|
لي يومين ما نمت تكفون ساعدوني
انا مذاكره من اول بس جاني ارق ومن يومين ما نمت واجهت صعويه في اختبار نظريه الترجمه وانا احل كنت التوقع باطيح ع الورقه من الارهاق و امس حاولت انام ما قدرت وكمان ماقدرت الذاكر فاكيد ماراح اقدر احل وما ابي اروح واجيب العيد رغم الماده بنسبه لي حلوه بس و الله العظيم اني ابكي مثل الطفل لان تعبت فيها من قبل ومن بدايه الترم وانا مجتهده صرت مثل المجنونه ماني قادره اسوي شيء من القهر السؤال هل اذا ماحضرت وقدمت عذر بأثر عليه لان معدلي ممتاز وما ابيه ينزل بسبب عدم النوم وهل باثر على مرتبه الشرف والله جالسه اكتب بصعوبه اجل في الامتحان وش بسوي :Cry111::Cry111::Cry111: |
رد: لي يومين ما نمت تكفون ساعدوني
تعوذي من بليس مافيه شي يستاهل ..
اختبري ويسر الله امورك .. لو عذر طبي ويقبلون به مايأثر على المعدل .. اما غير الطبي مايقبل معهم اي عذر .. |
رد: لي يومين ما نمت تكفون ساعدوني
دام الدكتور حليل
ويش هو له الانسحاب كوب كافي وطقطقي على الواجبات @اسئلة العام الحين الاخوان شغلين فيها وصدقيني ماراح تندمي الدكتور اسلوبه مايتغير بالاسئلة بدل السوال جواب وكذا اعطيك النصائح وانا باقي ماخصلت مذاكرة وماقريت الاسئلة:53: |
رد: لي يومين ما نمت تكفون ساعدوني
يمكن تساعدك منقول
|
رد: لي يومين ما نمت تكفون ساعدوني
اذكري الله وتعوذي من الشيطان
الله يعينك ويسهل لك بالنسبه للعذر صارت لي وتركت اختبار لظرف طاري ولا تساعدو معاي وخسفت بالمعدل .... العذر الطبي من مستشفى ( حكووووومي ) مقبووووول وغيرررره ماراح يقبلوه ولكن مثل ماقالو لك الاخوات الدكتور حليل وطبعه التكرار يعني ماهناك ذاك التعب اصبري وصابري وباذن الله فل مارك وفوق كذا ماجوووووره باذن ربي اسال الله لكم التووووووفيق جميعا وفالكمم +a |
رد: لي يومين ما نمت تكفون ساعدوني
لية تبكين ! عشان أختبار ؟ ذاكري اللي تقدرين علية وتوكلي على الله واذا واجهتي صعوبة أدعي ربك سبحانه :119: |
رد: لي يومين ما نمت تكفون ساعدوني
1 مرفق
خذي والدنيا ماتستاهل
|
رد: لي يومين ما نمت تكفون ساعدوني
1 مرفق
وهذا منقول وترجمتي وتأكدي منه
|
رد: لي يومين ما نمت تكفون ساعدوني
الله يوفق كل من رد العذر مضمون ومن مستشفى حكومي والمشكله انا منتهيه ماعاد اقدر الركز حتى لو المتحان سهل بس اهم شي ما ياثر مستقبلا علي في اي شي |
رد: لي يومين ما نمت تكفون ساعدوني
اقتباس:
:sm4::sm4::sm4: عليك بالكويز والاسئلة المترجمة عدها وارتاح منها لا تقدم عذر المعدل اذا طاح الترم هذا تقدر ترفعه الاترام الجايه لا تشيل هم :(204): قدامك ثلاث اترام تقدر تصنع المستحيل :33_asmilies-com: |
رد: لي يومين ما نمت تكفون ساعدوني
1 مرفق
شوفي دام انتي تقولين ذاكرتي هالماده روحي الان نامي ساعه اقل شي ترتاحين ومن ثم قومي وكوب نسكافيه يعدل مزاجك وانتي بالسياره اقري الاسئله والتعاريف وترا الماده حليووه
بالتوفيق يارب :rose: |
رد: لي يومين ما نمت تكفون ساعدوني
وخيتي وحدي آلله .. آمس دخلت الاختبار الله وكيلك تقل سكران من شدة السهر ، نمت ساعه بس والظهر! الامور اللي تترتب على عدم حضورك معدلك ، وخصوصاً انك مذاكره برأيي حرام تنسحبي احضري واضغطي على حالك وعلى قولتهم " الجهد منسي " فالنا وفالك الخير |
رد: لي يومين ما نمت تكفون ساعدوني
أهم شيء انتي أرتاحي لو نص ساعة بس
واصحي وتوكلي ع الله وأقنعي نفسك إنك راح تعوضين في المادة هذه والمادة سهلة وبإذن الله ربي ييسر لك يارب |
رد: لي يومين ما نمت تكفون ساعدوني
بلا دلع
يلا قومي فتحي عيونك يامال اللي وشوله منزله هالماده يوم انك تصيحين علينا الاختبار بسيط ومايبيله اعذار قراءه اسئله ومناقشه والامور طيبه بالتوفيق |
رد: لي يومين ما نمت تكفون ساعدوني
اول شئ الله يعينك اختي
هداكله من ربكة الأمتحانات تعودي من ابليس وادكري الله وحطي في بالك انه اختباردنيا ومونهاية العالم وان شاء الله بلتوفيق ادري الكلام ركيك في التعبير لأن مستعجله لسه ماخلصة مداكره لكن ماهان علي اشوفك كدا وما ارد بلتوفيق عزيزتي انتي والكل :lllolll: |
رد: لي يومين ما نمت تكفون ساعدوني
تعوذي من الشيطان
دامك سجلتي المادة توكلي على الله وشوفي الأسئلة اللي منزلينها .. وبإذن الله فللللللللل مارك فقط .. وكلي امرك لله |
رد: لي يومين ما نمت تكفون ساعدوني
سلام حبايبي يارب لك الحمد كما ينبغي لجلال وجهك وعظيم سلطانك توني صحيت:53: امس كتبت ردي الاخير وقفلت الجهاز وانا محبطه ومتخذه قرار الانسحاب والهزيمه دخلت غرفتي وحاولات انام بس ما قدرت القلق حارمني من النوم من يومين جلست افكر في كلام كل واحد فيكم ولا احد شجعني في قراري الغبي كلكم عارضتوني رغم انا كتبت الموضوع وانا متخذه القرار بس كنت ابي اطمن ع وضعي مستقبلاً قلت لنفسي كلامهم صح وانا في الاساس مذاكره بس من شهر لو اركز شوي بسترجع معلوماتي والماده سهله رجعت فتحت المنتدى من جوالي وقريت رد كل واحد فيكم مره ثانيه حسيت بدافع قوي موطبيعي والله العظيم الصداع راح الخمول اختفى :33_asmilies-com: صليت الظهر بعدها مسكت الملزمه محاضره محاضره مجرد قراءه بدأت الاسلاك تشبك عندي وترجع لي المعلومات:71: لين المحاضره التاسعه بعدها اطلعت ع الاسئله الي رفعتوها لي واسئلة الاعوام المهم حضرت المتحان الساعه 4 دخلوني ع طول كنت خايفه ينتهي مفعول مخي ويغمى علي ع الورقه لان لي سوابق بس الحمد لله الاسئله كانت رووووعه والله العظيم وانا احل ادعي لكل واحد فيكم ياحبي لكم:love080: a+ بأذن الله شكراً الف شكر لكل من رد ولكل من رفع لي ملف واعطاني من وقته والله انكم فرجتوا ع كربتي الله يفرج عنكم كل هم وحزن طولت عليكم بس حبيت احكيلكم بتفصيل الي صار معي بسببكم واتمنى التوفيق للجميع:rose: |
رد: لي يومين ما نمت تكفون ساعدوني
والله كنت افكر فيك اقول وش صار عليها راحت او لاا
الحمد لله على كل حال والله يوفقك يارب |
رد: لي يومين ما نمت تكفون ساعدوني
الحمد الله يابسبوسه الحلوه جد جاي علىبالي بسبوسه مع قهوه الحين |
| All times are GMT +3. الوقت الآن حسب توقيت السعودية: 07:21 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام