قادمون من مستوى 5 اشرحوا لنا موادكم
 

السلام عليكم ورحمة الله وبركاته
ان شاء الله ناجحين جميعا وباعلى معدل يرضينا

سؤالي ابي شرح مختصر لكل مقرر وايش يتكلم عنه عشان اخاف فكرة عن موادي الي بنزلها بمستوى 6

مع الشكر وجزاكم الله خيرا :106:

رد: قادمون من مستوى 5 اشرحوا لنا موادكم
 

و عليكم السلام و الرحمة .. حياكم الله في المستوى السادس

بالنسبة لي بعطيك فكرة عن المواد اللي اخذتها من سادس هالترم ..

اولا: لغويات تطبيقية .. دكتورها السقوفي .. المادة 3 ساعات
هذي الماده لو تقراها محتواها سهل و جميل بس مفصل جدا .. تتكلم عن معنى علم اللغويات و اللغويات التطبيقية و ايش يتفرع منها كعلوم .. المدارس القديمة و الطرق الحديثة و كيف كان يتم تعليم اللغة الثانية فيها . ايضا علميا انواع الاختبارات مثل التوفل و غيرها و طرق كتابة الاسئلة و كيف تتصحح و تقيم و اسماء بعض العلماء و ايجابياتها و سلبياتها ..

علتها الاساسية دكتورها .. لانه انسان يتوقع انك تحفظ الملزمة كلمة كلمة و كل ترم يصيحون منه . الا هالترم بقدرة قادر كان اختباره قمة بس ماينضمن ترى.. تبون درجة زينه احفظوها صم من بدرررري.


ثانيا: النحو و الصرف. دكتورها الجماري .. الماده ساعتين.
اول الملزمة عن المورفيم و الكلمات و تراكيب الجملة .. كلها مارة عليكم المدخل الى اللغويات و المنظومة النحوية .. من التاسعة اتوقع الى المحاضرة 12 .. هذا عشان تفهم لازم تفتح المحاضرات و تتابعها عشان تستوعب تركيب الكلمات شجرة السكيما و ليش هذي راحت هنا و ليش هذا راحت مكان هذي. هو اسلوبه بالشرح مو مره .. بالنسبة لي خصصت لكل محاضرة يمكن 4 ساعات .. لاني ابي افهم.
طلعت المادة مقبولة بس شرحه :rolleyes:
و ايضا بتلقون اختلافات ببعض اجاباته لنفس الاسئلة .. فلا تنصدمون عادي ترى.

اما الاختبار .. ابشرك ماجاب شى عميق من المحاضرات الاخيره سأل عن رؤؤس الاقلام فقط .. و للاسف سأل اسأله مامر عليها الا مرور الكرام مثل الافعال finite و nonfinite راجعوها و راجعوا subject و object ... هذي مو موجودة بالمحاضرات و لا الملزمة بس يسأل عنها كل ترم.



ثالثا: ترجمة الانماط .. المادة 3 ساعات.
مادة خفيفه لطيفه و قصيره نوعا ما .. عبارة عن انواع النصوص و طريقة ترجمتها احفظوا صم اول 7 محاضرات مع علمائها و الباقي من المحاضرات الى الاخير تطبيق على الدروس الاولى .. اقرةها لانه يجيب امثلة على النصوص و يقولك لك اي افضل ترجمة و كل الامثلة موجودة بالملزمة مايطلع عن اللي شرحة... المادة لرفع المعدل لا تضيعونها


رابعا: الرواية الحديثة .. دكتورها الشناوي (حبيب الشعب) .. ساعتين المادة
عن الرواية في العصر الثامن عشر و التاسع عشر احفظوا اول محاضرتين مثل اساميكم .. من الثالثة الى الاخيرة تتكلم عن رواية وحده اللي هي the doll house. لها فيلم تابعوه و راجعوا الملزمة خاصة الثالثة الى العاشره تلقون معلومات مهمه هنا و لا هنا.

اسألتة تجنن و تقريبا مكرره الاسئلة الا كم سؤال ..


خامسا: الشعر الانجليزي .. نفسة الشناوي .. ساعتين المادة
هذي مادة عبارة عن قصايد و شعرائها في العصر الرومانسي و الفيكتوري و الحديث .. دسمة شوي بس سهلة .. كل قصيدة ايش مناسبتها و كم ستانز و الصور البلاغية فيها يعني حفظ ..
الاختبار جميل و مكرر كثير بس لابد من كم سؤال من النص .. لا تشيلون همها روعة المادة



الباقي مااخذته مأجلته .. الله يوفقكم

رد: قادمون من مستوى 5 اشرحوا لنا موادكم
 

رد: قادمون من مستوى 5 اشرحوا لنا موادكم
 

بصراحه ابداع الشرح الله يكتب لك اجر الدنيا والاخره

رد: قادمون من مستوى 5 اشرحوا لنا موادكم
 

وعليكم السلام ورحمة الله وبركاته

ماشاء الله تبارك الله أختنا ريتشي أبدعت فما راح أزيد كثير ع اللي قالته،،،

بالنسبة الترم هذا نزلت ماشاء الله جميع موااد مستوى 6،،،وهم بالترتيب ع حسب جدول الاختبارات للجامعة،،،

1- ترجمة الانماط النصية: دكتورها يحيى الربايعة(أردني):biggrin:،،المفروض الكل يجيب فيها 100 من 100،،وضعها في الجدول اول مادة بالنسبة لي اعطيتها حقها من المذاكرة يعني اربعة ايام مذاكرة جدا كافية وافية بعد:biggrin:،،الملزمة حفظ صم+حفظ صم 4 او 5 نماذج أختبارات سابقة للدكتور نفسه في الجامعة،،

نصيحة اخوية عدم تأجيل الاطلاع وممارسة حل اسئلة الاختبارات السابقة وجعلها فقط ليلة الاختبار،،،هذا أكبر خطأ وقعت فيه الترم هذا،،،بل المفروض وهذا ان شاء الله راح اسويه في مستوى 7 ابي اشوف أسئلة النهائيات وكيف طريقة الدكتور في وضع الاسئلة وابي اشوف هل دكتور المقرر في أسئلته يجيب كل شي ام فقط يركز نقاط معينة من منهجه،،،

أعتذر ع هذا الاستطراد بس اللي حاب اقوله اللي لاحظته في مستوى 6 ان المحتوى اصعب من نموذج الاختبار واضرب مثال علم المعاني والبراغماتيك المحتوى جدا يلخبط المعلومات واصلا هو ماوضع هذا المحتوى الا حتى ان الدكتور يكثر المعلومات في المحاضرة المسجلة الواحدة واذا بغى يجيب اسئلة جديدة يقدر يسوي هذا الشي لانه عنده المجال،،، ومن جهة أخرى بعض نماذج الاسئلة اصعب من الحتوى زي نظرية المعرفة،،صحيح المنهج طويل والمعلومات فيه دسمة ولكن الله يهديه الدكتور جاب لنا أسئلة جديدة تقريبا 15 سؤاال ومن نقطة واحدة واللي ماذاكر هذه النقطة بالذات من المقرر يعني راحت عليه درجات كثيرة،،،،

ولمن أراد الاطلاع اكثر ع مواد 6 يستطيع من هذا الرابط،،،،

Ei28 نبذة عن مواد المستوى السادس
http://vb.ckfu.org/t770441.html

ع العموم أفضل ملزمةمترجمة للترجمة الانماط النصية هي اللي في الرابط تحت،،،
http://vb.ckfu.org/t762474.html

2- علم المعاني والبراغماتيك: دكتور المقرر فهد بن دهيش((سعودي)):biggrin:،،،اذكر الدكتور قالنا في أحد المباشرات انه راح يغير المحتوى لانه يقول ان المعلومات أستجدت وتحدثت،،بس لاأعلم متى راح يغير،،، يفضل قراء المحتوى مرتين ع الاقل ومن ثم محاولة حل أسئلة النهائي،،الدكتور فهد يكرر نمط الاسئلة بس يغير الامثلة مع التركيز دائما وأبدا قراءة السؤاال كامل،،لان الطالب احيانا يقراء بداية السؤاال ويعتقد انه مكرر من أختبار سابق وهو فعلا مكرر،،،،،ولكن المصيبة اخر كلمة من السؤاال غيرها الدكتور:biggrin: الله اعلم حتى يميز الطالب الحافظ من الفاهم ،،أنتبهوا لهذا الشي،،،

3- النحو والصرف: دكتور المقرر عبدالرحيم الجماري( الله أعلم) وش جنسيته:biggrin: مش واضح،،،المهم اذا تبون بأذن الله تجيبون علامة كاملة في النهائي،،،أنصحكم انكم تقرؤن الملزمة مرة ومرتين ومن ثم تحلون أسئلة النهائي ،،،،أذا حليتوا 3 الى 4 كويزات لأختبارات سابقة راح تجدون بعض الاسئلة والتمارين حلها مختلف من كويز الى اخر،،،،

الحل هو انكم تحللون اسئلة النهائي من بدري والسؤاال اللي فيه شك او خطأ،،،عندكم اربع مباشرات للطلاب 30 دقيقة والطالبات 30 دقيقة امتحنوا الدكتور بالاسئلة وخلوه يجاوب عليها واذا ماجاوب اشتكوه للفريدان،،،،ماودي انكم توصولون الى ليلة الاختبار وانتم عندكم شك في سؤاال واحد،،،،نصيحتي زينوا لكم مجلس مذاكرة من بدري وخاصة هذا المقرر..

4- اللغويات التطبيقية: احمد السقوفي(معروف لديكم):biggrin:،،،محتوى المقرر قصير وليس بالطويل بس دقيق:biggrin:،،انتم مطالبين بحفظ كل سطر من الملزمة تقريبا 48 صفحة،،،بس ماشاء الله ماقصر معنا الترم وجاب لنا اختبار سهل...

5- الرواية الحديثة: وصفي شقيرات(أردني):biggrin:،،،المنهج واضح بس يحتاج حفظ + الاطلاع ع أسئلة الاعوام الماضية + حفظ أسئلة المباشراات الاربعة...

6- تاريخ الخليج العربي: محمد جودة(مصري):biggrin:،،مقرر سهل ان شاء الله تجيبون فيه علامة كاملة..

7- الشعر الانجليزي في عصر الروم:الشناوي معروف لديكم اسئلته واضحة،،،نصيحة لكم بعد ماتشفرون أسئلة النهائي:biggrin:،،الملزمة تحتاج منكم قراءة ثلاث مرات ع الاقل + حفظ جدول الشعراء اللي الدكتور راح يقولكم اياه في المباشرة،،،أختبار ولا أروع:biggrin:...

8- نظرية المعرفة: د- محمد القطاونة( سعودي)،،،احفظوا الملزمة واحفظوا أسئلة الاعوام الماضية وأن شاء الله النجاح حليفكم بأذن الله،،،

كلمة أخيرة ان شاء الله مستوى 6 اخف من مستوى 5 من ناحية دسامة المعلومات يعني مقدور عليه بأذن الله:106::106::106:

رد: قادمون من مستوى 5 اشرحوا لنا موادكم
 

ريتشي و أبو قصي

حددو آخر كلام مين دكتور الروايه الحديثه
الشناوي ولا السقوفي:16.jpg::lllolll:

،

رد: قادمون من مستوى 5 اشرحوا لنا موادكم
 

الرواية الحديثة في سادس دكتورها وصفي شقيرات،،،

الشعر الانجليزي في عصر الروم في سادس دكتورها الشناوي،،،،

اللغويات التطبيقية في سادس دكتورها السقوفي،،،،

ريتشي تقصد والله أعلم مقرر في سابع المسرحية الحديثة دكتورها برضوا الشناوي:biggrin:

رد: قادمون من مستوى 5 اشرحوا لنا موادكم
 

الروايه الشقيرات

رد: قادمون من مستوى 5 اشرحوا لنا موادكم
 

كفيتوا ووفيتوا ماقصرتوا
اشوف اللي ماقد اخذ ظهور روايه من 5يخليها بنفس المستوى مع الروايه الحديثه
منهجها متقارب لدرجه كبيره
انا باقي لي من 6نحو وصرف وعلم المعاني
هالمستوى المفروض سابع بس اجلته وخليته مستوى لكل المواد المتعثره من مستويات سابقه
والحمد لله ترتبت الخطه عندي سابع وثامن وهالمادتين فقط
قرب الفرج

رد: قادمون من مستوى 5 اشرحوا لنا موادكم
 

خطأ مطبعي :16.jpg:.