[ المحاضرات ] : زبدة المحاضرات المباشرة الأربعة موجودة هنا

[Doremi]

السلام عليكم

كثر السؤال عن المحاضرات المباشرة ما كأن فيه مواضيع لها، فلذلك أتمنى محد يسأل عنها مرة ثانية


أبرز ملاحظات الأعضاء عن المحاضرات المباشرة


•• ♪ ( المباشرة الأولى ♥ ) ♫ ••

•• ♪ ( المباشرة الثانية ♥ ) ♫ ••

•• ♪ ( المباشرة الثالثة ♥ ) ♫ ••

•• ♪ ( المباشرة الرابعة ♥ ) ♫ ••




ردود إضافية للمحاضرات المباشرة


مهم الرواية الحديثة

المباشرات الثلاث لنظرية المعرفة


الي نعرفه كتبناه ، والي ما حضرناها ما سجلنا لها شيء
يعني بالامكان تحضرونها بأنفسكم لو حابين.. بس أرجو أنكم ما تفتحون مواضيع أخرى بهالخصوص.
الي عندهم أسئلة أو إضافات يتفضلون هنا بهالموضوع..




شفتوا الكم الهائل من المعلومات داخل هالمواضيع؟
وكم رابط طلعته في أقل من دقيقة؟
ترى كلها لقيتها قدامي




لو كل واحد يحرك أصابعه الذهبية في الصفحات الثلاث الأولى فقط من هالقسم
راح يلاقي الي يبحث عنه.
ومع الوقت تقل هالمواضيع ويصير الواحد يلاقي الزبده في الصفحة الأولى فقط !
تعاونوا معنا الله يخليكم علشان نقلل من الفوضى بهالقسم.
نبي قسمنا يصير يفتح النفس علشان الكل يتحمس ويعطي أفضل ما عنده




البحث عن جواب لسؤالك قبل طرح موضوعك يأخذ وقت أقل بكثير من كتابة موضوع استفزازي تنسف فيه جهود زملائك الي يحاولون يعطون من وقتهم..

وترى قسمنا نشيط، مدري مين قال لكم خامل
ماعمري احتجت شيء إلا وحصلته
والبنات الحبوبات موجودات والشباب الله يجزاهم ألف خير ما قصروا معنا
( صح أنهم بس 3 من الشباب لكن ما قصروا معنا بشيء على الرغم من ظروفهم الي نقدّرها )

[كارزما]

.
.



الحين ليش ماتحطين لي كل مايخص النظام الاجتماعي هااه ؟؟؟




..

قتلتني الصورة هههههه وربي كتبت كم رد ومسحتها لقيت اني بتهاوش مع العالم .
تحسينهم توهم ينتبهون .. يوه والله الاسبوع الجاي اختبارات خل ندخل المنتدى
وننزل موضوع وين ذا ووين ذاك ..
احس البعض نظامهم مثل الي تعود امه تلبي له كل شي
امر حتمي يلقى كل شي جاهز ولان مو قد المسئولية يحوس قدام اول مشكله تصادفه
..
اذكر باول السمستر ادور مناقشات نظرية الترجمة ولفيت القسم ومالقيتها لان تغريد
كانت منزلتها صورة راحت من مركز الرفع .. ورحت دورت بقوقل ولا توفقت لان المنتدى الي جنبنا كان
مهنق خخخخ بعد ماعجزت حطيت تساؤل بالموضوع بقسم 5 شوية اعطتني بنت رابط
من الوناسة لوهي قدامي حبيت راسها ..
الزبدة اني سويت مجهودي ولما عجزت طلبت وربي وانا مستحية
وتشوفين العالم لامجهود ولاذوق ولامنفعة بالعكس اسلوب يستفزك تلمين قشك
وتذاكرين لنفسك وانتهى .. لو تدخلين تجمعات المستويات وربي تشوفين عجب
اذكر الي دخلت عليكم بنظرية الترجمة .. ووحدة بمادة السمستر الي راح وصلت فيها
تتهم وحدة من الدوافير الي تفزع للكل انها .... مع دكتور المادة لانها قالت لها الدكتور شرحه جيد وماعليه كلام
ولما نصحوها الي يخافون الله حشرتهم معها .. وكل مشاركاتها ووين ذا ووين ذاك
ولحقوني مو فاهمه شي .. طيب ليش ليش يا مسلمين قل خيرا او اصمت .

[Doremi]

المشاركة الأصلية كتبت بواسطة كارزما

.
.



الحين ليش ماتحطين لي كل مايخص النظام الاجتماعي هااه ؟؟؟

نسيت !


ما حصلت الا هذا
النظام الاجتماعي المباشرة 4


على بالي موجوده بتخصص علم الاجتماع قلت الحين أحصل لك مجلدات

قتلتني الصورة هههههه وربي كتبت كم رد ومسحتها لقيت اني بتهاوش مع العالم .

كنت بأنبسط عليه ، كلامك درر

اذكر باول السمستر ادور مناقشات نظرية الترجمة ولفيت القسم ومالقيتها لان تغريد
كانت منزلتها صورة راحت من مركز الرفع .. ورحت دورت بقوقل ولا توفقت لان المنتدى الي جنبنا كان
مهنق خخخخ بعد ماعجزت حطيت تساؤل بالموضوع بقسم 5 شوية اعطتني بنت رابط
من الوناسة لوهي قدامي حبيت راسها ..
الزبدة اني سويت مجهودي ولما عجزت طلبت وربي وانا مستحية
وتشوفين العالم لامجهود ولاذوق ولامنفعة بالعكس اسلوب يستفزك تلمين قشك
وتذاكرين لنفسك وانتهى .. لو تدخلين تجمعات المستويات وربي تشوفين عجب
اذكر الي دخلت عليكم بنظرية الترجمة .. ووحدة بمادة السمستر الي راح وصلت فيها
تتهم وحدة من الدوافير الي تفزع للكل انها .... مع دكتور المادة لانها قالت لها الدكتور شرحه جيد وماعليه كلام
ولما نصحوها الي يخافون الله حشرتهم معها .. وكل مشاركاتها ووين ذا ووين ذاك
ولحقوني مو فاهمه شي .. طيب ليش ليش يا مسلمين قل خيرا او اصمت .

سالفه نظرية الترجمة مؤلمة .. وين عقلها بالله؟


أهم شيء لحقوني !! اشرحولي !! قبل الاختبار بيوم عاد؟نبي نذاكر يا صديق

فيه شيء مهم بالنسبه للناس الي عندهم معلومات ولا يشاركون فيها.. ترى عادي ترسلون لنا واحنا نكتبها باسمكم ونوجه الدعوات لكم ، ممكن الرسائل أسهل عليكم من الردود، لا تسلمين ولا تسألين عن حالي ولا شيء ، ارمي معلومه وامشي وربي ما أشره عليك ولا برد عليك لو تستحين


ليش قلت هالكلام؟


لأن فيه ناس عندهم مشكلة يكتبون رد، وحده أعرفها معرفة شخصية تدرس بجامعتنا ادارة أعمال.
تقول أحس انه شيء كبييير و ثقييييل اني أشارك أو أقول شيء، حتى ما أعرف وش أقول
علشان كذا لو عندها معلومه ما تشارك الناس بها !! وتشوف الي يشاركون أكييييد أنهم فاضيييين ولا ما كان تحملوا هالمشوار على قولها. وعلشان عندها عيال تقول خلي البنات الفاضيات يكتبون ماعليهم


ياشيخه أولا ً مب لازم تنسيق ولا مقدمات ولا سلام عليكم، عندك شيء مفيد اكتبيه لو ان شاء الله بالبنغالي ، ندعي لك وتتوفقين ، تحلين أزمه وتنحل لك أزمه .. وربي ماحد يشوف تنسيق ولا يفكر بالاسلوب




أما بالنسبة للي يقولون البنات الي مب متزوجات خليهم يشتغلون.. علشانهم فاضيات على قولكم، تراهم مكروفات أكثر منكم ، أقرب مثال أنا كل ما طفشت أمي عزمت مليون حرمه كل حرمه عندها مليون بزر بثر وغير المطبخ الي يتحول منجم ، والبيت بعد ما يروحون يتحول إلى الصناعية ، وشغل البيت اليومي من غسيل لكنيس لتمسيح هالغبار الي ما يخلص ، و لنفسي عليّ حق ، غير المذاكره ..




قال ايش قال بنات = فاضيات





الموظفين أعذرهم لأن الدوام فعلا ً شيء مهلك.. بس عاطله بالبيت وعندك ولدين أو 3 في صحه وعافيه (جسديا ً و عقليا ً ) وزوج معافى ومب ظالم أو مستخف ، خلاص احمدي الله و لا تنعتين نعم الله عليك بالظروف علشان ما يبتليك وتصير عندك ظروف من جد.




خلاص آخر مره أتحلطم .. الي وصلته الرساله وصلت وجزاه الله خير والي ما وصلته معناها ماراح توصل في دار الدنيا فما راح نزعل باقي الأعضاء الموقرين الساكتين بهذا النوع من المواضيع مره ثانية


المعذره وشدو حيلكم ، الاختبارات بعد اسبوع وأتمنى من كل قلبي التوفيق لكل الطلاب والطالبات حتى الي فوق الي تقول عنها كارزما، الي اتهمت البنت موفقه والله يهديك بس مدري من جد وين عقلك

[msyuna]

ربي يسعدددك دوريمي
ماقصرتي يا قمر
مافي حيل اعلق او اقول شي بس بقول الي يعرف يحل اسئلة النحو يفزع معايا في الكويز نحل الاسئله من 41 الى 63 تقريبا
وبس سلامتكم

[رحمة77]

شكرا لك ع مجهودكم

[حماااده]

اولا دوريمي ، انتي جد جد باهره ومبدعه ، صحيح اني لم اشاهد المواضيع بعد ولكن اشوف كذا لمحات
الله يوفقك ،

ايوه قلتي لي يا دوريمي ، وين المحاضرات المباشره هههه

< بينجلد



بشير اشارة في هذا الموضوع اللي كارزما تحلطمت فيه ، جابت قصص منتدى حواء < بينجلد هههه

موضوع جانبي فلسفي : بالعربي هذي قمة الفلسفه هههههه بتصكوني باند هههههههههه
00000000000000000000
اذا راينـا الناس في ضياع ولم يجدوا طريقـا لهم فهناك مشكلة 100% ، حتى وان كانوا مهملين ،
ونخن لسنا مطالبين ، بان نزفلت لهم الطريق ونقول من هنا ،من هنا ، ، ولكن ولكن ولكن ، لو زفلتنا لهم الطريق وضاع الشخص من الطريق فهو بسبب ( نفسـه ) .. هنا ينشأ لنا سؤال لذاتنا ، هل يجب ان نكترث له ؟ وهل لو اكترث فهل هذا ينبع من كرمه ؟ وهل كرمه يعود للاخر ؟ او يعود عليه ؟


في الحقيقة ان كل ما طرح من هذه الاسئلة ^ خطـأ ، لان الاسئله لم تنشأ الا بسبب ذاتك
فانت لا تجيب على سؤال الا بسبب طرحك له اولا ، . انتهى حماااده
00000000000000000000000
< منت عاقل يا هيغل !


هنا قام تلميذ حماااده بتبسيط فلسفته : < ارسطوا وافلاطون مو اشطر مني بالكذب ههههه



كل مشكله سببها نفس الشخص < بل مو قد الا اكيد 100% < هذه مسلمـه
، فالمشكله هذه لم تظهر بسبب طرف دون طرف ! او ان طرف له علاقه مع طرف بل هي مشكلتين مستقلتين ، تعود على ذات الشخص نفسه


الاول
الشخص الذي يسأل ، ويستفسر ، هو شخص اوجد مشكله اولا وهذه المشكله انه ( اراد ) المحاضرات المباشره ، وفي نفس الطريق اوجدها هذه الاراده عن طريق السؤال ، بانه لم يجدها


الثاني
هو لم يكن عليه اصلا المساعده ، او الاكتراث ، فهو اوجدها ، وعندما اوجدها ، ساعد ثم اوجد مشكله ، ثم اكترث ، ...



يعني الخلاصة ان الاول مستقل عن الثاني !


الحل ، هو عدم وجود ما لا تريده
وانصحكم ان تقوموا بما يفعل غامبول مده الحلقه 10 دقائق وقليلا من الثواني
غامبول الموسم الجديد - الحلقة 10 - الاخرون - حلقات جديدة



ابحثوا عنها في اليوتيوب قبل ان تحذف
قمة الحكمة تتنتهي في غامبول ، هههههه

[Doremi]

ربي يسعدددك دوريمي
ماقصرتي يا قمر
مافي حيل اعلق او اقول شي بس بقول الي يعرف يحل اسئلة النحو يفزع معايا في الكويز نحل الاسئله من 41 الى 63 تقريبا
وبس سلامتكم

وياك
ودي أقول يلا جايتك بس ما أظن اني راح أفهم هالماده ولا أبي أنكب الأجيال من بعدي.
ومع ذلك بروح أفتح الأسئلة وأشوف لو حسيت الوضع آمن جيت أساعدك


=====================

شكرا لك ع مجهودكم

العفو يا رحمه




=====================

ايوه قلتي لي يا دوريمي ، وين المحاضرات المباشره هههه

< بينجلد

المضحك بالموضوع ان فيه ناس كذا بس يتكلمون جد

فانت لا تجيب على سؤال الا بسبب طرحك له اولا ، . انتهى حماااده

الثاني
هو لم يكن عليه اصلا المساعده ، او الاكتراث ، فهو اوجدها ، وعندما اوجدها ، ساعد ثم اوجد مشكله ، ثم اكترث ، ...

لا يا هيغل، ما ينفع كذا ..
أنت شايف الفلسفه بوادي وانا بوادي، نظرية المعرفه ما فهمتها باقي تبي أفهم فلسفتك الي تحتك فيها بأفلاطون؟




وبعدين ألاقيها منك ولا من نظرية المعرفه الي فاتحتها قدامي الحين وشغاله لطميات؟
والمشكله مكاافحه علشان أفهم أنا مين من الي قلتهم، الي فهمته اني الشخص الثاني
ليش أنا غلطانه مدري، بس وجود هالروابط والمعلومات والتسجيلات للمباشرات الأربعه في حوزتي وبهالموضوع
تعني اني أنا من الأساس سألت عنها بنفسي ورحت أوفرها.. هذا الي فهمته و الحين يطلع غلط

وانصحكم ان تقوموا بما يفعل غامبول مده الحلقه 10 دقائق وقليلا من الثواني
غامبول الموسم الجديد - الحلقة 10 - الاخرون - حلقات جديدة

دقيقتين وقفلت المقطع ، ليش كذا؟

[كارزما]

.
.


لا والله يا احمطو زمانك <-- نتفاءلك تكون فلسفوف
ما اوجدوا مشكلة حتى الاخذ والرد فيها ينير بصيرة ضالين مروا من هنا
الا غثونا وخلون نكب العفش .. هذا دوريمي شوي وتصور حوشهم كله قراطيس
وفشافيش عيال ام هلال وبناتها
+ علشان تكتب هالرد وتفضفض فيه استهلكتوا مساحة موسهله
من تفكيرها ووقتها كان زمانها شطبت محاضرتين بالمعرفة

.
.


يونا كثروا الملكات بالسوشل ميديا ماوقفت عليك
انطلقي في رعاية الله
.
.

كنت بأنبسط عليه ، كلامك درر

اجل تبين تفكيني على العالم يا دوريمي اقسم بالله رابطه راسي
صداع اليم من امس نيمني قاعدة <-- موشغلك يا حمااادة
ترى المزة الي قلت لك عنها معكم بالرواية

لأن فيه ناس عندهم مشكلة يكتبون رد، وحده أعرفها معرفة شخصية تدرس بجامعتنا ادارة أعمال.
تقول أحس انه شيء كبييير و ثقييييل اني أشارك أو أقول شيء، حتى ما أعرف وش أقول
علشان كذا لو عندها معلومه ما تشارك الناس بها !! وتشوف الي يشاركون أكييييد أنهم فاضيييين ولا ما كان تحملوا هالمشوار على قولها. وعلشان عندها عيال تقول خلي البنات الفاضيات يكتبون ماعليهم

والله اعرف متزوجات وبشغالات ولاوظيفة ولا مشاغل وغداها رز ابيض وعلبة تونه
وبنات شايلين بيوت من بابها لمحرابها مو لانها تحب الكرف ولافاضية
لانها تحب جنتها وتبي برها ورضاها وتدور الي يريحها ويعلي قدرها ومقامها قدام العالم
وذولا الي ربي يفتحها عليهم ويسخر لهم خلقه بسماه وارضه .
يا حبيتي خير الناس أنفعهم للناس متى العالم تفهم هالشي
مانبي أحد يدعس لايك ولا يقول واااو وش هالابداع استفيد وافيد وفكنا من غثاك
انا وحدة كل مشاركة أو حتى حرف أحد ممكن استفاده مني أسأل الله أن يجعله
في ميزان حسنات امي وابوي ما ابي اكثر من كذا

.
.


الزبدة لقيت شي علشان اهج من نظرية الترجمة
فلنعد الى حليمة ابرك

[كارزما]

.
.


بعدين من جدك ابيك تحطين لي موادي
﴿ أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ أَفَلَا تَعْقِلُونَ ﴾
توقعتك تفهمينها
وبجد انتي ماشاء الله لاقوة الا بالله مبدعة شوي عليك
يا حظنا ويا حظ اهلك والمجتمع والناس فيك <-- ماحد تحمس
ومتأكدة ورى الشاشات مبدعين أاااااااكثر ربي يفك أسرهم مثل مافك أسرك
وينطلقون من قماقمهم ونلحق على ابداعاتهم يارب

[حماااده]

المشاركة الأصلية كتبت بواسطة Doremi

وبعدين ألاقيها منك ولا من نظرية المعرفه الي فاتحتها قدامي الحين وشغاله لطميات؟
والمشكله مكاافحه علشان أفهم أنا مين من الي قلتهم، الي فهمته اني الشخص الثاني
ليش أنا غلطانه مدري، بس وجود هالروابط والمعلومات والتسجيلات للمباشرات الأربعه في حوزتي وبهالموضوع
تعني اني أنا من الأساس سألت عنها بنفسي ورحت أوفرها.. هذا الي فهمته و الحين يطلع غلط











دقيقتين وقفلت المقطع ، ليش كذا؟

ههههههههههههههههه ، هو معجبني طيب :(
ومن جد الحلقه مناسبه لما يحدث هههههه


فهمتيني غلط في قصدي اللي اشير له ، ولكن ينفع ايضا ما قلتيه يعني الفلسفه تتسع لكل شي ههههه ، بس ما له علاقه بالموضوع ، لانه كان يتعلق بالمشكلة


مثلا ليش ما اعجبك المقطع ههههههه بسبب (اهتماماتك او ما تعودتي عليه ) < ببساطه يعني بسبب ذاتك

ليش اعجني المقطع بسبب ذاتي

من حكم غامبول ردا على عدم تحمل المقطع :
" ان لم يعجبك طبعي .. روح اطبع عند غيري "
وايضا
" لا تاكل هم أحد وقت همك الكل سيتبع الرجيم "