابو فجر-1]

ا

لسلام عليكم ورحمه الله وبركاته

بختصار الموضوع \\
اليوم حبيت افاجأكم بصور الاسئله بماده الانشاء والتعبير

وعند بدايه الاختبار اظهرت جوالي وبدأت بالتصوير وعند الصفحه الثالثه الى بالمراقب فوق راأسي
وبدون اي كلام سحب الورقه
حاولت افهمه الوضع اني هدفي مو غش لاسمح الله قال : النظام نظام

قال بمجرد تمسك الجوال بالاختبار تعتبر حاله غش ويلغى اختبارك

بالاخير قال اكتب تعهد بأنك بتصور الاسئله ,, قلت مو كاتب

قالي بنظام الغش وعقوبه الطالب تنحرم من الاختبار الي قبله والاختبار الي بعده...
هل هذا صحيحّ!؟؟!!

وانا بصراحه مقهور جدا لاني لسى مبديت بالحل ونيتي الاساسيه نستفيد منها بالملتقى
ا

فنصيحه الحذر ثم الحذر

[ريم الفلا 33]

لاحول ولاقوة الا بالله الله يكون بعونك اخي الكريم بالنسبه لي ماافهم بنظام الغش ان شاءالله غيري بيفيدونك واتمنى انك تعدي هالاختبار يارب .
الله يهديك مالك ومال التصوير دام الوضع مايسمح لك بالتصوير حل اسئلتك وخلص منها واذا فيه مجال تصور اوكي مافي مجال ماله داعي تضر نفسك اللي بيذاكر زين بيحل زين سواء فيه اسئلة مصورة او لا .
عموما قدر الله وماشاء فعل وان شاءالله يارب تنحل مشكلتك .

[ابو_رغد]

ياحبيبي ليش ما تفكر
اللي يصور الاختبار احد امرين ما يطلع منهم :
1- يا ان المراقب يعرفه وسامح له بالتصوير .
2- او ان اللي يصور هو مراقب اذا سلمو الاوراق وطلعو كل الطلبه قام وصورها .
وانت انحرمت من الاختبار الله يهديك

[Rasta]

الله يعوضك بخير .. ماعليه حسوفه الامتحان

[H.S.B]

ياخوي لا تشيل هم لاني سامع ان مايدخلون بالمواد الاخرى وبعدين قسم بالله انه حقير هالمراقب ان شاء الله يشوفها بعياله او يجيه عقاب كيف يتسبب في حرمان طالب وان كان يغش يااخي غير مكانه اعمل اي حاجه لكن لا تسحب الورقه حقيقة ماعنده مروه وجليل حيا و طووووووووط يستاهل هالمراقب الناس تلعنه ع مايقوم به

[H.S.B]

اخوي وين مركز اختبااارك؟؟؟؟؟؟؟؟؟؟؟؟

[DoDy CooL]

مدري ايش فييييييييييييهم وانا كتبوني اقرار وبيرجع يشوفو موضوعي حرمان ولا لا
والسبب سماعه البلوتوث المطفية...والجوال مقفل...وفوق كذا عند المراقبة جوالي...
الا تجي زي المديرة وتطلعني من نص الامتحان....حسبي الله علييييهااا ماتفهم فرجيتها الجوال مقفل والسماعه مطفيييه..
الله لايوفقها ويتسلط عليها من حيث لاتدرررررررري

[احمد الدمام]

ياخوي الي يصور ترى مايصور بنص الاختبار اذا خلص وحل كل شي يستأذن ويصور بعد ما يطلعون الطلاب

اما كذا بنص الاختبار ياخي والله ماتجي معليشش يعني


ع العموم الله يعوضك

[shery]

المعروف ان التصوير ممنووووووووووووووووع وحتى لو كان فايده لأحد
وإلا كان عطونا اوراق الأسئله
الله يعوض عليك بخير منها

[my Dreams]

لائـــحـــة تأديب الطلاب بجامعة الملك فيصل
المادة الأولى :

جميع الطلبة الدارسون بالجامعة خاضعون للنظام التأديبي وفق المواد من (الثانية إلى التاسعة) من هذه اللائحة .

المادة الثانية :
يعتبر كل خروج على الأنظمة واللوائح والتقاليد الجامعية مخالفة تأديبية وعلى الأخص :

أ- الأعمال المخلة بنظام الجامعة أو المنشآت الجامعية وكذلك الامتناع المدبر أو التحريض على عدم حضور المحاضرات والتمرينات والدروس العملية وغيرها مما تقضي اللوائح بالانتظام فيها .

ب- كل قول أو فعل أو عمل يمس بالشرف والكرامة أو يخل بحسن السيرة والسلوك والقيم داخل الجامعة أو خارجها .

ج- الغش في الامتحان أو الشروع فيه .

د- الإخلال بنظام الامتحان .

هـ- تنظيم الجمعيات داخل الجامعة أو إصدار النشرات أو توزيعها أو جمع أموال أو توقيعات قبل الحصول على ترخيص من السلطات الجامعية المختصة .

و- أي إتلاف أو محاولة إتلاف للمنشآت أو التجهيزات الجامعية .

ز- الإساءة المتعمدة لمنشآت الجامعة وملحقاتها والبيوت المعدة للإقامة ومحتوياتها




المادة الثالثة :

الطالب الذي يرتكب المخالفة المنصوص عليها في الفقرة (ج) من المادة (الثانية) ويضبط في حالة تلبس يخرجه مراقب الامتحان من القاعة ، ويحرر محضراً بتفصيل ما وقع ويقدمه مع المستندات إلى عميد الكلية الذي يقوم برفع المحضر والمستندات إلى مدير الجامعة أو من يفوضه لإحالة الطالب إلى لجنة التأديب لتقرير العقوبة المناسبة ، أما من يرتكب المخالفة الواردة في الفقرة (د) من المادة (الثانية) فلعميد الكلية أو من يفوضه تقدير الموقف من حيث إخراج الطالب من قاعة الامتحان أو السماح له بالاستمرار في أداء الامتحان حسب الأحوال ، ويرفع العميد تقريراً بذلك إلى وكيل الجامعة المختص أو من يفوضه – لاتخاذ ما يلزم .

وإذا خرج الطالب من قاعة الامتحان ، فإن امتحانه يكون ملغياً في المادة التي كان يمتحن فيها ( يعطى تقدير راسب ) ولا يلغى امتحان الطالب في المواد الأخرى إلا بناء على قرار لجنة التأديب المستند إلى تقرير العميد ، ولا تعلن نتيجة الطالب في تلك المواد لحين صدور قرار لجنة التأديب .