|
طريقة توثيق المواقع والكتب لمشروع بحث التخرج
السلام عليكم ورحمة الله وبركاته
بالنسبة لكثرة الأسئلة حول التوثيق في بحث التخرج حبيت أشرح لكم الطريقة بالصور أول شي نفتح الموقع من هذا الرابط http://www.easybib.com/ وبعدين تفتح صفحة الإنترنت اللي أخذت منها الكلام اللي تبغى توثقه عندي مثال هذي الصفحة: http://www.colorincolorado.org/article/26751/ تحط رابط الصفحة في الخانة اللي في الصورة, وبعدين تضغط زر Cite it اللي يمين الخانة عند السهم الأسود http://im63.gulfup.com/StvJHm.jpg بعدين تطلع هذي الصفحة اللي يحاول البرنامج يجمع المعلومات اللي يقدر عليها من الموقع والبقية عليك http://im63.gulfup.com/EubRKp.jpg المطلوب تضغ زر Continue ملاحظة: ممكن هذي الصفحة ما تطلع معلومات وتحولك مباشرة على الصفحة القادمة وانت تعبي كل شي لما تضغط Continue أو لما تتحول أوتوماتيكيا, تطلع لك هذي الصفحة: http://im63.gulfup.com/2RNeLH.jpg الرقم 1 تختار من القائمة الاختيار الأول مثل اللي في الصورة رقم 2 تحط فيه عنوان المقال رقم 3 تحط فيه اسم المؤلف وإذا كان هناك أكثر مؤلف تضغط على الرابط اللي عند السهم الأخضر وتضيف الكاتب اللي بعده رقم 4 تحط اسم الموقع رقم 5 تحط اسم الناشر أو صاحب الموقع رقم 6 تحط رابط الصفحة رقم 7 تختار هل تبغى يطلع الرابط في التوثيق أو لا, خليه نعم أحسن رقم 8 تحط تاريخ إنشاء المقال رقم 9 تحط تاريخ دخولك للموقع لما أخذت المقال وفي النهاية تضغط الزر اللي أسفل الشاشة عند السهم الأحمر طبعا مش كل هذي المعلومات مطلوبة, حط المتوفر عندك منها بالنسبة للمثال حقي يكون الشكل كذا http://im63.gulfup.com/W8rTeU.jpg النتيجة النهائية للتوثيق تطلع بهذا الشكل http://im63.gulfup.com/WYbwqy.jpg تنسخ الكلام اللي عليه دائرة وتحطه في البحث أما لو كان اللي عندك هو كتاب فتختار تبويب Book مثل الصورة http://im90.gulfup.com/gc62cy.jpg وكمثال خلينا نقول عندي هذا الكتاب: Age, Rate and Eventual Attainment in Second Language Acquisition في صفحة النت لهذا الكتاب معطيني خيار إني أقدر آخذ التوثيق مباشرة, حسب الصورة هذي: http://im90.gulfup.com/yNWaC7.jpg فبعض المواقع تعطيك التوثيق مباشرة, انسخه وخلاص بس خلينا نفترض أن الكتاب ماله توثيق مباشر أجيب اسم الكتاب وأحط العنوان في نفس الخانة اللي حطينا فيها موقع النت قبل في الطريقة السابقة أو أجيب رابط النت للكتاب وأحطه في نفس الخانة لما تبحث باسم الكتاب ممكن يطلع لك عدة خيارات وانت تختار منها, على حسب اسم المؤلف وسنة النشر فتختار واحد وتضغط cite it وراح يعطيك التوثيق على طول أما إذا بحثت برابط الكتاب راح يعطيك خيار واحد بس وتضغط cite it وراح يعطيك التوثيق أنا عندي رابط النت لكتاب Biological Foundations of Language وهذا الرابط حقه http://tocs.ulb.tu-darmstadt.de/123135893.pdf بحثت بالرابط فعطاني هذي النتيجة http://im90.gulfup.com/uPJgEz.jpg أضغط Continue فتطلع لي صفحة تكملة المعلومات هذي http://im90.gulfup.com/AhhPvr.jpg طبعا اللي تحت بالأحمر هي بيانات الموقع اللي عليه الكتاب وهي ليست ضرورية, لأن مش كل كتاب موجود على موقع وإذا حابين تضيفوا معلومات موقع الكتاب براحتكم طبعا في النهاية يطلع لي التوثيق بالشكل التالي http://im90.gulfup.com/oj1diD.jpg وتنسخه وتحطه في البحث طبعا هنا الموقع بحث وحط البيانات اللي شافها أحيانا ما يشوف شي عن الكتاب فتضطر أنك تحط البيانات كلها بنفس الطريق اللي استخدمناها في طريقة توثيق الموقع أتمنى أكون وفقت في إيصال المعلومة بالتوفيق جميعا |
رد: طريقة توثيق المواقع والكتب لمشروع بحث التخرج
الله يسعدك ويجزيك كل الخير دنياك واخرتك
|
رد: طريقة توثيق المواقع والكتب لمشروع بحث التخرج
أ
لف شكر أخوي رضوان أنـا كنت شايلـه هم التويثق أقصد طريقته يوم أرسل الفرست درافت بس الحمد الله الدكتور علق على كل شي إلا عليـه يعني أموري في السليم الله يعطيك ألف عافيه |
رد: طريقة توثيق المواقع والكتب لمشروع بحث التخرج
الله يعطيك العافيه رضواان
وزيره انا ماعلق عليه الرفرنس دكتوري بس غيرته وسويته نفس طريقه رضوان لزيادة الاحترافيه:D مدري اللي سويته صح ولا جبت العيد:confused: |
رد: طريقة توثيق المواقع والكتب لمشروع بحث التخرج
موضوع جاء بالوقت المناسب خصوصا انه الدكتور الاخرس علق على الرفرنس وقال لازم اضبطه ..
اخوي رضوان..انت تعتبر بمثابة مرجع أكاديمي فعال للطلبة بمواضيعك وتعليقاتك القيمة والمفيدة.:(204):فشكرررا لك جزيل الشكر وربي يجزيك كل خير و يحقق لك كل ماتتمناه دنيا وآخره .:d5: |
رد: طريقة توثيق المواقع والكتب لمشروع بحث التخرج
الله يعطيك العافيه .. جهد مشكور عليه وشرح وافي
|
رد: طريقة توثيق المواقع والكتب لمشروع بحث التخرج
انا الدكتور ماعلق علي من ذالناحية
معناتها مايحتاج اسويها صح بالنسبة للمراجع الي كنت اخذها كنت احط جميع معلوماتها كاسم الباحث واعنوان بحثه وتاريخ النشر صح علي مو؟ |
رد: طريقة توثيق المواقع والكتب لمشروع بحث التخرج
ايش تقصدون باالتوثيق انا اخذت مراجعي من كتب موجوده بالانترنت بعضها عربيه وبعضها انجليزيه هل كذا صح وكم مرجع مطلوب علينا لاني ماذكرت غير اربع مراجع فقط هل يكفي ولا ازيد مع العلم ان الكتب حقتي من جامعات سعوديه مثل الفيصل والملك عبد العزيز فقط وشكرا
|
رد: طريقة توثيق المواقع والكتب لمشروع بحث التخرج
يعطيك العافيه موضووووع مهم جدا وشرح واافي وجى بوقته
انا علق ان التوثيق مو مكتوب بطريقه صحيحه :139::( |
رد: طريقة توثيق المواقع والكتب لمشروع بحث التخرج
شكرا شكرا شكرا
جاء بالوقت المناسب |
رد: طريقة توثيق المواقع والكتب لمشروع بحث التخرج
الله يعطيك العافية ي غالي
ربي يجزاك عنا ألف خير ع مجهوداتك ووقفاتك معنا عسى ربي يوفقك بخصوص التوثيق هل إلزامي ي أخوي رضوان ولا الطريقة العادية تكفي ..؟ |
رد: طريقة توثيق المواقع والكتب لمشروع بحث التخرج
اتبعت الطريقة بحذافيرها ونسخت المرجع
والصقته بالوورد ،، كذا اوك بس ماطلعت الروابط بالازرق !!! عادي !؟؟ |
رد: طريقة توثيق المواقع والكتب لمشروع بحث التخرج
اقتباس:
هو مادام ما علق من البداية فالاحترافية ما لها داعي وبحثك محد راح يشوفه وراح يقضي بقية حياته في الأرشيف بس المفروض أن شغلك عادي وما عندك مشكلة |
رد: طريقة توثيق المواقع والكتب لمشروع بحث التخرج
اقتباس:
|
رد: طريقة توثيق المواقع والكتب لمشروع بحث التخرج
اقتباس:
اللي هي المعلومات عن الكتب العربية والإنجليزية اللي تقولي أخذتي منها وأربع مراجع تعتبر كافية إن شاء الله |
رد: طريقة توثيق المواقع والكتب لمشروع بحث التخرج
اقتباس:
يكفي الطريقة اللي مكتوبة في الدليل الإرشادي إن شاء الله |
رد: طريقة توثيق المواقع والكتب لمشروع بحث التخرج
اقتباس:
هو أصلا التوثيق هذا معد بشكل اساسي عشان تحطيه على ورق البحث وليس على صفحة انترنت أو صفحة وورد |
رد: طريقة توثيق المواقع والكتب لمشروع بحث التخرج
الله يوفقك رضوان ()
|
رد: طريقة توثيق المواقع والكتب لمشروع بحث التخرج
يعطيك الف عافيه بسالك انا جبت اقتباس من بحث لان بحثي مالقيت له اقتباسات الا من بحوث مافيه كتب ولا غيره المهم ماعرفت اذا هالاقتباس هو اقتباس نصي ولا مصاغ بطريقه كاتب البحث انا جبته لك عشان توضح لي وش هو لاهنت Although much of the media attention that has been directed at the effects of texting has been negative, some studies argue that texting may actually have a positive effect on the literacy skills of students. In one study, results showed that the more abbreviated words that were used, the higher verbal reasoning scores tended to be, which points to a clear positive correlation between textism use and verbal reasoning (Plester, Wood, Bell 139-140). الحين هالنوعيه من الاقتباسات وش هي ؟؟ اكتبها زي ماهي عادي نسخ لصق ولا اعيد صياغته؟؟ وطبعا الرفرنس حقه جاهز من نفس البحث هل ينفع ولا اشير للبحث اللي نسخته منه؟ |
| All times are GMT +3. الوقت الآن حسب توقيت السعودية: 10:32 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام