[ تجمع ] : شاركونا انطباعكم عن مواد المستوى السابع

[نهرالعطا]

المشاركة الأصلية كتبت بواسطة روز نجد

أنا تحمست مثلك

بس مانبي مستوى 7 يمتصون طاقة تهاويل

يبقون لنا شوي محتاجين خططه ب8

طبعا أمزح الله يوفقه يارب

ويوفق الجميع لما يحب ويرضى

ولمرورك

ههههههه ماعليك بنضبط وضع تهاويل في ثامن
جهز عدتك ي تهاويل

[روز نجد]

المشاركة الأصلية كتبت بواسطة نهرالعطا

ههههههه ماعليك بنضبط وضع تهاويل في ثامن
جهز عدتك ي تهاويل

ههههههههه

أجل خلاص ياخذ راحته في 7

يسعد قلبك

[ليــــــن]

بأقول رأيي في المواد وحدة وحدة ..

بسم الله

بداية راح أخذ المواد حسب الجدول

1- علم اللغة النفسي .. مادة جميلة وممتعة والدكتور وضح لنا ان فيه نقاط معينة نركز عليها وهي بالخط العريض والتعريفات كذلك مهمة وملخص
الدكتور ساعدنا بشكل كبير في المراجعة الاخيرة اما بالنسبة للمذاكرة كانت من ملخص تهاويل لأنه شامل لجميع المحاضرات ومنسق ومتعوب عليه من 1_13
الله يعطية العافية

2-علم اللغة الاجتماعي .. حبيت المادة هذي اكثر من علم اللغة النفسي لكن المادة طويلة واسئلة الدكتور هي اللي سببت لي رعب لأنه في بعض النماذج للاعوام السابقة
كان يستخدم سياسة انه يغير كلمة وحدة في جميع الخيارات المتشابهة يعني لازم الواحد يفتح عيونه ويركز تركيز شديد على الخيارات اما بالنسبة لنا كان من حسن حظنا ان الاسئلة كانت
واضحة وبسيطة الحمد لله فيه يوم راحة بس الافضل ذاكروا نصف المادة قبل الاختبارات ويبقى عليكم النصف الثاني قبل الاختبار بيوم

3-النقد الأدبي .. مادة طويلة وغثيثة ومعلومات كثير فيها وكلها تكون موضع اسئلة كلام طويل ودش ممكن يحبونها اللي يفضلون مواد الهدرة الواجدة مثل التاريخ انا بالنسبة لي ما احب المواد اللي كذا
لكن الدكتور متعاون جداً انا ذاكرتها قبل الاختبارات وتعبت عليها لابد تذاكرونها قبل الاختبارات ضروري

4-الترجمة الابداعية .. دكتور حليمة ما يحتاج اقول لكم عن مزاجه اتعبوا في المذاكرة قبل الاختبارات وبتكون ابسط عليكم وانتو تراجعون بس ليلة الاختبار ركزوا مثل ما قالوا لكم الاخوان على الكلام الملون في ملخص سيمون وهي لونت فيه اللي جت في اسئلة الاعوام الماضية ملخصات المادة كثير منها ترجمة للنصوص وفيه ملفات تعديل راح تحتارون على اي ملف ممكن تعتمدون لكن في الاخير الدكتور ممكن يغير في النص وتختلف الترجمة بشكل كامل عشان كذا اللي ممكن تضمنونه هي النصوص الدينية والقران الكريم ما يقدر يحرف فيها اما البقية توفيق وحظ على الاغلب المهم ركزوا على الجزء النظري اكثر

5-طرق البحث والتصميم .. الدكتور الفريدان جدا لطيف في اسئلته واضحة ومافيها اي غموض او لف ودوران تابعوا معه المحاضرات من بدري عشان تاخذون وقتكم الكافي في التركيز والفهم ومع الملخصات فالكم باذن الله a+

6- المسرحية الحديثة .. الشناوي عسل واسئلته عسل والمادة ممتعة المحاضرات الثلاث الاولة هي اللي تحتاج تركيز اما باقي المنهج عبارة عن مسرحية تتصورون احداثها وتنحفظ من أول قراءة وهي للمحاضرة العاشرة اقرأوها بتركيز وافهموا الاحداث وفيه لها فيلم ممكن تتابعونه اما من 10 وورا كلها حوار على نفس اللي سبق درستوه في المحاضرات اللي قبلها يعني كلام مكرر جميلة المادة وممتعة

7-النظام الاجتماعي في الاسلام .. المادة حلوة لكن انصحكم تقرأون كل سطر بتركيز شديد لأن الدكتور ما يكرر اسئلة وطريقة طرحة للاسئلة ما تدري وش يبغى بالضبط يختصر في الاجابة مثل التعريف ياخذ منه كلمة فقط وعليك انك تختار يعني لا تعتمد على جزء من التعريف احفظ التعريف كامل والاحكام ركزوا عليها المادة سهلة واشياء نعرفها في حياتنا العادية لكن ركزوا على كل سطر والاحاديث يجيب منها اسئلة واراء العلماء واسئلته من بين السطور
المادة جميلة والله والامتياز فيها سهل بس المذاكرة تحتاج تركيز


هذا كل ما عندي وباذن الله فالكم التوفيق كلمة ختامية المستوى السابع اللي وده يرتاح من هم الاختبارات يذاكر قبل الاختبارات وبتكون ايام الامتحانات مراجعة فقط وايام جميلة باذن الله

[reaching higher]

الف شكر للي رد .. ماقصرتوا رايتكم بيضاء ..

تهاويل انجدنا بخطتك .. ننتظرك بشغف

[نوآآره*]

الف شكر لكل من شاركنا رايه وانطباعه عن ساابع والأكيد مثل كل ترم ناخذها بعين الاعتباار

المشاركة الأصلية كتبت بواسطة {تهاويل}

هلا بالغاليين
من دفعة سابع وسادس
سادس مابنسميهم سابع الا بعد ظهور النتائج
عندي انطباعات واكتشافات مذهلة
خاصة في مادة الترجمة الإبداعية
وجدت الحل الذي سوف يقتل كابوس حليمه (وعن تجربة)
الترجمة الابداعية بتكون اسهل مادة تمر عليكم هذا الفصل ان شاءالله.
انتظروني في الحلقة القادمة
بعد اذن صاحبة الموضوع
لان عندي هدرة طويلة وشرح وافي لكم
وخطة طريق ثابته تمشون فيها مستوى سابع بكل ثقة
اسمحي لي اني بفتح موضوع خاص بذلك ومستقل.
كخريطة طريق لمسار مستوى سابع.
وان شاءالله انكم بتسفيدوا منها.
اشكر الاخوة والاخوات الذين افادونا بانطباعاتهم.
وهم محقين فيما قالوه، فلا تستهينوا بهذي الكلمات.
لي عودة لرفع راية النصر (ما اقصد نادي النصر)
لكنه النصر الذي سوف تحققونه انتم في هذا المستوى.
وانا لسى عندي مادة من مستوى سابع
لنا لقاء قبل التسجيل

يعني بكل امانه ماقدرنا على الجماري من بعد الله الا بجهودك وملزمتك و شطحاتك المميزه ...
وماعندي شك ان فك شفرة حليمه معااك ,, بانتظاار موضوعك عنه