|
رد: البانر قفل
امممممممم انا معك زدت ترم ما سويت ريوس :42:
طيب ليه ما نزلت مشروع التخرج هالترم عشان لو قدر الله وحملتها ما تزيد ترم عاشر انا هالترم نزلت المواد الباقيه لي والمشروع اللي هو البحث وتركت مواد 8 آخر سمستر عشان ما احاتي التعارض وش المواد اللي تركتها لآخر ترم :31: |
رد: البانر قفل
اقتباس:
اللي قصدته اني ملاحظ ان اغلب الناس مخلصين هالسمستر وحاس اني باقعد بها مع نفسي :29: لكن معليش ما فهمت ليش ازيد ترم عاشر!! اما بالنسبة لمشروع التخرج انا تصورت انه لازم يكون المستوى الاخير! ولا دريت انه ممكن اسجلها قبل الاخير وعلى بالي من اول اني خبير بالامور الجامعية ومسوي زحمه ومدري كيف بس طلعت خرطي واثرني من جنب ال .. شسمه :13: لكن اتوقع الحين ماعاد يمدي لو نويت اغير شي اما المواد اللي تركتها للترم الاخير بالاضافة الى مشروع التخرج النقد الادبي اللغة والحاسب ادب الاطفال النثر الانجليزي لكن نقول خيرة باذن الله |
رد: البانر قفل
اخوي حاتم البانر للحين مفتوح وتقدر تغير // ونفس ما قلت لزملائنا من قبلك
اذا انت ناوي يكون الترم الجاي ان شاء الله آخر ترم لك ف" الأفضل انك تترك المواد اللي كلها من نفس المستوى عشان لا تتورط بالتعارض يعني خذ المواد اللي باقيه لك من المستويات اللي فاتت واترك مواد 8 او 7 آخر شيء شوف اللي يريحك ويناسبك الجدول زي منت عارف مو مضمون انه يبقى ثابت :40: اما الترم العاشر = ما قلت تزيد اقول عشان لا تضطر لو لا قدر الله وما انقبل بحث التخرج شكلك ما فهمت قصدي بردي اللي قبل .. ارجع اقراه :42: بالتوفيق اخونا + الله يسهل علينا وعليك :2: |
رد: البانر قفل
اقتباس:
ايه تمام الحين فهمت سوري ع التناحة :13: لكن بالنسبة للتغيير والتبديل والتعديل حتى لو مازال ممكن ما اعتقد باغير شي لأن هذا افضل اختيار طلع معي وبرضه صعب اختار بس المواد اللي من المستويات اللي فاتت زي ماقلتي لأنه مثل ماعلمتك ماباقي لي من القديم الا مادتين مهارات التحدث و النثر الانجليزي ف صعب جدا اسجلها لوحدها "او حتى مشروع التخرج معها" واخلي كل الباقي الترم الجاي اما التعارض فانا ما قسمتها على الوضع الحالي الا بعد ما تأكدت انه مافي اي تعارض في الترمين ابدا ان شاء الله تكونين استوعبتي الوضع :29: على كل حال شكرا على اهتمامك ووقتك الله يكتب لك الاجر ازعجتك معي الله يوفق الجميع لما يحب ويرضى |
رد: البانر قفل
بالتووفيق اخوي حاتم
بس موادك مو كثيره لو تاخذها كلها بترم واحد وتخلص افضل من انك تزيد ترم تاسع هذا مٓن وجهة نظري :42: |
رد: البانر قفل
اقتباس:
اخت انين مع احترامي الشديد لوجهة نظرك ما اقدر لانه باقي لي عشر مواد اعتقد انها كثيرة جدا لأني اعرف نفسي ماني بقدها وبنفس الوقت انا حريص جدا على المعدل وبيني وبينك انا شاورت لي ناس وورطوني :42: يعني التاسع مافيه حيله شكرا على المرور الكريم والنصيحة الجميلة :16: |
| All times are GMT +3. الوقت الآن حسب توقيت السعودية: 06:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام