|
رد: أبي أنسحب وماراح أسامحك يادكتور عبدالله النجار ....
ياقلبي عليك يابن الشمال .. شفت شلون ربي فرج همك ..
يالله قم واسجد شكر لله |
رد: أبي أنسحب وماراح أسامحك يادكتور عبدالله النجار ....
أولاً يابن الشمال طال عمرك ومن المؤكد بأني لا أعرفك ولا أنت تعرفني ولكننا ولله الحمد مجبولين على فعل وحب الخير لبعضنا وهذا أصل العرب ، يقول الشاعر إن صدر الشمالي ما يضيق بساع وأنت ماتستاهل العميله انك تزعل وتنسحب وتضيع رسومك والسبب هنا يومين بس الفرق وعاد الرجل لابد يتغلب على ظروفه مهما كانت وأنت كفو وقد المهمات الصعبه إما مدامت بإختبارت وجامعه ماتستاهل الزعل أو غيره . نصيحتي لك من أخ وأعتبره أخوك الصغير إنك ما تنسحب ولا مايحزنون وربما يكون إختبارك يوم السبت وإن فاتك الإختبار تعوض الترم القادم . أتمنى قبول كلامي بصدر رحب ولك التوفيق والسداد إنشاء الله وترى الإنسان مسيًر ماهو مخيًرفي هالحياه . |
رد: أبي أنسحب وماراح أسامحك يادكتور عبدالله النجار ....
ياهلا وغلا بكـ ابن الشماااااال .... ليش الزعل ليش الانسحاب ياخي ماتستاهل كل هذا , فيه حل مثل ماتفضلوا الاخوان فووووق اعتذر عن ماده وحده ومش امورك هالترم اما الانسحاب انسه وانا اخوكـــ ,,,, والدكتور النجار تراه مجتهد والله ومعنااااا بس ياخي بعض الانظمه تجيه من فووووووق ... وبالنسبه لاختلاف المواعيد وسحبه بعض الدكاتره علينا في المباشر هذي الامور ان شاء الله انها تعدل في المستقبل , ولعلمك الجامعه جديده على برنامج الانتساب المطور فهم كل يوم يطورررون انظمتهم وعساها تكون من صالحنااااا .....
لالالالالالالالالالالالالالالالالالا تنسحب ...... على البركه الزوااااج<<< مو وقته صح :017:.. مثل ماقالوا :ماهم الا هم العرس ولا وجع الا وجع الضرس <<<< يبي يصعبها عليكــ ... الله ييسر اموركـ |
رد: أبي أنسحب وماراح أسامحك يادكتور عبدالله النجار ....
:106:ألف مبروك الزواج وبالتوفيق ان شاء الله:106: أول شي أنا صراحة ضد مبدأ أنه يكون فيه اختبارات أو محاضرات مباشرة أو أي شيء يومي الخميس والجمعة لأنها ايام اجازة رسمية ومن حق الطالب يتمتع فيها ثاني شيء أخوي معليش.. لنفترض أن الوضع مثل ماكان وبدأت الاختبارات يوم السبت 4/2 بيكون لك يومين متزوج !! ما اتوقع أنك بتكون فاضي لإختبارات!! وبمزاج رايق لها!! حتى ولو بعد أسبوع!! وأنا مع الأخ الي قال أنك بحاجة لترتيب جدولك بشكل افضل.. وجهة نظري أنك تنسحب لأنك حتى لو تقدمت للاختبارات بيكون بالك مشغول بشيء ثاني وممكن يأثر عليك.. لكن ما ادري كيف وضع الانسحاب وهل يترتب عليه شيء معين؟ هذا رأيي.. وأتمنى لك التوفيق في حياتك الأسرية والعلمية والعملية :smile: |
رد: أبي أنسحب وماراح أسامحك يادكتور عبدالله النجار ....
السلام عليكم ورحمه الله وبركاته
انا نفس مشكلتك زواج اخوي راح يكون الخميس وتفاجات ان الاختبارات يوم 2/2 علما بان كنت مخططه اموري ومجهزتها على اساس للجدول الزمني بالموقع وان الاختبارات بتكون يوم السبت 4/2 بالنسه لي انا استخرت والي الان ماقررت ايش اسوي اخاف اني اجازف واندم في يوم الاختبار ويصير بالي مو معاي خصوصا ان اهلي مررره معتمدين على في الزواج بس والله يااخوي ترا مو حل انك تنسحب حرام انت بديت في الشي حرام انك ماتكمل فيه وهي فرصه ماتتعوض واذا سحبت ماتقدر ترجع مره ثانيه فكر زين ولا تنفعل.... احسن حل انك تستخير وتقدم عذر في ماده واحده وعادي كمل باقي الايام طبيعي وهذا الي بسويه انا الله يوفقك ويسهل اموري يارب ويوفق الجميع |
رد: أبي أنسحب وماراح أسامحك يادكتور عبدالله النجار ....
مسأله معقده والله مالومه اني خيرتك فاختاري
|
رد: أبي أنسحب وماراح أسامحك يادكتور عبدالله النجار ....
من حقك اخوي و انا معك في كل كلمه قلتها واهم شيء يحترمون مواعيدهم ويعرفون اننا قبل الدخول في الجامعة ما كان عندنا خبر في واجبات ولا حضور محاضرات ولا غيرهـ مو مسئلة تغيير موعد اختبار وبس الموضوع اكبر بكثير من كذا ....
|
رد: أبي أنسحب وماراح أسامحك يادكتور عبدالله النجار ....
الله يعينا ويصبرنا ع بلوانا
وينجحنا يااااااااااارب |
رد: أبي أنسحب وماراح أسامحك يادكتور عبدالله النجار ....
الشكووووووووووووووه لله
اقولك اخووووووووووووووووووووي عادي طيب مافرقت يومين اوكي لا تداوم اول يوم الاختبارات وجيب لهم عذر وكرت الدعوه حق زواجك وبكذا راح يعيدون لك الاختبااااااااااااااار قبل الترم الثاااااااني :Cry111: ربي يسعدك ويوفقك |
رد: أبي أنسحب وماراح أسامحك يادكتور عبدالله النجار ....
اول شي الف مبروك:mh001:
ثاني شي الحين ليه تكبرون المواضيع :cool: في شي اسمه تأجيل وبعدين اشلون تهاوش على يوم تقدم وانت وراك زواج يعني شهر عسلك بيكون كله مذاكره مثلا الوضع كله مو بيوم تقدم أو تأخر ثاني شي اذا كان زواج غيرك فكل الموضوع ساعه الاختبار ادخل اختبر واطلع وكان عندنا طول الترم وقت للمذاكره وكل شي متسهل وواضح ليه تبون كل شي بالسهل يجيكم لازم تعب هذا مستقبل مو عشان زواج او زعلانين انه يوم خميس وقت اختبار واجازه ومن هالكلام الواحد يشوف مستقبله واذا ماتعب لشي لنفسه ماحد راح يتعب عشانه وتقبل مروري هذي مجرد وجهة نظر والتوفيق للجميع:106::106::106: |
| All times are GMT +3. الوقت الآن حسب توقيت السعودية: 02:26 AM. |
Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام