|
اللي بيسجل مادة اللغة وتقنية المعلومات المستوى الجاي يشاركني رجاءً
السلام عليكم ورحمة الله وبركاته
كيف حالكم جميعاً؟ انا عندي مشكله من المستوى الثامن وكلمت الدكتور عبدالله الفريدان وللأسف مانحلت للحين وهي تعارض ثلاث مواد عندي فاضطريت اخذ المستوى الثامن ماده وحده فقط وتبقى عندي مادتين ولازالت المشكله موجوده طبعاً انا باخذ مستوى تاسع المستوى الجاي ان شاء الله شهر 7 بس المستوى التاسع ماراح يحل المشكله عندي لأني بنجبر اخذ ماده وحده فقط ويبقى ماده ثانيه ماقدر اخذها وهالماده اللي بتبقى هي مادة (اللغة وتقنية المعلومات) وكلمت الدكتور عبدالله قبل يومين وطلبت منه انه يغير توقيت اختبار مادة اللغة وتقنية المعلومات ويحطها بأي يوم ثاني مايكون فيه اي ماده لمستوى ثامن غير اليوم اللي موجود بجدول الاختبارات عشان تنحل المشكله اللي عندي واقدر اتخرج شهر 7 الجاي ان شاء الله وبنفس الوقت مابي اضر احد فيكم ولا ابي اسبب مشكله لأحد.. انا رحت لجدول الاختبارات وماشفت الا من اليوم التاسع بالاختبارات إلى اليوم الاخير وطلع اليوم التاسع + اليوم العاشر + اليوم الثاني عشر مافيه ولا ماده لمستوى ثامن تخصنا يمكن يكون فيه ايام بعد مافيها مواد لمستوى ثامن غير اللي ذكرتها لأني ماشيكت الا على اليوم العاشر للاخير بس ماشيكت على الايام الاولى,, طبعاً اقترحت على الدكتور عبدالله هالايام اللي ذكرتها اللي مافيها اي ماده لمستوى ثامن بأنه ينقل مادة اللغة وتقنية المعلومات لأي يوم من الايام اللي اقترحتها عليه او يحطها بأي يوم اخر حسب اللي يشوفه مناسب طبعاً الدكتور عبدالله مارد علي وبصراحه ماتوقع انه بينقل الماده دام انه بس انا اللي مكلمه عنها.. وعشان كذا انا ابي كل اللي بياخذون مادة اللغة وتقنية المعلومات يشاركوني بموادهم مع هالماده عشان مابي احد يتضرر مننا واذا شفنا اي يوم مناسب لنا كلنا تساعدوني ونكلم الدكتور عبدالله بأنه ينقل لنا هالماده ويغير موعد اختبارها,, انا ماحد بيوقف معي بعد الله سبحانه غيركم وابيكم تشاركوني بجدولكم ومااستغني عن اقتراحاتكم وارجع اقولكم يعلم الله اني ماافكر بنفسي وبمشكلتي وبس والله ثم والله ثم والله لو احس اني بضر احد فيكم او بسبب له مشكلة تعارض او شي اني مستعد اخذ مستوى عاشر ومستوى 11 بعد ولا اني اكون سبب في مشكلة او ضرر احد فيكم وعشان كذا انا فتحت هالموضوع وابي مشاركتكم معي ومساعدتي بدون مايكون فيه اي ضرر على احد. |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اعانك الله وهذا قد حذرت منه كثيرا وللاسف الجامعه بتغيرها الخطط اكثر من مره اضرت ببعض الطلاب والخ صالح احدهم فاسال الله ان ييسر له الامر ويفرج همه ويسعده بتخرجه
الاخ صالح وش المواد اللي تتعارض عندك اذا احببت ان نشاركك الحل والراي |
رد: اللي بيسجل مادة اللغة وتقنية المعلومات المستوى الجاي يشاركني رجاءً
حسب اطلاعي على جداول كافه المستويات وجدت الماده اللتي تشتكي منها معها بنفس اليوم
الاحصاء مستوى ثاني ادب عصر النهضه من رابع ترجمه الانماط النصيه من سادس اللغه والتقنيه |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
والله يجزاك خير على هالدعاء الطيب اللي كلنا نحتاجه والله انك صادق اخوي بتغيير الخطط اكثر من مره اضرنا كثيراً وانا اتوقع ان فيه غيري متضررين بعد مو انا الحالي والمشكله انه مافيه تجاوب من المسئولين كأن الخطأ منا لكن الله يعينا انا والله من بداية المستوى الثامن وانا مكلم الدكتور عبدالله لكن للأسف مالقيت تجاوب وفي الاخير رضيت بالأمر الواقع وسجلت ماده وحده على أمل ان المستوى القادم بيكون فيه تحسن وبتنحل المشكله لكن للأسف ماشوف ان فيه شيء تغير والجدول بقي زي ماهو.. الماده اللي عندي فيها تعارض مع مادة اللغة وتقنية المعلومات هي مادة نظرية المعرفه كلهم اخر يوم بجدول الاختبارات وبالفتره الثانيه وعندي ايضاً مادة النظام الاجتماعي في الاسلام بنفس اليوم بعد الفتره الأولى وماعندي مشكله من ناحية انه يكون علي فترتين بنفس اليوم , المشكله هي تعارض مادة نظرية المعرفه مع مادة اللغة وتقنية المعلومات... |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اليوم المناسب ولايوجد فيه اي مادة تخصص للغة الانجليزية لاي مستوى ومناسبة لمستوى ثامن هو اليوم الرابع والذي سيصادف يوم السبت الفترة الثانية واقرب مادة لمستوى ثامن ستكون الاثنين اليوم السادس للترجمة التتابعية
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
الله يسهل دربك اخوي صالح وباذن الله تتخرج معانا
بالنسبة لي انا ماعندي الا قواعد المنظومة النحوية متأخر فيها عن الخطة وباقي المواد مستوى ثامن |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
بالنسبة لي موافق وماعندي اعتراض على تغيير موعد اختبار اللغة وتقنية المعلومات من اليوم الاخير الى اليوم الرابع بالعكس راح يكون جدول المستوى الثامن مرتب اكثر |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اتفق معاكم علي الوقت هذه اليوم الرابع الفترة الثانية
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
يحط اختبارها باليوم الرابع وبجد مشكووور اخوي على وقفتك الطيبه معي في مشكلتي وماراح انسى لك هالوقفه والمساعده الطيبه منك ربي يحرم وجهك عن النار |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
وبيض الله وجهك على وقفتك ومساعدتك لي |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
حلوو كذا متفقين على تغيير الحين انا وماي دريم ودحوم وابو ابراهيم ماعندنا اي مشكله بنقل الماده وننتظر رأي باقي الاخوان والاخوات اللي مسجلين هالماده لأنه كل مازاد عددنا وطالبنا كلنا بنقل الماده كل ماصار هالشي في مصلحتنا والعماده راح يوافقون على طلبنا |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
يارب تنحل مشكلتك وتتسهل
موفق بإذن الله |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
ربي يجزاك الجنه |
رد: اللي بيسجل مادة اللغة وتقنية المعلومات المستوى الجاي يشاركني رجاءً
لا يا جماعة صح بتنحل مشكلتك لكن بتضر ناس تانية رتبوا جدولهم ..اول حاجة كانت نظرية المعرفة اول يوم واللغة يوم السبت الاول من الاختبارات بعدين خبصوا الجدول وسوه كدا..المهم لو يغيروا نظرية المعرفة يكون افضل ويخلو اللغة وتقنية المعلومات بمكانها ..وتناي شيء الاخ صالح ايش هي موادك ..لو ان المستوى الثامن يحطوا جدول مقترح يكون افضل ...كل واحد يقترح جدول ونقدم اللي يصوت عليه الاغلبية للدكتور ... كمان التاريخ الخليج العربي ومواد مستوى سابع ترتيبها كله صعب ما ادري ليه ومواد سهلة تنحط السبت ..فايش رايكم نحط جدول مقترح وفيه يقدر الاخ صالح ياخد كل اللي باقي له بترم واحد
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
احنا فتحنا الموضوع هذا عشان نتفق بدون مايتضرر احد لأنه ابي الكل يكون متفق على شيء معين لأنك مثل ماقلتي اختي خبصوا الجدول وسووه كذا وفي الاخير المتضرر الوحيد بهذا الشيء احنا كطلاب وانا معك نحط جدول مقترح وتنحل مشكلتي بدون مايتضرر أحد انا فقط باقي لي خمس مواد واتخرج ان شاء الله والمشكله عندي فقط بنظرية المعرفه واللغه وتقنية المعلومات لأنهم اخر يوم بجدول الاختبارات وكلهم بفتره وحده, ومثل ماقال اخوي ماي دريم اقترح بأن تنقل مادة اللغة وتقنية المعلومات إلى اليوم الرابع بجدول الاختبارات مايوجد فيه اي ماده للمستوى الثامن هذا هو المقترح المطروح حالياً وننتظر باقي الأخوان والاخوات اللي عندهم مادة اللغة وتقنية المعلومات يشاركونا ويضعون لنا موادهم اللي بيسجلونها هالمستوى عشان كلنا نتفق على يوم معين ونحل المشكله بدون مايتضرر احد. انا موادي اللي باقيه لي في هالمستوى ان شاء الله هي : الترجمة الإبداعية - نظرية المعرفه - اللغة وتقنية المعلومات - النظام الاجتماعي في الاسلام - مدخل الأدب الامريكي. والمشكله موجوده نفس ماذكرت بنظرية المعرفة واللغة وتقنية المعلومات واذا مانحلت مشكلة التعارض بضطر اخذ اربع مواد ويتأجل تخرجي مستوى ثاني بعد عشان التعارض. |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اخوي صالح كان الله في عونك .. ثق ثقة تامة انو الكل ان شاء الله معاك انا ان شاء الله بأخذ المادة لان ماباقي عندي من مستوى ثامن الا هالمادة والادب الامريكي والتتابعية ومشروع التخرج مع كم مادة من مستوى سابع .. ياليت تحطون لنا هنا جدول مستوى ثامن وسابع اخر اصدار .. وقبل كل شي عزيزي صالح اخاف نتفق ونرتب كل شي وتطلع الجامعة بخطة جديدة كالعادة ما اريد قولة يجب ان تضع بالحسبان ماتنوى الجامعه القيام بة من خلال التواصل مع الدكتور الفريدان .. اخيرا وليس اخرا لاتفقد الامل وبأذن الله موضوعك اسهل من ما تتوقع .. بالتوفيق للجميع |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اللهم آمين وياك يارب ومشكوور يالغالي على كلامك الطيب اللي يزرع روح الأمل فيني وانا والله ثقتي كبيره انكم كلكم معي وماراح تقصرون بشيء وعارف انه ماراح احد يوقف معي بعد الله غيركم واحنا نبي كل واحد فينا يحط مواده اللي بياخذها هالترم ان شاء الله عشان نوصل لحل لهالمشكله ونختار لنا يوم مناسب بدون مايتضرر احد فينا. ومثل ماقلت اخووي ماندري وش تنوي الجامعه القيام به والمشكله مافيه تجاوب من الدكتور عبدالله الفريدان بعد ماقلت له مشكلتي واني ابي حل لهالمشكله كل اللي قاله لي قال ان نظام البانر لايقبل تسجيل مقررات متعارضه ورديت عليه قلت له اني انا عارف هالشيء وهذي هي مشكلتي التعارض وبعدها مارد علي لي تقريبا 4 أيام وانا اشيك على البريد لكن مافيه رد وانا ابي تعاونكم ووقفتكم ومساعدتكم لأنه اذا كلنا طلبنا من الدكتور عبدالله يغير موعد الاختبار اتوقع ماراح يقدر يرفض دامنا كلنا متفقين على هالشيء ونبيه بس لازم كل واحد فينا يكتب مواده اللي بينزلها هالترم عشان نحل المشكله ونتفق على شي واحد بدون مايتضرر احد. |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
شهالحظ أف |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
ولا ماده لنا المفروض يعيدون النظر بترتيب جدول الاختبارات اكتبي لنا موادك اختي طموح عشان نتناقش كلنا ونحل المشكله مع بعض |
رد: اللي بيسجل مادة اللغة وتقنية المعلومات المستوى الجاي يشاركني رجاءً
السلام عليكم
اخوي صالح الله ييسر لك أمورك أن شاء الله لكن عندي اقتراح علشان مايضر اللي على وجهه تخرج والأغلبية منهم أتوقع مثلي هالمستوى هو التاسع لهم وزادوه بسبب تعارض مواد وفي حال تغيرت ماده من مواد مستوى ثامن راح نضطر على مستوى عاشر الله لا يقدر انا مو باقي لي الا مواد ثامن مع النقد الأدبي وإذا طبقتم اقتراحكم بوضع تقنية المعلومات باليوم الرابع حيكون بعدها النقد وبعدها الترجمه التتابعية يعني 3 ايام وراء بعض اقتراحي يكون التغيير في مواد سابع لان فترتها تختلف مع ثامن هذا اذا ما كانت الاداره ناويه على عفس الجداول مره ثانيه اتمنى ان شاء الله نلقى حل ممتاز وان شاء الله تنحل أمورك وتلقى اللي يريحك |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اللهم آمين وياك يارب صح صدقتي اغلبيتنا الحين هو المستوى التاسع له لكن اذا هالتغيير بيضرك لاوالله انا مستعد ادرس مستوى عاشر ولا اني اضر احد ,, لكن اختي كورديليا انتي شوفي وش اليوم المناسب لك غير اقتراح اليوم الرابع اللي اقترحه اخوي ماي دريم رتبي جدولك وشوفي اليوم المناسب لك متى بيكون والله يستر لايحوسون علينا الجدول مره ثانيه. وانا اتمنى الكل اللي بيسجل هالماده يشاركنا ويضع مواده عشان نتفق كلنا على يوم مناسب انا عندي مادة نظرية المعرفه هي اللي متعارضه مع مادة اللغة وتقنية المعلومات طبعاً مادة نظرية المعرفه من مواد مستوى سادس وماتوقع ان مستوى سادس بيتجاوبون ويتفاعلون معي بنقل موعد الماده لأنهم باقي لهم مواد وباقي لهم ترمين وبيصير شي عادي عندهم بعكسكم انتم لأنه اغلبكم مر وحس بهالشيء ودرس مستوى تاسع عشان هالمشكله. لكن بوقفتكم معي متفائل بأننا بنلقى حل للمشكله وأملي بالله كبير |
رد: اللي بيسجل مادة اللغة وتقنية المعلومات المستوى الجاي يشاركني رجاءً
في حل ثاني يتم ارجاع نظريه المعرفه لمكانها الاول قبل عفسه الجدول ويرجعوا ترجمه الانماط النصيه بالاخير يعني تبادل اماكن فقط وبكذا ماراح يضروا احد لان الجامعه هي من غيرت وهي من تتحمل التبعات
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
تأكد يا اخوي ان مشكلتك كأنها مشكلتنا وبنلقى حل ان شاء الله
ليش ما نقترح على الاداره تزيد يوم اخير وننزل فيه تقنية المعلومات وكلنا راضيين ان شاء الله |
رد: اللي بيسجل مادة اللغة وتقنية المعلومات المستوى الجاي يشاركني رجاءً
انا الترم اللي فات اخذت نظرية المعرفه والنظام مع بعض بسبب التعارض :007:
انا هالترم باقي لي بس مواد مستوى 8 اهم شيء لا تحطون الماده بيوم يكون قبله او بعده ماده على طول حلو الجدول بالبريكات اللي فيه اليوم الرابع عادي انا بالنسبه لي ما عندي مانع وترى نظرية المعرفه حطوا ببالكم انها ماده عامه مو بس لقسمنا كل الاقسام في آداب مشتركين فيها |
رد: اللي بيسجل مادة اللغة وتقنية المعلومات المستوى الجاي يشاركني رجاءً
السمستر اللي فات رتبت جدولي ومافيه تعارض
هذي المواد الباقي لي http://www13.0zz0.com/2014/01/10/23/996636134.jpg |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
انه ماراح احد يحس او يفهم مشكلتي غيركم ,, واقتراحك حلوو اختي لكن ماتوقع ان الجامعه راح تتفاعل مع الاقتراح لأنهم يبغون سبب مقنع عشان يزيدون يوم. |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اهلين اختي سـّـوِيرآڽ حلوو اهم شي انك خلصتي من المواد العامه ومواد المستويات اللي قبل ماشاء الله والله يوفقك ومشكلتي انا بسبب هالمواد العامه هي اللي فيها التعارض مثل مادة نظرية المعرفه ماتوقع انهم يغيرون يوم اختبارها لأن كل اقسام في الادب مشتركين فيها زي ماقلتي ياسـّـوِيرآڽ عشان كذا اشوف تغيير موعد اختبارها صعب لأني ماراح القى احد يتفاعل معي بالاقسام الثانيه عشان تغيير موعدها, عشان كذا انا كلمتكم عن مادة اللغة وتقنية المعلومات لأنكم اول شي عارفين الوضع وماراح احد يحس بمشكلتي مثلكم ولا راح القى احد يوقف معي ويساعدني غيركم لأني بجد هنا بمستوى ثامن احس بمكاني ووجودي بينكم وتربطنا علاقه قويه من المستويات الاولى حتى هالمستوى الاخير لنا واحنا مع بعض عكس الاقسام الثانيه اللي بصراحه احس اني غريب بينهم ويمكن جربتوا هالشي مثلي وبصراحه انا ماكتبت عن مشكلتي الا بقسمنا هذا بس لأني عارف وواثق بوقفتكم ومساعدتكم لي من زمان مو في هالموضوع بس. والله يسر الأمر لي ولكم ان شاء الله |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اهلين اختي طموح فتاة اهم شي انه مايكون فيه تعارض عندك وبإذن الله امورك كذا تماام ربي يوفقك ويسر امورك اختي |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اللي كان قبل بدال ترجمة الانماط النصيه ابي وقفتكم معي لأنه لو طالبت انا بهالشي لحالي ماراح يتجاوبون معي لازم اكثر من واحد يطالب بهالشي بكذا بنكون حلينا المشكله بدون ماحد يتضرر فينا لأن كلنا اخذين مادة ترجمة الانماط النصيه ومعدينها الحمدلله |
رد: اللي بيسجل مادة اللغة وتقنية المعلومات المستوى الجاي يشاركني رجاءً
انا اشوف ياخوي انك تذاكر هالمادتين زين زين وماعندك الا خمس يعني موادك قليله اذا منحلت المشكله ابد انك تكلم الفريدان بخصوص تعارض المواد وانا هذا اخر ترم لك ويعطيك خطاب رسمي بعد الوافقه انك تختبر هالمادتين لو متعارضات تخلص نظريه المعرفه تراها سهله مرره يمديك مثلا تدخل سته وربع القاعه يعطونك الورقه مبكر وتخلص سبعه قبل نص الوقت وتروح تختبر الماده الثانيه وترتب وضعك مع المسؤؤل في المدرسه بس لازم يكون معك خطاب رسمي
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
انا والله ماعندي مانع اختبر هالمادتين سوا ومثل ماقلتي موادي قليله خمس مواد بس ويمديني ان شاء الله اذاكرهم زين من بداية الترم , بس المشكله بالفريدان انا كلمته عن مشكلتي قبل اسبوع ووضحت له انه باقي لي خمس مواد واتخرج ان شاء الله بس عندي التعارض بالمادتين وانه حرام اجلس ترم عاشر عشان ماده وحده بس للاسف مالقيت تجاوب من الفريدان كل اللي قاله لي بعد ماشرحت له وضعي كامل قال لي نظام البانر مايسمح بتسجل مقررات متعارضه هذا اللي قاله لي يعني حتى امل بسيط ماعطاني بأنه يشوف مشكلتي ويحلها ورجعت ورديت عليه وقلت له انا عارف ان نظام البانر مايسمح لي اسجل مقررين فيهم تعارض وعشان كذا كلمتك وابيك تحل المشكله ولي اسبوع من ارسلت ردي هذا مارد علي وماتوقع انه بيسوي شي وعشان كذا انا كتبت الموضوع لكم هنا لأني ابي مساعدتكم ووقفتكم معي لانه كل ماكان عددنا كثير ونطالب بإرجاع الجدول زي ماكان قبل بأنه يرجع مادة نظرية المعرفه مكانها الاول بمكان ترجمة الانماط النصيه متأكد انه بيوافق على هالشي لكن دام انه انا اللي اطالب بهالشي لوحدي انتم عارفين انه ماراح يسوي شي عشان طالب واحد فقط |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
والان صاحبي خلص هالترم وعنده الترم القادم ماده بس ويتخرج |
رد: اللي بيسجل مادة اللغة وتقنية المعلومات المستوى الجاي يشاركني رجاءً
يعنى أنسى الموضوع انا أعتقد انه مايبي يفتح الباب لانه ماراح يخلص بالتوفيق
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اذا اغلقت الطرق الممكنة فكر جليا في اخذ اي مادة من الاثنتين واقصد نظرية المعرفة واللغة والتقنية وخاصة المادة اللي احتمال نزولها صيفي واللي اذكره اللغة والتفنية نزلت صيفي الترم الماضي والاجراء هذا لكي لايكون تتاخر سنة كاملة .
واصل في اقتراح تغيير جدول سادس في التبديل بين المادتين اللي سبق طرحتها بالاعلى اللهم افتح على عبدك صالح واجعل له من كل هم فرجا ومن كل ضيق مخرجا وارزقه من حيث لا يحتسب ومن عطر هذا المكان باقتراح او تعليق . |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اخوي صالح مالك الا في الترم الصيفي تأخذ ها لماده
الله يكوووووون بعووووونك |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
بصراحه انا فاقد الأمل بأن الفريدان بيسوي شي لأني عارف جربت تعامله معي من المستوى السابع وهو سبب هالمشكله كلها اللي انا فيها وهو اللي حرمني من الاربع ساعات الاضافية بالمستوى السابع بدون سبب والا كان ماحصلت لي هالمشكله اللي انا فيها الحين وبصراحه كان تعامله معي ماحد بيرضاه لكن ماقول الا الله فوق والله بياخذ حقي,,, وعشان كذا انا كلمتكم ابيكم تساعدوني ونطالب كلنا بإرجاع الجدول زي ماكان قبل بأنه ينقل مادة نظرية المعرفه لمكانها الاول بكذا يمكن يكون فيه أمل بسيط انه يتجاوب معنا عشان عددنا كبير والا انا والله اني عارف انه ماراح يحرك ساكن ولا راح يحل المشكله او يهتم فيها دام انها من طالب واحد اذا احد بيطالب معي بارجاع الجدول انا اولكم بطالب بهالشي بس ماقدر اطالب فيه لحالي واذا ماتغير شي ماقول الا الله يكتب اللي فيه الخير لي ولكم جميعاً |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
بالنسبه انه يخليني اختبر مادتين سوا والله شايل هالشي من راسي وانا اخوك لأني عارف انه ماراح يوافق مع انه ولد عمي بجامعة الامام الترم اللي راح اقسم بالله مختبر مادتين بوقت واحد لكن كل جامعه ولها نظامها كل اللي اطالب فيه وعندي أمل انه يتجاوب مع هالشي انه يرجع الجدول زي ماكان قبل فقط لا اقل ولا اكثر ولكن مااقدر اطالب بهالشي لحالي لانه ماراح ينظر للطلب ومحتاج مساعدتكم لأنه كل ماكان عددنا كبير ونطلب هالشي كل ماكان في مصلحتنا |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
ولك بالمثل اخوي.. بصراحه هذا اخر شي افكر اسويه اخوي اذا اغلقت كل الطرق بوجهي مالي الا اني اسجل نظرية المعرفه واخلي مادة اللغه وتقنية المعلومات بالصيفي لكن بإذن الله بتتيسر ومازال املي بالله كبير |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اللهم آمين اخوي بارق السيف وربي يجزاك الجنه وهذا هو الحل الأخير اللي مفكر اسويه اذا مانحلت المشكله |
رد: اللي بيسجل مادة اللغة وتقنية المعلومات المستوى الجاي يشاركني رجاءً
1 مرفق
ايش رايكم كل واحد منا يحط جدول مقترح لمواد 6-7-8 ... ثم نسوي موضوع جديد فيه تصويت لاخر 3 جداول مناسبة
ثم نقدمها للدكتور في المرفق جدول تخصص لغة انجليزية |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
الله يسهل امورك |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
ومثل ماتشوفين القسم هادي مرررره لكن ان شاء الله مع موعد ظهور النتائج بنشووف فيه تفاعل اكبر من الجميع |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
وان شاء الله مايكون عندك اي تعارض في المواد وربي يسهل امورنا كلنا |
رد: اللي بيسجل مادة اللغة وتقنية المعلومات المستوى الجاي يشاركني رجاءً
1 مرفق
للاسف اخوي صالح الجدول نزل ولكن نظرية المعرفة بتكون مع الادب الامريكي
التغيير الذي حصل في جدول المستوى الثامن هو اللغة وتقنية المعلومات صارت في يوم اختبار الادب الامريكي فقط |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
شالوا مادة اللغة وتقنية المعلومات وحطوا بدالها مادة الادب الامريكي حسبي الله ونعم الوكيل يعني مافيه اي تعديل بالجدول فقط شالوا ماده وحطوا بدالها ماده ماستفدنا :( مشكووور اخووي دحوم على متابعتك وتفاعلك مع مشكلتي ربي يجزاك كل خير ويحرم وجهك عن النار.. وربي يسهلها |
رد: اللي بيسجل مادة اللغة وتقنية المعلومات المستوى الجاي يشاركني رجاءً
هممم انا جيت مسكت الجدول يمين يسار ما طلع معاي الا انهم يخلو النظام الاجتماعي اول يوم ونظرية المعرفة اول سبت يعني رابع يوم ..ويخلو التقنية مكانها ..الله يستر منهم نظرية المعرفة وكمان تاريخ الخليج العربي جالسة في الزور ما ادري ليه اماكنها غلط
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
مشكوووره اختي كادي على تفاعلكم وتعاونك مع مشكلتي ربي يجزاك كل خير ويحرم وجهك عن النار انا حتى تعديل الجدول ماحل المشكله وصارت المشكله في تعارض نظرية المعرفه والادب الامريكي والله مادري وش اقول بصراحه يعني المفروض نظرية المعرفه وتاريخ الخليج العربي يكون بداية الاختبارات بما انها مواد عامه .. اقتراحك حلوو اختي كادي بأنهم ينقلون مادة نظرية المعرفه يخلوونها في اليوم الرابع لكن مين اللي بيطالب بهالشي ؟! صعبه اني اطالب فيه انا لحالي بدون اتفاق الجميع ومساعدتهم لي وخاصه انه الحين معنا وقت نطالب بهالشي بما انه مافتح تسجيل المقررات للآن.. انا بنتظار اراء الجميع وان شاء الله نحصل حل |
رد: اللي بيسجل مادة اللغة وتقنية المعلومات المستوى الجاي يشاركني رجاءً
نفتح موضوع جديد ونطالب بها ونشوف راي العامة .ان وافقوا كلا يرسل للعمادة خاصة ان المادة عامة يعني تشمل كل طلبة الجامعة بكل الافرع فان ما ناسب الاغلب . مالنا غير نتوكل على الله ونرضى بالامر الواقع
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
اللي افتخر فيه انتي واخوي دحوم واخوي ماي دريم ربي يجزاكم كل خير ويوفقكم وين ماتروحون |
رد: اللي بيسجل مادة اللغة وتقنية المعلومات المستوى الجاي يشاركني رجاءً
وش رسيتوا عليه بعد ما تغير الجدول
|
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
الاجتماعي اول يوم ونظرية المعرفة اول سبت يعني رابع يوم اذا وافقوا الكل يرسل للدكتور عبدالله وبإذن الله بتنحل المشكله والأمل بالله كبير ,, ربي يسهل ويسر امورنا كلنا |
رد: اللي بيسجل مادة اللغة وتقنية المعلومات المستوى الجاي يشاركني رجاءً
مع اني خريج لكن حطو اسمي معكم عشان تزيد نسبه الطلاب وموافق على اللي تبونه كله والله يوفقكم جميع
اخوي صالح بتتسهل ان شاء الله وربك يفرجها وتسهل امورك .. |
رد: اللي بيسجل مادة اللغة وتقنية المعلومات المستوى الجاي يشاركني رجاءً
اقتباس:
ربي بيفرجها وبتتسهل ان شاء الله وعلى البرررركه اخوي الحربي وتستاهل كل خير وعقبال الماستر والدكتوراه ان شاء الله |
| All times are GMT +3. الوقت الآن حسب توقيت السعودية: 12:22 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام