|
ملاحظه على ورقة الاسئله
[warning]null[/warning]
حبيت انقل ملاحظه لكم بعد دخولي اليوم اول اختبار اللي هو تحليل الخطاب لاحظت حاطين ارقام على ورقة الاسئله واتوقع ان المقصود منها رقم اللجنه ورقم الطالب يعني تصور وتنزل بالمنتدى يمكن يسببون لك مشكله الجامعه انتبهوا تبي تكتب الاسئله كتابه علشان ماتطلع بياناتك وتنزلهم بالمنتدى وتساعد اخوانك جزاك الله خير بس انتبه تنزلهم مصوره وشكرا |
رد: ملاحظه على ورقة الاسئله
ااايه اللي يصور يحط الصوره في ترجمة قوقل يسوي سكان للاسئله وينسخها لنا هنا ..
ويتأكد ان العلامه اللي حاطينها مانسخها مع الاسئله .. وان شاء الله يعدي هالترم على خير .. الحمدلله انه اخر مستوى :( |
رد: ملاحظه على ورقة الاسئله
اي
الكود اللي حاطينه يتضمن رقم المركز ورقم الماده ورقم ورقه الطالب ... بحيث اللي يصور يقدرو يجيبو راسه ... جزاج الله خير ع الموضوع |
رد: ملاحظه على ورقة الاسئله
الي يصور لا يتهور وينزل الصور يحاول يكتبها او يشف له حل ما ودنا اي احد من الزملاء يتضرر
|
رد: ملاحظه على ورقة الاسئله
حسبي الله ونعم الوكيل وش هالتعقيد
الله يستر ع اللي يصورون الله يعلم ان هدفهم مساعدة اخوانهم اللي بعدهم |
رد: ملاحظه على ورقة الاسئله
نرجو من المشرفين لانهم اكثر ناس متواجدين وعندهم صلاحيات نطالب التدقيق لان الشباب ما يدرون اي واحد ينزل اسأله مصوره تحذف ويسويلها سكان والخلفيه بيضاء وينزلها مره ثاااانيه حفاضا على اخواني وخواتي الي مايدرون وشكرا |
رد: ملاحظه على ورقة الاسئله
الحمدلله اني اخر ترم
تعقيد اعوذ بالله |
رد: ملاحظه على ورقة الاسئله
.
. . يممممه منهم .. وش ذا الذكاء ؟؟ وربي مااااكنت أدري وش السااالفه .. وماني فاهمه ليش الاسئله فيها أرقااام اللين قريت هالموضوع .. شكرا عالمعلومه مع اني عمري ماصورت الاسئله .. لأن المشرفااات بسم الله حتى الشنط مايخلونااا ندخلها القاعه الا بالقوة أجل كيف الجوال .. . . عالطاري مره من المرارير كتبت بيدي على ورقة التعريف كم سؤال عشان اتأكد من إجابته بعد ماأطلع ... صراحه انا زهايمر وانسى الاسئله المهم جاتني ركض المشرفه وقاااالتلي لااااا ممنوع ايش تسوين عاد بعد ماتصايحنااا قالت لازم تكتبين تعهد وتعطيني ورقتك هذي اشققها ومن بعدها تبت .. ربووووني والله .. |
رد: ملاحظه على ورقة الاسئله
قمة بالسخافة من حقنا الطلاب يتعرفون ع الأسئلة
و كيف كانت طريقتها كل مالهم يعقدوون علينا لاحول و لاقوة الابالله الله يخرجنا ع خير من هالجامعة |
رد: ملاحظه على ورقة الاسئله
هذا وانتم العويد !
:\ كونان في كل مكان < ظاهره جديدة بالمنتدى علشان ( رقم الفرع) اتخيل نفسي انا عميد الجامعه " واني اسوي هذا النظام " علشان الطلاب ؟ وبعدين ادخل المنتدى وارقابكم XD ( كل واحد يتخيل معي ):biggrin: او اخلي موظف يراقب :cheese: واضحك الضحكه الشريره نيهههاي !! فكروا ( لو قليلا ) 1- الأرقام هذي لتنظيم الاسئله بالكمبيوتر وتوزيعها على الفروع بآليه اسرع وبدون جهد موظفين ( لانها متعبه ) <<<( خذوها منطاقيا وعقليا وتحرروا من المؤامرات ) وممكن لها سبب مستقبلا ما ندري عنه 2- الأرقام هذي تقدر تنمسح ، وتقدر تكتب ( ليش انا احطها اجل وانا ادري انتم االاذكياء والجامعه غبيه يعني ما يدرون انه يمديكم !! ) 3- الجامعه لو تروحين لمكتبتها < وفي كل جامعه ،يبعون اسئله الاترام السابقه في المكته الخاصه فيها 4- صدقيني مافيه مراقب يتبطح فاضي يدخل على المنتدى ويتابع ! 5- اللي بيتورط لو صار شيء مو الطالب < انتهى اختباره ؟ يعني بيخصمون باي حجه يعني ؟ اللي بيشدد عليه المشرفين اللي يراقبون فقط :\ يعني هذا لو صرت مدير جامعه فاضي ^ او لرقابه تسريب الاسئـله ، بس مو انتم المقصودين في النهاية ، من هذا الرقم ( نسخ ولصق لردي ) < عملي مكافحة كونان اللي انتشر في المنتدى :biggrin: |
رد: ملاحظه على ورقة الاسئله
لا يمكن يكون فيها رقم الطالب الا لو غيروا الورق ..لان الورق يوزع واوراق الاجابات تتوزع على حدا وممكن تغير الورقة..اتوقع الكود رمز المركز لو احد صوره يرسلي اياه خاص او يقتطع المقطع بس بدون بقية الاسئلة
|
رد: ملاحظه على ورقة الاسئله
حمادة كلامك معقول..رقم الطالب مستحيل ينكتب لان مو موزع كل ورقة لرقم طالب معين ..
|
رد: ملاحظه على ورقة الاسئله
^ ماله دخل لو حطوا رقم الطالب
مو هذا مقصدي التصوير ممنوع مجرد من ( الاداب ) اكاديمية ، وفيه واحد خمن سببه انه علشان المراقب ( ما ينشر الاسئله ) وحصلت هذي في إدارة الاعمال حسب الكلام الترم اللي راح ( لان فيه مشرف صورها ) وانتشرت ، واخروا اختبارهم حتى تتغير الاسئله ولكن مكاتب الجامعات " كل الموجود فيها اسئله اختبارات للاترام السابقة ، حتى الدكاتره يقولون رح خذ نسخه من المكتبه الاسئله تبع الاترام السابقة حتى تتعلم ممكن يكون ( تنظيم يقلل جهد الموظفين ( خلف الكواليس )) .. بحيث ان اللي ينظم التوزيع الكمبيوتر وحطوا خلفيه بهالشكل بدل انهم يكتبونه مصغره وممكن يكون أيضا تنظيم ( لاجل المستقبل ) بحيث انك ما عاد تحط تحط رقم المركز ورقم جوالك و احوالك ورقم جامعتك . . الخ المتعبه ، الخطوه الأولى ركبت الاسئله مع الفرع ، الخطوه الجايه ، يطبعون يربطون ورقه الاجوبه بمعلوماتك هذي كلها مجرد تخمينات ، وتخمين ( الرقابه على نشر الاسئله ) هو الأقرب بس سالفه ان الطلاب يفكرون بمؤامره !! احسه مبالغه( ويحتاجون مقطع يوتيوب " ثورة الشك لـ مسامير " ) الله يوفقكم ، |
رد: ملاحظه على ورقة الاسئله
^ او لرقابه تسريب الاسئـله ، بس مو انتم المقصودين في النهاية ، من هذا الرقم
( نسخ ولصق لردي ) < عملي مكافحة كونان اللي انتشر في المنتدى :biggrin:[/QUOTE] هذا شيبي مطفي الليت يقولي كونان ونظرية مؤامره على هونك اخوي ترى من زمان تاركين افلام الكرتون اذا انت للحين اتابعهم هذا شي يخصك عموما انت المثقف وتعرف كلمات حلوه مثل نظريات المؤامره وودي اسالك شنو تعرف بعد اكثر علشان استفيد منك لكن للاسف اختبارات وماني فاضي لك عموما انت صح خلاص استانست عفيه الشاطر :d5: انا مجرد ملاحظه نقلتها في توقيت شفته مناسب بداية الاختبارات علشان ينتبهون اخواني حرصا عليهم وعموما الارقام اللي شفناها بالاسئله رقم يخص اللجنه ورقم لورقة الاسئله مع وضع حرف نموذجها يعني مخصصات قبل التوزيع كل طالب معروفه ورقة اسئلته قبل لايدخل الاختبار |
رد: ملاحظه على ورقة الاسئله
الرقم باختصار عبارة عن رقم يخص مكان الاختبار يعني المبنى متبوع بحرف النموذج(a,b.....) متبوع بمركز الاختبار..
ولاحظت ان المراقبين يلزمونك تكتب اسمك على ورقة الاسئله. الطريقة الجديده تكشف تسرب الاسئله او التصوير بالجوال بنفس الوقت. |
| All times are GMT +3. الوقت الآن حسب توقيت السعودية: 04:37 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام