ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   E6 (https://vb.ckfu.org/forumdisplay.php?f=321)
-   -   [ تجمع ] : نظره عامه ع السريع لمستوى سادس ... (https://vb.ckfu.org/showthread.php?t=838271)

om mnaf 2018- 12- 31 01:41 AM

نظره عامه ع السريع لمستوى سادس ...
 
:icon19::icon19:
بسم •اللّـہ̣̥
والصلاه ع نبينا محمد ﷺ

اللهم لك الحمد . حمداً يليق بجلالك. عدينا هالمستوى الي يعتبر بالنسبه لي اثقل مستوى مر على. ،، كنت بنزل الموضوع م̷ـــِْن بدري لكن اشوفه افضل بعد ماتطلع النتايج. عشان اشوف وش الي اخفت فِيَھ و، وش الغلط الي سويته بالمذاكره عشان خذيت هالدرجه

وكمان ثقيل بسبب كثره المواد . وتغير سياسه الجامعه بوضع الاسئله.

انا خذيت كل مواد سادس.

وببداء معاكم ماد ماده. ومدى صعوبتها وطريقتي بمذاكرتها .
والطريقه الافضل والوقت الانسب للمذاكره الصحيحه

اولاً. اللغويات التطبيقيه. للدكتوراحمد السقوفي ماده 3 ساعات. الماده ت مو سهله ولاصعبه بالحيل. لكن يبي لها مذاكره م̷ـــِْن بدري فيها تعاريف كثيره وبتلخبطك حاول تربط التعريف وتفهم اكثر م̷ـــِْن تحفظ لانه احتمال يغير بالتعريف وبتتوهق اذا كنت حافظ
بديت فيها قبل الاختبارات بفتره ثلاث اسابيع.
والحمدلله مع المذاكره كانت سهله ومفهومه. وكمان كانت خفيفه لان المحاضره الوحده كانت صفحتين او ثلاث وبوقت الاختبار ذاكرتها ع السريع وبدون تركيز كمراجعه وللاسف اعتمدت ع الاعوام ولافتحت المحتوى
كقرائه للاسئله فقط وكانت نتيجتي فيها جيد جداً.

بالنسبه لكم. ذاكروا المحتوى بتركييييز عندكم يومين ختموا فيها المنهج لانه قصير. وارجعوا للاعوام وطريقه الدكتور معروفه يشقلب بين الاعوام. اطلعوا على نماذج اسئله سابقه



ترجمه الانماط النصيه . للدكتور يحي ربابعه. ماده 3 ساعات. جميله ومفهومه والدكتور يشرح بطريقه رائعه. وهي الماده الوحيده الي ذاكرت المحتوى قبل الاختبارا باسبوع لانها اول يوم بالجدول
وومريت ع الاعوام ع السريع ، بس كان تركيزي الاهم على المحتوى اكثر والحمدلله جبت فيها ممتاز.



الروايه الحديثه. لوصفي شقيرات ،، مشابهه لماده ظهور الروايه ، ونفس الدكتور. ويعطي اسئله مباشرات ويجيب منها نصاً واحيان يشقلب بس شقلبته واضحه وسهله. ماله بالتعقيد. يجيب م̷ـــِْن الروايات ومن بين السطور كم سوال للي يبي الفل مارك
مذاكرتي لها م̷ـــِْن المباشرات. وقراأت الروايات بتركيز. والحمدلله درجتي مرضيه بالنسبه لي.
الطريقه الافضل. مذاكره المباشرات حفظ وفهم جداً جداً جداً مهمه المباشرات. + قرائه المحتوى والروايات بالعربي والانجليزي عشان تفهم الاحداث الرموز البسيطه.
ولاتستهينون باي رمز تمرون عليه توقعوا انه بيكون ضمن الاسئله. فانتبهوا للي يبي الفل مارك.



علم المعاني والبراغماتيك. للدكتور فهد بن دهيش.,, ساعتين .،، ماده فهم في فهم وفيها امثله ركز عليها بفهم وليس حفظ. المذاكره لها م̷ـــِْن المحتوى تابع مع الدكتور ، وادخلوا معاه بالمباشرات لانه يشرح لك اذا مافهمتوا شي

طريقتي لها اعتمدت ع الاعوام اكثر مع مرور سريع ع المحتوى بدون تركيز. وكانت نتيجتي فيها صادمه. جيد جداً مع ان الماده حليوه وفهم
الافضل تذاكرونها بدري. وتفهمون الماده فهم وتابعوا مع الدكتور المحاضرات للي عنده وقت. او م̷ـــِْن المحتوى يكفي ومروا ع المباشرات اذا فِيَھ وقت


النحو والصرف 2 ساعتين. ، للدكتور عبدالرحيم الجماري ،. ماده تعتمد اعتماد كلي فقط على الفهم. طبعا ابظلمك لو قلت تابعوا مع الدكتور ولاتعتمدون كلامي يمكن يناسبكم شرحه اطلعوا عليه والحكم الاخير لكم انتم ,, . اهم شي ذاكر المحتوى وافهم بنفسك. ابحث عن قنوات تساعدك بالمذاكره واشرح لنفسك وافهم الاسئله فهم واشرحها بعد. يعني ابذل مجهود فيها ، للامانه الماده حللللوه وممتعمه والله بس تحتاج مجهود شخصي كبير للي بيب الفل مارك.




الشعر الانجليزي في عصر الروم. ، للدكتور الشناوى ،. الماده مشابهه للادب الانجليزي الي خذيتوه قبل. يتكلم عن العصر الرومنسي والفكتوري والحديث.
الماده حلوه ماعليها المحاضره الاولى والثانيه مهمه عباره عن تعاريف وخصائص الشعر الرومنسي ، لكن الدكتور بالاختبار ماجاب كثير منها فاعتمدوا ع المنهج كله ولاتركزون ع محاضره معينه
وبعدها تبداء القصائد. والشعراء وشرح القصيده وهكذا
لكن انتبهوا الدكتور صدمنا كثير في طريقه الاسئله اعتمد على قصيدتين فقط وكانت ثلث الاسئله على القصيدتين الاخيره. وركز عليهم واهمل البقيه. وللاسف ، ذاكرت المحتوى ولكن بعد العاشره بديت اتكاسل واطنش وارجع للاعوام ، ع السريع. وقبل الاختبار بساعتين مريت ع اخر محاضرتين وقرات شرح القصائد بالعربي مع كلمات بالانجليزي ويالله قدرت اجاوب بالاختبار وكنت للامانه خايفه احملها. والحمدلله عديتها c+ وهي الماده الوحيده الي جبت فيها جيد.



تاريخ الخليج العربي الماده 2 ساعه. للدكتور محمد جوده ،، للي مايحب التاريخ مثلي راح يواجهه صعوووبه بالمذاكره.
عباره عن تاريخ الخليج العربي والاحتلال الي حصل فِيَھ ، ماده عربيه ولكم حريه الحفظ او الفهم. الاسئله كانت مختلفه عن اسئله الاعوام تماماً. فِيَھ منها مكرر بنسبه لاتذكر . بس الدكتور كانه يقول مجبر اغير لكم الاسئله لكن الكل ناجح ان شاء •اللّـہ̣̥ . كانت بعض الاجابات بالسوال الي قبل. . واضحه جداً. •اللّـہ̣̥ يسعده ماقصر.



نظريه المعرفه ، الماده 2 ساعه ، للدكتور هاني الملحم ،،ماده فلسفيه بحته ودسمه يبي لها مذاكره م̷ـــِْن قبل.
والكل طلع بعد الاختبار مستاء م̷ـــِْن الاسئله. صارت حركه مد وجزر بين الطلاب والدكتور. والحمدلله انتهت لصالح الطلاب بشرنا بالخير. وقال انه ارسل توصيه للجامعه بخصوص الماده
الحمدلله الكل عداها ،. مع العلم اني كنت الحمدلله راضيه بعد الاختبار بس كثره الطلاب الي ماجاوب بديت اشك باجاباتي. والحمدلله عديتها بدرجه حلوه.

طريقه المذاكره ، كنت اسمع المحاضرات والشرح للدكتور وقت الفراغ كانت ماده جميله ويعجبني طريقه الدكتور بالشرح جدا ً شرحه ممتاز ويبذل جهد للامانه.
وقت الاختبار ذاكرت المحتوى لان الدكتور جديد وماله اسئله.
،،، وكمان اضافه الي صعب ع الطلاب . ان الكتور مختصر السؤال بشكل غير مقبول للاسف. لو كان السؤال طويل ومشروح ع الاقل فهمنا بسرعه وش يبي.
ماانكر اني واجهت صعوبه بس لاني متابعه معاه بالمحاضرات فهمت وش بيبي لمن ارجع للاحابات والاختيارات.
هههههههه مع ان البعض زعل منى وعتب على لمن قلت ان الاسئله ماكانت بالصعوبه الي تقولون عنها.
اخيراً. تقبلوا مروري. اختكم. om mnaf :106:

sam89 2018- 12- 31 08:45 PM

رد: نظره عامه ع السريع لمستوى سادس ...
 
جزاك الله كل خير
على التوضيح وعلى طريقة الشرح لكل مادة
ربي يوفقك ويفتح عليك ياقمممر

Asma as 2019- 1- 1 08:30 AM

رد: نظره عامه ع السريع لمستوى سادس ...
 
شكرًا الله يسعدك ويوفقنا في المستوى السادس

ندى ي 2019- 1- 2 09:33 AM

رد: نظره عامه ع السريع لمستوى سادس ...
 
جزيل الشكر لك
كنت أريد الاستفسار عن مجموع الساعات اللي لازم ننزلها في المستوى السادس
انا مخلصة 85 ساعة هل بالامكان أنزل 20 ساعة ؟

Moon_10 2019- 1- 2 03:09 PM

رد: نظره عامه ع السريع لمستوى سادس ...
 
الله يعطيك العافيه

fofo80 2019- 1- 2 06:58 PM

رد: نظره عامه ع السريع لمستوى سادس ...
 
الف شكر لك اتمنى لك التوفيق

مطر ابن السماء 2019- 1- 3 03:12 AM

رد: نظره عامه ع السريع لمستوى سادس ...
 
يعطيك العافية يارب

حسبي الكريم 2019- 1- 3 03:47 PM

رد: نظره عامه ع السريع لمستوى سادس ...
 
رحم الله والديك ، كنت محتاج مثل هالتفصيل للمقررات

الله يوفقك .

النوري3 2019- 1- 3 07:03 PM

رد: نظره عامه ع السريع لمستوى سادس ...
 
اولا الف مبروك النجاح

ثانيا ربي يسعدك ويبارك فيك ماقصرتي كفيتي ووفيتي


بالتوفيق يارب للجميع ..

om mnaf 2019- 1- 4 10:56 AM

رد: نظره عامه ع السريع لمستوى سادس ...
 
اقتباس:

المشاركة الأصلية كتبت بواسطة ندى ي (المشاركة 1061695778)
جزيل الشكر لك
كنت أريد الاستفسار عن مجموع الساعات اللي لازم ننزلها في المستوى السادس
انا مخلصة 85 ساعة هل بالامكان أنزل 20 ساعة ؟

اذا مافيه ضغط عليك ايوه تقدري ان شاء •اللّـہ̣̥
بس الافضل خليها ع 18 ساعه ع الخطه لانه زحمه مواد اصلاً فمايحتاج زياده مواد


All times are GMT +3. الوقت الآن حسب توقيت السعودية: 11:16 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه