ملتقى طلاب وطالبات جامعة الملك فيصل,جامعة الدمام
صفحة 4 من 7 123 4 567
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   إدارة أعمال 7 (https://vb.ckfu.org/f389)
-   -   [ استفسار ] الشعيبي يطردني ... والفريدان يستقبلني (https://vb.ckfu.org/t543483.html)

مساهر 2014- 1- 9 01:28 PM
رد: الشعيبي يطردني ... والفريدان يستقبلني
 
سوال : هل يوجد دفعات تخرجت قبلنا ؟!
الجواب : أكيد ! ... طيب وش تخصصهم ؟!!

سوال: في بداية دراستنا سالت النجار عن التخصص وقال لي يخوووي هذا تخصصكم وهذي كليتكم ( ادارة اعمال - ادارة اعمال ) مافيه شي اسمه تخصص فرعي ولا تقلقون !
طيب وش اللي صار ؟! ليه الحين يغيرون ؟!!

سوال : هل تم تغيير التخصص للدفعات الجديده ؟!!


بصراحة بدت تضرب افيوزاتي !

parliament 2014- 1- 9 01:44 PM
رد: الشعيبي يطردني ... والفريدان يستقبلني
 
4 مرفق
اخوي السفير للإسف الدكتور اذا ماعنده علم فهذه مصيبة او انه يعرف ويستغبي علينا فتلك مصيبة اعظم


لإني قمت بالبحث في المؤهلات العلمية لقسم ادارة الإعمال ولا يوجد تخصص اسمه إدارة ، والشي الثاني يوجد في ادارة الاعمال تخصص فرعي اسمه ادارة الإعمال . وشوف الرابط من التخصصات الفرعية لإدارة الإعمال في تخصص اسمه ادارة اعمال ولا يوجد تخصص اسمه إدارة والمصدر من موقع ديوان الخدمة المدنية ... ولك التعليق


http://eservices.mcs.gov.sa/rmcs/Con...ew.aspx?cmd=p8


وبخصوص ان الدكتور الفريدان يقول اني كلمتهم بالله هذا كلام جهة حكوميه . يعني اروح مثلا للديوان واقولهم الفريدان اتصل علينا ويقول تخصصنا موجود .

اذا فعلاا هذا الكلام صحيح يجيب لنا خطاب من الديوان يبين لنا ان تخصصنا موجود ومعتمد لديهم . غير هذا الكلام مع احترامي ( لعب عيال )

مساهر 2014- 1- 9 02:04 PM
رد: الشعيبي يطردني ... والفريدان يستقبلني
 
سالت احد الطلبه الجدد .. وطلع مغيرين تخصصه

زامل الشهراني 2014- 1- 9 11:48 PM
رد: الشعيبي يطردني ... والفريدان يستقبلني
 
السفير الجامعي
بيض الله وجهك على وقتك وتعاونك والسؤال بما يتعلق بالطلبة
أما بخصوص تغيير التخصص في نهاية الترم فهذا مرفووض بالقوة
لماذا لم يتم التغيير في بداية الدراسة الجامعية

لماذا تأتي هذه القرارات بالنهاية
لازم نكون يد وحدة برفض تغيير المسمى
لكي تكون لنا يدة القوة

parliament كلامك عين الصواب
يعطيك العافية على المعلومة

Daniah..~ 2014- 1- 10 02:28 AM
رد: الشعيبي يطردني ... والفريدان يستقبلني
 

..



إذا الموضوع على قولة القايل " لعب عيال "

فالشهادة لنا مب للعمآدة هذا أولاً
حنا اللي نطآلب بتغيير تخصصنآ للأفضل مب هم يغيرون حبل الغسيل على كيفهم !!
قولة درسنآه واتصلنا ومدري وشو هذا يحطونه بدروجهم مآنبيه


الموضوع يحتآج له حرآك عن حق وَ حقيق
إذا من صالحنآ ، الله يقدم به عاجلاً قبل آجلاً

وَ إذا عكس !! فاللي سوته كلية الرس مب قليل علينآ مآنسويه !!
تحركوا وَ رجعوا لهم تخصص أحد الأقسآم مثل السلام عليكم


يبي لهآ قصمآن يآحبيبي :(170): :(197):

كاتمة الضيم 2014- 1- 10 03:07 AM
رد: الشعيبي يطردني ... والفريدان يستقبلني
 
بديت فعلا اخاف من مسمى اداره وكنت احسبه شامل وفي صالحنا،،

كل مالهم يغيرون شي وبالتدريج تفاديا لردات الفعل

ويمتصون الغضب بكل رحابة صدر وبكلمات مخدره ووقت مايطيح الفاس بالراس

ونتخرج ونجي نطالبهم بتغيرالمسمى لانو مو معترف فيه بقلون وينك من اول ماتكلمت ،،

اسير الوقت 2014- 1- 10 03:18 AM
رد: الشعيبي يطردني ... والفريدان يستقبلني
 
اقتباس:
المشاركة الأصلية كتبت بواسطة parliament (المشاركة 10315844)
اخوي السفير للإسف الدكتور اذا ماعنده علم فهذه مصيبة او انه يعرف ويستغبي علينا فتلك مصيبة اعظم


لإني قمت بالبحث في المؤهلات العلمية لقسم ادارة الإعمال ولا يوجد تخصص اسمه إدارة ، والشي الثاني يوجد في ادارة الاعمال تخصص فرعي اسمه ادارة الإعمال . وشوف الرابط من التخصصات الفرعية لإدارة الإعمال في تخصص اسمه ادارة اعمال ولا يوجد تخصص اسمه إدارة والمصدر من موقع ديوان الخدمة المدنية ... ولك التعليق


http://eservices.mcs.gov.sa/rmcs/con...ew.aspx?cmd=p8


وبخصوص ان الدكتور الفريدان يقول اني كلمتهم بالله هذا كلام جهة حكوميه . يعني اروح مثلا للديوان واقولهم الفريدان اتصل علينا ويقول تخصصنا موجود .
]
اذا فعلاا هذا الكلام صحيح يجيب لنا خطاب من الديوان يبين لنا ان تخصصنا موجود ومعتمد لديهم . غير هذا الكلام مع احترامي ( لعب عيال )
[size="5"]ووفيت وكفيت وقلت اللي بخاطري يوجد تخصص فرعي ادارة اعمال تابع لكلية ادارة الاعمال ليش يحسسونا كنا مانفهم[/size

AbduLlatif 2014- 1- 10 03:49 AM
رد: الشعيبي يطردني ... والفريدان يستقبلني
 
يعني نقول تعب سنتين ونص على الفاضي !!
واصلي يا جمعتنا من سيء الى اسواء فوق ما حنا انتساب و شهادتنا يالله تمشي الحال تجي تحط لنا تخصص فرعي غير موجود اصلاً !!!

لا حول ولا قوة الا بالله


شكراً لك صاحب الموضوع

NOW OR NEVER 2014- 1- 10 08:28 AM
رد: الشعيبي يطردني ... والفريدان يستقبلني
 
اقتباس:
المشاركة الأصلية كتبت بواسطة abdullatif (المشاركة 10319023)
يعني نقول تعب سنتين ونص على الفاضي !!
واصلي يا جمعتنا من سيء الى اسواء فوق ما حنا انتساب و شهادتنا يالله تمشي الحال تجي تحط لنا تخصص فرعي غير موجود اصلاً !!!

لا حول ولا قوة الا بالله


شكراً لك صاحب الموضوع

استاذي روق يا عزيزي , من هنا لين نتخرج ربي بيفرجها نشوف اول دفعة بعد اسبوعين وايش راح يكون معهم

وعسى ان تكرهوا شيئا وهو خير لكم :106:

ابونوآآآف 2014- 1- 10 08:46 AM
رد: الشعيبي يطردني ... والفريدان يستقبلني
 
اقتباس:
المشاركة الأصلية كتبت بواسطة السفير الجامعي (المشاركة 10307891)
بسم الله الرحمن الرحيم




فالبدايه احب اعتذر على التأخير لكن حصلت لي بعض الظروف

ثانيا : بدخل بالموضوع مباشره ... اما بالنسبه للشعيبي حرام بصراحه انه يكون

سكرتير للعميد .. << يدعي انه اكبر واحد بالجامعه من ناحيه المنصب

ويطردني من الدخول على العميد يقول عندكم ايقونه التظلم .. << هذا اللي حصل

معه بأختصار اما التفاصيل طويله وما لها داعي .......

لكن اشكر الدكتور عبدالله الفريدان على صدره الرحب .. استقبلني افضل استقبال

الحوار اللي دار بيني وبين العميد الدكتور عبدالله الفريدان .....

تكلمت معه فالبدايه بخصوص مادة المنظمات واختلاف النماذج وصعوبه الاسئله

وعدم المساواه بين الطلاب من ناحيه طرح الاسئله ....

رد الدكتور وقال مالم تخرج الاسئله من المنهج او المحتوى فالدكتور له الحريه في وضع

الاسئله او اختلاف النماذج .. لكن راح نكلم الدكتور بالنسبه لطرح الاسئه في النماذج

هل هي متساويه من ناحيه الصعوبه والسهوله ام لا وبناءا على ذلك سيتم الانصاف

وتكلمت معه من ناحيه الاستراتيجيه ... قالي الموضوع وصلنا وان شاء الله ما يصير الا كل

خير .. وقالي عموما حنا خلال الاسبوع هذا كله نرجع للتظلمات المقدمه من الطلبه ..

ونتكلم مع الدكاتره وبأذن الله ما يضيع حق احد منكم ....

والنقطه الاخيره والاهم هي التخصص ... قلت له يا دكتور حنا من البدايه وحنا على ادارة اعمال

الحين حطيتونا على تخصص ادارة ... قالي انتو صحيح درستوا مواد علميه من تسويق

وماليه ومحاسبه لكن اللي درستوه اساسيات .. وبعدين مسمى ادارة اعمال هذا اسم الكليه

ولازم يكون له تفرع .. لكن تخصص الادارة هو اقرب تخصص

بالنسبه للمواد اللي درستوها .. والتخصص هذا مقبول في كل الجهات ومقبول

فالخدمه المدنيه ويقول انا تواصلت معهم شخصيا وللحين فيه تواصل معهم وانا مستعد بأي

شي يطلبونها .... ..

واعتذر عن التأخير مره ثانيه واحب الشكر الدكتور عبدالله الفريدان على حسن تعامله واسلوبه الراقي


( فأن وفقت فهذا من الله . وان اخطأت فمن نفسي ومن الشيطان )
اربع مواد في المحاسبه ورياضيات 1 و2 واحصاء في الاداره وتحليل احصائي كل هذا يعتبر فقط اساسيات:41jg:
أصلاً من يوم ما ألغو رياضيات 2 للدفعات اللي بعدنا ونا شاك في نواياهم

كيف تلغي ماده علميه مهمه مثل رياضيات 2 الا ان كان عندك نيه مسبقه تنزل مستوى الشهاده الى تخصص اداره فقط:cool:


All times are GMT +3. الوقت الآن حسب توقيت السعودية: 12:19 AM.
صفحة 4 من 7 123 4 567
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه