|
ظلم في مشروع التخرج
السلام عليكم
المشرف على مشروعي دكتور احمد الهويشل وعطاني على البحث 30 درجه! ابغى رقمه ياجماعه اتواصل معاه |
رد: ظلم في مشروع التخرج
ظلم صراحه نسبه الاقتباس عندي تقريبا ٤ فقط
ودرجه النجاح الحاصل عليها ٦٠ ؟؟؟؟؟ للللليييييييييييييييييييييييش:Cry111: |
رد: ظلم في مشروع التخرج
طيب ياحماعه ايش نسوي
حتى انا ٧٠ حرام ليه وفي المسوده الاولى ما كان معطيني ملاحطات |
رد: ظلم في مشروع التخرج
انتم كلكم عند الهويشل ؟
|
رد: ظلم في مشروع التخرج
وليد عثمان عطاني صفر طيب قدر تعبي وجهدي الله لا يوفقه
|
رد: ظلم في مشروع التخرج
انا نسبه الاقتباس عندي 3 وجماري مرسبني فيها حسبي الله عليه
|
رد: ظلم في مشروع التخرج
اقتباس:
او لو تقدر تطبعه وتروح للجامعه |
رد: ظلم في مشروع التخرج
السلام عليكم .. مع احترامي للجميع اكثركم مايعرف يكتب اسمه يالانجليزي يروح يسوي البحث بنفسه .ياخي ادفع وخل الناس المختصة تسوي لك بحث
|
رد: ظلم في مشروع التخرج
ليه الدرجات نازله كذا ايش السبب
|
رد: ظلم في مشروع التخرج
ياناس ياعالم ابي افهم انا من امس مانمت ليش يرسبني الجماري بمشروع التخرج والاقتباس 1% وكل شي كان تمام ولا اعترض على شي فيه احد نفسي او الخلل عندي تقفون ردوا علي الضغط عندي فوق
|
رد: ظلم في مشروع التخرج
اقتباس:
كلامك مردود عليك ويعبر عن رأيك فقط. نستطيع أن نكتب ونتكلم الانجليزية بطلاقة. ومن يدفع فلوس للبحث لا يستحق النجاح ولا يستحق أن يتواجد بالجامعة أصلاً. |
رد: ظلم في مشروع التخرج
اقتباس:
لولا ان عندهم ثقة كافيه بأنفسهم وبمخزونهم اللغوي ما كان تجرأوا يكتبون ابحاثهم بأنفسهم من الاساس وانت اخي الكريم المفروض ماتستفزهم بردك هذا خاصة وانك نجحت بمجهود غيرك. |
رد: ظلم في مشروع التخرج
نفس الوضع مع الجمااري ٣٠ علي البحث قدمت اعتراض وانتظر
|
رد: ظلم في مشروع التخرج
اقتباس:
لكن اليوم ارسلتله صوره الاقتباس والمشروع مره ثانيه وقلت له عيد التصحيح .. اذا مانفع معاه براسل العماده |
رد: ظلم في مشروع التخرج
لاحول ولاقوة الا بالله ماتوقعت الكل منظلم بالدرجه
انا بعد نفسكم مشرفي الهويشل :bawling: معطيني 85 ونسبة الاقتباس 5 % وتعديلاته بالمسوده الاولى كانت بسيطه وكلها عدلتها ماادري وين الغلط فيه :007::sm1: |
رد: ظلم في مشروع التخرج
اقتباس:
اذا انت ماتعرف تكتب اسمك بالانجليزي .. و تقوم تدفع فلوس عشلن تاخذ بالنهاية 90 او 99 ما يعتبر ظلم لي انا اللي اشتغل على بحثي 4 شهور ؟ انا اتعب واكتب بحثي بنفسي و ابحث ع النت واخذ لي نماذج و افتح مليون صفحة و استخدم ادوات عشان اتأكد اكثر و اخذ 65 ليش ؟ لما اساعد وحده في بحثها ما تعرف تكتب كلمتين انجليزية و الهويشل يعطيها 90 وانا يعطيني 65 ليش ؟ مو ظلم لي ؟ احنا اللي كتبنا بحوثاتنا بنفسنا هذا لأن عندنا ثقة ان احنا بناخذ درجة كويسة .. وققة بنفسنا ان عندنا لغة و مخزون لغوي يساعدنا ناخذ ال a+ او اقلها a طيب لو الدكتور يعطيني 65 او 70 على اي اساس ؟ يخسف درجتي ليه ؟ ابي اسباب مقنعة .. عندي نسبة انتحال مثلاً ؟ عندي اخطاء لغوية او نحوية مثلاً ؟ النقص ذا ليش ؟ |
رد: ظلم في مشروع التخرج
:060:
|
رد: ظلم في مشروع التخرج
اقتباس:
الهويشل ظلمنا ، تعهدنا بأنه هذا جهدنا وتعبنا ، وهذا كفاح 4 سنين وببساطة احنا لنا الرسوب ولنا الدرجات النازله ورواعي المكاتب .. اللي يصنفون نفسهم انهم مايعرفون يكتبون اسمائهم امتياز !! ماتدري شفايدة التعهد ! وشفايدة درجات الجامعة مقابل نكث هالتعهد !! راسلته وادري ماراح يرد ، وتظلمت والرد آلي كالعاده ومدري شسوي بهالدرجه !! |
رد: ظلم في مشروع التخرج
:106:
|
رد: ظلم في مشروع التخرج
أنا عند الهويشل ودرجتي قهر ماهي على تعبي حسبنا الله ونعم الوكيل
مالقيت له رقم أبدا وارسلت لايميل العميد ورد علي رد آلي يقول ارسل بالاستفسارات المتكررة وايقونة التظلم ماتعطي مجال تشرح اللي حصلك مع الهويشل والمعاناة |
رد: ظلم في مشروع التخرج
اقتباس:
أتفق معك بكل شي ذكرتيه وكان الله بعوننا والله لايسامحك يالهويشل ذلنا وتعبنا وتاليتها درجات سيئة هذا هم السعوديين يجيك توه متخرج ونافش ريشه عليك |
رد: ظلم في مشروع التخرج
انا مع الهويشل وصراحة اخذت معه 90
|
رد: ظلم في مشروع التخرج
برسل للعماده تظلم كذا ماينفع ردو علي في الايقونة التظلم بكلام فاضي ونسبة الاقتباس عندي 1% وطلب مني ملحقات ووافق على الفكره واخر شي يرسبني
احد يرسلي ايميل العماده عيوني تعبت من الضغط |
| All times are GMT +3. الوقت الآن حسب توقيت السعودية: 04:41 PM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام