|
رد: حِكَآيه عَتِيقَه ... *
_ أكره شي تعرفون اللي كنت مروّقه و دايركت على المدونه بخاطري كلام وقاعده أنسق على أساس أكتب بوح وَ كذا .. و حاطه رابط ميوزيك و داخله عالم ثاني و خلاص خلاص خلصت التنسيق حق المشاركه بأسوّي " اضافة الرد " مع المعلوميه أن الكلام اللي كتبته مانسخته على قولتهم ارتجالي .. وَ أضغط الزر المشؤوم و يطير اللي سويته ليه ؟! عشان أوخيتنا في الله " اللي هي أنا " ما سجّلت دخول .. أكره الحماس , أكره الحماس , أكره الحماس الزايد |
رد: حِكَآيه عَتِيقَه ... *
http://store2.up-00.com/Sep13/fsx23124.jpg هذه الصوره .. و هذا الرابط .. ميوزيك طبعاً اللي حاب يسمع مزاجي الحين يضغط عليه يفتح معه و اللي مايسمع لايضغط عليه .. #بوح _ كثير أشياء تشبه لك .. ذكريات أكبر من غيابك القاسي تشفع لك .. الصبح يحكي لي عنك .. وَ هالمكان .. يا أن الاماكن مشتاقه تسمع ضحكاتنا .. و الورود اللي منك انحنت .. نسيت تسقيها ! ترا الأوطان تحتاج راعيها .. والله أن قلبي لك وطن .. وَ أكبر وطن .. لو عيونك ماتصدّق حكي الحروف .. تصدّقني لآ قلت لك : كثير أشياء تشبه لك .. شفت الصبح و الوطن .. هالمكان و هاللحن .. أيه يشبه لك .. كبر الحنين اللي بصدري لك .. صدّقني .. كثير أشياء تشبه لك وَ أحبها :004: ^ يقولون الكلام اللي يطلع من القلب يوصل القلب .. و هذا كلام بلحظته كتبته بدون أي تعديل بعفويه تامه .. :icon9: جوّي مأساوي أدري .. أصلاً اليوم خميس .. ماقلتوا لي شخباركم ؟ .. وحشتوني :verycute::004: |
رد: حِكَآيه عَتِيقَه ... *
_
يسعد مساكم .. ماتوقع في حداً أسعد منيّ اليوم .. الحمدلله رب العالمين الشيّ اللي ماتتوقعه يصير يصير .. وَ أجمل شي .. طبعاً تسألون وش صار معي ؟ أنا أعلمكم .. سلّمكم الله تخصصي أحياء و هالسنه بما أني خرّيجه لزوم آخذ مشروع التخرج .. كنت أبيه مع دكتوره معينه و بالتسجيل صارت حوووسه و قفلت عنيّ الدكتوره اللي أبيها .. وَ سجلّوني الشؤون مع دكتور ما كنت مقتنعه فيه لأن اصلاً مادرست عنده .. بس قلت أكيد أن فيه خيره اللي تسجلت معه و كذا .. أول ماجتمعنا معه .. قسّمنا و عطنا ذيك المحاضره اللي تفتح النفس .. ههههههههههه جد حسيت أني كبرت و خلاص الـ4 سنوات قضت يعني هالبحث بيكون تعب سنين قبل و هيكك يعني أحساس لا تخرجتوا حسيتوه و اللي تخرجوا عارفين وش اقصد :p ما لكم بالطويله هههههه .. الدكتور طبعاً اختار لنا مواضيع عن الطفيليات بشكل عام و ياحليله ما اجبرنا عليها .. بس من زود الذرابه انا داخلياً كنت معترضه و مو عاجبن الموضوع .. وشفت محد تكلم قلت اسكت ابرك اليوم الله يسلّمه وَ يسعد قلبه مثل ما ادخل السرور على قلبي .. غيّر الموضوع هو بنفس القسم عن الطفيليات بس عن داء و طفيل معين .. حبيته و من زود حماسي أول مارجعت رحت كتبت لسته عن المراجع عشان ابحث فيه .. الموضوع الاول 4 اسابيع ولا لي خلق حتى اقلب صفحه .. الحمدلله .. ماكنتش متوقّعه خالص انه يغيّر الموضوع *دموع تماسيح* وَ بسس .. دعواتكم الله ييسرلنا هالبحث وَ نبدّع فيه و الجميع يارب *ورده* |
رد: حِكَآيه عَتِيقَه ... *
يَ زينك وَ مرورك :004: ..
Maryam alshehri |
رد: حِكَآيه عَتِيقَه ... *
_
وَ أن جيت احكي تلعثمت بشهقات البكى .. وش رآيك باللي مشتاق لك .. ساكت ما حكى ! يَ خلّي .. لآ تبعد .. ما للبعد ضمير .. وَ لا الفراق .. مادامك وفيت .. وَ أن السراب اللي سكن هالحكي .. أنت .. وين غايب .. ؟ أبد ماغبت أنت بقلبي مثل ما كنت .. أنت .. أنت بأحساسي وَ عندي .. بأحساسك منت أنا لو ما غيابك .. يضيّعني .. يحسسني بحجم هالكون و ضآئلة الناس حولك .. ما حكيت وَ كتبت ..! ألا يَ خلّي .. لآ تبعد .. أشتاق لي وَ أرجع .. وَ قل أن هالغياب .. ماضي و بانساه لعيونك .. وَ أنك لديرتك حنّيت .. وَ في بُعدي تغّربت .. صحيح .. اللي مضى سراب .. أنا له توّهمت ! أنت معي .. ساكن فيني قبل عيني .. وش أذا مافارقتني و لآ غبت .. وش إذا لو كل الحكي كذب .. و أنت قدامي .. لآ كتبت و لآ سهرت ولآ بكيت ..! #besho |
رد: حِكَآيه عَتِيقَه ... *
_ أن تكون بجانبي طوال الوقت .. و تُعقد أصابعنا لآ ارادياً ببعض .. تحت ظل شجره .. أو على رصيف يطلّ على البحر .. نتجاذب أطراف الحديث .. وَ تكن آخر وَ أول أمنياتي أنت .. أن أخبرك عن جنوني و طيشي وَ عني .. و أيامً عشتها قبلك كانت بعدد الشيب في رأس أُميّ .. تُراني ماذا فعلت لأستحقك ؟ آ ترى تلك المركبه البعيده العائمه على سطح الماء .. تلك هي أنا .. عائمه على كوكب الأرض .. وَ كأني إناءٌ بالسعاده مغمور .. حتى بدأت ابتساماتي تتساقط.. وَ عيناي تتلألئ فرحاً .. هي السعاده وحدها أن اُعطيت زادت .. وَ أنا أقتسمت فرحي معك .. بل عمري وَ حياتي .. أن أراك تبتسم وَ يتباهى الصدى بضحكتك .. حتى تنزاح غيمه حجبت الشمس عنك .. ينعكس لون عينيك العسلي وَ تضيء ابتسامتك بقية يومي .. أن تكون لي ماحُييت .. وَ أن أكون لك ما طال عمري .. #besho |
رد: حِكَآيه عَتِيقَه ... *
_ يسعد صباحكم .. وَ كل سنه و أنتو طيبين و بخير ينعاد علينا وَ عليكم بكل خير وَ صحه و سلامه يارب :mh001::004: |
رد: حِكَآيه عَتِيقَه ... *
_ مرحبتين .. وش اخباركم ؟ كيف عيدكم ..؟ :verycute::verycute: اللي خلّص عيدهم ترا انا مثلكم هههههههه بح خلص العيد عندنا من الصبح نتشفط بهالقهوه و نآكل من هالحلاو .. الله يديمها نعمه .. :(160): طبعاً على قولتهم عيد " لحم " مافيش عيديات صحيح أني كبيره بس قلبي طفل صغير :(117): ما علينا ربي يتقبل منا و منكم صالح الاعمال و الله يعوده علينا و عليكم بصحه و عافيه لآ فاقدين ولآ مفقودين :004::004: |
رد: حِكَآيه عَتِيقَه ... *
_ عادي .. يمرّ هالعيد دونك .. أبتسم و بنظرتي كتلة أحزان .. وَ عادي .. يمرّ الوقت .. أنتظرك .. صدّقني عادي .. يكون هالعيد و كل عيد ضيف حزين و هادي .. فراقك أنا ما اطيقه .. ياللي تزعل من بعادي .. وَ عادي أن طال انتظاري .. بس أردد : يردّك لي كل الاعوام يَ أجمل اعيادي .. ^ شخبوطه مش أدّ المقام .. بس عن خاطري |
رد: حِكَآيه عَتِيقَه ... *
_
استودعكم الله الذي لاتضيع ودائعه .. غياب إلى أجلٍ مُسمّى :rose: |
| All times are GMT +3. الوقت الآن حسب توقيت السعودية: 12:03 AM. |
Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك
الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه