ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)
-   ملتقى التعليم عن بعد جامعة الإمام عبدالرحمن (الدمام) (https://vb.ckfu.org/forumdisplay.php?f=297)
-   -   [ عمل خبر صحفي ]- طلاب قسم علم الإجتماع المستوفين لشروط الإنتظام ،، (https://vb.ckfu.org/showthread.php?t=478610)

ريمنقو 2013- 7- 21 05:43 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
اخوآتي ياليت تستعجلون وتروحون للكلية وتشوفون الاسباب وتعليق كل مسؤوله
وارسلوآ لي اسمائكم علشان اوصلها لاخوي صعب

صَعب 2013- 7- 21 06:03 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
اقتباس:

المشاركة الأصلية كتبت بواسطة ريمنقو (المشاركة 9273932)
اخوآتي ياليت تستعجلون وتروحون للكلية وتشوفون الاسباب وتعليق كل مسؤوله
وارسلوآ لي اسمائكم علشان اوصلها لاخوي صعب

الله يسعدك ما قصرتي ريمنقو ، الله يجعلها في ميزان أعمالك هذي الوقفه ،،

أنا لو في الشرقية كان رحت بنفسي ولكني مسافر ،، أتمنى يتجاوبو لو حابين ننقل لهم موضوعهم ،،

عطرالحروف 2013- 7- 21 06:11 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
موفقين :16:

القادم اجمل 2013- 7- 21 06:22 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
اوك رمينقو بنرسل

بس حابه الموضوع اذا نزل يكون محتواه انو يطالب بحقوقنا با?نتظام. يعني دفعتنا مو موضوع يكون عبره واحنا نكون الضحيه يعني مثل موضوع الدراسات التطبيقيه اللي استفاد هذي الدفعه اما اللي انظلموا قبل راح حقهم"ياليت اللي يكتب الموضوع يوضح هالنقطه"


شاكررررين لكم جهودكم

ريمنقو 2013- 7- 21 06:29 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
ماراح يقصر اخوي صعب ..

صَعب 2013- 7- 21 06:36 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
اقتباس:

المشاركة الأصلية كتبت بواسطة القادم اجمل (المشاركة 9274132)
اوك رمينقو بنرسل

بس حابه الموضوع اذا نزل يكون محتواه انو يطالب بحقوقنا با?نتظام. يعني دفعتنا مو موضوع يكون عبره واحنا نكون الضحيه يعني مثل موضوع الدراسات التطبيقيه اللي استفاد هذي الدفعه اما اللي انظلموا قبل راح حقهم"ياليت اللي يكتب الموضوع يوضح هالنقطه"


شاكررررين لكم جهودكم

أوعدكم بعنوان يكون قد الحدث ويشرح الواقع المرير كما هو إن شآء الله ،،
بكل تأكيد سَ يكون عنوانة المُطالبة بحقوقكم ، ولكن ليست الجريدة من سَ يُحضر لكم حقوقكم ، الجريدة مجرد وسيلة لإيصال أصواتكم للجهات المعنّية وللمجتمع بشكل عام ،، تستطيعون التقدم بشكوى لديوان المظالم بخصوص هذا الموضوع ، هو الجهه الرسمية الخاصة بالفصل بين المواطنين والجهات الحكومية ،،

تمنياتي أن تتجاوب الكلية مع شكواكم وتأخذها بعين الإعتبار ، أما من هم بعدكم فَ لكم الأجر إن كنتم سبباً في توفيقهم بعد الله تعالى وسَ ينالكم من ذلك التوفيق نصيب ،،

- نحنُ ندعوا للدفعة التي سبقتنا ليلاً ونهاراً ، لأنهم مهدوا لنا طريقاً وتعاونوا معنا بكل ما أستطاعوا ،، اسأل الله عز وجل أن يرزقهم من فضله ويُغدق عليهم بكرمه ،، إنه أكرم الأكرمين ،،

ESZ 2013- 7- 21 06:44 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
ممممرا شككككرا صعب انساك الله يوفقك :16:

★حًےـلٱ ٱلروِحًے★ 2013- 7- 21 07:03 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
صعب انساك شكر لك من الاعماق والله مراح ننسى لكم هالوقفه ..:16:

بالنسبه للأخت سبرادو اشك انها هي المسؤوله >> :hahahahahah:

القادم اجمل 2013- 7- 21 08:26 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
جزاك الله الف خير

Dr. nsroon 2013- 7- 21 09:25 AM

رد: [ عمل خبر صحفي ]- طلاب قسم علم الإجتماع المستوفين لشروط الإنتظام ،،
 
سبرادو اللي يده بالنار موب مثل اللي يده بالماي
لو كنتي مكان الطلبة ما كان قلتي اللي قلتيه
دام الكلية ما تقدر تقبل الطلاب كان وضحوا قبل
التسجيل ان كلية اداب تخصص علم اجتماع لا تقبل التحويل للانتظام
اقلها اللي طموحه انتظام ما ينخدع ويتم رفضه وهو مستوفي كامل الشروط


اما بسالفة كان جابوا نسبه بالثانوي عشان يسجلون انتظام
اعتقد فيه شيء اسمه قدرات وتحصيلي تخفس بأم المعدل
اختي نسبتها 93 بالثانوي تقبلها اي جامعة بس مع القدرات والتحصيلي انخفس معدلها لـ 83
تخيلي ان 10% انخفست من معدلها ما بتخليها تحقق طموحها

وراح تنحد على مستقبل ما تبيه ؟؟
اذا انتي عادي عندك تتخبطين بمستقبلك وتمشين بأي طريق لمجرد انك ما توقفين
فـ غيرك راسم لنفسه خطه ومستقبل وبيمشي عليه اذا ربي اراد رغم انف الجميع
انك تستسلمين وتقولين بس بمشي على المكتوب هذا غلط .. تدرين مين اللي يستسلم للقدر هم الجبرية فرقة ضالة

ترى فيه شيء اسمه الاخذ بالاسباب و واجب علينا نأخذ بالاسباب ..
اذا هم عندهم القدرة ياخذون حقهم او اضعف الايمان يحذرون غيرهم من الوقوع بنفس خطأهم

مين انا ومين انتي عشان نحاول نثنيهم ؟!
ياليت قبل لا تردين تفهمين انك قاعده تتكلمين عن مستقبلهم وكأنه شيء تافه
واتمنى اتمنى اتمنى تحترمين الاطلاب وتحترمين مسعاهم لمستقبلهم

اعتذر على الاطالة بس ردودك شدتني وعلى فكرة مابعد قريت ردودهم عليك
ولي عوده لقراءة ردودهم واللي اتوقع ان لهم نفس رأيي ولي نفس رأيهم

واذا بتقولين اني مع اللي يقول غلط لان الجماعة قالوا غلط
فأحب اوضح لك ان اعضاء هالقسم هم اكثر ناس يعرفون اش قد ردودي كانت دائمًا مخالفتهم


All times are GMT +3. الوقت الآن حسب توقيت السعودية: 09:17 PM.

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه