ملتقى طلاب وطالبات جامعة الملك فيصل,جامعة الدمام - يا جامعتنا الموقرة : ديوان الخدمة المدنية لم يعترف بشهادتكم !!

صفحة 8 من 14

عرض 100 مشاركات من هذا الموضوع لكل صفحة

ملتقى طلاب وطالبات جامعة الملك فيصل,جامعة الدمام (https://vb.ckfu.org/index.php)

- ملتقى طلاب التعليم عن بعد جامعة الملك فيصل (https://vb.ckfu.org/forumdisplay.php?f=183)

- - يا جامعتنا الموقرة : ديوان الخدمة المدنية لم يعترف بشهادتكم !! (https://vb.ckfu.org/showthread.php?t=475721)

شمري جنتل

2013- 7- 10 09:53 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

السلام عليكم ورحمة الله
بلغنا وياكم رمضان وتقبل الله منا ومنكم صيامنا وقيامنا
وأللبسنا لباس الصحه والعافيه,,,

حطمتنوني صراحه كنت متحمس اسجل ويكشخوني بعد 4 سنين بالبشت ان شاء الله

لكن تدرون شلون بسجل والاوضاع ضايعه من زمان مو الحين
اقل شي تطلع بشهاده راح تنفعك بالمستقبل

وبعد 4 سنين يحلها رب العالمين اذا حنا باقي على قيد الحياه

تفائلوا بالخير والرزق مقسوم لك سواء بشهاده والا بدونها

تحياتي/ شمري جنتل

محارب الوغى

2013- 7- 10 09:57 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

سألت صديقي لانه متخرج من جامعة الإمام محمد بن سعود تخصص دعوة وتعليم عن بعد ايضاً
قلت له لما قدمت شهادتك للخدمة المدنية هل تم قبولها أم رفضها ؟
قال تم قبولها عادي جدا ومافي اي اشكال في هالموضوع
قلت خلاص
لانه في ناس اقلقت صحتنا في الملتقى :16:

طموح فتاه

2013- 7- 10 10:04 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

اقتباس:

المشاركة الأصلية كتبت بواسطة كنت نايم (المشاركة 9233349)

النجار والفريدان ذكرو بأن مسمى الشهادة " انتساب " وليس تعليم عن بعد ... وهذا اللي نبيييييه

مسمى الانتساب معترف به في الخدمة المدنية ووزارة التعليم العالي
مسمى التعليم عن بعد غير معترف به وقيد الدراسة في وزارة الخدمة المدنية والتعليم العالي.

خلوو صوتكم واحد ... نبي اسم الشهادة انتساب، معها تقدر تكمل دراستك وتقدم لوظائف الخدمة المدنية وتحسن وضعك الوظيفي في الخدمة المدنية

إلى الان الوضع سليم وكل شيء تمام .. بناء على كلام مسؤولي الجامعة بأنها انتساب

طيب وزارة الخدمة المدنيه وغيرها كيف يفرقو بينا وبين أصحاب الانتساب القديم أول ماطلع الكليه زحمه طق وضرب من كثر الزحمة وأعرف بنات تخرجو من الانتساب القديم وقالولهم الشهاده مو متعرف بها لأنها انتساب

طموح فتاه

2013- 7- 10 10:07 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

اقتباس:

المشاركة الأصلية كتبت بواسطة 7anan_s3d (المشاركة 9232298)

انا مثلكم تفاجئت بالخبر
لان مديرتي في الدوام صعقتني بهذا الخبر
قالت لو جبتي الشهاده من جامعة فيصل ماراح يتغير وضعك لانها مو معتمده من الديوان
فقط جامعة الامام هي اللي معتمده من الديوان

يعني جامعتنا المصونه لما يقولون لك انها معتمده قصدهم فقط من التعليم العالي وليس الديوان
علشان كذا انا انتظر لما اوصل مستوى خامس واحول للامام
حرام يروح التعب على الفاضي :10::12:

ليش جامعة هنود وإدره صوماليه ولا عميد باكستاني حتى تكون مو معترفه

7anan_s3d

2013- 7- 11 12:25 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

اقتباس:

المشاركة الأصلية كتبت بواسطة طموح فتاه (المشاركة 9234239)

ليش جامعة هنود وإدره صوماليه ولا عميد باكستاني حتى تكون مو معترفه

والله ياعزيزتي الظاهر انها كذا

واذا مو عاجبك الكلام اسالي اي احد في الخدمه المدنيه ويعطيك الجواب الشافي والكافي
وضع جامعتنا تحت الدراسه
وطبعن عندنا اي موضوع تحت الدراسه يبيله على الاقل 10 سنين
ووقتها يكون طارت الطيور بارزاقها

7anan_s3d

2013- 7- 11 12:27 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

اقتباس:

المشاركة الأصلية كتبت بواسطة محارب الوغى (المشاركة 9234228)

نعم جامعة الامام معترف فيها في التعليم العالي و الخدمه المدنيه
لكن جامعتنا وجامعة الملك عبد العزيز
تحت الدراسه

الطالب الموهوب

2013- 7- 11 12:54 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

اقتباس:

المشاركة الأصلية كتبت بواسطة 7anan_s3d (المشاركة 9235530)

هلا هلا خوش دراسة اجل الله يعينا على الخطط الخمسية بعد خمسين سنة .

الراقي222

2013- 7- 11 04:30 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

الله لايشغلنا الا في طاعته ..ياجماعه الخير هي انشالله معتمده لكن في التدريس لا فقط

نبض المعالي

2013- 7- 11 04:46 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

الواضح من اغلب الردود وحسب ماعتقد ان الشهادة معتمدة ومرحب بها في جميع الوظائف
بإستثناء التعليم ودا شي جميل
وبالتوفيق للجميع :16:

عبير .

2013- 7- 11 05:01 AM

رد: يا جامعتنا الموقرة : ديوان الخدمة المدنية لم يعترف بشهادتكم !!

من جدهم ذولي !
اذا هم مايقبلونا انتظام و لا يخلونا ندرس انتساب و لا لها مستقبل وش نسوي نموت مثلاً ماندرس !!

All times are GMT +3. الوقت الآن حسب توقيت السعودية: 03:10 PM.

صفحة 8 من 14

عرض 100 مشاركات من هذا الموضوع لكل صفحة

Powered by vBulletin® Version 3.8.7, Copyright ©2000 - 2024, Jelsoft Enterprises Ltd. جامعة الملك الفيصل,جامعة الدمام
المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه