ملتقى طلاب وطالبات جامعة الملك فيصل,جامعة الدمام - النظام الأفتراضي اخيراً/نزل جدول إختبارات الفصل الدارسي الثاني..

- إدارة أعمال 5 (https://vb.ckfu.org/f345)

- - [ النظام الأفتراضي ] : اخيراً/نزل جدول إختبارات الفصل الدارسي الثاني.. (https://vb.ckfu.org/t545558.html)

رد: اخيراً/نزل جدول إختبارات الفصل الدارسي الثاني..

اقتباس:

المشاركة الأصلية كتبت بواسطة أبوالحسن الشريف (المشاركة 10345231)

والله انهم حاسونا بالمواد الي ورى بعض
تحس انهم متقصدين مستوى خمس مواد وعندك 15 يوم للاختبار وينزلون مقررين ورى بعض
اذا الجدول ماعاد به تغيير
ابعتمد للمستوايات الاتي
وعندي استفسار بسيط بالنسبة للمستوى السابع اقدر اسجل 19 ساعة !!

ولا لي غنى عن ارائكم

المستوى السادس 17 ساعة
الثلاثاء /استراتيجية فترة ثانية من سابع
الاحد /النظم المتكاملة للموسسات فترة ثانية من سادس
الثلاثاء /بحث وتفكير فترة ثانية من رابع
الاربعاء /مشاريع فترة ثانية من ثامن
السبت /تعاقد وتفاوض فتره اولى من ثامن
الاثنين /قانون تجاري فترة ثانية من سادس

المستوى السابع 19 ساعة
الثلاثاء /قضايا معاصرة فترة اولى من ثامن
الخميس /فقه السيره فترة ثانية من خامس
السبت /مبادئ الادارة العامة فترة اولى من سادس
الاثنين /بحوث الاعمال فترة اولى من سابع
الثلاثاء /ادارة اعمال صغيرة فترة اولى من سابع
الخميس /محاسبة ادارية فترة ثانية من سابع
الاثنين /نظرية المنظمات فترة اولى من سابع

المستوى الثامن 17 ساعة
الخميس /اخلاقيات المهنة فترة اولى من ثامن
السبت /موضوعات خاصة بالادارة فترة ثانية من ثامن
الاثنين /اخلاقيات اعمال فترة ثانية من ثامن
الثلاثاء /ادارة المعرفة فترة ثانية من سادس
الاحد /ادارة الجودة فترة ثانية من ثامن
الثلاثاء /ادارة التغيير فترة ثانية من سابع

رد: اخيراً/نزل جدول إختبارات الفصل الدارسي الثاني..

نداء .. حفيد الملوك :sm12::sm12:

بتسجل النقود هالسمستر وإلا لا !؟

رد: اخيراً/نزل جدول إختبارات الفصل الدارسي الثاني..

مافيه إمكانيه نطالب على الاقل بتقديم امتحان الاداره
العامه عن نظم المؤسسات......وش رايكم

رد: اخيراً/نزل جدول إختبارات الفصل الدارسي الثاني..

اقتباس:

المشاركة الأصلية كتبت بواسطة ميلاد دمعي (المشاركة 10345009)

نورت حفيد الملوك شخبارك طيب

بارك الله فيك بخير جعلك بخير ان شاء الله
شاكر لك سؤالك

اقتباس:

المشاركة الأصلية كتبت بواسطة المحترمه (المشاركة 10345577)

نداء .. حفيد الملوك :sm12::sm12:

بتسجل النقود هالسمستر وإلا لا !؟

هلا اختي المحترمه

النقود + الاحصاء + التحليل ( مواد يجب ان تكون في الفصل الدراسي الاول فقط )

نظرية المنظمات + القانون التجاري ( مواد للفصل الدراسي الثاني )

بالتوفيق ان شاء الله

رد: اخيراً/نزل جدول إختبارات الفصل الدارسي الثاني..

اقتباس:

المشاركة الأصلية كتبت بواسطة طالب عيوني (المشاركة 10345249)

طيب السؤال اللي يطرح نفسه وبقوة
هل الجدول بيكون ثابت للمستويات القادمة؟!
الحقيقة نبي نرتب جدول الين التخرج :)
ونشوف هل يناسبنا نخلص في الثﻻث مستويات الجاية وﻻ نزيد مستوى تاسع؟!

الحقيقة تواصلت مع الفريدان اكثر من مرة وفي مواضيع سابقة لكن للأسف مافيه تجاوب
ايضا" تواصلت مع الشعيبي ونفس الحكاية

ياليت واحد من الاخوان او الاخوات يتواصل مع احدهم ويعطينا العلم الأكيد وﻻ تهونون
..

غريبة ماتعرفون ليه مافي تجاوب:16.jpg:
أشوف ردود الأخوان عليه في تويتر وماألومه أذا مارد :no:
المهم أرسلت له وهذا رده..

http://i.imgur.com/y8SiDMl.jpg

رد: اخيراً/نزل جدول إختبارات الفصل الدارسي الثاني..

شكرا لج عزيزتي سباقه لكل خير

رد: اخيراً/نزل جدول إختبارات الفصل الدارسي الثاني..

اقتباس:

المشاركة الأصلية كتبت بواسطة حفيد الملوك (المشاركة 10345667)

بالضبط نفس تصنيفي لأنه يحتاج قرقشه هالنقود
بس حبيت اتأكد منك .. حتى أسجل القانون والمنظمات
أنهيناها ولله الحمد ... شكرآ لك على الإفاده

رد: اخيراً/نزل جدول إختبارات الفصل الدارسي الثاني..

اقتباس:

المشاركة الأصلية كتبت بواسطة الرايق2008 (المشاركة 10345557)

نصيحه يا ابو الحسن

نزل المواد المتراكمه عليك وخلص منها وافتك ما تدري يمكن يغيرون الجدول وتصير تعارضات

والشغله الثانه تقدر تنزل 22 ساعه اذا خلصت 88 ساعه

الله يجزاك خير اخوي هو مقرر واحد الي خبص جدولي
وندمت اني اجلته
وازمة اليوم الخامس من الاختبار الى اليوم التاسع
مابتنحل الا اذا نزلوا مواد تخصص في الصيفي
وغير كذا مضغوووووووووطين حيل
وسالفة سمستر تاسع شايلها من حساباتي

اقتباس:

المشاركة الأصلية كتبت بواسطة المحترمه (المشاركة 10345570)

الجدول بربسه يامال الصلاح للعماده .. مضغوط ضغط ياربي رحمتك
إلا في حال أنهم غيروا بداية الأيام يمكن شوي يسعفنا
الجدول ..

طبعا جدولك يا أبو الحسن يبيله شوي تعديل .. شوري عليك
الإستيراتيجيه ماتقربها الحين لأن وضعها ملتهب :007:
الدكتور قايمه عليه الناس وبالصحف طبعا غير أن المقرر دسم

بالنسبة للاستراتيجية
المقرر الي تصير عليه بلبله
يكون وضعة بالترم اللاحق زوين
احساس وان شاء الله مايخيب

أنا أقول تسجل القضايا مع أن دكتورها بيكون جديد برضه بس
أحس أخف وطأه من الإستيراتيجيه ولك حرية الرأي
لو سجلت القضايا بكون ظغطت نفسي بالسمسترات القادمة

برضه المشاريع مافي قبلها يوم تراه شوي يبيله حفظ لا تستهين
فيه صحيح الدكتور أجودي بس يبغالها شوي ..
اشوف العالم مدحت الدكتور واسئلته صح المقرر مضغوط بماده قبله
بس بحاول قدر الامكان اخلصها بدري

عندك التعاقد محد مدحها وهذا أول سمستر أتوقع يكون موضوعي
لأن العام كانت مقالي ..

هو المقرر الي متخوف منه وخاصة ان مدربه البلالي

والقانون لو تستبدله بنظرية المنظمات أفضل كانك ما سجلتها

وهذه النقطة لا ضرر ولا ضرار
لو ابدل بينهم مابيأتثر الجدول

الجدول يجيب الصداع وش الحل .. الظاهر نمغط سنه مو سمستر
واحد إضافي :bawling:

يجيب الصداع والضغط وكل شي بالاخص من يومه الخامس الى التاسع
وكل هالزحمة بالجدول على شان اخلص بثمانية مستويات اذا الله راد و وفق
شكرا لمداخلتك اختي

رد: اخيراً/نزل جدول إختبارات الفصل الدارسي الثاني..

حفيد الملوك يالغالي ماراح نستغني عن خبرتك في مواد المستوي الخامس وفي الاختبارات السابقه

فياليت يالطيب ماتحرمنا من مرورك ع المستوي الخامس ومساعدتك لنا وجزاك الله الف خير يالغالي

رد: اخيراً/نزل جدول إختبارات الفصل الدارسي الثاني..

الله يعطيكم العافية

وان شاء الله نثبت على جدول ومايغيرونه