|
رد: جواب ... الشكوى على د/ حيرش !!
يمكن كلامك من جانب يكون صحيح لكن بقول لك شيء متى أنتبهت الجامعه لك ولشكاويك أو رفع تظلم شوفنا الترم الماضي رفعنا تظلم على مادة إداة التسويق ومأحد التفت حولنا وأكثر الطلاب والطالبات شالوا الماده ومن ظمنهم أنا .... المشكلة تدفع فلوس وتدرس وتواجهه مشكله وتبي أحد يرد عليك ماتحصل وأن حصل جابك من طرق ملتويه حتى يقنعك أن هو الصح وأنت يالطالب الخطأ .... الله يخارجنا من هالجامعه على خير ... تحياتي . |
رد: جواب ... الشكوى على د/ حيرش !!
المفترض ان اسئلته تكون شامله للمنهج ( الدكتور اغلب تركيزه على السمبليكس والنقل )
وسوالين اضافة مورد وهمي ومستفيد وهمي لها اكثر من اجابه بالاضافة الى السوالين الخاصة بالشبكة وجدول النقل لكل سوال اربع او خمس فقرات هذا مو منطقي .. على الاقل ينوع بالاضافة الى ان شرحه ما كان الى المستوى المطلوب بسبب طريقة العرض والخلل الفني في احدى المحاضرات .. انا من وجهة نظري ان الشكوى في محلها |
رد: جواب ... الشكوى على د/ حيرش !!
اضمّ صوتي الى صوتك
بعض الاعضاء الله يهديهم مايتذاكرون ويتذمرون من دكتور الماده انا معهم بان بعض الاسئله تحتاج شوي تركيز لانه فعلا غير مباشرة امس قريت رد طريف من احدى الاعضاء في احدى المواضيع يقول هذا الدكتور سيء ليه مايكرر اسئله من اسئلة الاعوام الماضيه :53: ( الدكتور له احقيه في طريقة صياغة الاسئله وصدقني اغلب الدكاترة من وجهة نظره بانه وضع اسئله سهله مقياساّ على فهمه ) الجامعه اسلوبها معنا ترى جيد نوعاّ ما كيف لو الاختبارات مقاليه صدقني ماكان وصلنا الى هالمستوى |
رد: جواب ... الشكوى على د/ حيرش !!
الجامعه عاطتنا وجه بزياده
لا بالصراحه الجامعه عادلين في مسألة التظلم لانه اللي شفته انه لما يكون في اخطاء في مسائل معينه وتظلموا الطلاب الجامعه تعوضهم عن هالاسئله بس لما الطلاب يشتكوا على صعوبه الاسئلة فالجامعه ماتعطيهم وجه لانه هالشئ مو غلط . |
رد: جواب ... الشكوى على د/ حيرش !!
للأمانة لما شفت الأسئلة انصدمت :sdfgdsf:
يمكن عشان أول سؤال جاني كان شبكة بيرت وقفل على مخي :mh12: بس بعد ما بدأت أحل لقيتها عادية :53: وإذا رجعتوا للأسئلة تلاقونها كلها من المحتوى ما خرج عنه نهائيا :oao: وإذا على مسألة التظلم في إدارة التسويق ترى برضه ما خرج عن المحتوى صح ما راعى صعوبة وسهولة الأسئلة واختلاف القدرات لكن من ضمن المحتوى والجامعة ترد لك حقك إذا لك حق والدليل الموارد البشرية لما فيه سؤال من برا المحتوى وتشابه الإجابات أعطونا درجة الثلاث أسئلة ومهما حصل فهؤلاء أساتذة لنا بذلوا الجهد لتعليمنا وإيصال المعلومة لنا وعلينا بذل الجهد لتلقي المعلومة من كافة مصادرها ودمتم بخير |
رد: جواب ... الشكوى على د/ حيرش !!
انت طالب جامعي لا تتوقع ان تجيك الدرجات وانت قاعد تتقهوى بمجلسكم ! او تتحجج انك مشغول ، ترآ الكل مشغول مع ان حلي سيء لكن للأمانة الدكتور ما طلع برآ المنهج ! اذآ اعيب عليه فالعيب هو طريقة شرحه البآردة فقط لاغير مجرد رأي |
رد: جواب ... الشكوى على د/ حيرش !!
كلامكم كله صحيح والدكتور له كل الحق بطرح الاسئله
بس انتوا لو تقارنون اسئله هالترم مقارنه بالي قبل احنا الترم الوحيد الي نص الاسئله عنده فيها حالات علميه والا الي قبل ثلاث ارباعها اسئله مباشره وبالكثير عندهم اربع اسئله فيها حالات علميه .. هذي بصراحه احس فيه بغصه لازم يكون عادل شوي |
رد: جواب ... الشكوى على د/ حيرش !!
اقتباس:
كلامك صحيح مانختلف فيه .. الي نختلف فيه انه شوي كان معقد الأسئله شوي ومكثر الارقام اكثر من الاسئله الثانيه بس :icon120: ومايستدعي انوه الواحد يروح يشتكي بس بعض الطلاب ذاكروو وركزو ع شي وجاهم شي ثاني هاذي هي المشكله وانا وحده منهم ركزت ع الحفظ اكثر :no: عشان كذا راح تكون ردة فعلهم شوي قاسيه ع الدكتور بس الي نبيهم وناطالب فيه التسهيل في كل شي وعدم التصعيب ولف ودوران الا نطلع خارقين ونفهم وش يقصد لا نبي السهاله والوضوح مثل ماده السلوك التنظيمي كانت مره واضحه وسهله جدا هذا الي نقصده احنا حبيت اوضح لكم مافي خاطري واتمنى الكل مايتضايق وكل واحد له وجهة نظر .. وموفقيين بآقي الموآد :004: |
رد: جواب ... الشكوى على د/ حيرش !!
اقتباس:
تدرون ايش السبب نحنا أيوه نحنا البربرة الكثير وان الاسئلة تتكرر وانه مايجيب من العملي لا ركزوا على النظري وعلى بالنا مايشوفوا كلامنا ولا ما يوصلهم يوصلهم ولازم يغيروا في الاسئلة في كل المواد خصوصا لما نط لنا واحد من جماعة هلكوني الترم اللي فات ما ناقص الا يقول شهاداتكم غير معترف فيها ويروح تعبنا على الفاضي والحمد لله إن الجامعة تداركت الموضوع وجابته يشوف بنفسه آلية التدريس |
رد: جواب ... الشكوى على د/ حيرش !!
ياناس ترانا مستوى خامس احس اننا كبار :119: الاختبار راح بخيره وشره :16.jpg: يعني وش تبون يسوون لكم؟؟
تتذكرون الاحصاء التحليلي وش جانا فيه؟؟؟ جتنا اوراق الاحصاء الاجتماعي وكل الاسئله من ماده الاحصاء ماجاب الا كم سؤال من الاحصاء التحليلي وسبيتو بالرجال وقومتو الدنيا وقعدتوها ... :007: وبعدين سوولكم شي؟؟؟ ولاشي :(269): انا مثلكم والله ماذاكرت العملي والغلطه غلطتي والاسئله اللي فاهم المنهج بيحله صح واللي حافظه من غير فهم ماراح يقدر يحلها الا بصعوبه ... سبحانك اللهم وبحمدك اشهد ان لا إله الا انت استغفرك واتوب اليك ,, يالله بروح اذاكر محاسبه وتكاليف :bawling: |
| All times are GMT +3. الوقت الآن حسب توقيت السعودية: 06:05 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك
الفيصل,جامعة الدمام