السلام عليكم...
ماشاء الله مدّهرين ولا احد يعلّمن؟

الحين الجدول وين نزل؟ رحت ل تسجيل المقررات بشوف الجدول لقيته نفس القديم!
و مواد المستوى السابع وين نزلت بعد؟ برضو نفس الجدول مالقيتها!
+ خلاص مافيه تغيير عليه؟ لا الحين ولا بعدين!


مستشارنا 1stc1 وش رايك بجدولي :)

مستوى4
الثلاثاء: سلوك تنظيمي (2)
الأربعاء: إدارة الموارد البشرية (1)
السبت: الأساليب الكمية في الإدارة (1)
الخميس: إدارة مالية 2# (1)
السبت: إدارة التسويق (1)
الأثنين: التحليل الإحصائي (2)
مجموع الساعات: 18

*مابين الأقواس "الفترة"


ولو ماتغيّر الجدول .. هذا جدول المستوى ال5 و ال6

مستوى5
الخميس: فقه السيرة (2)
السبت: إدارة الأعمال الدولية (2)
الإثنين: إدارة العمليات (1)
السبت: مباديء التوريد (2)
الأثنين: النقود و البنوك (1)
مجموع الساعات: 14
* و ممكن أخلّي السلوك التنظيمي ل المستوى ال5.

مستوى6
الخميس: النظم المتكاملة للمؤسسات (2)
السبت: مباديء الإدارة العامة (1)
الأثنين: بحوث الأعمال (1)
الخميس: المحاسبة الإدارية (2)
الأثنين: القانون التجاري (2)
مجموع الساعات: 15

وش رايكم؟


#الرد من الجوال.. ف عُذرًا لو كان "حوسة" :biggrin:

اقتباس:

المشاركة الأصلية كتبت بواسطة 1stc1 (المشاركة 8073498) وش رايك تبدلين اللي بالاحمر مع بعض بين مستوى رابع وخامس علشان سلوك وبعده موارد صعبة شوي . والاخضر اللي بسادس وديه خامس . واضحه والا انقلها .. بجدول .

لا لا واضحة..
بس أخاف من إدارة العمليات! مدري أحس بدري عليها؟
و عدّلت على الرد مدري إنتبهت له وإلا لا؟
بحط السلوك التنظيمي مع المستوى ال5
ويصير المستوى ال4 بس 15 ساعة
و ال5 يصير 17 ساعة
و ال6 يصير 15 ساعة
نهاية المستوى 6 أصير خلصت 93 ساعة إن شاء الله
ومعادلة 9 ساعات.. تصير 102 يبقى لي 33ساعة تتقسّم بين المستوى7
وال8 :) بإعتبار إن مجموع الساعات 135!

ويمكن ما أغيّر السلوك أخلّيه بمكانه يعني لاسمح الله ممكن أضيف أشياء ل مستوى5.
غير كذا بالنسبة لي عادي تكون قبل الموارد بيوم ، مدام كلهم في البداية
يمديني عليهم إن شاء الله.
أنا غلطتي الترم هذا واللي فات ، أخذت المواد الأخيرة ورا بعض وطاقتي خلاص إنتهت! ف بالبداية اهون.

+ ما ودّي أضغط نفسي لأن ما فيه فايدة من الضغط
مارح يخلوني أتخرج إلا بعد 8 مستويات!

وإلا؟

اقتباس:

المشاركة الأصلية كتبت بواسطة المحترمه (المشاركة 8073631) وعليكم السلام ورحمة الله وبركاته بيان أنتِ بعد الصحه واللياقه دخلتِ سبات عميق ... ترى الجدول للحين ما حدثوه في الخدمات الطلابيه لكن نزل بالإعلانات .. دوتس http://www.kfu.edu.sa/ar/deans/e-lea...orm.aspx?id=17 وبالتوفيق :16:

يازينك شكرًا ..
أبد والله خلصت من الإدارة الإلكترونية وبدت أشغالي /:

اقتباس:

المشاركة الأصلية كتبت بواسطة المحترمه (المشاركة 8073684) بيان حطي بعين الإعتبار ان الجدول ماراح يثبت هذا الإنجليزي شايله همه وقلت مافي مجال إلا المستويات الأخيره كان فيه مجال وهذا هو تسهل بس بقى لي الصحه ومهارات الاتصال والبحث والتفكير شلت همهم :5: باقي خطة ثامن ما نزلت للحين واكيد بيحتاس الجدول السمستر الجاي .. الله يعين

صح كلامك .. وأتذكر الترم اللي فات كنتو تزيّنون جداولكم
وأقول لكم ترا الجدول يمكن ما يثبت ويمكن يتغيّر!!
جاء دوري الحين أرتّب لجداول المستويات الجايه =))

الله يسلمك أنا احاول قد ما أقدر إني آخذ مواد من المستويات الجاية
بس ما أأجّل مواد المستوى الحالي .. عرفتي؟

اقتباس:

المشاركة الأصلية كتبت بواسطة 1stc1 (المشاركة 8073694) بيان اذا خلصتي مواد تتخرجين ما عليك من بعض الكلام يعني بيخلونك تلعبين بلوت بالمستوى الثامن مثلا :8: مدري والله ادارة العمليات مدري عنها بس هي مستوى خامس مثلها مثل السلوك وداخله بجدولك مريحة جدا . انا شفت طلاب يتلكمون عنها ان فيها اربع محاضرات تقريبا من الاساليب الكمية قلت اخذها مع بعض واريح راسي خصوصا ان اختبار الاساليب قبلها . هذا هدفي وعندي 3 ايام قبل المالية . فيه مادة اسمها ادارة المعرفة مستوى سادس اشوف الناس جالسه تمدحها . شوفي اللي يريحك .. وخلينا نخلص بسابع .. اقل شئ اذا خلوني اجلس الاقي احد العب معه بلوت:42:

أجل هقوتك يمدينا نقضي بدون مستوى8 ؟
أصلاً حتى لو أنا اخذت راحتي بالمستويين اللي فاتو ما يمديني أتخرج قبل!

+ أنا ابي السلوك أحسه سهل بالنسبة لجدولي للمستوى4
أحسّه دسم شوي وأخاف احط إدارة العمليات وأتوهّق سلوك أهون.
و ودّي ب 18 ساعة :$ ما جربتها « والله من زين العذر!

عاد لا بدأ تسجيل المواد ان شاء الله نتشاوف ونتناقش جدّ.

1stc1 وش اللي باقي ما أخذت من المستويات اللي فاتت؟

اقتباس:

المشاركة الأصلية كتبت بواسطة 1stc1 (المشاركة 8076572) انا باقي لي صحة ولياقة ومهارات بحث وتفكير .. وضابطها بجدول الترم القادم مع فقه السيرة أخذت من مستوى خامس ادارة الكترونية وسلوك تنظيمي و نقود وبنوك .. انا رسمت خطة فنتاسكية :8:

فنتاستيكية* أجل؟
مو مشكلة انا ألحقك .. إنتَ سابقني ب ساعتين، ومعادلين لك 6ساعات؟
وأنا معادلين لي 9ساعات؟ أصير انا سابقتك ب ساعة :S_45::19:

اقتباس:

المشاركة الأصلية كتبت بواسطة Dr Jekyll (المشاركة 8075625) ملاحظة وانت حره في قرارك مستوى 4 الثلاثاء : سلوك تنظيمي الخميس : فقه سيرة الموارد البشرية تروح مع مواد مستوى 5 لان ادارة الاعمال الدولية ماده يدرسها البلالي مادة دسمه واختبارها كان مزعج وتحتاج يومين قبل الاختبار وبهذه الطريقة تقدري تحصلي على يومين

شكرًا د.جيكل ، أثق في ملاحظاتك و مداخلاتك.
وأعتقد ملاحظتك هنا على أساس ايام المذاكرة ، انا ولله الحمد ما عندي لا شغل ولا مشغلة
فيه إمكانية إني أخلصها قبل ، انا جربت الترم اللي فات و اللي قبله أخذت 3 مواد
ورا بعض ، وكانو آخر اختبارات .. وفعلاً إنضغط أم أمي!
لكن بهالحالة بأول ايام الإختبارات، حماس وطاقة وكذا و قبلهم فترة طويلة اقدر أخلص كل هالمادتين فيها.
ومرة ودّي ب 18 ساعة عشان 1stc1 ما يسبقني P:

اقتباس:

المشاركة الأصلية كتبت بواسطة 1stc1 (المشاركة 8076622) وخصوصا اذا خريج ممن يعطونك الى 22 ساعة .

فيه فرق بين خريج ، و بين إنك بمستوى 8!
موضوع ال22 ساعة يُعطى ل اللي بمستوى8 فقط.

اقتباس:

المشاركة الأصلية كتبت بواسطة MISHAL1 (المشاركة 8077586) شيء جميل .. :biggrin: الحين خلوها تطلع النتايج .. ونكون ان شاء الله معدين كل المواد . STC .. يا اخي مدري ليش هالمره أحس انك راح تحمل ماده .. كـ أقل تقدير . :verycute: .

ماشاء الله 1stc1 ما ظنتي يحمل مادة، أقل تقدير ممكن ينجح ع الحافة
حتى الأخيرة ما أعتقد يجيبها ماشاء الله تبارك الله.

+ البنت الجميلة اللي بصورتك ما شاء الله عليها عرف؟ إسمها أصايل؟
وإلا ماتعرفها!