المشاركة الأصلية كتبت بواسطة ranaali (المشاركة 8051052) هل صحيح هال معلومه :6: أن الدرجات ماتنحسب لو بدخل من الإيباد يعني محاضرات المباشرة والمناقشات والواجبات

الماك جهاز حلو وبرنامج قوي

لكن غالباً العرب ما تعودو عليه ولا ع برامجه

الويندوز يخدم اكثر
لاننا تعودنا ع الماسنجر والاوفيس واغلب البرامج المقرصنه زي برامج التنزيل وفك الضغط والمشغلات وهذي متوفره للويندوز اكثر

وممكن تركبين الويندوز ع الماك بطريقتين:
1- بوت كومب وهذا برنامج مدمج بالماك تنزلين الويندوز منه ويعطيك خيار تشغيل الماك او الويندوز من شاشة بداية التشغيل يعني تشغلين واحد منهم
2-برامج ثانيه تشغلك الويندوز داخل برنامج الماك زي ما تفتحين الاوفيس او المسن وتركبين كل البرامج داخل الويندوز يعني نافذه داخل الماك وممكن باي لحظه تصغرينها وتشتغلين ع الماك

لكن يعيبه ان ترتيب الحروف بالكيبورد مختلف عن الويندوز وعندك حلين
1- تكتبين زي ماهو مكتوب ع الكيبور يعني بترتيب حروف الماك (اذا كنتي متعوده ع الويندوز بتلخبطين كثير)
2- فيه ملف صغير تركبينه ويسويلك الحروف زي الويندوز لكن المكتوب عليهم مختلف يعني لازم تكونين حافظه مواقع الحروف

طبعا من الكلام اللي فوق يتضح ان الويندوز افضل
اذا جيتي تشترين جهاز اختاري شكل الجهاز اولاً لان اغلب الاجهزه اللي موجوده بالسوق مواصفاتها عاليه الحين

غالبا رح يكون المعالج Core i5 او Core i7
الرام 2 او 4 جيجا
الهاردسك فيه ساتا من 512 جيجا وانتي طالعه وفيه ssd اسرع وافضل يكون 64 او 128 او 256

الشاشه زي ما تبين 11 او 13 او 14 او 15

قاري السيدي طبعا الاجهزه النحيفه (Ultrabook ) ما يجي فيها ممكن تشترين خارجي تشبكينه بال USB قيمته 150 ريال
اما العديه يجي فيها داخلي

اهم شي يكون فيه مخرجين او 3 ع الاقل USB

بالمختصر كل الاجهزه متشابهه بالمواصفات لكن انتي اختاري الشركه والشكل
الاسعار تتراوح من 1800 لين 5000

طبعا الكلام اللي فوق حسب خبرتي بالكمبيوتر لمدة 15 سنه كاستخدام
ولاني املك محل كمبيوتر وعارف المواصفات والاسعار والمشاكل