رد: رحت استلم وثيقتي شوفو وش صار ؟؟؟ ..
 

طيب ياشباب مافيه احد بيته قريب ممكن نحط الطابعه عنده او فيه محل قريب مطعم بقاله شي نحط الطابعه هناك على طول ومايقفل حتى بحزه القايله ومنها بعد يمدي الواحد يدقق بهدوء في الوثيقة ماينربك من جد انا وحده من الناس ادور الاجر ومستعده اتبرع بطابعه :bawling: بصراحة تخيلت الموقف لو كانوا كبار بالسن اهلنا حرام المرمطة هذي تخيلوا بعز الحر اشوف ابوي رايح جاي على تصوير الله يرحمه ويسكنه الجنه واموات المسلمين اجمعين

او حتى بساحة الكلية بالطقاق خل يشوفون الفشل حقهم او اذا فيه غرفة مستخدم ونعلن عن مكانها هنا بالمنتدى :017:
حسبي الله ونعم الوكيل

احس اني مو بروح استلم وثيقة تخرج الا ورقة حكم سجن مؤبد

اللهم لك الحمد على كل شي

رد: رحت استلم وثيقتي شوفو وش صار ؟؟؟ ..
 

السلام عليكم

اختي الكريمه مبروك التخرج وعقبال مانشوفك باحسن وظيفه

سؤال حيرني لما شفت ردودكم بخصوص استلام الوثيقه ماظنيت ان استلام الوثيقه يكون يدوي وانك لازم تروحي الجامعه

فكرت انهم بيرسلون لنا الوثيقه بالبريد

وطيب وانا ماعندي احد الا سواق بيتنا شلون بيقوم ويساعدني وخصوصا قسم الرجال

ياليت توضحي لي وش التوصيات وهل لازم ناخد وثيقه وش البيانات اللي لازم نتاكد منها

اخد فكره واحسب حسابي لا اتوهق بعدين

وشكرا

رد: رحت استلم وثيقتي شوفو وش صار ؟؟؟ ..
 

الله يعين ،،
عاد انا بجده ،، ودائم يغلطون في اسمي
باي مكان ادرس فيه :bawling:

يبغالي أخذ 3 ايام احتياط ،
ومحرمي يكون طويل باااال

الله يسيرها ،،الف مبروك وعقبالنا :106:

رد: رحت استلم وثيقتي شوفو وش صار ؟؟؟ ..
 

تتسهل يا جماعه ودي لو يكون فيه نظام يرسلون لنا وثايقنا عن طريق البريد الممتاز وتنتهي الحكايه ليش التعقيد طيب ياجامعه اكسفورد��

رد: رحت استلم وثيقتي شوفو وش صار ؟؟؟ ..
 

هلابك شمس

بالنسبه لتوصيآت انا تابعه كليه التربيه على طول رحت كليه التربيه لقيت الدكاتره موجودين انا خذيت وصيتين الان ماكان فيه الا هم وقالو تكفيك

يعني اول مايعطونك الوثيقه والسجل الاكاديمي تروحين الكليه الي انتي تبعها موجودين الدكآتره

وبس :love080: بالتوفيق

رد: رحت استلم وثيقتي شوفو وش صار ؟؟؟ ..
 

وعليكم السلام

الله يبآرك فيك حبيبتي

بالنسبة لسؤالك لا للاسف مايرسلونهآ عن طريق البريد لازم تجين بنفسك

راح اشرح لك الخطوات

اول ما تدخلين بوابه 4 تروحين اول مبنى على اليسار بتشوفين بنات

تعبين ورقة اخلاء طرف بعدين يعطونك وثيقتك يقولون لك روحي صوريهآ ابيض واسود كم نسخه بعدين ترجعين يختمونهآ لك ويعطونك شهادة الثنويه وبكذآ ماتكونين تحتاجين محرم لكن في حال اسمك كان غلط او ناقص لازم تروحين لقسم الرجال ( مبنى القبول والتسجيل ) ايضا التوصيات لازم رجال يدخل
في سووايق يدخلون معهم السجل الاكاديمي وياخذون توصيآت من الدكاتره

ربك بيسهلها ان شاء الله لا تشيلين هم بتاخذين وثيقتك :106::love080:

رد: رحت استلم وثيقتي شوفو وش صار ؟؟؟ ..
 

آشكر الجميع والله يبارك في حياتكم وعقبال البقيه

أسال الله التوفيق لي ولكم والسداد والزيادة في بذل الخير للمجتمع والمسلمين:rose::rose:

رد: رحت استلم وثيقتي شوفو وش صار ؟؟؟ ..
 

::::::::::

انا اليوم. ببخشيش. صورلي الهندي.

موظفين. زي الزفت. وتوصيات مالقينا احد.

وشهادة الثانويه. زين طلعوها. بعد مطالبه. وكلام.

قمة المهزله. وقمه. في التعامل. الزفت. وقمه. بالمرمطه.

اليوم. عرفت. ان فلوسنا. ذهبت هباء منثوااا.

حظ الانتظام. بنينا لهم. مباني وضبطنا مناظر وطرقات الجامعه.ورواتب.

بفلوسنااا. يالانتساب.

لابو نظامهم. التبن.

ولابو كل ..........!

رد: رحت استلم وثيقتي شوفو وش صار ؟؟؟ ..
 

بيتنا فيه طابعات هههههه


وقريب من الجامعه اطبعها وارجع لهم


الف مبروووووووووووووووووووووووووووك

رد: رحت استلم وثيقتي شوفو وش صار ؟؟؟ ..
 

لو سمحتي من الدكاترة اللي عطوك توصيات الاثنين بروح للجامعه وابي الاسماء جزاك الله خير