|
رد: توجيهات للمنتقلين إلى المستوى الخامس Senpai's Guide to E5
ادب قرن 17 ، مصغره من ادب عصرا لنهضه ، الخمس محاضرات الأولى اللي يتكلم عن الإصلاح والخرابيط هذي موجوده مثلها ولكن على شكل اخر في المحاضرتين الأولى ، بعدها يدخل في القصص < وقصص ممتعه صراحـه افضل من منهج عصر النهضة ومشكلته التكرار أحيانا انا ذاكرتها مره وحده بدون مراجعة + الدكتور يعيد الأسئلة بس يغير اسئلـته مثلا يجيك السؤال القديم ممكن الفراغ يصير فعل ممكن صفة !! ومستقبلا ممكن عندكم يصير حرف جر !!!!! :biggrin: ما استبعد هههههه < مبالغة طريقة الأسئلة في الادب ، المفروض تتمحور على ( اسم الشخص ، على الحدث وشو ، على ايش صار في القصة ) مو تكون على ( صفات وافعال ) !! وهذي قابله انها تكون حسب وجه نظر الشخص الكاتب ، !! هو ما قصر يعيد الاسئله ولكن لو واحد ما ذاكر اسئلته اعتبره " اختبار مو منطقي " ويستحق ان يشيكه أي واحد على اسئلـته ، بس هو ما قصر وعاد اغلب الاسئلـة وترى هو قال للطالب ذاكروا الأسئلة < مع انه ما يحتاج يقول لانه يعيد أساسا كل ترم بس يعيد أتوقع 45 سؤال من 50 ، زي عصر النهضة بالضبط ، للعلم انه يدرس أيضا الشعر في المستوى السادس ، فيعني الدكتور هذا لا يفوت واتوقع اذا تغير بيكون الشعر صعب المقال ( الماده تجاوب عليه بفهمك ما يحتاج انك تحفظ حفظ دقيق ولو انها بين السطور ، وسهله علي صراحه لاني فاهمها وسبق ودرستها فما اقدر أكون انا محل واحد توه ياخذها ، ولكن تعليقي يستحق شكوى الطلاب بعنف شديد ، لان هو اختبرنا على ( طريقة شرح المادة ) ولم يختبرنا على ( التطبيق العلمي ) ، فالشخص اللي بيشوف اسئله عمار ، بيعرف وش الفرق بين هذا وهذا ، ولا فيه احد يختبر مثل طريقته للماده هذي ، فلذلك يستحق الشكوى وصراحه هو من الناس اللي ما يفهم ( معنى فائدة الاختبار ) انا جبت A+ واتوقع فل مارك اذا عدل سؤالينه اللي مالها حل :biggrin:، اللي جت بسبب انه ينسخ ويلصق !! وللمعلومية اختبار هذي الماده اذا كان على طريقة عمار ( العلميه ) بتكون اصعب من طريقه هذا الأستاذ ، يعني هي سهله علينـأ بطريقة الدكتور الجديد ، ولكن انا أتكلم عن ( الحق ) هل الطالب يستحق ان يرفع عليه او لا . الفكر والثقافة ، ( الماده كنت اعتقد انها ممتعه من عنواينها ولكن مجرد يدرسك عن عالم ، ما يتعمق فيه علطول يطلع للثاني ! ) تقريبا عندك 14 شخصيـه رئيسية ، واتوقع 5 شخصيات ممكن انت عندك خليفـه عنهم وافكارهم الاساسية ( جون لوك ، ادم سميث ، شكسبير ، جورج واشنطن ، ابراهام لينكولن ) المادة مو هدفها الشخصيات كثر ما هادفها انك تفهم تاريخ بريطانيا وما تمر منه بالحركات فالماده مرتبـه وبنفس الوقت متداخله ، صراحه كتبت فيها مشاركه ترتيب القرون ومعها أيضا قلبت التواريخ الى قرون < علشان اذاكرها ويوم ذاكرتها لقيت انها حوسه أساسا ، وغير مفيده ، فجمعت ترتيب القرون على ترتيب الاحداث ) ( يعني ايش صار بالادب ، ايش صار في افريقيا ايش صار في أمريكا وبعدين بتدخل الهند معك ) بدل انها تكون ملخبطـه واللي شفته ماله قيمه في ترتيب الاحداث زي ( القصيده وظهور العالم الفلاني حذفتها لانك اذا حفظت الاحادث بتفهم ان هذا العالم انبثق عليك في هذا الزمن < المهم كل واحد بيجد طريقتـه الافصل في ترتيب الاحداث ، بس اذا تبي ترتيبها بتلقى مشاركه لي في اخر التجمع ، اما اللي بوسط التجمع كان ترتيب مو كويس طيب اذا شفت اول اختبار لدكتور الماده بتحس انها صعبـه جدا ولكن لو شفت الاختبار اللي قبل دفعتنا + دفعتنا بتشوف ان الدكتور فهم وضع الطلاب وصارت اسئلته مباشره ، ولكن يتبقى العيب اللي عنده هو ومنهجه ( التعظيم والتبجيل ) حتى يبيك تعرف التعظيم والتبجيل في اسئلـته ! بس يعتبر انك تأخذ عنده فل مارك " سهل جدا جدا " يجيب لك ممكن 85% اسئله مباشره وواضحه ، + ترى المنهج أتوقع بالثلاثينات وترى كل في كل محاضره ( صفحـه خاصه ( بالاقتباسات ) اقوال العالم ، هذي ما تحفظ ولكن أحيانا يجب منها اسئلـه ممكن سؤالين ، وصراحه هي الأصعب عليك كقراءه لها ، لان مفرداتها في الاقتباسات تكون أحيانا فيها مفردات ما تعرفها ،اما الباقي ممكن تفهمـه بسهولـه ظهور الرواية ( احسن منهج اللي مصلحه ، فنان ومميز ، وبحق يشكر على تعبـه ، مدري هو الدكتور ولا أصل المنهج كذا < انا مدري ولا اعرف شكل الدكتور ولا شفت له شرح ، واتمنى اني شفت له شرح ممكن اتحمس واستمع له ! دامه لذيذ بهالشكل ،وأيضا احسن اختبار ، يعيد الاسئله ، واتوقع انه جاب 5 اسئله < مدري بس ودي أقول اقل بس الاسئله اللي يضيفها الجديد يحطها ( بسطرين او اكثر علشان تعرف تحلها بسهوله عن طريق السؤالين ، وأيضا دكتور فاهم ( لمادته ) بحيث انه يسألك عن الاحداث ، المهمه الواضحه اللي هذا اللي تختبر عليه أساسا ، حتى لو بيغير سؤال الاختبار أيضا يتقيد بانه ما يسألك الا على الشيء المهم ما يروح يدور لك أي فراغ ويحطه سؤال ، الاحداث هي اللي يحطه فراغ ، أتمنى كل الدكاتره تفهم مثله ، وحتى لو ذاكرت الماده بدون انك تشوف الاسئله انت تستطيع ان تجاوبها كلها ، مجرد قراءه مره وحده ، وهذا اللي سويته انا الصوتيات ، مادة مبسطه من اللغويات ، و20 صفحه أتوقع ، الماده هذي ( جدول + كلمات ) تحفظها وخلاص بتاخذ درجه عاليه فيها ، صراحه انا ما ذاكرت الاسئله تبع العام بس سويت اطلاع عليها سريع ، بسبب اني اشوف ماله أي قيمه لانه اذا غير الحرف تغيرت الاجابه ، وطريقة مذاكرتي لها ذاكرت المنهج بدون حفظ كلمات وجدول ، بس حاولت اافهم كل شيء فيه ، وبعد ما خلصتها عندي اقل من يوم كامل بعد اختبار الفكر ، هنا حفظت الكلمات والجدول + راجعت التعريفات بسرعه <صدقني جدا جدا سهله . . الفكر + عصر النهضه هم اللي ذاكرتهم قبل الاختبارات ، وبعدين راجعتهم قبل ( يوم الاختبار ) ظهور الرواية وعصر قرن 17 مذاكره وحده فقط ، وقبل الاختبار لان عندي يومين قبل اختباراتهم ولا أتوقع انك تحتاج أصلا تراجع < هذي وجه نظري . المقال ، مره وحده بالنسبه لي لاني طفشان منـ المنهج نفسـه ( سبق ودرست الكتاب ) + . الصوتيات ( تحتاج مراجعـه ) انا أتوقع ان كل درجتي A+ في كل المواد ، لو عدولوا الاسئله اللي فيها أخطاء من عندهم . . . اما ردود فعل الطلاب ، (اذا انت طالب جبت A+ بالمواد السابقة ، ما عليك من ردود فعل الطلاب ) هذي نصيحتي لكم اهم شيء انك تعرف ان الدكتور الجديد ، هو اللي تحتاج انك تذاكر مادته بشكل حذر فقط لا غير . الشيء الاخر انا اخذت 6 مواد لاني اعرف ان مو مذاكر الا اخر أسبوع ، علما بان السته هذي كلها تخصص واربع منها ادبيه ويكفي عصرالنهضه ، اخذ مني 3 أيام مذاكره ، طبعا مو كل الوقت ، فيه يوتيوب فيه طلعات < بس اقصد ان تركيزي اليومي عليه ... . درجات الصعوبه + طول المنهج عصر النهضه 6 نجوم والفكر 3 ونص ، نجمات مع انه قصير بس فيه حفظ كثير+ الاقتبسات تحتوي على مفردات جديدة عليك وادب قرن 17 3 نجمات ظهور الروايه نجمتين علشان فيه سوالف ، مفردات المنهج سهلة جدا جدا جدا المقال مو مقيمه لاني سبق ودرسته ولكن المنهج سهله لغته ولا تحتاج الا انك تحفظ مصطلحات ، بس القطع العلمية فيه مفردات < وليست مهمة أساسا ، وضحكت كثير على ناس اكتشفتها جالسه تحفظها ؟! الصوتيات ، اعتبرنا درسنا المنهج هذا ! ، فقل نجمتين او اقل . . بالعربي انت يا صاحب مستوى رابع بعد عصر النهضه ، انت مستواك اعلى من المواد اللي في الخامس وصراحه الدفعه السابقـة كانت تحذرنا ان المستوى هذا يحتاج دراسه بشكل بدري ، قد يكون صحيح ان اذا اخذت 7 او 8 مواد ، بس انا اشوفه زي المستويات الباقيـه اذا اخذت 6 منها وللعلم انا درست عصر النهضه معهم أبو 6 نجمات اللي اعتبره أساسا عن مادتين يعني منهم ! + ما درست ترجمه علشان احكم لاني أتوقع هو سبب صعوبة المستوى هذا لكثره التعدادت اللي فيه وانها تحتاج حفظ فكذا كانوا يحذرونا من هذا المستوى مع اني اقدر احطها بمقام عصر النهضـه ! لان المستوى الخامس محل عصر النهضه هو قضايا ثقافية مدري الحاضر ، وانا شايف منهج الترجمه أتوقع انه منهج يحتوي على كميه عاليه من الحفظ والتركيز ويعتبر من ادسم المواد في التخصص كلها ، < بعيدا عن الكلام عن دكتورها الزبـده ااذا تغير الدكتور في بعض المواد حاول تنحاش ، ونصحيـه اخويه بس بتخسر فيها فلوس ، نزل مواد بحيث تكون 8 مواد او 9 اذا هي 18 ساعه ، وشف نفسك اذا اوشكت مهلة الحذف تنتهي ، وانت ما فتحت ولا منهج ، حاول تحذف منهج او منهجين حسب اللي انت تشوفـه وخاصه المنهاج اذا تغير فيها الدكتور ، انا خطتي أصلا 9 مستويات مو 8 مستويات ، بس ممكن اخذ الصيفي لاني ما كنت ادري انه بالصيفي ينزلون مواد تخصص . . واتوقع الشباب هالترم ما صوروا لكم للأسف، بس ادب عصر 17 من دوريمي؟ ، المقال انا كتبت اللي اتذكره تقريبا فوق 30 سؤال كتبت وفيه اسئله ذكروها الشباب ، يعني يمكن يجي معكم بحدود 40 سؤال، واتوقع فقط اربع اسئله ممكن الواحد يتلخبط عليها الواحد . ولا اشوف ان الأسئلة اذا ما تصورت بيكون شيء مهم ، لان كل الدكاتره عادوا الاسئله الجديدة الخمسـه يتم النقاش عنها في موضوع الانطباع + ليش ما يجي واحد ويراسل الدكتور ويطلب الاسئله منه ؟ تبع الترم اللي راح ؟ احس ان الدكاتره بيتفاعلون وناسف على عدم التنسيق + الهذرة بدون اختصار:biggrin: بالتوفيق |
رد: توجيهات للمنتقلين إلى المستوى الخامس Senpai's Guide to E5
اقتباس:
وربي ما طلعني إلا انتم نهاية الترم الي راح بديت أطلع من القمقم على قولك وأرجع .. بعدين تحمست أطلع منه كليا ً :hahahahahah: جد والله مستوى مقدور عليه ويتحسف الواحد اذا ما جاب فل مارك :icon9: صورتك الرمزيه تجنن :060: و فرانكنشتاين بعد كانت عاجبتني :16.jpg::love080: اقتباس:
الطبعه قال يا إما York press edition أو لو ما فيه ممكن أي طبعه اخرى .. بس الصوره ما أعطانا ايه عندنا مادتين بالعربي ، حضاره اسلامية وقضايا ثقافية معاصرة اقتباس:
وللآن ما ندري خوفنا من الماده مشانا ولا هو الي مسهلها بس الي واثقين منه ان ربي ما يضيع جهد الي يتعب :004: اقتباس:
اقتباس:
آآمييين وياكم يارب .. اقتباس:
وياك يارب وموفقين .. اقتباس:
شكرا ً وموفقين إن شاء الله اقتباس:
اقتباس:
اقتباس:
كلامك وربي صحيح وياليت كل الي داخلين هالتخصص ينتبهون لهالنقطه.. البلا أن فيه كثير بيتخرجون مب عارفين يقرون كتب انجليزيه ويفهمونها أو يسمعون حوار انجليزي او يركبون جملتين على بعض. ومب هامهم هالموضوع.. ويطالبون ان الشهاده يكون معترف فيها من نواحي تعليميه ، بس ما يصير .. ماحد يرضى على أولاده يدرس لغه على يدين شخص يجهل هاللغه .. جزاك الله خير يا عسل على ردك والله يوفقك ويسعدك دنيا وآخره :love080: |
رد: توجيهات للمنتقلين إلى المستوى الخامس Senpai's Guide to E5
اقتباس:
شكرا ً حماده على الاضافات حلو انكم اضفتم آراءكم لأن رأيي ممكن يمثلني وما بيناسب فئه من الناس.. يعطيك العافيه. بالنسبه للأسئله أنا صورت أسئلة نظرية الترجمة وسلطان صور أسئلة الفكر والثقافة وانت كتبت أسئلة المقال .. الأدب الانجليزي فيه أعضاء صوروها ونزلتها يارا على ما أظن .. هذي الي أذكرها .. الباقي ما أظن صورنا :060: وافشلتاه |
رد: توجيهات للمنتقلين إلى المستوى الخامس Senpai's Guide to E5
^ شكرا للتصحيح
|
رد: توجيهات للمنتقلين إلى المستوى الخامس Senpai's Guide to E5
افهم من كلامكم انه عصر النهضه اصعب من الادب القرن17
وانا الصوتيات اسهل من اللغويات والمنظومه اد كذا الحمدلله نعمه ناخد شي اسهل من غثاثة الي قبله بس اي هم الاصعب الحضاره او الثقافه اومهارات التحدث لاني ناويه احدف الاصعب لاني اعتقد8مواد كثيره جدا ويجب ان تكون الماده التاسعه المحذوفه هي الاصعب |
رد: توجيهات للمنتقلين إلى المستوى الخامس Senpai's Guide to E5
هل صحيح اختبارات الصيفي تكون رمضان?????
|
رد: توجيهات للمنتقلين إلى المستوى الخامس Senpai's Guide to E5
لا السنه هذي بنهاية شوال غالبا
حمااده الف شكر ع الافاده |
رد: توجيهات للمنتقلين إلى المستوى الخامس Senpai's Guide to E5
اقتباس:
جزاك الله خير و الله يسعدك . في الدارين .:love080::love080::love080: :icon19::icon19::icon19::icon19::icon19::004::004: :004::004::004::004::004:.. :d5: |
رد: توجيهات للمنتقلين إلى المستوى الخامس Senpai's Guide to E5
شكراااااااااااااا حماده على الاضااافه الرائعه جدا
جزاكم الله خير ووالديكم |
رد: توجيهات للمنتقلين إلى المستوى الخامس Senpai's Guide to E5
تسلم يدددك ذا الموضوع ساعدني كثير
|
| All times are GMT +3. الوقت الآن حسب توقيت السعودية: 02:24 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام