ملتقى طلاب وطالبات جامعة الملك فيصل,جامعة الدمام - المناقشات الاسبوعية خاطرة أخوية .....كفاية تروح درجات مو نلحقها بالحسنات

- E5 (https://vb.ckfu.org/f309)

- - [ المناقشات ] : خاطرة أخوية .....كفاية تروح درجات مو نلحقها بالحسنات (https://vb.ckfu.org/t642343.html)

خاطرة أخوية .....كفاية تروح درجات مو نلحقها بالحسنات

السلام عليكم ورحمة الله وبركاته

في خاطري موضوع ودي اقوله لي فتره وخاصه الايام هذي مع ضغط الاختيارات

أولا:جميعنا سجل بالجامعه وهو يبي القبول وراضي عن نظام الجامعة تمام الرضى ول ماكان سجل اصلا وجميعنا ملم بأنظمتها وقوانينها

ثانيا:نحن مسلمين عندنا دين يحكمنا يحكم أخلاقنا وتصرفاتنا وأهلنا تعبوا في التربيه الله يعينا على برهم ورد الجميل و90/بالميه منا أباء وأمهات يعني نربي أجيال ونحن قدوة لهم

الي اشوفه بالمنتدى غريب ومؤسف جدا سب لأنظمه الجامعه ودكاترتها طيب انتم عارفين النظام ليش سجلتوا؟ ليش قبلتوا؟

نقعد 4شهور مانفتح الماده وليلة الاختبار او قبلها بيوم نطلب اسم الملزمه من الاعضاء ونذاكرها ونجي نحل ماعرفنا قلبنا على الدكتور وسبينا !وشتمنا! طيب في البدايه احنا ظلمنا انفسنا قبل نظلم الدكتور والجامعه ظلمنا انفسنا انا مأعطيناها حقها بالوقت الكافي بالمذاكره بتقولون ظروف. ساعه وحده باليوم تذاكر فيها قبل الاختبار بشهر تنفعك مو معقول نكون مشغولين 16ساعه والباقي للراحه والنوم!من غير ظلم الدكتور الي ماسوى شي نزل أسئله بمستوى جامعي مو ثانوي ومستوى انتساب ماهو مستوى انتظام لان الانتظام لما يشفون أختباراتنا يتمنونها فيه فعلا دكاتره فيهم قسوة لكن ماأبرر ذالك اني ادعي عليه او اسبه لان عندي دين يحكمني وهو عنده رب يحاسبه وياخذ حقي منه ليش اعطيه حسناتي فوق درجاتي الي راحت ،

الجامعه نظامها الكتروني فطبيعي الخطأ وارد لان كل الانظمه الاكترونيه وارده فيه الخطأ لأنها أله تتعطل وتخرب وانا تضررت منها ولكن العوض من الله مو منهم .

نجي للانطباع بعد الاختبار الي يقولون سهل متعصبين لرأيهم والي يقولون صعب متعصبين لرأيهم ليش؟ الناس قدرات وكفاءات هذا قال سهل الاختبار من حقه يقول سهل لكن الي يقول صعب وهو ماذاكر الا أسئله الاختبار الي فاتت او ليله الاختبار مو من حقه لانه ماعطى الماده حقها عشان يقرر هل هو سهل او صعب اما الي ذاكر وتعب وشاف انه فعلا صعب من حقه لان قدراته ماساعدته على استيعاب او اجتياز الماده بامتياز .

فارجوكم أخواني وأخواتي نكون في المنتدى تجمع خير وتعاون ماهو زي ماشوفه بعد كل انطباع ماده علما باني عارفه ردت فعل البعض وانا اكتب لكن شي بخاطري وودي أقوله
وشكرا واسفه على الأطااله