ملتقى طلاب وطالبات جامعة الملك فيصل,جامعة الدمام
صفحة 4 من 12 123 4 56789101112
عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى المواضيع العامة (https://vb.ckfu.org/forumdisplay.php?f=3)
-   -   ظاهرة واقعية .. (https://vb.ckfu.org/showthread.php?t=731979)

Dark Chocolate 2016- 1- 26 04:12 PM
رد: ظاهرة واقعية ..
 
اقتباس:
المشاركة الأصلية كتبت بواسطة مجتهد .. (المشاركة 13140017)
صباحكم الكادي والزعفران ..

أولا ما هو مفهوم الوفاء ؟! وما هي صفاته ؟!!


هل الوفاء بعدم الزواج بعد وفاة الزوجة أو الزوج ؟!


الشرع حلل التعدد في الزواج وزوجاته على قيد الحياة، فما بالك بمن كانت لديه زوجة واحدة ووافاها الأجل؟!


يقول المثل ( عزوبي دهر .. ولا أرمل شهر ) يعني اللي اعتاد على الأنثى ومشاعرها في حياته يكون من الصعب عليه أن يستمر وحيدا بعد أن يفقدها


وبالنسبة للرجل الغربي عنده صاحبات كثار يملون عليه الحياة .. سواء في عمله أو جيرانه أو عائلته أو في المحلات التجارية اللي يزورها دايما أو في الشارع .. يعني ما عنده مشكلة وهذي طبايعهم اللي نشأوا عليها .. الأنثى معاهم في كل مكان من يولد لين يدفنونه


أما عاداتنا وحدودنا الإسلامية تمنع ذلك وأحلت الزواج الشرعي والتعدد .. ولكن يختلف مفهوم الوفاء من شخص لآخر حسب حجم الدراما اللي يبغى يظهر فيها، بعضهم لا ماتت زوجته اعتزل الحريم وجلس حزين طول عمره، والبعض يلحق زوجته من شدة الكآبة يموت، يا أخي الحي أولى من الميت .. الميت يحتاج دعوة صادة وصدقة تفيده في قبره ، ما يحتاج مننا نعيش في حزن وكآبة بسبب فقده لأن هذا لن يفيده بشيء




شكرا لك لافندر على الطرح .. وخل عنكم mbc دراما :biggrin:


مافيش mbc drama احنا mbc drama :hahahahahah:



عموماً للي يقولون تعميم للتوضيح انا ما عممت لكن اودي يكون عندي قصه اعرف ابطالها بالحقيقه عشان اتشيحط عليكم و اقول لكم سنتن من السنين :sm5:

و الا لو خُليت خُربت و اكيد فيه نماذج جميلة للوفاء في مجتمعنا :love080:



بس سوعالي ليه ما احد علق ليه ؟ ليه الارملة الكبيرة يشوفون زواجها كبيره من الكبائر و عيب و شق جيب :Looking_anim:



-

abo jassar 2016- 1- 26 04:25 PM
رد: ظاهرة واقعية ..
 
خلينا نشرشحهم شوي ونطلع حرتنا في هالموضوع

ريمنقو 2016- 1- 26 04:34 PM
رد: ظاهرة واقعية ..
 
السلام عليكم

ان شاء الله لي عوده لقراءة تعليقات الجميع
ولكن الان بضع تعليقي ع الموضوع ..

( أتكلم عن الأغلب ولا اعمم في كل ماقول)
السعودي تعود من صغره ع الاتكال ..
تعود ان المرأه تخدمه حتى كاسة المويه يتعيجز يجيبها
بداية من تربيه الام على ان الابن مايفعل شي يبي اكل يجيه وهو جالس
وأي طلبات تنفذها الام وتعود خواته على هذا الشي وتعوده هو انه يصير اتكالي
عكس الاجانب اغلبهم يقوم بنفسه وعندهم نظام سائد بالبيت كل واحد ينفع نفسه
ويتربون على الخدمة الذاتية وكل واحد مسؤول عن نفسه ..

وانا اشوف ان هذي الاجابه الواقعيه لسؤالك يالافندر عن (هل الاجنبي ماله متطلبات)
حتى اغلب المبتعثين يبلشون اول مايسافرون مايعرفون يمسكون قدر هههههههه

نرجع لمحورنا ..

الاجنبي برأيي اذا حب يخلص في محبته وحتى السعودي
ولكن الفرق بالفكر ..
السعودي حتى وهو مخلص تجيه طواري بالتعدد
وسمعنا قصص كثيره وشفنا بمجتمعنا أزواج محبين لزوجاتهم بينهم عشره عمر
على اخر عمره يتزوج عليها رغم ان الود والمحبه باقيه ، وش السبب ؟

وبعض الازواج مخلصين حتى بعد وفاة الزوجه
ولنا في ابو رشيد مثال الأسبوع الماضي قابله داوود الشريان بالثامنه وتكلم عن سر وفائه لزوجته المتوفيه
حتى اذا جاب طاريها بكى !
اعتقد ان الحب والاخلاص في ابائنا الاوليين هو اصدق من الان




ريمنقو 2016- 1- 26 04:45 PM
رد: ظاهرة واقعية ..
 
اقتباس:
المشاركة الأصلية كتبت بواسطة turki201 (المشاركة 13140137)
الرجل الغربي فالها وموسع صدره في حياتها وتقولي وفاء

اكيد مايبي الزواج دام هذا عمله واطباعه
وبعدين عندهم مبداء وهو ان الزوجة لها نصف الحلال فهو ماصدق انها توكلت يجيب وحده ثانية ليه


اما السعودي مااخذ الثانية علشان عياله ومن يهتم فيهم وفي ناس يتحمل ان يكون ام واب في نفس الوقت ولا ياخذ


اذكر في احدى القنوات السعودية سالو شايب لو خيروك ترجع عشرين سنه ورى وش تتمنى يرجع معاك قالها وبحرقة ترجع معاي ام عيالي وجلس يبكي


ومثله كثير بس ماتطرق لهم الاعلام


تحياتي


اعرف شخص منفصل عن زوجته وابنائه صغار
تكفل في تربيتهم حتى كبروا اللي صار دكتور واللي تدرس بالخارج
وطليقته شافت حياتها وتزوجت غيره بعكسه هو الى الان ماتزوج يمكن له 30 سنه منفصل

بمعنى ان الزواج من اخرى مب شرط يكون تربيه واهتمام

ام حنان 2016- 1- 26 04:50 PM
رد: ظاهرة واقعية ..
 
اقتباس:
المشاركة الأصلية كتبت بواسطة ريمنقو (المشاركة 13140608)

السعودي حتى وهو مخلص تجيه طواري بالتعدد
خلصي فلوسة اول بأول ما يفكر بالتعدد :16.jpg:

ريمنقو 2016- 1- 26 04:57 PM
رد: ظاهرة واقعية ..
 
اقتباس:
المشاركة الأصلية كتبت بواسطة Dark Chocolate (المشاركة 13140563)
مافيش mbc drama احنا mbc drama :hahahahahah:



عموماً للي يقولون تعميم للتوضيح انا ما عممت لكن اودي يكون عندي قصه اعرف ابطالها بالحقيقه عشان اتشيحط عليكم و اقول لكم سنتن من السنين :sm5:

و الا لو خُليت خُربت و اكيد فيه نماذج جميلة للوفاء في مجتمعنا :love080:



بس سوعالي ليه ما احد علق ليه ؟ ليه الارملة الكبيرة يشوفون زواجها كبيره من الكبائر و عيب و شق جيب :Looking_anim:



-

دايم نظرة غالبيه المجتمع متحجره وضيقه وفيها نوع من نقصان العقل
وللاسف مانقص العقول الا من العادات والتقاليد

بصراحه ما مر علي موقف مثل كذا وتو ادري منك ان الارمله عيب تشوف حياتها بما احل الله لها
ولكن مر علي وحده يمكن تزوجت 5 أو 6 مرات وواحدة منها بعد وفاة زوجها
والأمور طبيعيه ومحد شاف هالشي عيب بالعكس من ابسط حقوقها رغم عدم وفائها :cheese:

ريمنقو 2016- 1- 26 05:00 PM
رد: ظاهرة واقعية ..
 
اقتباس:
المشاركة الأصلية كتبت بواسطة ★*σм нαиαи*★ (المشاركة 13140634)
خلصي فلوسة اول بأول ما يفكر بالتعدد :16.jpg:
يقولون لي سعد منهو زوجك لأنك ماتصرفين كثير هههههههههه
أتمنى أكون مثل الباقيات ولكن منطقي ابى ، والوفاء اذا مايجي بطيب مانبيه :hahahahahah:

salman1 2016- 1- 26 05:08 PM
رد: ظاهرة واقعية ..
 
أنا الي بجيب العيد وبخربها كل هذا التهزيئ فينا واسكت

هيه أنتِ وياها شوفوا الكلام الي يجمد ع الشارب

الأجنبي يوم انه وفي مع مرته لاقي

الجمال الرباني الخصر خاتم سليمان

العيون لونها طبيعي البني البحري التركواز الرمادي مو عدسات

و الشعر أشقر القوام عود خيزران

كيف تبوني اكون وفي مع وحده جايبه فلبينية تصلح وجها من الساعه 3 العصر لين الساعه 10 بالليل

تضبط عوامل التعريه والقباحه والبشاعة جايبه وحده تداوم في وجها 7 ساعات وش تسوي ياناس ارحموني :verycute:

كيف تبوني اكون وفي مع وحده تجميع صيني أفكك فيها ليلة العرس هو حنا نفك الفستان الي ناشب في إبطها ولا نفك شعرها الباروكه ولا نفك رموشها ولا نطلع عدساتها ولا نشيل ورق الجدران الي على وجها :Cry111:

وبعد ماننتهي من هذا كله تشوف قدامك حارس استراحه مو زوجه شوي وتقولها وين الجمر :hahahahahah:

ليش اكون وفي في لعبة الخدع البصريه الي تصير هذي خلوكم وفيات معنا نكون وفيين معكم :oao:

الي يقلل من الذكر السعودي اسحقه سحق من على وجه الارض :41jg:

تحيه لذكر السعودي ياجبل مايهزك ريح لا أحد يستحق الوفاء غيرك :d5:

مــطــنــوخ 2016- 1- 26 05:52 PM
رد: ظاهرة واقعية ..
 
المهم أني ما ابدل بنت بلادي ولو وزنها ذهب

عضو محذوف 2016- 1- 26 05:58 PM
رد: ظاهرة واقعية ..
 
اقتباس:
المشاركة الأصلية كتبت بواسطة dark chocolate (المشاركة 13140563)
مافيش mbc drama احنا mbc drama :hahahahahah:



عموماً للي يقولون تعميم للتوضيح انا ما عممت لكن اودي يكون عندي قصه اعرف ابطالها بالحقيقه عشان اتشيحط عليكم و اقول لكم سنتن من السنين :sm5:

و الا لو خُليت خُربت و اكيد فيه نماذج جميلة للوفاء في مجتمعنا :love080:



بس سوعالي ليه ما احد علق ليه ؟ ليه الارملة الكبيرة يشوفون زواجها كبيره من الكبائر و عيب و شق جيب :looking_anim:



-


دااارك



فعلا ليش مو حرام طيب تقعد طول عمرها وحيده وعيالها يتزوجون وبناتها طيب من يأنسها بوحدتها
زي ماتقولون الرجل عادي ومن حقه يتزوج بعد زوجته حتى لو كبير طيب حتى هي
بس لا دايما ينتقدونها
انا مره اناقش امي بهذا الموضوع قالت صعبه بالحيل
كيف تبغين وحده عيالها طولهاوتتزوج كيف قدام عيالها عيب ومايصلح مرره قلت يمه انتم تفكرون بناس بكره بيعيشون حياتهم وانتم الضحيه تقول ماعليه اقلها تضحي عشان عيالها
حتى هم صار عندهم كبيره من الكبائر تتزوج بعد زوجها وماشفت حرمه تاخذ بعد وفاه زوجها وهي كبيره يعني نقول اربعينيه
اول من يوقف بوجهها عيالها 😰
ليش تحللون لانفسكم كل شي وتحرمون على النساء


ارجع واقول انا ماني ضد الي تتوفى زوجته ويتزوج بعدها بس خلافي ع التوقيت السريع بس


All times are GMT +3. الوقت الآن حسب توقيت السعودية: 10:50 AM.
صفحة 4 من 12 123 4 56789101112
عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2025, Jelsoft Enterprises Ltd. جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه