ملتقى طلاب وطالبات جامعة الملك فيصل,جامعة الدمام - تجمع انطباعكم عن اختبار نظرية المعرفة 1440/08/18

اقتباس:

المشاركة الأصلية كتبت بواسطة وفاء القاسم (المشاركة 1061761562)

انصحني بهالماده كيف مذاكرتها علما انهم يقولون ماجاب من المباشره ؟؟!!

شوفي اقرأي المادة قراءة سريعة من البداية للنهاية عشان تعرفين عن ايش يتكلم المقرر
وعشان تاخذين انطباع اولي
ثاني شي روحي لاسئلة اختبارنا الترم الماضي وبعد فيه الترم اللي قبلنا 25 سؤال عشان تعرفين اسلوب الدكتور ( مهم جدا جدا جدا تشوفين اسئلته )
..
المقرر في البداية يتهيألك انه حفظ لان فيه علماء واسماء كتب وتعريفات يمكن اذا ما خانتني الذاكرة اكثر من 40 تعريف .. لكن الجحفلة ان ما ركز فيها في الاختبار الا بكذا سؤال
الدكتور اسئلته مو اسئلة مباشرة او اسئلة تتوقعينها .. ع سبيل المثال ما يسألك وش سوى العالم الفلاني وابرز ما قام به
اسئلته فهم في فهم .. المشكلة اني ناسي المقرر لكن اللي اتذكره المدرسة الفلانية تقول وتؤمن بكذا .. بعض الاسئلة اجابتها من بين السطور وبعد بعض الاسئلة ما لها اجابة نصاً في المقرر يعني على حسب الفهم ..
وصياغته في اغلب الاسئلة غريبة ومو مباشرة .. يعني يعطيك سؤال من كلمة واحدة والاجوبة تشتتك وقريبة من بعضها

عشان كذا المقرر يبيله فهم في فهم .. الشيء الكويس ان عندكم حوالي 75 سؤال تقدرين تستشفين طريقة مذاكرتك للمادة

على فكرة بعد الاختبار بعد ما جات الاسئلة وحلها.. اللي حليته صح تقريبا حوالي 24 سوال وتفاجأت ف النتائج انه عطاني a
بعد ما شبينا عليه ف تويتر والتظلمات .. باذن الله الدكتور يتعدل هالترم ، موفقة