رد: منّـي وإلـيّ والبعـض لكــم ~~~
 

هذا فلان !


تشوفه هو وزوجته في المطاعم المكشوفة والمقاهي وماخذين راحتهم

يتمشون واليدين متشابكة ..


تابعت اكثر من واحد اعرفه وقلت بشوف ردة فعلهم

الاول راعي المطعم والكفي ماشي الله يستر عليه وماخذ راحته

المهم واجهته وهو ماسك يد زوجته .. :71:

تمنى الموت يوم شافني :biggrin:

الرجال نفض يده تقول ماسكه كهرب احمر وعرق وجه وخذني بعيد

وسلم ويتكلم ولايدري وش يقول :sm5:

المهم انه ضيع اهله واشوفه يدورهم :biggrin:

السبب هذا فلان !


الثاني دخل المطعم وحضرتي مسنتر قبله واتعشا جلسوا وراي وشفتهم

في المراية اللي قدامي :33_asmilies-com:

قلت بصبر لين يطلبون وبعدين بطلع على الساحة اشوف ردة الفعل

مريت من عندهم كني ماشتفهم ولا اسمع الا صوت قرقعة الطاولة

وصلت باب المغاسل ورجعت ثانية وهو يشوف وصوت القرقعة يزيد :biggrin:
مامداني اتعداه الا وهو منحاش من المطعم .. طيب والعشاء اللي طلبته :biggrin:


ونفس السبب هذا فلان !

رد: منّـي وإلـيّ والبعـض لكــم ~~~
 

شجاع من يملك سرعة اتخاذ القرار .


لاضاعت الفرصة ترى الموت حسرات ...

رد: منّـي وإلـيّ والبعـض لكــم ~~~
 

مرت علينا ونظرة العين بالعين
مدري تناظر عيني ولا رفيقي

غطى ذهول العين من نظرة الزين
يا ليت من هو من خياله يفيقي

ناظرت جنبي قلت يا صاحبي وين
قال إلحق اللي في بحرها غريقي

حنا تقاسمنا الشقا بيننا البين
حملتنا يا الزين مالا نطيقي

عز الله إني صرت في موقف ٍ شين
لو اشرب النهرين ما بل ريقي

ماعاد باقي في المدينه عناوين
ضيعت فكري وضاع مني طريقي

اثر المحبه هي واهلها مساكين
حنا ترانا مثلهم يا صديقي

لاعاد تنشد ويننا والهوى وين
معك التحيه يا الغرام الحقيقي



#ساري

رد: منّـي وإلـيّ والبعـض لكــم ~~~
 

من الساعة 5 والدنيا ليل

ذبحنا العج :sm5:

تولموا ياهل الرياض جايكم العج في الطريق :53:

اللَّهُمَّ إِنِّي أَسأَلك خَيرهَا وَخير مَا فِيهَا وَخير مَا أرْسلت بِهِ وَأَعُوذ بك من شَرها وَشر مَا فِيهَا وَشر مَا أرْسلت بِهِ .

رد: منّـي وإلـيّ والبعـض لكــم ~~~
 

تجيك دعوة لمناسبة من البعض وياكثرها وتلبيها تقدير لاصحابها

لكن تتفاجأ عند حضورك في مجالسهم ان مافيه الا انت والمعزومين

وراعي العزيمة ماحضر

فتحوا لكم الباب وراحوا وخلوكم في مجالسهم :sm4:

بعضهم جيد يجي ويقول لضيوفه حياكم الله وينحاش :53:

وبعضهم يتنقى ضيوفه ويقهويهم :139:

وانت واللي معك في المجلس ماتدرون وش السالفة:sm5:

ليه عازمنا ؟ وشفيه راح وخلانا في بيته؟ نجلس والا نمشي ؟ :(107):


اذا عزمت اكرم ضيفك .. او لا تدعي الكرم :(204):

عزيزي الزائر :
لو كنت من المعزومين وش ردة فعلك ؟

بنتظر اجوبتكم في التقييم

شكلي بترك المناسبات والعزايم .. او محد عازمني من اليوم :(99):

رد: منّـي وإلـيّ والبعـض لكــم ~~~
 

بعض التغيرات تتمنى أنها حدثت باكرا..

ولكنها تظل جميلة حتى وأن حدثت متأخرة ..

رد: منّـي وإلـيّ والبعـض لكــم ~~~
 

أكبر عدو للشخص وأشد فتكا به .. أن يجهل نفسه

#ماذا أريد ؟

#ماذا بعد ؟

رد: منّـي وإلـيّ والبعـض لكــم ~~~
 

أغبط من يدون يومه بكل تفاصيله في نهاية كل ليلة

كتابة اليوميات

تمنيت أن أستمر فيها وبجدية

جربتها لفترة ، لكن تفاصيل اليوم أحيان أتركها لبكره وإذا جاء بكره نسيت تفاصيل أمس :sm5:

حتى الملف ضاع

رد: منّـي وإلـيّ والبعـض لكــم ~~~
 

صبرك على بعض المشاريه شدّه
وصبرك على بعض الآوادم مُعاناه

أحدٍ .. إذا عدّيت ربعك تعدّه
وأحد .. إذا عدّيت ربعك تعدّاه

رد: منّـي وإلـيّ والبعـض لكــم ~~~
 

من بعض الاجابات اللي وصلت يبدو ان الفكرة لم تتضح او اني مااستطعت توضيحها


طيب ،
لو كانت الدعوة او المناسبة المدعو لها في الحياة الافتراضية مثلا هنا في الملتقى ؟