رد: انطباعكم عن أختبار مادة مدخل الى اللغويات (3 / 8 / 1437 هـ)
 

الله يوفق الجميع وتعدي المواد على خير
الاختبار وسط فيه حووسه من ناحيه ببعض الاسئله الدقه الي احس لو راسي آلي ماتذكرها بس الحمدلله
واتوقع افضل شي من هالمستوى استنتجته انو الواحد يطور لغته من خلال الاستماع او البرامج باللغه الانجليزيه
لان اشوف بعض الاسئله تعتمد على فهم اللغه كثيير خاصه من هالمستوى وفوق
وبالتوفيق
ونشوفكم بالمستوى الخامس بهمه عاليه ونجاح ..،

رد: انطباعكم عن أختبار مادة مدخل الى اللغويات (3 / 8 / 1437 هـ)
 

الحمدلله على كل حال
أستاذ المادة كنه داخل تحدي معنا .. يانا يا انتوا

جايب أسئلة من بين السطور والتعاريف شايل كلمة وحاط خيارات صعبة وتشتت
يعني مو مكفيه مادته غثيثة وصعبة وثقيلة دم وراح مكملها علينا الله حسيبه


الله لايوفقه لا هو ولا المحبوب

رد: انطباعكم عن أختبار مادة مدخل الى اللغويات (3 / 8 / 1437 هـ)
 

لا حول و لا قوة إلا بالله

مستوى رابع مستوى دمار و منحوس .

يالله كل شيء يتعوض إلا الصحة .


ما فاتنا هذا الترم نعوضه الأترام الجاية .

الأسئلة ما فيها تكرار و لا شيء من أسئلة السنوات السابقة .

رد: انطباعكم عن أختبار مادة مدخل الى اللغويات (3 / 8 / 1437 هـ)
 

الله لايوفقه لا دنيا ولا اخره
ذاكرتها وراجعتها وماتركت شيء
بس مااااااش
صعبه جدا
لدرجة انك ماتقدر تشغل الجيب ابو عشه وتختار من يركب معك
المره هذي من جد جد صعبه
يامانصحوني لاتاخذها عند المحبوب ×2 بس ركبت راسي خل راسك ينفعك
يالله يارب نعديها
لا من زين وجههم مافيه يوم فاصل بين اختبار امس واليوم
منجد المره هذي يبغون قرنقش
مافيه احد من مستوى 8 يعلمني كيف نجح

رد: انطباعكم عن أختبار مادة مدخل الى اللغويات (3 / 8 / 1437 هـ)
 

ليتها وقفت على عدم التكرار بمستوى رابع
حتى المراقبين زززفففتتت فوق مانتصور
نبي مراقبين باكستانيه

رد: انطباعكم عن أختبار مادة مدخل الى اللغويات (3 / 8 / 1437 هـ)
 

-

غسّان وما ادراك ما غسّان :139:

لو تذاكرون الماده من اول الترم ,

اسئلته وغثاثته بالاسئله هي هي :41jg:

ربنا و ربهم الله ..

اشوى اني مارجعت اخذذها مره ثانيه هالترم

ولا كان حملتها مرتين على التوالي :5aga:

المهم وسعوا صدوركم وكل شي مكتوب اولا واخراً

علينا فعل الاسباب والتوكل والباقي على الله

وعلى البركه الانتهاء من الاختبارات

ومبارك عليكم الشهر مقدما ً الله يبلغنا اياه لافاقدين ولا مفقودين

واجازه سعيده للجميع :icon1:

رد: انطباعكم عن أختبار مادة مدخل الى اللغويات (3 / 8 / 1437 هـ)
 

فانتظار الاسئله نبي الاجابات الله يسعدكم

رد: انطباعكم عن أختبار مادة مدخل الى اللغويات (3 / 8 / 1437 هـ)
 

انا صورت الاختبار
اللي يبي ارسله له يزبطه وينزله

رد: انطباعكم عن أختبار مادة مدخل الى اللغويات (3 / 8 / 1437 هـ)
 

يالله الحمد لله على كل حال ...
الله يزينها من عنده ...
وحاب اشكر الجميع على مساعدتهم لنا في هذا المستوى من محتويات وشروحات وأسئلة ومن جميع النواحي ..
الله يجزاكم كل الخير ويوفقني وإياكم لما فيه خير للبلاد والعباد ...
ومبارك عليكم الشهر من الآن ..

نلتقي بالمستوى الخامس على خير بإذن الله :rose:

رد: انطباعكم عن أختبار مادة مدخل الى اللغويات (3 / 8 / 1437 هـ)
 

الحمد لله على كل حال .. أسئلة صعبة وجليب العيد بالمواد الي من 3 ساعات والحياه حلوه معدلي بينزل فالقاع
ونقول الحياه حلوه .............المهم وش بتسوون فالانشاء والتعبير 2 ... مع الدكتور الفاضل محبوب (مكروه)