المشاركة الأصلية كتبت بواسطة loli ahmed (المشاركة 12461961)

طيب وش الجامعات اللي تقبلنا ماستر هنا؟
وكيف النظام إذا كان الشخص موظف؟ يعني الدوام وكذا


ويكون امتداد للتخصص؟ والعمر؟ والمعدل؟
ابغى معلومات شاملة خصوصًا لنا احنا طلاب وطالبات التعليم عن بعد!!

ودي أكمل ماستر بس مدري يمكن تكون الجامعة بمنطقة ثانية
المهم أفيدونا الله يسلمكم :106:

المشاركة الأصلية كتبت بواسطة ربي يوفقنا (المشاركة 12461595)

مساكم الله بالخير
ماودي احطمكم لكن انا مثلي مثل غيري من الاخوان ابغى اكمل ماستر ببعثه خارجيه .. كل الطرق استخدمتها النظام والواسطه ووصلت لنتيجه ان الوضع الحالي لخريجي البكالوريوس انجلش صعب وان مايقدر يبتعث على حساب الدوله لعدم وجود امتداد للتخصص ( الا بالواسطه )... وعلى كلام مشرفنا العزيز راشد رح هناك وغير اوضح لك ان مايقبلون التغيير الا اذا لقيت لك واسطه هناك اجمد من هنا كل هذا بسب شرط امتداد التخصص الي ابلشنا .. مثلا انا رحت على البعثه بالواسطه وكذا وتخرجت ماستر اداره .. اقولك بروزها وعلقها لان الخدمه المدنية والوظايف الأكاديمية ماتقبلك بالماستر بحجه عدم امتداد التخصص في الشهادات مالك الا الشركات الكبيره وهذي يبيلها بعد واسطه بسيطه .. وعلى فكره فيه هنا جامعات وتقبلنا ماستر وامتداد للتخصص الانجليزي وتدفع تقريبا اول ترم وبعدها تنظم على الدوله بالامر الملكي .. اشوفها انسب للموظفين الي العمل رافض ابتعاثهم مثلي ... وفالكم التوفيق يارب

المشاركة الأصلية كتبت بواسطة ربي يوفقنا (المشاركة 12462253)

العمر مو مهم بس فيه شرط للموظفين ان لازم يجيب موافقه العمل لاكمال الماستر انتظام بدوام كامل صباح .. واغلب الوظائف تطلع عيون الواحد ولا يعفونه من الدوام للدراسه وممنوع الروابط ولا كان حطيت رابط يفيدك اكثر .. لكن شوفي جامعه الملك عبد العزيز فيها مطلبك كامل بس لازم الدراسة في جده .. وفالك التوفيق

المشاركة الأصلية كتبت بواسطة الصواديف.. (المشاركة 12459058)

الحمدلله اننا خلصنا البكالوريس ... وان شاء الله ربي يسخر لنا هالوزير الجديد ويضبط وضع شهادة الانتساب..
والله يوفقنا جميعااا ويقدم لنا ماافيه الخير ...

بالنسبه لي اعشق الانجليزي والحمدلله وضعي ممتاز ..
وناويه بأذن الله اكمل درااستي . واطور نفسي ..
صحيح البكالوريس انتساب ..
لكن ماراح اخلي هذا الشي يعيقني عن تطوير نفسي ولغتي ..

ولا بااحط في بالي ان هالشهاده بتمنعني عن وظيفه او عن اكمال دراسه ..
كل شي يتسهل بأذن الله ...
وان شاء الله تكون هالشهادة فاتحة خير علينا جميعا..

وأحنا كأمهات اثبتنا لأنفسنا ولعياالنا ان الواحد يقدر ينجح وان فيه طرق كثيره الشخص يطور نفسه ..
وان مايعيقنا شي عن اكمال الدراسه .. لا بيت ولا اطفال ولازوج .. قدرنا نوفق بينها ونجيب معدلات حلوه ..
ولا التفتنا للي حولنا من اللي يحاولون يحطموننا ويكسرون مجاديفنا ..

اثبتنا لانفسنا اننا نقدر على اي شي ..
وان شاء الله نكمل هالنجااح ونستمر مو علشان احد ..
لا ..كل هذا نسويه لانفسنا ولعياالنا ..

والله يوووفق الجميع ويكتب لهم النجاح في كل خطووه ..

المشاركة الأصلية كتبت بواسطة ✶ جُمان ✶ (المشاركة 12462111)

المشاركة الأصلية كتبت بواسطة loli ahmed (المشاركة 12458461)

الموضوع جميل جدًا

أنا أفكر إننا نحن الطالبات نسوي قروب ما بعد الجامعة "طبعًا للي حابين يكملون مشوارهم التعليمي أو يتوظفون"
ونستفيد من بعض ويكون زي تحديث لحياتنا العلمية أو العملية وهذا بإذن الله ممكن يفتح لنا أبواب كثيرة

المشاركة جميلة
واللي تأيد الفكرة تقول

المشاركة الأصلية كتبت بواسطة Rashed (المشاركة 12462271)

اذا كان رابط رسمي خذ راحتك هاته وإذا مو رسمي انسخ الموضوع اذا ماعليك كلافة وكتب منقول عادي ههههه

المشاركة الأصلية كتبت بواسطة rashed (المشاركة 12462267)

طيب انت تغير تخصص لتخصص امتداد للإنجليزي هناك وش المشكله. وكلامك صحيح الي يروح ويدرس غير التخصص يبروزها اذا كان وده يتوظف وظيفه حكومية بس بيستفيد منها للشركات الكبار

في وظائف بالشركات افضل من الحكومية بمراحل طيب :biggrin:

وبالنسبه للواسطه في أمريكا ما تحتاج اذا جبت قبول تقدر تغير تخصص في بريطانيا الملحقيه مشددين مره

وممكن تسمي الجمعات الي تقبلنا وندفع للترم الاول لأَنِّي ما لقيت اغلب الجامعات تقول انتساب توكل ع الله :(269):