ملتقى طلاب وطالبات جامعة الملك فيصل,جامعة الدمام

شكرا
انا استفدت من الموضوع
لأني أكره have من قلب
والشطار عليهم بالعافية
مو عشانكم شطار تكسرون مجاديفنا
ترى أصعب خطوة في تعلم اللغة كسر حاجز الخجل من هذي النظرة اللي ينظر لك فيها واحد يعرف أحسن منك بشوي
وكأن اللغة الانجليزية واجب شرعي ياويلك كبرت وماتعرفه

واللي مايعرف شنو تعني have got لايتحطم
اللغة مو سلم اذا ماعرفت شي معناته انك مستوى أقل هذا مو صحيح
انا مثلا احفظ consolidete , fostered, fulled , reinforced وكلم نفس المعنى تقول حافظة دكشنري وما أدري اذا بستخدمها يوما ما في الشارع متأكدة مارح يفهمها أحد هنا لو قلتها مع ذلك احفظها بينما ما احسن استخدام الhave وأخواتها
اذا كنا نشوف عشرين ثلاثين واحد دوافير ويعرفون فمو معنى هذا ان احنا مارح نصير أحسن منهم
لأن الأغلب هنا هم ناس مثلنا داخلين وحابين يتعلمون حبة حبة
كلنا درسنا في مدارس حكومية ودرسنا الاستاذ اول حصة في أول متوسط حرف Aa وطلع
وبعد اسبوع دخل علينا يرطن تقول يكلم نيتف
ولأن عندنا اصرار نتعلم
الحين احنا ندرس انتساب ونعلم نفسنا بنفسنا
هذا يكفي ان نرفع شعار (بنتعلمها لو حرف حرف )
الشطار شكرا لكم
كلنا مستفيدين من جهودكم
بس مو كلنا مثلكم
أغلبنا ماعندنا القدرة على اكتساب اللغة بسهولة
وأغلبنا ما درسنا في مدارس أهلية
وأغلبنا ماعنده أحد يمارس معاه
فلا تستهزؤون فينا
لأن راح نتعلمها يوم
وراح نتجاوز هالعقبات