|
اسلوب الجامعة متغير او انا غلطان
ماعليش على الموضوع بس هذا ممكن ينبهنا في مراجعة الاختبارات في اكثر من دكتور مغير اسلوبه وش الهدف الترم هذا بالذات ومع اكثر من مستوى اغلب المستويات اعتقد صار معهم هالشي الله يعدي الباقي على خير
|
رد: اسلوب الجامعة متغير او انا غلطان
لا مب غلطان ..
ملاحظين هالشيء.. بالبدايه الجماري كرر مع أنه قال ما بيكرر!.. قلت يمكن كرر علشان فيه مرابطين ويعرف أنهم يذاكرون المكرر <--- أحسنت الظن فيه عالفاضي . والسقوفي كرر والدهيش أظن؟ .. الفريدان مع أن فيه ناس يقولون أن أسئلته كانت من المحتوى يعني عاديه ، لكن الناس ما ذاكروا إلا المكرر لأن الفريدان سمعته جميله مثل الشناوي من ناحية التكرار، وهذا الي نكبهم .. المهم انتبهوا من الشناوي :Looking_anim: ترى بتكون تعوووووووور في القلب والمشاعر إذا خاننا واحد مثل الشناوي :16.jpg: موفقين يارب |
رد: اسلوب الجامعة متغير او انا غلطان
كل شي جايز لازم اخذ الحذر للاسف لعب فالمعدل يعني لعب فالمستقبل
اللوم يرجع علي بعض الناس اللي ماتعرف تتكلم فالمباشره مع الدكتور ويسثيرون غضبه والنهايه المتضرر الجميع حسبنا الله ونعم الوكيل |
رد: اسلوب الجامعة متغير او انا غلطان
نسيت أقول ، ترى ممكن/احتمال أن سبب الغدرات المتتاليه هو هباله "بعض الناس" الي نشوفهم بالمنتدى يقولون ذاكروا أسئله العام وفالكم a+ ..أو ذاكروا أسئلة العام ما بيجي إلا هي..
هالشيء يسيء للدكتور نفسه ممكن بعضهم ما يحب ينقال عنه هالكلام وممكن هالشيء يضرهم.. يعني يتحاسب لما تكون أسئلته لعبه والكل عارفها كأنه مسربها لنا.. والدكاتره يعرفون المنتدى ويدخلونه مب جاهلين.. فممكن الأمم جنت على نفسها .. لو استخدمنا الأسئله السابقه كمرجع واحنا ساكتين كان ماحد درا عنا .. |
رد: اسلوب الجامعة متغير او انا غلطان
المشكله جت علينا حنا المساكين كل ماطلعت من ماده اثري مبدعه اكثر لان الاسئله من بين السطور
ولكيكه ومستخدمين اسلوب الدقه بالاسئله والحفر. الله يعينا انت كنت اطمح الى معدل جميل الان ابغى النجاااااااااااح |
رد: اسلوب الجامعة متغير او انا غلطان
انا ضد ما طرح هنا ،حتى اشعار اخر
بخصوص هل تغير اسلوبهم : التطبيقات ، والنحو ( اشتكوا منهم الطلاب الترم اللي راح) اما الروايه الحديثه من شاف اختبار 1436 الفصلين الاول والثاني .. يدري ان الاسئله بتتغير ! . . والتطبيقات عاد الاسئلة ! وغير الاماكن فقط ، يعني انت احسن من ( الترم اللي راح) حتى الان . . + اصلا النحو ، كان واضح ! انه بيجي صعب .. مدري ليش الطلاب نزلوا الماده ، انا كنت بنزلها ( لانها سهله علي ..ولكن ما نزلتها بسبب اني وجدت ان اللي يسويه الدكتور غير مقبول بسبب انه نسخ اسئله ليست من منهجه .. فضلت الحذر على القدره ) . . اما بخصوص تكرار الاسئله وعدم ذكرها .. ( كل جامعات العالم ( يعيدون الاسئلة ) ) ، هذا عرف . . اما بالنسبه للمستويات الاخرى : صراحه المستوى اللي قدامنا اسمه مستوى المنكوبين .. الفريدان سبق وحجر للطلاب في مستوى 3 ، وغير اسئلته ( على الدفعه اللي قبلنا ) .. وزعلوا منه < يعني هو الحين يسوي نفس اللي سواه ( جت "دوره اعادة الاسئله "عنده على مستوى 7) . لذلك حتى الان وضعي يقول انهم ما تغيروا " الحكم بعد الشناوي " يوضح لنا اذا نكبنا هذا ، تآكد 100% انهم متغيرين |
رد: اسلوب الجامعة متغير او انا غلطان
الوضع متأزم عندي النحو والروايه حليت كاني افك طلاسم ��ركزو ع الاشياء المش مهمه والتافهه بنظري في المقرر كامل ولب الموضع بالماده اهملوه واسئلة الدكاتره كأن كل دكتور يفرد عضلاته علينا الله لايسامحهم �� وقتنا راح بنحو وبروايه بتحضير له ولاكأني ذاكرتها
|
رد: اسلوب الجامعة متغير او انا غلطان
ممكن يبون يطلقون على هالسنة "سنة الحزم"
|
رد: اسلوب الجامعة متغير او انا غلطان
^
^ :hahahahahah::hahahahahah: |
رد: اسلوب الجامعة متغير او انا غلطان
ملاحظين التعقيد
حسبي الله ونعم الوكيل |
رد: اسلوب الجامعة متغير او انا غلطان
انا كان عندي مادة المقال من المستوى الخامس وجاب الدكتور اسئله من بين السطور و اتحدى الدكتور نفسه يقدر يحلها ؟؟
حسبنا الله ونعم الوكيل واضح التعقيد ... |
رد: اسلوب الجامعة متغير او انا غلطان
اقتباس:
وانت الصادقه الا الناس اللي مالها داعي في المباشر وفي كووووووووووول محاضره يعيدون نفس السؤال اللي مال امه داعي (أستاذ نذاكر من أسئلة السنوات اللي راحت:019: ) (أستاذ نذاكر أسئلة العام:019: ) (أستاذ وش اللي محذوف :019:) ومالقيتوا الا عبدالرحيم تسالونه عن المحذوف :000: هذاهو استلعن وجاب اختبار حاس مريرنا فيه وترا مو اهبل يوم انه كتب هالاختبار كله عشان يأدبنا :41jg: معليش نرجع للموضوع الرئيسي الترم السادس عادة اصعب ترم وفيه يشخلون الطلاب شخل يعني يعتبر تحدي للكل لكن الله يعين ع هالترم ويعديها على خير |
رد: اسلوب الجامعة متغير او انا غلطان
اقتباس:
الجماري ما انسأل ( بتكرر أسئله ولا ما بتكرر ) السؤال الموجه للجماري كان ( نحتاج نذاكر المحتوى السابق مع المحتوى الحالي؟ ) وأشوفه سؤال وجيه. لأن حتى في تمارين المحاضرات 7 و 4 كان فيه أسئله من برا المنهج يعني طبيعي الواحد يشك .. والسؤال كان بعد محاضرتين مباشره وهو الي كان يقول أننا مطالبين بمنهجه هو فقط .. مدري مين قال لكم أن الجماري انسأل عن تكرار الأسئله .. ولولا الله ثم الايميل الي هو رد عليه كان ماعندنا حجه قويه لما نشتكي .. يقول ذاكروا من منهجي ويجيب من منهج ثاني.. الدفعه الي قبل اشتكوا وماحد أنصفهم .. لأن الطلاب صاروا يشتكون على الي يسوى والي ما يسوى فما حد يصدق لما تجي دفعه تشتكي صدق .. بس لما يكون معك ايميل من الدكتور قال فيه كلام وخالفه هنا فرصتك أكبر.. الجماري نذل نذل في كل الأحوال سواء انسأل ولا لا.. وهو كتب الأسئله من قبل لا ينسأل يعني ماله علاقه .. قبل لا ترمون اتهامات الله يعافيكم شوفوا الوضع من كافة النواحي مب تقرون ردود بعض الناس الي يدورون زلات على غيرهم ولا يشكرون ولا يحمدون ربي على شيء .. ------ السؤال عن تكرار الأسئله معروف أنه غلط ، بس السالفه الي قلتيها ما أشوف فيها شيء |
رد: اسلوب الجامعة متغير او انا غلطان
أتوقع يرجع الأمر أن شهاداتنا أصبحت أكثر أهمية وأكثر قوة من السابق
ف ع سبيل المثال للحصر باب التعليم أصبح مفتوح لنا بعد م تتمكن من الحصول ل دبلوم التربية ، عكس قبل هذا الأمر . |
رد: اسلوب الجامعة متغير او انا غلطان
بصراحه انا اشوف انه بعد تعيين الفريدان عميد التعليم عن بعد صار فيه تغيير وممكن اكون غلطان والله اعلم
|
رد: اسلوب الجامعة متغير او انا غلطان
اقتباس:
|
رد: اسلوب الجامعة متغير او انا غلطان
:119:
|
رد: اسلوب الجامعة متغير او انا غلطان
اقتباس:
السالفه الي قلتيها قصدي على حكاية الجماري لما قلتي أنهم سألوه عن المحذوف وناس يقولون ( انتوا سألتوه هل يكرر الأسئله ولا لا و نكبتونا ).. مع أن هالكلام غير صحيح.. الأغلبيه يحسبون الجماري استقعد لنا بس علشان الايميل بينما الايميل ما كان له دخل.. فكنت أبي أوضح الفكره بس.. موفقه يارب :106: |
رد: اسلوب الجامعة متغير او انا غلطان
أي ايميل انا ماتكلم عن الايميل ولا حتى ادري عنه انا أتكلم عن المحاضرات المباشره فقط وانا حضرتها كلها وشفت يوم عصب علينا
|
رد: اسلوب الجامعة متغير او انا غلطان
عموما اسال الله لنا ولكم التوفيق في اللي راح واللي جاي
|
رد: اسلوب الجامعة متغير او انا غلطان
النحو والرواية خصوصا الرواية
|
رد: اسلوب الجامعة متغير او انا غلطان
صحيح سياستها غريبه ومتغيره!!يكفي بحث التخرج السنه الماضيه من كثر اللي رسبوا فيه تكلمت عن الموضزع صحيفه سبق مرتين!!
|
رد: اسلوب الجامعة متغير او انا غلطان
طبعا هالمستوى عندي اخس مستوى ولا مادة طلعت فيها وحسيت اني حليت زين كل اسئلتهم من بين السطور حتى لو معلومة تافهه اهم شي انها معلومة ما تنشاف
والطالب مابيعدي عليها بعكس في شي مهم يكون باين ونقدر نركز عليه وطبعا ينعرف المهم من الي مو مهم في المحتوى حنا ما قلنا لا تسهلو علينا كثير بس ع الاقل لا تناقضو كلامكم في المباشر غير وفي التسجيل غير وفي الاختبار غير الجامعه صارت تاخذ منحنى وهدف ثاني غير التعليم بعد ماضربت عليها الجامعة السعودية الالكترونيه لانها اقوى منها بكثير وابشركم عندي اعادة للمرة الثالثه لمادة قواعد المنظومة لان والله الدكتور دقيق جدا حتى الكوما يدقق فيها ومتوقعه ثمانين بالمية احمل كل مواد الترم |
رد: اسلوب الجامعة متغير او انا غلطان
انا لو اني دكتورة بالجامعه راح اسهل الاختبار:064: عشان اول شي لان هذا اختبار دنيا ثانيا احنا دراسين بفلوس :017: ليش ندفع ونتعب وهم بالاخير يعقدونها الانتظام ماشاءالله كل ماسألت وحده قالت سهل ويضحكون منا يقولون انتم اختبارتكم ماتكتبون بس تتمطسون كيف لو تكتبتون بالانجليزي كان كل الي بتجيبون بالمواد ضعيف :Cry111:
|
| All times are GMT +3. الوقت الآن حسب توقيت السعودية: 03:46 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه