|
رد: اريد مشورتكم بالمواد
السلام عليكم ورحمة الله و بركاته
أسعد الله مساكم بكل خير و كل عام وانتم بخير أتمنى منج يا خيتي همس الروح2015 فضلاً و ليس أمراً تفيدينا بالخطة الدراسية مالتك اللي مشيتي عليها من أول الترم لحـــد الان أكون لك شكر و مقدر و أتمنى من الجميع أن يشاركنا المقرارات اللي يبي ياخذها عشان نحاول ننسق مع بعض و نستفيد من خبرات الطلاب و الطالبات دمتـــم في رعاية الله و توفيقه .. |
رد: اريد مشورتكم بالمواد
اقتباس:
هلا فيك حبيبتي اي اكيد راح اقولك اذا انت متفرغة ما عندك شي يعني لا وظيفة و لا عيال و لا مسؤوالية موادك مستوى سابع تمام بس كنصيحة اخت لاختها خذي لك مادتين الحين و ذاكريهم و خلصي مذاكرتهم و بداية الدراسة تفرقة لباقي المواد مع مشروع التخرج مثلا امسكي لك مادة ذاكري كل يوم محاضرتين في خلال اسبوع تخلصين المادة راح ترتاحين كثيييير و ربك يسهل لا تنسيني من دعائك |
رد: اريد مشورتكم بالمواد
1 مرفق
اقتباس:
اول سنتين مشيت على جدول الجامعة خذيت المواد المطلوبة مني و الحمد له عديتهم بدرجات عالية ولا حملت مادة السنة الثالثة حسيت ضغط مو طبيعي علي سويت لي جدول قسمت موادي الى سنتين زيادة يعني بدل ما اخلص 4 سنوات اخلص 5 سنوات بمعدل عالي مع مرتبة الشرف بحيث ما احمل مواد و استخرت الله في هذا الموضوع و الحمد لله مشيت اموري وانا كثير مرتاحة الان يعني السمستر الاول خذت 6 مواد فقط ( بما انه طويل ) السمستر الثاني اخذت 5 مواد و اكيد لا بد اطلع على جدل الاختبرات حتى لا يكون في تعارض و هذه خطتي موجودة بالمرفقات عاد جى النظام الصيفي و خففت مواد 3 و باذن الله اكيد السنة الجاية راح اخذ صيفي يعني صار عندي بدل 5 سنوات 4 سنوات و نصف فقط و اتخرج ان شاء الله فهمت علي و لا تتردد بالسؤال باي شي تفضل اسال و احنا بالخدمة |
رد: اريد مشورتكم بالمواد
يسعدك ياااااارب ماقصرتي.والله يكتب لك التوفيق بكل خطواتك..أي انا قلت ابدا ب النقد الأدبي و الترجمه الإبداعيةاطلع عليهم واتصفح المحاضرات. الله يوفقنا جميع..
|
رد: اريد مشورتكم بالمواد
بنات كيف ازيد سعات الى 22 ساعه
|
رد: اريد مشورتكم بالمواد
زيادة الساعات تعني تسجلي مواد زيادة
|
رد: اريد مشورتكم بالمواد
انا شكلي باخذ ترم زياده ممكن تفيدوني
باخذ بسابع تحليل الخطاب-علم اللغه الاجتماعي - الترجمه الابداعيه -طرق البحث - المسرحية الحديثه -النظام الاجتماعي بالاسلام مع مشروع التخرج ثامن علم اللغه النفسي -ترجمة تتابعيه - ادب الاطفال اللغه الانجليزيه وتقنيه المعلومات -مهارات التحدث - مدخل الي الادب الامريكي تاسع النقد الادبي - قضايا ثقافيه معاصره - نظرية الترجمة-القواعد والمنظومة النحويه-برامج الحاسب المكتبيه �� وش رايكم يالغوالي |
رد: اريد مشورتكم بالمواد
مرحبا
مشروع التخرج هو نفسه طرق بحث؟ ولا لحاله ؟ تنصحون اخذه بسابع ؟ لاني ماشية على الخطة ممكن توضيح لو سمحتوا Sent from my iPhone using ملتقى فيصل |
رد: اريد مشورتكم بالمواد
اقتباس:
هلا بك سكون بقولك مستوى ثامن كثيرر المواد خففي اشوي تدرين ليش عشان أنه شهرين فقط بيصير عليك ضغط و بينزل معدلك و اسئلي مجرب ادب الاطفال + الادب الامريكي بروحهم يبيلهم قلب خذي واحد منهم و الثاني خليه الى مستوى اخر و ان شاء اله يكون في صيفي و تقدرين تاخذين 3 مواد لا تضغطين عمرك اهم شي المعدل و اذا حابة تشوفين خطتي تلاقيها فوق مرفقة في احد الردود بس حرام ينزل معدلك .... موفقة |
رد: اريد مشورتكم بالمواد
اقتباس:
بس يعتمد عليه ممكن تاخذينه في سابع عادي على حسب ضروفك اذا انت متفرغة خذي و ارتاحي و لا تشيلين همه اما اذا مثلي عندك اشغال و موظفة خذي بهذا الترم طرق البحث و ترم ثامن خذي المشروع يكون عندك فكرة عنه بالنهاية يعتمد على ظروفك بس كنصيحة ترم ثامن لا تاخذي مواد كثيرة و تضغطين على عمرك كل ما خففتي كل ما ارتحتي و تقدرين على مشروع التخرج و ان شاء الله في صيفي فبيخفف اشوي موفقة |
| All times are GMT +3. الوقت الآن حسب توقيت السعودية: 03:20 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام