،
،
،

كلنا نبي صيفي اذا مو ثلاث ارباعنا
اللحين اللي قال لك بسبب المراكز مااستحى وهو يقولها ، وش هالعذر البايخ
عيب جامعه طول بعرض يصعب عليها تجهز مكان لطلابها
بس ماببراسهم صيفي اصلاً

غلط انهم يقتصرون هالقرار على مدينه معينه لاسباب كثيرة :
1- الموظفين اللي مايقدرون ياخذون اجازات الا يوم الاختبار بس ( مع انهم الاحق بالصيفي) .

2- البنات اللي ماعندهم رجال سواء( اخ اب او زوج ) كيف تسافر للاحساء وتستاجر بيت يلمها .

3- فيه مرضى مايقدرون يبعدون عن مستشفياتهم واختباراتنا اسبوعين .

4- فيه شايب وعجوز مايقدرون يستغنون عن عيالهم اللي يخدمونهم .
.
.
.
.
واسباب كثيره جداً ، سبق وقالوا لطالب ان الدكاتره ياخذون اجازات
بعد هذا سبب بايخ
وهم مافكروا بالفكره ولاهي ضمن حساباتهم عشان يتخذون فيها قرارات ، يقدرون يرتبون مراكز بالجامعات او المعاهد الاهليه مو صعبه ابداً ابداً .
،
،
لو يصير فيه صيفي يمكن انا اول وحده اروح للاحساء بس مايصير ننسى اخواننا وخواتنا اللي مايقدرون .


شكراً لك صاحبه الموضوع وربي يحقق امنياتك ويفرحنا واياك :rose::rose: