|
رد: طرق البحث و التصميم .. [شــرح]
اقتباس:
الله لايضيع تعبنا |
رد: طرق البحث و التصميم .. [شــرح]
اقتباس:
:5aga: لاتنسحب اقضب ارضك |
رد: طرق البحث و التصميم .. [شــرح]
وينكم
|
رد: طرق البحث و التصميم .. [شــرح]
جزاكم الله خير جميعاً
تمنيت لو تكملون لكن اتوقع الكل الحين حايس بالمواد الثانيه الله يعين الجميع |
رد: طرق البحث و التصميم .. [شــرح]
ملخص سريع لمحاضره 5 وطبعا المحاضره ترجعون فيها للرابط او الاضافات وهنا تعليقات الدكتور عليها المحاضره تتكلم عن السرقه الادبيه الناس تجي وتقول هذا مجرد نسخ ولصق لا هذا يعتبر سرقه لمجهود غيرك ان انت تاخذ شي لغيرك وتضيفه لبحثك هذي ايضا سرقه ادبيه لانك نسبة مجهود غيرك لك بعدها جاء لتعريف التأليف وقرئه بعدها قال اخذت صور من احمد يعني لازم اوضح في بحثي ان هذي الصور له مو لي نسخت كلام اوضح من وين مصدره ما انسبه لي اذا اخذت كلام من الغير كأقتباس احطه بين قوسين واوضح الكلام لمن مو اجي اخذ الكلام واغيره باسلوبي وانسبه لنفسي لالالا جا بعدها لانواع السرقات الادبيه وقال اتركها لكم تقرونها قال ممكن تجي وتاخذ نص وتغير الكلمات الصعبه اللي فيه لكلمات سهله وتروح تنسبه لنفسك لالا هذي بعد سرقه ادبيه لازم تقول الحقيقه ان النص مو لك لو انا جوني 4 طلاب نفس بعض بالبحث كلهم رسوب لحد مايتكلم شخص منهم ويقول ان البحث له هذا ينجح الباقي لا اطلب من احد ان يسوي لي البحث لاني ايش كسول مالي خلق ماعندي وقت وغيري سواه وانسبه لنفسي هذي بعد سرقه ادبيه وان كان الشخص موافق جا للاعذار الغير مقبوله انا مريض امي تعبانه انا بس نسخت 3 صفحات ومشي البحث هذا مو مقبول واساسا دينا الاسلامي يعتبر هالشي سرقه مو تجي تناقشني ان بالمدرسه كنت اسوي وعادي اخذ درجات لا ياحبيبي هنا غير مسموح ولا اجي مثلا اخذ مقوله لشخص واكتبها بدون الاسم واجي اقول والله نسيت مابدور خلاص لالالالا ترجع يعني ترجع وتدور وتحوس حتى لو المقوله من موقع اون لاين تكتب المصدر الباقي قراه وقال شوفوا التعاريف |
رد: طرق البحث و التصميم .. [شــرح]
محاضره 6 literature review شخص يسوي بحث عن تعليم الاطفال القواعد القرمر يعني وعنده استبيانات لكن مايبغى يستخدمهم ايش البديل يعمل مقابله للاطفال لازم اوضح مو بس اقول فلان قال يعني مو نقل للكلام وبس لازم شرح وتوضيح عندكم بالملزمه هنا النقطه اللي قدامها علامة تعجب هذا شي مانسويه في literature review ماتحتاج كل شي توضحه المهم عندنا specific يعني مو لازم كل شي يذكر بس الاشياء المهم ولاتقارن بحثك ببحث اشخاص اخرين ولو كنت تروي قول لشخصين متناقضين لازم ترجع تبين للقارئ انت مع من فيهم او توضح وجهة نظرك ماتترك الوضع معلق وبس literature review ماهي مكان تحط فيه النتيجه النهائيه ولازم ماتكون سرد وبس لا بس الاشياء المهمه فقط بعدها حط رابط للاطلاع فقط ولازم طبعا ماتكون طويله قال مثلا بحثك 3 الاف كلمه يعني الرفيو بيكون الف فقط مفهوم؟؟ هذي هي كل المحاضره ايوه صح قال لازم يكون في توضيح للكلمات الصعبه key term وانها شي حلو في بحثك |
رد: طرق البحث و التصميم .. [شــرح]
محاضره 7 لازم يكون عندنا جدول وبرنامج اعمال حق البحث اختار عنوان جيد وموضوع جديد او يكون ماناقشوه بشكل كافي راح يكون عندك عينات تختاره اختار فكره جيده تجمع معلومات عن موضوعك بطرق مختلفه فكره ماطرحت من قبل او لم تتم مناقشتها بشكل كافي ولازم تتاكد من هالنقطه تعب الواحد من المواضيع المستهلكه ولازم يكون البحث دقيق علميا مو بس كلام ومش حالك قال ان population ممكن انسان او حيوان او نبات بناخذ منهم عينات اللي هي sample ممكن يكون اختيار العينات عشوائي بس يقولك يجي واحد يبغى النتائج جيده او على كيفه يقوم يختار العينات اللي على مزاجه لالالالا لازم تكون محترف لازم تكون عيناتك دقيقه ليه؟؟ لان هذا راح يؤثر على بحثي ونقطه اخرى لازم تكون العينات كافيه مثلا بسوي بحث عن اطفال العرب واخذ بس 4 او 5 اطفال ماينفع ابد قول 50 او 100 يالله تمشي اذا مو كثر لازم تكون واضح في بحثك ولازم عيناتك تكون مقبوله بعدها يرجع لعناصر البحث قلناها بالبدايه يقول ان في عدة طرق للحصول على العينات الاستبيانات المقابلات طبعا حجم العينه يتوافق مع البحث في نقطه قال هذي skip retropective هو يقول على حسب البحث احيانا يكون يحتاج بس استبيانات واحيانا لا لازم نقابل الاشخاص ونسال ونسجل كل كلمه يقول لازم تكون محترف في بحثك انتهت |
رد: طرق البحث و التصميم .. [شــرح]
محاضره 8 هنا تعوذوا من ابليس قبل يقول هنا بالبدايه يكون عندي مجموعتين نقارن مابينهم يعني رجال وحريم مثلا او مجموعه وحده واشوف الاخلافات داخلها يعني انا ادرس ذكور واناث الرجال وجهها لوجه والحريم لا بالكاميرا يعني هنا استخدمنا طريقتين غير treatment غير لكل مجموعه واقارن بينهم او مجموعه وحده اطفال واعلمهم القرمر واشوف الاختلاف بينهم مين اسرع هنا treatment نفسه ولا؟؟ نفسه هذا الفرق بين المجموعتين والمجموعه الوحده الرسمه يقولك انا هنا اختار واقسم الناس مجموعات احيانا يكون التقسيم معقد واحيانا لا بسيط اللي بعده هذا مثال يقولك اول اختبار اعطيهم عن المفردات ابغى اشوف مدى الكلمات اللي يعرفونها هذا اول اختبار بعدها ابغى اسوي اختبار ثاني مدى مقدرته على استخدام هالمفردات بالكتابه هذا ثاني اختبار اطلع نتايج اول اختبار وثاني اختبار اقارن واخذ طالب خذ اعلى درجه باختبار المفردات اشوف كيف وضعه بالكتابه واقارن درجته اشوف هو قدر وتمكن من الكتابه او لا بعدها قال عشان اتجنب order effect ايش اسوي لازم يكون order الطلاب نفسه يعني مايكونوا مختلفين اساسا واجي اقارن مابينهم يعني نفس المنهج يكونوا ونفس الاختبار يعني نفس الاسلوب اسوي معاهم مو اجي مثلا اشرح له عن طريق الاب توب وواحد لا عن طريق كتب واجي اختبر واقارن لا اختلف الوضع اخر فقرتين يقول مثلا اجيب اطفال عندي واعلمهم القرمر وابغى اعرف بعد 10 سنين ايش اللي قدروا يحتفظون فيه من اللي تعلموه فقال عندنا خيارين الاول اجيب اطفال عمرهم 6 سنوات وناس عمرهم 16 واقارن بينهم او عاد اصبر 10 سنين لحد مايكبرون عاد حط في بالك لو كان عند 100 يمكن تحصل 10 |
رد: طرق البحث و التصميم .. [شــرح]
محاضره 9
هنا يقول ان في كل بحث عندنا شي اسمه متغير مستقل يعني مايأثر فيه عنصر او شي ثاني مثلا الحين عندنا مجموعتين بدرس تاثير الكمبيوتر للتعلم الاولى بعطيهم كمبيوتر والثانيه لا تست بوك الحين المتغير المستقل هنا ايش؟؟ الكمبيوتر هذا مثال للسؤال بالاختبار والكمبيوتر يعتبر مستقل مايتاثر بعامل ثاني او يعتمد عليه النوع الثاني الغير مستقل (ياثر عليه عامل اخر) يعني عندي مجموعتين واقيس او اقارن بينهم مثلا ذكور واناث وبشوف اي مجموعه استيعابها اكثر او اسرع يعني يعتمد على القياس اخر تعريف يعني ايش الاشياء اللي باستخدمها للقياس ومادقق قرا ومشى هنا قال theory من ايش جايه؟؟ literature وهذا شي مهم مع تعريفها حق الهيبوو تعريف الهيبو وهو وصف او توضيح العلاقه بين المتغيرات ولازم تفهم اطرح اسئله مالها اجابات من قبل اسئله جديده في بحثك بيقول الاسئله اللي ممكن تطرحها احيانا تلاقي اجابتها عن طريق البحث والقراءه والتخمين المهم يقول اكتب توقعي مثلا ولمن اسوي البحث يطلع توقعي مو في محله يقول لاتغير توقعك لوسمحت خليه مو شرط يكون صحيح شي عادي مو تروح تغير اللي كتبته بعدها عطى رابط وقال للاستزاده وقال فكر كيف تجمع العينات لبحثك والاستبيانات وقال لاتختار عينات تناسب مزاجك ولا لانهم عاجبينك عشان الا تثبت وجهة نظرك لا خلك صادق ومتمكن في بحثك يعني مو لانك تحب الكمبيوتر الا بتطلعه غصب انه نافع وبس سلامتكم |
رد: طرق البحث و التصميم .. [شــرح]
كملي بلييييييييييييييييييز
بسطتي امور كثيره |
| All times are GMT +3. الوقت الآن حسب توقيت السعودية: 03:11 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه