|
تجمع المتضررين من مادة مشروع التخرج
السلام عليكم ورحمة الله وبركاته ألف مبروك للمتخرجين والناجحين وعقبال الباقي أنا وبعض الزملاء شفتهم مشتكين من مشروع التخرج فياليت لو نجتمع هنا ونشوف وش ممكن نسوي وكل واحد يعطينا وش صار معه عشان نستفيد بالنسبة لي لم ترصد لي اي درجة في المشروع سوا اعمال السنة والنهائي كان فاضي (-) كلمونا عن تجاربكم وآخر المستجدات معكم |
رد: تجمع المتضررين من مادة مشروع التخرج
اسعد الله مساكم... والله مدري ولكن رصد لي درجة المشاركة 30 و المشروع صفر... كلمت الفريدان قال ارفع ع التظلم...
حطين ملاحظه ان مشروعي خارج التخصص رغم ان الدكتور وافق ع المشروع.. وعذاني ملاحظات. وكل شي كان زي العسل.. وتفاجأت بالدرجة.. حسبي الله عليه |
رد: تجمع المتضررين من مادة مشروع التخرج
طيب الي يعرف رقم الدكتور يعطيني اياه رجاء خاص لأنه الايميل مو راضي يرسل ويعتذر عن الارسال وحاولت بأيميل خاص وارسلت ولا رد علي ... الدكتور بسام ابو زيد
والتظلم كتبنا وانا واثق ماراح يسون شي وردهم جاهز بدون تعب وجهد وانما نسخ ولصق والفريدان يقول ارفع تظلم ؟؟ الله المستعان ولو عندكم طريقة ياليت تسعفونا بيها قبل يوم الخميس رجاء الله الموفق |
رد: تجمع المتضررين من مادة مشروع التخرج
نفس المشكله عند ابو زيد عطوني في الملاحظات حق النتيجه ارفع الملف لانه الملف تالف ولايمكن تقييمه وارستله من نفس الرابط اللي في النتيجه وشكواننا لله
|
رد: تجمع المتضررين من مادة مشروع التخرج
الظاهر كل طالب في نفس نتيجته هناك الملاحظات تختلف من طالب لطالب انا مثل ماقلت قالو ارسل مشروعي مره اخرى لان الملف تالف ولم يستطيع المشرف تقييمه وكمان فيه طلاب الملاحظات اللي جتهم تختلف عن بعض حسب مافهمت من مشاركاتهم واستفساراتهم
|
رد: تجمع المتضررين من مادة مشروع التخرج
ياجماعه كلمت الهويش بالإيميل قلت ليش تعطيني ١٠ وانا كاتب البحث بنفسي ونسبة الإقتباس ١٠٪ قالي موضوعك لم ترفعه على الموقع وأقسم بالله إني رفعته بالموقع وبالوقت المحدد ،، قالي انا ماشفت بحثگ ،، قلت طيب شذنبي اناا ،، قال الله يعينگ راسل الإداره ،، بالله عليكم هذا رد دكتور علي ؟؟؟ المهم وش السوات يابشر وانا الحين حملت المشروع للمره الثانيه حسبي الله ونعم الوكيل بالفريدان وطاقمه
|
رد: تجمع المتضررين من مادة مشروع التخرج
السلام عليكم الله يسعدكم جميع انا مشروع التخرج عندي معطيني صفر ف الاختبار و30 في المشاركه ويقول نسبة الاقتباس عاليه حسب تقييم المشرف علما باني تأكدت من نسبة الاقتباس اكثر من مره ويعطيني النسبه 0% وعندي صورة الشاشه والنسبه الي طلعت وش السواة
|
رد: تجمع المتضررين من مادة مشروع التخرج
اقتباس:
انا بالمسودة الاولى نسبة الاقتباس مافيه فضمن الملاحظات كتب لى الدكتور ابو زيد ليش مافيه اقتباس مع العلم انا مثلك كاتبة بنفسي .. في المسودة الاخيره اقتبست كم اقتباس ولازم يكون الاقتباس صحيح و طريقته صحيحه .. و اعطاني 80 الحمد لله على كل حال .. فاتوقع انه لابد من الاقتباس عشان يشوف اذا قريت كتب ولا مقالات تساعدك على بحثك و الله اعلم .. بالتوفيق يا رب و الله يساعدكم |
رد: تجمع المتضررين من مادة مشروع التخرج
اقتباس:
|
رد: تجمع المتضررين من مادة مشروع التخرج
نفس المشكلة عندي قبل ارفع المشروع تأكدت من الإقتباس وكان ١٨٪ وحاط لي الخطيب صفر وكاتب نسبة اقتباس عالية إذا ماهي مشكلة من الموقع أكيد المشرف ما طالع بنسبة الإقتباس أبداً |
رد: تجمع المتضررين من مادة مشروع التخرج
انا متاكد من نسبة الاقتباس ١٩٪ بالموقع واتفاجا ٣٠ بالمشاركة و صفر في الاختبار . عند الخطيب . مااقول الاحسبنا الله والنعم الوكيل. وعسى الله يردهم الى الصواب . وينظروا في المشاريع مرة أخرى لان الجميع انظلم ونسبة الاقتباس ماتجاوزات النسبة المحدده من قبل الجامعه . لكن المشكله اذا كان ماينظروا بالبحث يرصدوا درجه حسب المزاج . فان الظلم ظلمات يوم القيامه . ماقول الاحسبنا الله والنعم الوكيل .
|
رد: تجمع المتضررين من مادة مشروع التخرج
انا الخطيب معطيني ٣٠ مشاركه وصفر في الاختبار والظاهر الاغلب نفس الدرجه وهذا دليل قاطع بان الدرجات تم رصدها بطريقه عشوائيه وبدون الرجوع للمشروع ،، عليكم برفع تظلم وارسال شكوى على ايميل الجامعه والفريدان ، واذا مانفع نجتمع ونروح الجامعه ووناخذ حقنا
|
رد: تجمع المتضررين من مادة مشروع التخرج
السلام عليكم .
مستغرب عند البنات مو نجاح بس بل درجات عالية ,لذلك نتمنى أن يغيرو الدكاتره بدكتورات عذرا فهذا الواقع الأليم طبعا الجميع يظن اني اخذت المشروع لا والله باقي ما اخذته لكن احساسي باخواني هو الي دفعني بصراحة الواحد وده يحل المشروع بنفسه ولكن بهذي الصورة اظن نوكل غيرنا افضل |
رد: تجمع المتضررين من مادة مشروع التخرج
البحوث بجامعة الملك فيصل معاناة ، قارنت طلباتهم وبحوثهم بجامعات اخرى يدرس بها زملاء واقارب انتظام وكان الفرق كبير للغايه من حيث التعقيد وتعمد رفع نسبة رسوب الطلاب بالماده ، والله الجامعات الاخرى مواضيع البحث احيانا مضحكه ونسخ والامور ماشيه ، وهنا يطلع الواحد روحك ونسب اقتباس وتعب وبالاخير صفر ، وتجي تراسلهم قمة في التعالي والاجحاف ، نحتاج تحرك مثل ما حدث مع طالبات قسم اللغه الانجليزيه بجامعة الطائف بعد ايصال اصواتهم عن طريق تويتر تناولت وسائل الاعلام الموضوع والان شكلت لجنة عليا لدراسة الوضع ..
شوفوا لنا هاشتاق ونحاول ننشطه بالمشاركات .. |
رد: تجمع المتضررين من مادة مشروع التخرج
اقتباس:
|
رد: تجمع المتضررين من مادة مشروع التخرج
- اول شيء الجميع لآزم يرسسل تتظظظلممم ويكتب كل شيء خاطره فيه ،، - ثاني شيء راسلووا العميد ومششرف الماده < بكيذا تكوونوا سوويتوا الي عليكم - ثالث شيء استفسسرووا من العميد عن طرريقة رفع المششروع مره ثانيه وترسلوونه لمين وكييف |
رد: تجمع المتضررين من مادة مشروع التخرج
ليه ما يرصد الدرجه أنا جايني الدرجة ( - ) تعبت في المشروع وارسلته لدكتور وعدلت كل تعليقاته وفي الاخير ما ترصد الدرجة والله حرام
|
رد: تجمع المتضررين من مادة مشروع التخرج
اقتباس:
والله انا بنت وصفر معطيني كلنا اكلنا هواء حسبي الله عليهم نعم |
رد: تجمع المتضررين من مادة مشروع التخرج
اذا طلبوووني ارفع الملف مرا ثانية كيف ارفععه ياليت تفيدوني
|
رد: تجمع المتضررين من مادة مشروع التخرج
ترفعه من نفس ايقونة النتائج في الملالحظات اللي مقابل مادة المشروع تلاقي رابط وللمعلوميه جميع اللي طلبوا منهم اعادة رفع المشروع اليوم اخر موعد الساعه الثانيه الظهر
|
رد: تجمع المتضررين من مادة مشروع التخرج
حسبي الله عليهم لازم نكتب في تويتر
|
رد: تجمع المتضررين من مادة مشروع التخرج
اقتباس:
|
رد: تجمع المتضررين من مادة مشروع التخرج
حسبي الله ونعم الوكيل ، ولكن لازم كل واحد يسعى للحصول على حقه .
|
رد: تجمع المتضررين من مادة مشروع التخرج
صفر !! جعل الصفار يلعب بجبهته ، طيب اسمي ما له اي تقدير :-( وتسليمي للمسوده بالتاريخ المحدد ما عليه شئ !!
|
رد: تجمع المتضررين من مادة مشروع التخرج
انا اخذت 61 و بالمشاركة معطيني 21 و الاختبار 40 !
مع ان بحثي نسبه الاقتباس فيه قليله جدا ً رفعت تظلم على هالمادة و مواد اخرى منقصين بالمشاركة اقل شيء 9 درجات !! |
رد: تجمع المتضررين من مادة مشروع التخرج
مساء الخير يا اخوان
اليوم لقيت بأيقونة النتائج ملاحظة في خانة الملاحظات ما كانت موجودة قبل وهي ( لم تقم برفع البحث على ايقونة ابحاث ومشاريع) ما ادري احد تغير معه شي في نتيحته او لا... |
رد: تجمع المتضررين من مادة مشروع التخرج
صار معكم شي يااخوان .. احد رد عليكم من الجامعه او العميد او الدكتور ؟
|
رد: تجمع المتضررين من مادة مشروع التخرج
راسلت العميد وقال لي إنهم مايعتمدون على الأيقونه الموجود لنسبة الإنتحال وإن المشرف هو يشوف الطريقة اللي يكشف الطالب فيها يبحث بمواقع ويستخدم برامج غير اللي تعرض للطالب مدري وش الفايدة من الأيقونه اللي بالموقع بالعربي ع مزاج المشرف ومن خلال ردود الأخوان بالمنتدى واضح هالشي بعض المشرفين والمشرفات النجاح عندهم بدرجات عاليه والبعض أغلب الطلبه راسبين واللي ينجح مايتعدا الـ٦٠ |
| All times are GMT +3. الوقت الآن حسب توقيت السعودية: 07:55 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام