[ المناقشات ] : استزادة للفائدة..النقد الماركسي "نبذة خفيفة ظل"

[إلهامااات]

قراءة جانبية حبيت تشاركوني متعتها والفائدة

وهي منقولة من مدونة باسم"مذكرات شاب فقري"

بس اسلوبه حلو وأغناااه



قراءة ممتعة

مدرسة النقد الماركسى " Marxist Criticism "


مدرسة النقد الماركسى " Marxist Criticism "
بداية كده قبل اى حاجة ، هقول العناصر الى احنا هنتكلم عنها فى المدرسة دى ، عشان من المرجح ان السؤال رقم اتنين فى الإمتحان هيكون فى اجزاء من المدرسة دى ، وهيطلب الدكتور منا كتابة شورت نوتس عن المدرسة ، ان هبدأ بكتابة العناصر الى هيتم تحليلها فى الكلام الى جاى ، وعن طريق العناصر دى اقدر انى اطور المقال بتاعى ، واكتب زى ما انا عايز عن المدرسة ..
العناصر :-
* تعريف بالمدرسة الماركسية ونشأتها وابرز افكارها .
* الأطروحة الماركسية عن علاقة الأدب بالأيدلوجيات ( Literature and Ideology ).
* النظرية الأساسية للمدرسة الماركسية ... الجدلية المادية ( Material Dialectic ) .
* فكرة الإغتراب فى الفكر الماركسى.

* المدرسة الماركسية ونشأتها : زى ما هو واضح من اسم المدرسة انها بتنسب لــ " كارل ماركس " ذلك الرجل الألمانى الحق ، وصفه أحد أصدقائه بأنه عريض المنكبين واسع الجبهة كثيف الشعر وداكن إلى حد الزرقة. كان حيويا نشيطا لا يهدأ له بال لا ينام إلا أربع ساعات في اليوم. وحامل لواء الشيوعية فى العالم ابان فترة منتصف القرن التسعتاشر ، ويعتبر مع صديقه فريدريك إنجلز المنظرين الرسميين الأساسيين للفكر الشيوعي . من اشهر اقوال ماركس
" الدين افيونة الشعوب ... Religion is the opium of the people "
... لكن بعيداً عن هذه المقولة ... ماركس قال برضه:
It is not the consciousness of men that determines their being, but, on the contrary, their social being that determines their consciousness.”

اى انه مكانة الشخص الأجتماعية هى الى بتحدد درجة وعية الفكرى وليس العكس . بمعنى انه طبقتك الإجتماعية هى الى بتشكل طريقة تفكيرك ، تربيتك بتدل علي البيئة الى انت جى منها ، ومن المنطلق ده ماركس اتخد من الاوضاع الاقتصادية الاجتماعية " Socioeconomics " فكرة اساسية لبناء مدرستة النقدية ، وقال بأن الأوضاع الإقتصادية دى هى العامل الرئيسى فى تشكيل الوعى ، لو قدرت تغير العلاقات المجتمعية دى ، وتشقلب حال الطبقات الإجتماعية ، يبقى بالتالى تقدر تغير طريقة تفكير الناس الى بتنتمى للطبقات دى . يعنى مثلاً لو جبت واحد فلاح او اجرى " بيشتغل بالأجرة " او مدرس حكومى لسة متوظف جديد وبياخد مهية شهر 124.5 ، هل الفلاح ده او المدرس هياخد الفلوس دى وينزل على الأزبكية مثلاً ويشترى كام كتاب ، او هياخدهم وياخد مراتة ويروح السيما ، طبعاً لأ.. الراجل من دول بيعد يفكر بس ازاى هيكمل الشهر وهيعمل ايه لما الفلوس تخلص .. نفس الفكرة لما على راح اتقدم لإنجى فى فيلم رد قلبى ، جة اخوها احمد مظهر قالة انت مش عارف انت مين يلا.. انت ابن عم عبده الجناينى .. عايز تتجوز انجى سلسلة الحسب والنسب وطرده وبهدل بكرامة الى خلفوة الأرض ..

فرق المستويات الإجتماعية هو الى بيحدد ازاى الناس هتتعامل معاك وازاى انت هتتعامل مع الناس .. عشان كده ماركس اعتبران " السوسيواكونوميكس " هى ال‘نفراستركتشر " Infrastructure " الى بيتبنى عليها كل حاجة ( قوانين ، ادب ، سياسة ، جواز .. الخ )
وسمى الحاجات دى بالسوبرستركتشر " Superstructure " ..
بمعنى ان المتحكم فى السوسيواكونوميكس هو الى بيمثل السلطة العليا الى بتتحكم فى كل شئ ، عندك مثلاً ابونا مبارك ، الست سوزى وجماعتها عملوا قوانين على مزاجهم ، يخصخصوا الى عايزينه ، يسجنه الى عايزينه ، وكله بالقانون ، نفس الكلام مع السيد مرسى العياط ، بيعمل قوانين بما يوافق هواه هو والجماعة المصونة ، وبرضه كله بالقانون .. عشان كده ماركس كان ناقص يولع فى كل الرأسماليين ، لأنهم هما الى بيتحكموا فى العالم ويمشوه على مزاجهم .. بيمتلكوا الإعلام الى عن طريقة يقدروا يبثوا اى افكار هما عايزينه .. وانت كمتلقى تلبس وبس .. تاخد افكار وتقول الموضة ماشية كده .. والناس فى مية البطيخ عندك مثلاً حاجة زى كلمة هاكونا مطاطا هل عمرك كنت تفكر ان لها معنى من الأساس .. وفى الآخر يطلع معناها " Care Free " يعنى كبر مخك ..
عشان كده المدرسة دى ظهرت كرد فعل للرأسمالية الصناعية العالمية الى سيطرت على العالم .. وقال ماركس ان :
تاريخ كل الكائنات الحية انما هو صراع طبقات ..
"The history of all hitherto existing society is the history of class struggles".
Human beings are the producers of their conceptions, ideas, etc. real, active human beings, as they are conditioned by a definite development of their productive forces and of the intercourse corresponding to these, up to its furthest forms. Consciousness can never be anything else than conscious existence, and the existence of human beings in their actual life-process

* الأتجاهين السائدين داخل المدرسة الماركسية : المدرسة الماركسية كان لها تحليلات نقدية فى شتى فروع الحياة ( ادب ، سياسة ، اقتصاد ، دين ) ، احنا هنتكلم هنا عن نظريتهم فى الأدب ، هما رفضوا الفكرة السابقة لمدرسة النقد الجديد الى بتنادى بأن العمل الأدبى " Universal – Timeless " صالح لكل زمان ومكان ، وقالوا ان كل عمل ادبى ما هو الا تعبير عن الأفكار الخاصة بالفترة الى كتب فيها فقط ، يعنى مثلاً حاجة زى الإلياذة والأوديسة دى بمقياس زمانها الى كتبت فيها فهى فخر ادبى ، فحين عند الماركسيين الان لا تمثل اى هدف ولا تخدم الخلفية الأجتماعية الحالية .. عشان كده
" They move from universal meaning to a temporal or situated meaning " ..
فى نظريتين بقى داخل الفكر الماركسى فى نظرتهم للأدب ، الفكرين دول متعارضين من حيث المبدأ .. الأول منهم هو الفكر الماركسى المتطرف " Vulgar Marxist " .. وده بينظر للأدب على انه عملية تصوير للأفكار السائدة داخل المجتمع ، عملية تصوير حى للمجتمع بكل صفاتة كما هو ، وده بيمثله تيار الكتاب الى مع السلطة ، بيحاولوا يوصلوا للطبقة الكادحة وللعمال ان السلطة الحاكمة دى بتعمل لصالحهم ، وانهم هما المستفيدين ، فى حين ان السلطة عمالة تخرب ومحدش بيتكلم ، وهتلاقى مثلاً منتشر فكرة بشكل كبير بين الناس الغلابة والفقراء .. بيصبروا نفسهم بيها وهى ان كانت الدنيا دى للناس الأغنياء يجمعوا فلوس ويعيشوا حياتهم ، وان الفقراء ليهم الجنة ، والثواب عند الله ، هنلاقى ان الكتاب كانوا بيشجعوا الفكرة دى جداً عشان يبعدوا الناس عن انهم يثوروا على السلطة الوحشية دى ويقلبوا ترتيب الطبقات الإجتماعية بما يضر بمصالح الرؤس الكبيرة الى عمالة تهبر فلوس من كل جانب ، وخد عندك مثال فاحش على كده فيلم " طباخ الريس " الريس بتاعنا حبوب ، وبياكل كشرى ، وعيش من ابو شلن ، وفول بالزيت الحار ، وحاسس بالغلابة فمتقلقوش ..

In this view, literature is also a kind of illusion, a kind of ideology that prevents people from seeing the real relations of production at work. From the viewpoint of what's now known as "vulgar" Marxism, all literature produces false consciousness, because all literature produced in a capitalist society could only reflect the capitalist ideologies.

الإتجاه التانى قال بعكس الكلام ده ، وان اغلب الأدب ببيعارض الفكرة السائدة فى المجتمع ، وبيعارض الفكرة التى تروج لها السلطة الحاكمة ، والنوع ده من الأدب بيحرض على الثورة ضد الرأسمالية ، ضد السلطة ، وده الى بيمثل فكرة ان الفن والأدب فى حد ذاتة يعتبر نوع من انواع المعارضة ، وهو ده الفن الى اطلق عليه اسم
" الفن الأصيل " " Authentic Art "
ومن امثلة كده مثلاً افلام خالد يوسف عن الفقر ، وتصوير لمشاهد المجاعات وثورة الفقراء عشان رغيف العيش ، هنا هو ما بيحاولش يعارض الإتجاه السائد فى البلد بأن الدنيا حلوة والبلد زى الفل ، ده برضه كنت ممكن تشوفة فى كتابات ناس زى العم الأكبر عبدالوهاب المسيرى – طيب الله ثراه – ومعارضة السلطة ، وكتابات استاذنا العظيم " صنع الله ابراهيم " ضد السلطة .

- الماركسسين لما جم يحللوا اى عمل ادبى ، ويشوفوا علاقتة بالأفكار المجتمعية ، وضعوا مجموعة اسئلة عن طريقها يقدروا يحكموا على العمل الأدبى ، وهل هو بيعبر عن الماركسية ولا نو .. من الأسئلة دى

What class structures are established in the texts?

Which characters or groups control the economic means of production?

What class conflicts are exhibited?

Which characters are oppressed, and to which social class do they belong?

Does the work suggest a solution to society’s class conflicts?

What is the dominant ideology revealed in the text?

Who is the audience?

Who is the ideal reader?

وفى خلال فترة حكم الحزب الشيوعى فى روسيا ، كان الحزب الحاكم بيمنع نشر اى شئ مخالف لقوانين الحزب ، وقالوا ان لكل كاتب الحرية الكاملة فى انه يكتب الى هو عاوزه ، والحكومة تنشر الى هى عايزاه وسن قانون بكده فى روسيا واطلق عليه
"Narodnost Doctrine "

Originally denoting simply literary fidelity to Russia’s distinct cultural heritage, narodnost, in the hands of radical critics, came to be the measure of an author’s social responsibility, both in portraying the aspirations of the common people (however these were perceived) and in making literature accessible to the masses.

* الجدلية المادية ( Material Dialectic ) :- حوار الجدلية المادية او الديالكتيكية ده قديم قدم الأزل ، من ارسطو لأفلطزن ، للمعرى ، كل واحد كتب فية شوى ، المهم قبل ما ييجى ماركس يتكلم فيه ، ويعتبرة احد الركائز الأساسية لمدرسته ، كان هيجيل اتكلم فى الموضوع ده وقال ما معناه ان الجدلية دى قائمة على الأفكار والفلسفات النظرية حول العالم ، وقال ان انا عندى فكرة معينة ، بناقضها بفكرة تانية ، ولما الفكرتين دول يتداخلوا فى بعض هيدونى فكرة تالتة جديدة ، ماركس معجبوش الكلام ، وقال لأ .. مشكلة العالم مش فلسفات ونظريات ، العالم محتاج فعل .. محتاج عمل ، محتاج " Sosioeconomics " ، تغيير الحالة الإجتماعية ده الحل الوحيد عشان نغير العالم ده ، انما نعد نتفلسف ونظر .. ده كلام فارغ ، وعشان كده هو رفض فكرة
الــ " Universality " لأى عمل ادبى واقر بأنه من الضرورى معرفة مرجعية الكاتب الفكرية ، وهو بيكتب من اى منظور ، وبيعتنق اى فكرة .

* فكرة الإغتراب فى الفكر الماركسى :- الإغتراب او الإنعزالية ،
Alienation is the process whereby
people become foreign to the world they are living in.
احد اهم الأفكار الى ناقشتها المدرسة الماركسية ، ماركس هاجم الرأسمالية هجوم ضارى بسسب تلك النقطة ، قال احنا عندنا رأسماليين ، عندهم مصانع ، بيتحكموا فى الناس ، بيأجروا ناس عشان تشتغل ، بيجبروا الناس تشتغل لفترات طويلة ، المقابل المادى لا شئ ، بيعزلوا العامل عن المنتج تماماً ، يعنى بيشتروا من العامل مجهوده وتعبه ، وييجى العامل بعد كده يخرج بره يلاقى الشركة بتبيع المنتج ده بالشئ الفلانى ، وحاطة علية التريد مارك الخاصة بيها ، وهو كعامل لا يمت للمنتج بصلة تذكر .. ماركس شبة اغتراب العامل عن المنتج بالأغتراب النفسى بالظبط ، يعنى الواحد يكون فاقد تموضعه من العالم الى هو عايش فيه تماماً، بيكون الشخص ده رافض العالم وقوانينه ، بيخاصم العالم المحيط بية ويعيش فى منعزل عن البشر ... ومثال على كده مثلاً لما بنت تروح تشترى اى لبس من جاليرى ام شيماء الى على اول الناصية بتاع الشارع ، وترجع البيت ، فأبوها يشوف اللبس ده ، ويطلع ان البس الى بنته اشترتة ده 100 جنية ، بيتصنع فى المصنع الى هو شغال فيه ، ويحس اد اية هو بيستغل وبتسرق مجهوده لحيتان الرأسمالية
ومفيش اصدق من الى قالة عم بيرم التونسى فى قصيدتة " العامل المصرى " ...

ساكنين علالي العتب ، و نا اللي بانيها

فارشين مفارش قصب ، ناسج حواشيها

قانيين سواقي دهب ، و نا اللي ادور فيها

يا رب ما هوش حسد

لكن بعاتبكم


رابط فية كل حاجة تقريباً عن الماركسية :
http://socialsciences.arts.unsw.edu.au/tsw/Marx.html

تعريفات هامة
Key Terms


Infrastructure or base: the economic means of production and the relationships that result from this structure

Superstructure: social, legal, political, and educational systems in society which embody ideologies

False consciousness:a creation of the bourgeoisie engineered to shape the perception of the working class in order to make them accept their oppression

Vulgar Marxism : this theory asserts that the economic means of production determine the rest of society; the superstructure mirrors the base

[ابو بكر]

"وفى خلال فترة حكم الحزب الشيوعى فى روسيا ، كان الحزب الحاكم بيمنع نشر اى شئ مخالف لقوانين الحزب ، وقالوا ان لكل كاتب الحرية الكاملة فى انه يكتب الى هو عاوزه ، والحكومة تنشر الى هى عايزاه وسن قانون بكده فى روسيا واطلق عليه"
ههههههه
ابتليت البشرية بأصناف شتى من الأفاقين لم يكن آولهم الشيوعيون ولن يكون اخرهم جماعة المقاومة والممانعة الأسدية والصفوية الذين استباحوا دماء مئات الالوف من السوريين بكذبة مقاومتهم لاسرائيل ويخفون وراءها أحقاد مذهبية وثأر كاذب عمره الف واربعمائة عام .
شكرا الهامات لهذه الاضافة في موضوع النقد الأدبي .

[kathy]

يسلمو الهامات على النبذه

[ضاري الشمال]

شكرا ً الهامات ,


بارك الله بجهودك ~