ملتقى طلاب وطالبات جامعة الملك فيصل,جامعة الدمام - استفسار عام بليز مو قادره افهم اللغويات

ملتقى طلاب وطالبات جامعة الملك فيصل,جامعة الدمام (https://vb.ckfu.org/)

- E4 (https://vb.ckfu.org/f338)

- - [ استفسار ] بليز مو قادره افهم اللغويات (https://vb.ckfu.org/t667758.html)

رانيا العنزي

2015- 4- 8 09:12 PM

بليز مو قادره افهم اللغويات

كيف اذاكرها بليز ساعدوني ربي يوفقكم ولا يحرمكم الاجر

ام حاتم427

2015- 4- 8 09:27 PM

رد: بليز مو قادره افهم اللغويات

لسى مابديت فيها
لاتخوفيني منها ..وانا اصلا متردده فيها من المستوى الي راح
:verycute:

رانيا العنزي

2015- 4- 8 09:35 PM

رد: بليز مو قادره افهم اللغويات

حبيبتي مو فاهمه وش يحكي عنه الدكتور في المحاضرات

حواء طموحة

2015- 4- 8 09:37 PM

رد: بليز مو قادره افهم اللغويات

لسه مابديت فيها الله يستر حدي خايفه منها

امل ..

2015- 4- 8 10:26 PM

رد: بليز مو قادره افهم اللغويات

:mh12:سلام عليكم
بنااااااااااااااااات انا يمكن اكثر وحده خايفه بس لاني سمعت الكل يقول صعبه الزبده
وحده قالتلي تراها سهله الماده بس عشانك استصعبتيها فخلاص صرتي ماتقدرين تركزين والدكتور طيب وغير معقد ^^يعني اقنعتيهم
فتحت الماده وصدق عطيتها نظره اللي ماني مهتمه لقيت اول محاضرتين مرتبطه ببعض والتعاريف حفظتها وع كل تعريف كلمه ..الباقي ع نفس المنوال اغلبها تعاريف سهلللللللللللللللللللللللللل
وتحمست اذاكره ((قولواا ماشاءالله عشان مايخرب الحماس :cool:
وذاكروا من ملخص فريق الابداع مرررره جمممممميل
والله انها سهله بس شلوا فكرة الصعوبه وبعدين مافي شي صعب وتذكروا ان اختباراتنا اختياري مومثل الانتظام حوسه جد لازم تتذكرين وتحفظين التعاريف كامله عشان تكتبيها ((شفتوا كيف هانت

Sob7anak

2015- 4- 8 11:13 PM

رد: بليز مو قادره افهم اللغويات

لا تتخوفون منها بس لازم لها وقت كافي قبل الاختبار لان فيها حفظ كثير بس بشكل عام ماده ممتعه :rose:

ريم الجوري

2015- 4- 8 11:53 PM

رد: بليز مو قادره افهم اللغويات

ابرافو يا أمل

على

كلامك الجميل

وعلى
حماسك للمذاكرة اللي أنشأتيه بعد.

كادي 88

2015- 4- 9 12:37 AM

رد: بليز مو قادره افهم اللغويات

المادة سهله باذن الله انا بالبداية لقيتها صعبة ومااستوعبتها بس مع متابعة المحاضرات مع الدكتور و تكرار المعلومة اصبحت سهله و واضحة وممتعة في المذاكرة الاسئلة كانت سهله للي ذاكر زين الدكتور ركز على التعاريف والامثلة >> احفظوا الامثلة وفالكم a+ بالتوفيق

جامعية2013

2015- 4- 9 01:34 AM

رد: بليز مو قادره افهم اللغويات

الله يسهلها مع انه المحاضرات الاخيرة مافهمتها مدري كيف اذاكرها

امل ..

2015- 4- 9 01:44 AM

رد: بليز مو قادره افهم اللغويات

ريم شكرا هذا واجبنا نشجع بعض بصدق ..
:004::004::004:

Noorsoso

2015- 4- 9 02:54 AM

رد: بليز مو قادره افهم اللغويات

تعتمد على الحفظ اكثر لان التعاريف كثيره
بس الي مافهمته الى الان تبع الطفل المحاضره 12 و 13
الي فاهم كيف يجي منها اساله ياليت يفيدنا !!!!

ليــــــن

2015- 4- 9 03:42 AM

رد: بليز مو قادره افهم اللغويات

السلام عليكم

اللي متخوفين من المادة انا ما راح اكذب عليكم واقول انها سهلة وما تستاهل جهد لا .. لكن باعلمكم وش صار معي

انا اخذتها السمستر الماضي وما ذاكرتها الا قبل الاختبار بيوم وحست فيها حوس الله اعلم به حسيت اني متورطه ما عرفت من وين ابدأ ولا قدرت افهم شي مره متشابكة وماهي مفهومة لكن اعتقادي غلط كان بسبب الربكة والخوف وبفضل الله وحده .. هانت علي حبة حبة ..

اللي بانصحكم فيه
قبل كل شي توكلوا على الله وتطمنوا والله ان الله ما بيضيع جهد احد

* ذاكروها من الحين خصوصا ان قبلها مادة المنظومات النحوية وهي بعد مو سهلة حسب كلام اللي خذوها قبلنا
* ركزوا على الملخص اللي حاطه الدكتور في البلاك بورد راح يجيب منه اسئلة
* ركزوا على التعاريف وهي على ما اذكر كانت مجموعة في مجلد واحد الله يوفق اللي جمعها لنا واتبعوا في الحفظ للتعاريف طريقة الربط تربطون (كلمة مميزة في التعريف) بالكلمة المراد تعريفها كانت طريقة ناجحة معي
*اغلب الاسئلة كانت من الثلاث محاضرات الاولى (مخارج الحروف جاب منها ) وباقي المنهج اكيد لا تهملونه
*ذاكروا اسئلة الاعوام الماضية

راح تلاحظون دام فيه وقت للمذاكرة وفيه قدرة للاستيعاب انها بتنفك عقد المصطلحات وتتيسر مع فهم باقي المنهج والله بفضل الله انها تيسرت بشكل ماكنت اتوقعه

وفي الاول والاخير ترا جهدكم ما راح يضيع باذن واحد احد .. لان مادة اللغويات متصلة بمادة الصوتيات اللي راح ناخذها باذن الله في المستوى الخامس

اتمنى لي ولكم التوفيق واتمنى اكون افدتكم بشيء

ابوعبدالله357

2015- 4- 9 09:31 AM

رد: بليز مو قادره افهم اللغويات

انا اخذتها العام الماضي هي تعتمد على النطق ومخارج الحروف من الفم

كأنه تجويد لكن بااختلاف اللغه واختلاف التعاريف كنت خايف منها بقوووووه

واجلس عليها يومين بس وركزت على الاسئلة الاعوام الماضية والحمدالله اخذت فيها b+

المادة تبي فهم اكثر من الحفظ يعني تبي تعرفن من وين يخرج الحرف مثل zzzz يخرج من الخيشوم

وكذا زي بغنة او بغير غنة بس ركزي على اسئلة الاعوام الماضية وفالك a+

omratooja

2015- 4- 9 09:32 AM

رد: بليز مو قادره افهم اللغويات

السلام عليكم

المادة حلوة وممتعة والدكتور مرة كويس مايلف ويدور وفي اسئلة مراجعة حطها بالبلاك بورد جاب منها في الاختبار وفي ملزمة يمكن اسمها خوخ مو متذكرة والله ذاكرت منها مرة كويسة وجبت فيها a لاتتخوفين ابد منها

ام حاتم427

2015- 4- 9 01:31 PM

رد: بليز مو قادره افهم اللغويات

امل ..
ماشاء الله عليك اسم على مسمى شكرا على رفع الهمه
:d5:
لين وابو عبدالله وomratooja
:(286):

فعلا محتاجين نركز
وعلى حسب مافهمت من الي خذو الماده
ان اصعب شي المحاضرات الخمس الاولى لانها كلها تعاريف محتاجه حفظ
والا الباقي ان شاء الله سهل
:(280):

خلود33

2015- 4- 9 02:50 PM

رد: بليز مو قادره افهم اللغويات

الماده سهله وملزمه خوخ و زهر حلوه والدكتور شريييح ببطللل

لاااانا

2015- 4- 10 11:34 AM

رد: بليز مو قادره افهم اللغويات

الماده اذا ذاكرتوها بتركيز راح تفهموها ويسهل الحفظ بعد الفهم لانها ماتحتاج الا الوقت الكافي والتركيز
وتصير سهله والدكتور مررررره يعتبر اسلوبه بالاسئله سهل وبعد ماتخلصوا مروا على النماذج راح تجيبوا a+
بالراحه يكفيها بس من 3 -5 ايام مذاكره حسب الفروقات لكل شخص مع انشغاله باعماله
وعلى فكر المحاضرات الاخيره بس تعاريف لاتضيعوا وقتكم فيها اللي هي من 9 الى 13 و14 مراجعه فيها اسئله
ارجوا اني وضحت لكم والله يوفقكم جميعاً

لاااانا

2015- 4- 10 11:38 AM

رد: بليز مو قادره افهم اللغويات

فعلاً المحاضرات الخمس الاولى هي اللي يبيلها تركيز
وعني انا لم اتابع المحاضرات عليكم بس بملخص خوخ وزهره شامله للمنهج ولاتضيعوا وقتكم بالبحث عن ماخصات

ترآنيم الغلآ

2015- 4- 10 12:17 PM

رد: بليز مو قادره افهم اللغويات

مرو على موضوعي في شرح هذي المادةة لان التركيز على اول محاضرات مهم ..

http://www.ckfu.org/vb/t501373.html

اذا ماتغير المحتوى ..

ترف...

2015- 4- 10 02:07 PM

رد: بليز مو قادره افهم اللغويات

انااخذتها وجبت درجه حلوة
اول شئ لازم تسمعين المحاضرات وطريقه النطق وهالماده لازم تعيدينها اكثر من مرة وتسوين مخطط او خريطه مفاهميم عشان تفرقين اول مابديت اذاكرها جدا تازمت وعلى فكره ترا معروف عنه انه يجيب من الاسئله اللي قبل بحوالي 40الى45سؤال والبقيه جديده هذا المعلومة قريتها عن وحدة السمستر اللي قبل وجد طلع كثير منها
وبالتوفيق

ترف...

2015- 4- 10 02:08 PM

رد: بليز مو قادره افهم اللغويات

واعتمدو ملزمة خوخ وزهر مرررة روعه

ستايلي

2015- 4- 10 03:26 PM

رد: بليز مو قادره افهم اللغويات

الماده ممتعه وهي من السهل الممتنع انا اخذتها الترم اللي فات والحمد لله علامتي حلوه لكن الماده يبغالها حفظ وفهم كمان لان الدكتور جاب تعاريف باسلوبه والاسئله اللي حاطها بالبلاك بورد جدا مهمه ورح يركز عليها بالمحاضره المباشره يعني صموها صم للي يبغى نسبه النجاح وكمان الامثله اللي في الجداول مهمه وجاب منها واي ماده صعبه لازم اقل شي يتم الاطلاع عليها ماتترك فتره طويله لان حفضها بعدين رح يكون صعب المحاضرات الخمسه الاولي جاب منها اما الاخيره ماركز عليها اللهم ركز على المراحل الخاصه للطفل والدكتور متعاون اسئلوه بالمباشره على ايش تركزون رح يقول لكم اذكر البعض حتى راسلوه بالايميل ورد عليهم لاتتخوفون من الماده المشكله ان المواد الدسمه تجي وراء بعض لان قبله المنضومه النحويه الله يوفقنا جميعا ونجيب اعلى العلامات

رانيا العنزي

2015- 4- 11 05:12 PM

رد: بليز مو قادره افهم اللغويات

الله يجزكم خير ردودكم ريحتني كثير . اسفه ماتوصلت معاكم مشغوله حدي .

جامعية2013

2015- 4- 11 06:44 PM

رد: بليز مو قادره افهم اللغويات

شكرا للجميع على التوضيح والله يجزاك الجنة

sham9966

2015- 4- 11 07:14 PM

رد: بليز مو قادره افهم اللغويات

الي الان نقدر نحدف ماده او لا

{تهاويل}

2015- 4- 11 07:55 PM

رد: بليز مو قادره افهم اللغويات

اقتباس:

المشاركة الأصلية كتبت بواسطة sham9966 (المشاركة 12147033)

الي الان نقدر نحدف ماده او لا

يمكنك ان تحذفي مادة وآخر يوم هو واحد رجب 1436هـ
لكن بدون استعادة الرسوم

sham9966

2015- 4- 12 12:59 AM

رد: بليز مو قادره افهم اللغويات

اقتباس:

المشاركة الأصلية كتبت بواسطة {تهاويل} (المشاركة 12147134)

يمكنك ان تحذفي مادة وآخر يوم هو واحد رجب 1436هـ
لكن بدون استعادة الرسوم

شكر لك لاني حدفت في البدايه مادتين ومانحدفو افكر احدف قواعد البيانات لاني مافتحت شي والوقت ضيق او المنطومه انتو الي ذاكرتو شنو رايكم احدف. واللغويات مااقدر احدفها تعارض

All times are GMT +3. الوقت الآن حسب توقيت السعودية: 05:17 AM.

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه