ملتقى طلاب وطالبات جامعة الملك فيصل,جامعة الدمام - مشروع التخرج الظلم اللي تعرضت له بمشروع التخرج وابي رأيكم ضروري قبل رفع التظلم

- E8 (https://vb.ckfu.org/f395)

رد: الظلم اللي تعرضت له بمشروع التخرج وابي رأيكم ضروري قبل رفع التظلم

موضوع رائع ممكن نصائح عن المشروع في مجال الادب وخصوصا المراجعة الادبيه كيف اجد راي اديب موافق لموضوعي وهل اتناولها من زاوية واحده او عدة زوايا ؟ وايضا المراجع كيف احصلها هل في مواقع مختصه بالمراجع الانجليزية ؟. وجزاك الله خيرا

Sent from my iPhone using ملتقى فيصل

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة Against Gravity (المشاركة 1061531337)

اتشرف بنقدك وهذا اللي ابيه :love080:
تهقين لو اني مخلية عنواني عن الثيم احسن كذا :
Themes of Poverty and Gender in Rebecca Harding Davis's novella “Life in the Iron
Mills”.

بس القصة قريتها العام والكاتبة ماعمر مر علي اسمها وأثرت بي انها كتبت عن الواقعية

قبل مارك توين مع ذلك هو اشهر منها ويعتبرونه رائد الواقعية!! وهي أول من كتب عن الطبقة العاملة.

لكن هو طلب مني تحليل الثيم يوم قلت له المنهجية تحليل وثائقي و بحلل القصة كلها
فحطيت كل ثيم ووش يرمز له ويعبر عنه من واقع المهاجرين وعمال المصانع.

على الاقل معطيني نص الدرجة خاصة وانه هو اللي قاللي حللي الثيم.

ماوضح لي زين يوم ارسلت له 4 مرات كل شوي مثيودولوجي غير
قاللي واضح جدآ انك ماانتي فاهمه أي شي عن المثيودولوجي!! وبس هذا الرد :017:
كل شي كتبته يكتب غير مناسب :139: بس ولاوضح لي اي شي او حتى عطاني فكرة

بغيت اقول كل الدفعات مايكتبون الا بمنهجين يامقابلة يااستبيان وكل الدكاترة يقبلون الا انت يعني كلهم غلط بس انت الصح؟؟

يرد علي بسطر والا نص جملة مايعطي ملاحظات وتوضيح ماهو زي بقية الدكاترة
اذكر زملاء قبل مع الزهراء ودكتور غسان ود بسام حتى عدد الكلمات يكتبون لهم نبي كذا كلمة وعدد الصفحات وآخر موعد للتسليم وكل شي
يعني ملاحظات دقيقة ورد بذمة وحرص على الطالب وتوضيح مو رد من غير نفس وجملة والا نص سطر بس.

الادب حلو وسهل لو فيه دكتور يفهم فيه ويقدر زي دكتور بسام :004: تمنيته من كل قلبي للاسف ماطلع مشرفي

الشرف لي against gravity

فعلا .. تدرين ان انا لما كنت اخطط لبحثي كانت فكرتي نفس فكرتك بالضبط بس بطبقها على الراوية جين اوستن وروايتها sense and sensibility

لكن من يوم بديت اكتب الخلاصة وانا احسن اني ضايعه ماادري وش ابي اوصله ولا كيف؟
ولا كيف اعبر عنه بالبحث.

هل ابي اوصل انها رواية واقعية؟ طيب ايش الميثود والتولز؟ كيف اثبت انها واقعية؟ شفت ان سالفة اني اثبت انها واقعية مع الادلة والتحاليل صعبة.
اكتب عن المؤلفه نفسها؟ صعبة لان المعلومات مكرره وقليلة وكيف استخدم التولز والميثود؟

اكتب عن themes المكرره في رواياتها؟ حلو بس ماعندي كثير كلام عنها
اكتشفت الموضوع صعب لانك لازم تقرين رواياتها والاكتفاء بالافلام ماينفع ولا فيه وقت اصلا.

المهم كل مااحدد موضوع واكتب فقرة عنها احس البراقراف يضيق علي لان يطالب بعناصر معينة بكل فقرة من البحث.

تابعت ودخت وانا اقلب بين مقاطع اليوتيوب ابي شى ينورني، القى مقاطع بس ماهي شامله.
لين وصلت لمرحلة بغيت اكتب للدكتور اغير فكرتي نهائيا بعد ماوافق علية.

بالاخير قررت اثبت الاستبيان والمقابلة كأداة اولا ثم اجمع أسئلة قبل اي شى ثاني.
صرت اقرى واجمع اسئلة عشان اشوف عن ايش بيكون الاستبيان
لين لقيت مقالات تتكلم عن الفرق بين الرواية والفيلم لنفس قصة sense and sensability هنا قلت بس خلاص. الاستبيان بخصصه لوفاء الفيلم للرواية الاصلية والمقابلة بخصصها لفوائد تحويل هذي الرواية لفيلم.

وانا اكتب اكتشفت قد ايش هو صعب تربطين فقرات البحث مع بعض حتى بعد ماثبت الاداة والميثود، اضطريت اغير شوي بالعنوان عشان يناسب وايضا غيرت هدف البحث واسئلة البحث عشان تكون الفقرات مترابطة.

ترابط الفقرات بالبحث ماهو سهل عشان كذا اتوقع طلب منك الدكتور تركزين بالثيم تتجاهلين سالفة انها واقعية. وانتي لقيت الميثود وحللتي الثيم بالسامبل بشكل جميل جدا لكن ماربطيتها بباقي فقرات البحث والعنوان هذا اللي اتوقعه فقط.

انتي عندك امكانيات انا متأكده. بالنسبة لي زعلت على درجاتنا بس مازعلت على ابحاثنا..
خلينا نعتبر اللي صار لنا هذا درس تأهيل للمستقبل

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة against gravity (المشاركة 1061531378)

الله يجزاك الفردوس ووالديك
وأتمنى هالشهادة تكون فاتحة خير عليك وباب رزق ورفعة لك بالدنيا والآخرة :icon19::love080:

حلمي الدراسات العليا لكن للأسف مااحد خريج لغة من الانتساب درس ماستر ماقريت عن هالشي ابد
بس خريجين علم الاجتماع والادارة كتبوا هنا انهم اختبروا قدرات الجامعيين وبعضهم انقبل بجامعة الملك سعود
وواحد بتويتر كمل بأمريكا على حسابه
وأنتي شدي حيلك ونبي كل شي نختبره قدرات وايلتس وكل شي :cheese:
ولها الشرف الجامعة كونك أنتي وامثالك من خريجيها ناس مثقفه طموحه واعية
الله يوفقك وين ماوجهتي

فيه الجامعة العربية المفتوحة عندهم ماستر ادب انجليزي.

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة BASSAM88 (المشاركة 1061531401)

ان شاء الله بتفيدك against gravity و بحاول افيدك انا بعد لكن
بكره بأذن الله

رد: الظلم اللي تعرضت له بمشروع التخرج وابي رأيكم ضروري قبل رفع التظلم

::اخت غاده اول شي الف مبرررووووك تخرجك والله يوفقك لكل خير والله يعوظ صبرك ومعاناتك خير ويجزاكي على كل ماقدمتي بهالملتقى وبهذا القسم قسم اللغه الانجليزيه كل خير ... ووالله ان الواحد يفخر ان يرى امثالكم من نساء هذه البلاد بهذه العقليه والثقافه ماشاء الله تبارك الله ..
الشي الثاني انا الحقيقه مابعد اخذت المشروع باخذه الترم هذا ان شاء الله بس انا يوم شفت موظوعك حبيت اشارك ولو بشوي ..
عموما لما قريت موظوعك وردودك انتي والاخت reaching رجعت وهونت لاني حسيت ماشاء الله تبارك الله ان قسم اللغه الانجليزيه فيه جهابذه من الطالبات والطلاب وانا اصبحت صغير بينهم ,:hhheeeart4: :119:

ورأيي المتواضع اخت غاده استخيري وقدمي تظلمك ولا انتي خاسره شي ... وربي يوفقك وين مارحتي ويجزاك كل خير ويفرج لك كل هم ويرزقك اكثر مما تتمنين وعقبال اعلى الدرجات .... وفي امان الله ..

رد: الظلم اللي تعرضت له بمشروع التخرج وابي رأيكم ضروري قبل رفع التظلم

ليش ماترسلين له إيميل أو تكلمينه .. أحس بيساعدك

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة BASSAM88 (المشاركة 1061531401)

قصدك موضوع مليء بالطاقة السلبية :cheese::bawling:
شكرا لك بسام
قبل كل شي شوف مشرفك لمشروع التخرج بعضهم تصحيحه سيء ومايعطي ملاحظات تساعد ومايقيم زين على الأدب
ولو مثلا تبي تكتب عن رواية هارت اوف داركنيس خصص موضوعك
تكلم مثلا عن (العنصرية في هارت اوف داركنيس)
أو مثلا الرموز فيها أو الشخصيات أو الحبكة أو مقارنة بين شخصيتين
حدد لك شي تشوفه ماهو طويل ولاصعب.
خل المثيودولوجي أسهل لك (المقابلة) كأنك بتسوي مقابلة مع مجموعه من الطلاب مابين 20 الى 25 من جامعة كذا مستوى كذا
اذا قبل هالشي مشرفك خلاص الباقي هين وسهل باذن الله
*المراجع من النت مواقع أجنبية وفيه كتب لكن للأسف موضوعي الكتب غير مجانيه فما فتحت لي الا نص صفحة
لقيت كم موقع نت ومقالات ماتتعدا صفحة.
لكن بعض القصص والروايات الادبية ممكن تلقى عنها مراجع لاتعد ولاتحصى.

أبحث هنا مراجع وبحوث سابقة
https://scholar.google.com/

هنا كتب
https://books.google.com/?hl=ar

وب Literary review
اذا جيت بتكتب رأي الأديب او الكاتب اللي سبق وتطرق لموضوعك او بحوث سابقة لموضوعك بنفس فكرته
حاول تسوي لها بارافريزينق (إعادة صياغة للجملة من خلال مفهومك لها) عشان تقلل من الاقتباس قدر المستطاع
وتكتب اسم الكاتب والسنة الي نشر بها بحثه او رأيه أو كتابه وعقب تكتب acknowledges that أو Stated that أو believed that
وتكتب بعده كلامه بطريقتك أنت ماتقتبس حرفيا أفضل وهذا يعتبر اقتباس غير مباشر وعادي لو اضفتها كما هي اقتباس مباشر
أهم شي بحثك مايصل نسبة الاقتباس 25% لانه يعتبر رسوب

أتمنى لك التوفيق

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة reaching higher (المشاركة 1061531405)

ياعمري انتي تعبتي تعب والله
الدوخه بالنت واليوتيوب لحالها مرض وجهد عظيم وتشتت فكري :sm1:
الله يعوضك خير
ومثل ماقلتي باذن الله تأهيل لنا
حتى لو ابركز بالثيم كذا كذا ابجيب سيرة العنوان الثيم وش الهدف منه ؟
هو الفكرة اللي يبي يوصلها الكاتب (واقع المهاجرين ووضعهم الاجتماعي).
الحين رد علي الدكتور ويقول تلقين بصفحة النتايج بخانة الملاحظات ليش نقصتك
وفتحت الايقونة وخانة الملاحظات فاااضية :007:
ربي يوفقك ويحقق آمالك
:love080:I hope you achieve your goals and reach the highest stages of success

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة reaching higher (المشاركة 1061531422)

فيه الجامعة العربية المفتوحة عندهم ماستر ادب انجليزي.

أسعارهم غالية ومااتوقع شهايدهم لها قيمة للأسف
جامعة القصيم فاتحه الماستر ومايهم منتسب او منتظم لكن للأسف مافيه انجليزي عندهم

رد: الظلم اللي تعرضت له بمشروع التخرج وابي رأيكم ضروري قبل رفع التظلم

اقتباس:

المشاركة الأصلية كتبت بواسطة ابو حنونه (المشاركة 1061531502)

أهلا باخونا الكريم ابو حنونه
الله يبارك فيك ويجزاك الفردوس ووالديك يارب
أشكرك على كلامك الطيب :love080::icon19:
وحنا نفخر بزمالتك وبوجودك أنت وأمثالك معنا تعلمنا واستفدنا منكم الكثير
ومهما اخذتنا الحياة وفرقت بيننا جميعا تبقون بالذاكرة معنا وألسنتنا تذكركم بخير وندعو لكم دوما :icon19:
أن أردت الحقيقة زمالتكم كلكم وغالبية الدكاترة بجامعة الملك فيصل هي أعظم مكسب لي ولله الحمد
أسأل الله لك التوفيق أينما حللت وأن يسددك ويسعدك دنيا وآخرة :icon19:
حفظك الله