[ استفسار ] تقيم جودة الصوت

[كارزما]

^




عورتي قلبي حسيت فيك .. قمة القهر والغبنة
مكأنهم بيوم كانوا طالبات حسبي الله .
المراقبة جت تكلمي الي جنبي ماوعيت الا اقوله اااش :D

.
.


المفروض سماعات لكل طالب .

[بانو]

الصوت سيء جدا وماعرفت احل اسئله القطعه ..الي اشتكوا من رداءه الصوت قدموا شكوى

[بنت التركي]

المشاركة الأصلية كتبت بواسطة كارزما

^




عورتي قلبي حسيت فيك .. قمة القهر والغبنة
مكأنهم بيوم كانوا طالبات حسبي الله .
المراقبة جت تكلمي الي جنبي ماوعيت الا اقوله اااش :d

.
.


المفروض سماعات لكل طالب .

قهرررررر وربي ها المادة بتخسف في معدلي 😭😭😭

[بنت التركي]

المشاركة الأصلية كتبت بواسطة حماااده

انتبهي تكتبين في شكوى سالفة المحاضره المعيوده لانها شيء مو رسمي

انا حافظة نسخة من الشكوى الحمدلله ما جبت طاري الاعادة بس ذكرتها هنا اصلن من اول استماع للتسجيل وهي مسويه لنا قلق

[Tahani88]

حسبي الله ونعم الوكيل ..
ألحين الدكتور جاه لحميه فجأه والا وش السالفه ؟ وقت المحاضرات صوته واضح ونفهم كل كلمه يقولها ويوم جا الاختبار فجأه انكتم وصار يتكلم من خشمه ولاندري وش يقول والسماعه حدث ولا حرج والله ماذكرت الا سماعات العروس اول اذا جو ينادون عائلة فلان الفلاني صدى ويطلع فجأه صوت الجوال اذا قرب من السماعه ! خير ان شاء الله ليه هالاستهتار هذا وش حنا ندفع فلوس عليه ! ألحين هم ماياخذون الا مدارس مبناها حكومي وفي كل مدرسه لاب للحاسب ورى مايدخلونا فيه ويعطون كل واحد سماعه ويريحونا من ذا الحوسه اللي تصير كل ماجت عندنا ذا الماده ! لعنبو بليسهم اذا احد فتح ورقته ولاحرك الكرسي والا عطس تلخبطت كل معلوماتي ولعد ادري وين انا فيه ! صراحه شي يفقع القلب قسم بالله مذاكرين وشادين حيلنا وحالتنا حاله وفي النهايه هذا اللي نلقاه ! حسبي على الظالم وبسسسس

[تركي9080]

الصوت خااايس وسلامتكم

[misan]

جدا الصوت رديء فرق عن المستوى السابق

[misan]

والله حلوه فكرت كل وحد سماعه ياليت نطالب فيها .................بدل هالبهذله

[أم يارا]

الصوت بالقطعه جدا جدا زفت
راحت علي القطعه بدرجاتها
حتى الكلوز مدري هو ينطق حرف s بالاخير والا لا
بس اهون من القطعه
اللي اشتكوا من الصوت لازم يرفعون شكوى تكفون
عشان يحسبون لنا درجات القطعه

[أم يارا]

وكمان بعد نتيجة الاستطلاع نرسلها لهم
عشان يشوفون ان الاغلب اشتكى من الصوت

ان شاء الله يعوضونا بالدرجات الزينه